ಮೆಗಾಸ್ಟಾರ್ ಚಿರಂಜೀವಿಗೆ ಮತ್ತೊಂದು ಗರಿ, ಜೀವಮಾನ ಶ್ರೇಷ್ಠ ಗೌರವ ನೀಡಿದ ಐಫಾ
Megastar Chiranjeevi: ತೆಲುಗಿನ ಸ್ಟಾರ್ ನಟ ಮೆಗಾಸ್ಟಾರ್ ಚಿರಂಜೀವಿ ಅವರಿಗೆ ಅಬು ದಬಿಯಲ್ಲಿ ನಡೆಯುತ್ತಿರುವ ಐಫಾ ಅವಾರ್ಡ್ಸ್ನಲ್ಲಿ ಜೀವಮಾನ ಸಾಧನೆ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಮೆಗಾಸ್ಟಾರ್ ಚಿರಂಜೀವಿ ಅವರಿಗೆ ಕಳೆದ ಒಂದು ವರ್ಷದಿಂದ ಪ್ರಶಸ್ತಿಗಳ ಮೇಲೆ ಪ್ರಶಸ್ತಿಗಳು, ಮಹತ್ತರ ಗೌರವಗಳು, ಪದವಿಗಳು ಪ್ರಾಪ್ತವಾಗುತ್ತಿವೆ.
ಪದ್ಮವಿಭೂಷಣ ಪ್ರಶಸ್ತಿಗೆ ಭಾಜನರಾದ ಮೆಗಾಸ್ಟಾರ್ ಚಿರಂಜೀವಿ ಅದಾದ ಬಳಿಕವೂ ಹಲವು ಪ್ರಶಸ್ತಿಗಳನ್ನು ಪಡೆದುಕೊಂಡರು. ಇದೀಗ ಅಬುದಬಿಯಲ್ಲಿ ನಡೆಯುತ್ತಿರುವ ಐಫಾನಲ್ಲಿ ಜೀವಮಾನ ಸಾಧನೆ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಖ್ಯಾತ ಕವಿ ಜಾವೇದ್ ಅಖ್ತರ್, ನಟಿ ಶಬಾನಾ ಆಜ್ಮಿ ಅವರುಗಳು ಅದ್ಧೂರಿ ವೇದಿಕೆ ಮೇಲೆ ನಟ ಮೆಗಾಸ್ಟಾರ್ ಚಿರಂಜೀವಿ ಅವರಿಗೆ ಜೀವಮಾನ ಸಾಧನೆ ಪ್ರಶಸ್ತಿಯನ್ನು ಹಸ್ತಾಂತರಿಸಿದರು.
ಚಿರಂಜೀವಿ ಜೊತೆಗೆ ಮಲಯಾಳಂ ನಟ ಜಯರಾಂ, ಆಸ್ಕರ್ ವಿಜೇತ ಸಂಗೀತ ನಿರ್ದೇಶಕ ಎ.ಆರ್ ರೆಹಮಾನ್ ಅವರುಗಳು ಸೆಲ್ಫಿ ತೆಗೆದುಕೊಂಡು ಸಂಭ್ರಮ ಪಟ್ಟರು.
ಭಾರಿ ಸಂಖ್ಯೆಯಲ್ಲಿ ಸೇರಿದ್ದ ಅಭಿಮಾನಿಗಳನ್ನು ಉದ್ದೇಶಿಸಿ ಮಾತನಾಡಿದ ಚಿರು, ‘ಇದು ಅಭಿಮಾನಿಗಳು ಇಷ್ಟು ವರ್ಷ ನನ್ನ ಮೇಲೆ ತೋರಿಸಿರುವ ಪ್ರೀತಿ, ಗೌರವಕ್ಕೆ ಸಾಕ್ಷಿ’ ಎಂದರು.
ವಿಶೇಷವೆಂದರೆ ತೆಲುಗು ಚಿತ್ರರಂಗದ ತಾರೆಯರು, ಚಿರಂಜೀವಿಯ ಸಮಕಾಲೀನರಾದ ನಟರಾದ ಬಾಲಕೃಷ್ಣ ಹಾಗೂ ವೆಂಕಟೇಶ್ ಸಹ ವೇದಿಕೆ ಏರಿ ಚಿರಂಜೀವಿಯನ್ನು ಅಭಿನಂದಿಸಿದರು.
ಅಬು ದಬಿಯಲ್ಲಿ ಐಫಾ ಅವಾರ್ಡ್ ಭಾರಿ ಅದ್ಧೂರಿಯಾಗಿ ನಡೆಯುತ್ತಿದೆ. ಚಿತ್ರರಂಗದ ಹಲವರಿಗೆ ಹಲವು ಕ್ಷೇತ್ರಗಳ ಪ್ರಶಸ್ತಿಗಳನ್ನು ನೀಡಲಾಗಿದೆ. ಮೆಗಾಸ್ಟಾರ್ ಚಿರಂಜೀವಿಗೆ ಜೀವಮಾನ ಸಾಧನೆ ಪ್ರಶಸ್ತಿ ದೊರೆತಿದೆ.
Published On - 3:51 pm, Sat, 28 September 24