ಪ್ರತಿ ರಾತ್ರಿ ಅಳುತ್ತಿದ್ದೆ, ತಿಂಗಳುಗಳ ಕಾಲ ನಿದ್ದೆ ಇರಲಿಲ್ಲ: ಕೆಟ್ಟ ದಿನ ನೆನೆದ ಕರೀನಾ
Kareena Kapoor: ಕಪೂರ್ ಕುಟುಂಬದ ಕುಡಿ ಕರೀನಾ ಕಪೂರ್ಗೆ ಸುಲಭವಾಗಿ ಚಿತ್ರರಂಗಕ್ಕೆ ಎಂಟ್ರಿ ದೊರಕಿತು, ದೊಡ್ಡ ಸಿನಿಮಾಗಳು ಸುಲಭವಾಗಿ ದೊರೆತವು. ಆದರೆ ಕರೀನಾರ ಚಿತ್ರರಂಗದ ಪಯಣ ಹೂವ ಹಾಸಿಗೆ ಆಗಿರಲಿಲ್ಲ. ಕರೀನಾ ತಮ್ಮ ಕಷ್ಟದ ದಿನಗಳನ್ನು ನೆನಪು ಮಾಡಿಕೊಂಡಿದ್ದಾರೆ.
ಬಾಲಿವುಡ್ ನಟಿ ಕರೀನಾ ಕಪೂರ್ ಎರಡು ದಶಕಕ್ಕೂ ಹೆಚ್ಚು ಸಮಯದಲ್ಲಿ ಬಾಲಿವುಡ್ನಲ್ಲಿದ್ದಾರೆ. ಈಗಲೂ ಸಹ ಬೇಡಿಕೆ ಉಳಿಸಿಕೊಂಡಿದ್ದಾರೆ. ಒಂದರ ಹಿಂದೊಂದು ಸಿನಿಮಾಗಳನ್ನು ಮಾಡುತ್ತಿದ್ದಾರೆ.
ಬಾಲಿವುಡ್ನ ಎಲ್ಲ ಸೂಪರ್ ಸ್ಟಾರ್ಗಳೊಟ್ಟಿಗೆ ನಟಿಸಿರುವ ಕರೀನಾ ಕಪೂರ್, ಭಾರಿ ದೊಡ್ಡ ದೊಡ್ಡ ಸೂಪರ್ ಹಿಟ್ ಸಿನಿಮಾಗಳನ್ನು ಖಾತೆಗೆ ಹಾಕಿಕೊಂಡಿದ್ದಾರೆ.
ಭಾರಿ ದೊಡ್ಡ ಕುಟುಂಬದಿಂದ ಬಂದ, ಸಿನಿಮಾ ಹಿನ್ನೆಲೆಯುಳ್ಳ ಕರೀನಾಗೆ ಚಿತ್ರರಂಗದ ಎಂಟ್ರಿ ಹೂವ ಹಾಸಿಗೆಯಾಗಿತ್ತು. ಒಂದರ ಮೇಲೊಂದು ಅವಕಾಶಗಳು ದೊರೆತವು. ಹಾಗಿದ್ದರೂ ಸಹ ಕರೀನಾ ಕಷ್ಟದ ದಿನಗಳನ್ನು ಕಂಡಿದ್ದಾರಂತೆ.
ಸಂದರ್ಶನದಲ್ಲಿ ಕರೀನಾ ಹೇಳಿಕೊಂಡಿರುವಂತೆ ‘ಜಬ್ ವಿ ಮೆಟ್’ ಸಿನಿಮಾಕ್ಕೆ ಮುನ್ನ ನನ್ನ ಹಲವು ಸಿನಿಮಾಗಳು ಫ್ಲಾಪ್ ಆಗಿದ್ದವು. ನನಗೇ ನನ್ನ ಮೇಲೆ ಅನುಮಾನ ಬಂದಿತ್ತು ಎಂದಿದ್ದಾರೆ.
ಪ್ರತಿ ದಿನ ರಾತ್ರಿ ನಾನು ಅಳುತ್ತಿದ್ದೆ, ತಿಂಗಳುಗಳ ಕಾಲ ನಿದ್ದೆಯೇ ಸರಿಯಾಗಿ ಮಾಡಿರಲಿಲ್ಲ. ಕೊನೆಗೆ ನಾನು ಸಿನಿಮಾಗಳಿಂದ ಬಿಡುವು ಪಡೆದು ಆಯ್ಕೆಯನ್ನು ಬದಲಾಯಿಸಿಕೊಳ್ಳಲು ನಿಶ್ಚಯಿಸಿದೆ ಎಂದಿದ್ದಾರೆ ಕರೀನಾ.
ಅದು ನನಗೆ ಸಹಾಯ ಮಾಡಿತು. ಅದಾದ ಬಳಿಕ ನಾನು ‘ಜಬ್ ವಿ ಮೆಟ್’ ಮಾಡಿದೆ ಅಲ್ಲಿಂದ ಮತ್ತೆ ವೃತ್ತಿಯ ಗ್ರಾಫು ಮೇಲೇರಲು ಪ್ರಾರಂಭವಾಯ್ತು ಎಂದು ನೆನಪು ಮಾಡಿಕೊಂಡಿದ್ದಾರೆ ಕರೀನಾ ಕಪೂರ್.
ಕರೀನಾ ಕಪೂರ್ ಪ್ರಸ್ತುತ ‘ಕ್ರೀವ್’, ‘ಸಿಂಘಂ ಅಗೇನ್’ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಯಶ್ ನಟನೆಯ ‘ಟಾಕ್ಸಿಕ್’ ಸಿನಿಮಾನಲ್ಲಿಯೂ ಕರೀನಾ ನಟಿಸುತ್ತಾರೆ ಎನ್ನಲಾಗುತ್ತಿದೆ.