Kia EV6: ಭಾರತದಲ್ಲಿ 528 ಕಿ.ಮೀ ಮೈಲೇಜ್ ನೀಡುವ ಹೊಸ ಕಾರು ಬಿಡುಗಡೆ
Kia EV6 electric vehicle: ವೈರ್ಲೆಸ್ ಚಾರ್ಜಿಂಗ್, ಎಲೆಕ್ಟ್ರಿಕ್ ಸನ್ರೂಫ್, ಆಂಬಿಯೆಂಟ್ ಲೈಟಿಂಗ್ ಮತ್ತು ಲ್ಯಾಪ್ಟಾಪ್ಗಳು, ಫ್ರಿಜ್ಗಳು ಅಥವಾ ಟಿವಿಗಳಂತಹ ಮನೆಯ ಸಾಧನಗಳನ್ನು ಚಾರ್ಜ್ ಮಾಡಲು ಹಿಂದಿನ ಸೀಟಿನ ಕೆಳಗೆ ಮೂರು-ಪಿನ್ ಸಾಕೆಟ್ ಅನ್ನು ಸಹ ನೀಡಲಾಗಿದೆ.
ಕೊರಿಯನ್ ಕಾರು ತಯಾರಕ ಕಿಯಾ ಭಾರತದಲ್ಲಿ ತನ್ನ ಮೊದಲ ಎಲೆಕ್ಟ್ರಿಕ್ ಕಾರ್ Kia EV6 ಅನ್ನು ಬಿಡುಗಡೆ ಮಾಡಿದೆ. EV6 ಕಿಯಾದ ಎಲೆಕ್ಟ್ರಿಕ್-ಗ್ಲೋಬಲ್ ಮಾಡ್ಯುಲರ್ ಪ್ಲಾಟ್ಫಾರ್ಮ್ (e-GMP) ಅನ್ನು ಆಧರಿಸಿದ ಮೊದಲ ಆಲ್-ಎಲೆಕ್ಟ್ರಿಕ್ ಕಾರ್ ಎಂಬುದು ವಿಶೇಷ.
ಸದ್ಯ ಭಾರತದ 100 ಘಟಕಗಳಲ್ಲಿ ಮಾತ್ರ Kia EV6 ಕಾರ್ಗಳನ್ನು ಬಿಡುಗಡೆ ಮಾಡಲಾಗಿದ್ದು, ಈಗಾಗಲೇ 355 ಯುನಿಟ್ಗೆ ಬುಕಿಂಗ್ ಅನ್ನು ಸ್ವೀಕರಿಸಿದ್ದಾರೆ. ಅದರಂತೆ EV6 ನ ಮೊದಲ ಘಟಕದ ವಿತರಣೆಗಳು ಈ ವರ್ಷದ ಸೆಪ್ಟೆಂಬರ್ನಿಂದ ಪ್ರಾರಂಭವಾಗಲಿದೆ.
Kia EV6 ಕಾರನ್ನು GT RWD ಮತ್ತು AWD ಎಂಬ ಎರಡು ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. RWD GT ಆವೃತ್ತಿಯು ಗರಿಷ್ಠ 229 hp ಮತ್ತು 350 Nm ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿಯನ್ನು ಹೊಂದಿದೆ. GT-Line AWD ರೂಪಾಂತರವು 347 hp ಮತ್ತು 605 Nm ನ ಗರಿಷ್ಠ ಟಾರ್ಕ್ನ ಶಕ್ತಿಯನ್ನು ಉತ್ಪಾದಿಸುತ್ತದೆ. ಹಾಗೆಯೇ EV6 ಕೇವಲ 3.5 ಸೆಕೆಂಡುಗಳಲ್ಲಿ ಶೂನ್ಯದಿಂದ 100 kmph ವೇಗವನ್ನು ಪಡೆಯುವ ಸಾಮರ್ಥ್ಯವನ್ನು ಹೊಂದಿದೆ ವಿಶೇಷ. ಇನ್ನು ಈ ಕಾರಿನ ಗರಿಷ್ಠ ವೇಗ ಗಂಟೆಗೆ 192 kmph ಹೊಂದಿದೆ.
ಇನ್ನು Kia EV6 ನಲ್ಲಿ ಅನೇಕ ಸುಧಾರಿತ ಫೀಚರ್ಗಳನ್ನು ನೀಡಲಾಗಿದೆ. ಇದರಲ್ಲಿ 12.3-ಇಂಚಿನ ಟಚ್ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಡಿಸ್ಪ್ಲೇ ಮತ್ತು 12.3-ಇಂಚಿನ ಡ್ರೈವರ್ ಡಿಸ್ಪ್ಲೇ, ವೈರ್ಲೆಸ್ ಚಾರ್ಜಿಂಗ್, ಎಲೆಕ್ಟ್ರಿಕ್ ಸನ್ರೂಫ್, ಆಂಬಿಯೆಂಟ್ ಲೈಟಿಂಗ್ ಮತ್ತು ಲ್ಯಾಪ್ಟಾಪ್ಗಳು, ಫ್ರಿಜ್ಗಳು ಅಥವಾ ಟಿವಿಗಳಂತಹ ಮನೆಯ ಸಾಧನಗಳನ್ನು ಚಾರ್ಜ್ ಮಾಡಲು ಹಿಂದಿನ ಸೀಟಿನ ಕೆಳಗೆ ಮೂರು-ಪಿನ್ ಸಾಕೆಟ್ ಅನ್ನು ಸಹ ನೀಡಲಾಗಿದೆ. ಅಗತ್ಯವಿದ್ದರೆ, ಇತರ ಎಲೆಕ್ಟ್ರಿಕ್ ಕಾರುಗಳಿಗೂ ಇದನ್ನು ಚಾರ್ಜ್ ಮಾಡಬಹುದು ಎಂಬುದು ವಿಶೇಷ.
Kia EV6 ಕಾರಿನಲ್ಲಿ EV6 77.4 kWh ಬ್ಯಾಟರಿ ಪ್ಯಾಕ್ ಅನ್ನು ನೀಡಲಾಗಿದ್ದು, ಇದನ್ನು ಇದು ಒಂದು ಬಾರಿ ಸಂಪೂರ್ಣ ಚಾರ್ಜ್ ಮಾಡಿದರೆ 528 ಕಿಲೋ ಮೀಟರ್ವರೆಗೆ ಚಲಿಸಬಹುದು. ಈ ಕಾರಿನ ಆರಂಭಿಕ ಬೆಲೆ 59.95 ಲಕ್ಷ ರೂ. ಹಾಗೆಯೇ ಟಾಪ್ ಮಾಡೆಲ್ ಬೆಲೆ 64.96 ಲಕ್ಷ ರೂ. (ಎಕ್ಸ್ ಶೋ ರೂಂ).
Published On - 6:51 pm, Thu, 2 June 22