Menstrual Health: ಪಿರಿಯಡ್ಸ್ ಆಗಿಲ್ಲ ಅಂದರೆ ಈ ರೀತಿ ಮಾಡಿ
ನಮ್ಮ ಜೀವನಶೈಲಿ ಮತ್ತು ಆಹಾರದಲ್ಲಿ ಆಗುವಂತಹ ಬದಲಾವಣೆಗಳಿಂದ ಅನಿಯಮಿತ ಪಿರಿಯಡ್ಸ್ ಉಂಟಾಗಬಹುದು. ಆದರೆ ಒಂದು ತಿಂಗಳಾದರೂ ಮುಟ್ಟಾಗದಿದ್ದರೆ ಅಥವಾ ಮೂರು ತಿಂಗಳಾದರೂ ಆಗಿಲ್ಲ ಎಂದರೆ ಔಷಧಿಗಳ ಮೊರೆ ಹೋಗುವ ಬದಲು ಮನೆಯಲ್ಲಿಯೇ ಮಾಡಿದ ಈ ಕಷಾಯ ಕುಡಿಯುವುದರಿಂದ ಪಿರಿಯಡ್ಸ್ ಆಗುತ್ತದೆ.
ನಮ್ಮ ಜೀವನಶೈಲಿ ಮತ್ತು ಆಹಾರದಲ್ಲಿ ಆಗುವಂತಹ ಬದಲಾವಣೆಗಳಿಂದ ಅನಿಯಮಿತ ಪಿರಿಯಡ್ಸ್ ತುಂಬಾ ಸಾಮಾನ್ಯವಾಗಿದೆ. ಆದರೆ ಒಂದು ತಿಂಗಳಾದರೂ ಮುಟ್ಟಾಗದಿದ್ದರೆ ಅಥವಾ ಮೂರು ತಿಂಗಳಾದರೂ ಆಗಿಲ್ಲ ಎಂದರೆ ಔಷಧಿಗಳ ಮೊರೆ ಹೋಗುವ ಬದಲು ಮನೆಯಲ್ಲಿಯೇ ಮಾಡಿದ ಈ ಕಷಾಯ ಕುಡಿಯುವುದರಿಂದ ಪಿರಿಯಡ್ಸ್ ಆಗುತ್ತದೆ.
ಕೆಲವರಲ್ಲಿ ಹಾರ್ಮೋನುಗಳ ಬದಲಾವಣೆಗಳಿಂದ ಪಿರಿಯಡ್ಸ್ ದಿನಗಳಲ್ಲಿ ಏರುಪೇರಾಗುತ್ತದೆ. ಅದೇ ರೀತಿ, ಒತ್ತಡ, ಬೊಜ್ಜು, ಥೈರಾಯ್ಡ್, ಪಿಸಿಓಡಿ, ಗರ್ಭನಿರೋಧಕ ಮಾತ್ರೆಗಳನ್ನು ತೆಗೆದುಕೊಳ್ಳುವುದರಿಂದ ವಿವಿಧ ಕಾರಣಗಳಿಂದ ಅನಿಯಮಿತ ಪಿರಿಯಡ್ಸ್ ಉಂಟಾಗಬಹುದು.
ಮನೆಯಲ್ಲಿ ಸಿಗುವ ಪದಾರ್ಥಗಳನ್ನು ಬಳಸಿಕೊಂಡು ಈ ಕಷಾಯವನ್ನು ಮಾಡಿ ಕುಡಿಯಬಹುದು. ಇದರಿಂದ ಯಾವುದೇ ರೀತಿಯ ಅಡ್ಡಪರಿಣಾಮಗಳು ಇರುವುದಿಲ್ಲ. ಒಂದು ಪಾತ್ರೆಗೆ ಎರಡು ಗ್ಲಾಸ್ ನೀರು ಹಾಕಿ ಶುಂಠಿ, ಅಜ್ವಾನ, ಜೀರಿಗೆ, ಸೋಂಪು, ಚಕ್ಕೆ, ಅರಿಶಿನ ಪುಡಿ ಜೊತೆಗೆ ಬೆಲ್ಲವನ್ನು ಸೇರಿಸಿ.
ಈ ಎಲ್ಲಾ ಪದಾರ್ಥಗಳನ್ನು ಹಾಕಿ ಹತ್ತು ನಿಮಿಷ ಕುದಿಸಿ. ಎರಡು ಲೋಟ ನೀರು ಒಂದು ಲೋಟಕ್ಕೆ ಬರುವ ತನಕ ಅದನ್ನು ಕುದಿಸಿರಿ. ಅದನ್ನು ಸೋಸಿಕೊಂಡು ಒಂದು ಗ್ಲಾಸ್ ಗೆ ಹಾಕಿ ಖಾಲಿ ಹೊಟ್ಟೆಯಲ್ಲಿ ಕುಡಿಯಿರಿ.
ಈ ರೀತಿ ಎರಡರಿಂದ ಮೂರು ದಿನ ಕುಡಿದರೆ ಪಿರಿಯಡ್ಸ್ ಆಗುತ್ತದೆ. ಪಿಸಿಒಡಿ, ಪಿಸಿಒಎಸ್, ಅನಿಯಮಿತ ಮುಟ್ಟಿನ ಸಮಸ್ಯೆ ಇರುವವರು ಕೂಡ ಇದನ್ನು ಕುಡಿಯಬಹುದು. ಪದೇ ಪದೇ ಮುಟ್ಟಿನ ಸಮಸ್ಯೆ, ಹೊಟ್ಟೆ ನೋವು ಬರುತ್ತಿದ್ದರೆ ನಿಯಮಿತವಾಗಿ ಈ ಕಷಾಯವನ್ನು ಸೇವನೆ ಮಾಡಿ.