ಹೇಗಿದೆ ನೋಡಿ ವಿಷ್ಣುವರ್ಧನ್ ಬಳಸುತ್ತಿದ್ದ ವಿಂಟೇಜ್ ಕಾರ್; ಈ ಮ್ಯೂಸಿಯಂಗೆ ಭೇಟಿ ನೀಡಲೇಬೇಕು
ವಿಂಟೇಜ್ ಕಾರುಗಳ ಬಗ್ಗೆ ಕೆಲವರಿಗೆ ಸಖತ್ ಕ್ರೇಜ್ ಇರುತ್ತದೆ. ಅದರಲ್ಲೂ ಸೆಲೆಬ್ರಿಟಿಗಳು ಬಳಕೆ ಮಾಡಿದ ಕಾರು ಎಂದರಂತೂ ವಿಶೇಷ ಪ್ರೀತಿ ಇರುತ್ತದೆ. ಬೆಂಗಳೂರು-ಮೈಸೂರು ಹೈವೇಲಿ ಇರುವ ‘ಪಯಣ’ ವಿಂಟೇಜ್ ಕಾರ್ ಮ್ಯೂಸಿಂನಲ್ಲಿ ಅನೇಕ ಕಾರುಗಳ ಕಲೆಕ್ಷನ್ ಇದೆ. ಆ ಬಗ್ಗೆ ಇಲ್ಲಿದೆ ಮಾಹಿತಿ.
ಬೆಂಗಳೂರು-ಮೈಸೂರು ಎಕ್ಸ್ಪ್ರೆಸ್ ವೇನಲ್ಲಿ ಸಿಗೋ ವಿಂಟೇಜ್ ಕಾರ್ ಮ್ಯೂಸಿಂಯಂ ಬೆಂಗಳೂರಿನಿಂದ ಸುಮಾರು 130 ಕಿ.ಮೀ ದೂರದಲ್ಲಿ ಇದೆ. ಇಲ್ಲಿ ಹಲವು ಸೆಲೆಬ್ರಿಟಿಗಳ ಕಾರುಗಳು ಇವೆ.
ಕನ್ನಡದ ನಟ ವಿಷ್ಣುವರ್ಧನ್ ಅವರು ಬಳಕೆ ಮಾಡುತ್ತಿದ್ದ ದಟ್ಸನ್ ಬ್ಲೂಬರ್ಡ್ 1.8 ಜಿಎಲ್ ಕಾರು ಕೂಡ ಈ ಮ್ಯೂಸಿಯಂನಲ್ಲಿ ಇದೆ. ಇದರಲ್ಲಿ ವಿಷ್ಣುವರ್ಧನ್ ಅವರು ಓಡಾಡುತ್ತಿದ್ದರು. 4 ಸಿಲಿಂಡರ್ ಕಾರು ಇದಾಗಿತ್ತು.
ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ವೀರೇಂದ್ರ ಹೆಗ್ಗಡೆ ಅವರು ತಮ್ಮ ಕಾಲೇಜು ವಿದ್ಯಾಭ್ಯಾಸ ಸಂದರ್ಭದಲ್ಲಿ ಉಪಯೋಗಿಸುತ್ತಿದ್ದ ಕಾರು ಇದು. ಈ ಕಾರಿನ ಬಗ್ಗೆ ಅವರಿಗೆ ವಿಶೇಷ ಪ್ರೀತಿ ಇದೆ. ಸ್ಟ್ಯಾಂಡರ್ಡ್ ಹೆರಾಲ್ಡ್ ಕಾರು ಇದಾಗಿದ್ದು 1962ನೇ ಮಾಡೆಲ್ನ ಕಾರು..
ಇದು ಉಕ್ರೇನ್ನ ಮಿಲಿಟರಿ ಟ್ರಕ್. ಈ ಟ್ರಕ್ನ ಹೆಸರು KrAZ- ಮಿಲಿಟರಿ ಟ್ರಕ್. 1981ನೇ ಮಾಡೆಲ್ನ ಟ್ರಕ್ ಇದಾಗಿದೆ. 14.9 ಲೀಟರ್ 8 ಸಿಲಿಂಡರ್ ಡೀಸೆಲ್ ಟ್ರಕ್ ಇದು.
ಇದು ಟಾಟಾ ಕಂಪನಿಯವರು 1973ರಲ್ಲಿ ತಯಾರಿಸಿದ ಟ್ರಕ್ ಇದಾಗಿದೆ. ಇದು 6 ಸಿಲಿಂಡರ್ ಟ್ರಕ್. ಈ ಟ್ರಕ್ನ ತೂಕ 5000 ಕೆಜಿ. ಕುಂದಾಪುರದವರೊಬ್ಬರು ಇದನ್ನು ಮ್ಯೂಸಿಯಂಗೆ ಕೊಡುಗೆ ನೀಡಿದ್ದಾರೆ.
ಅಂಬಾಸಿಡರ್ ಕಾರುಗಳ ಬಗ್ಗೆ ಅನೇಕರಿಗೆ ಪ್ರೀತಿ ಇದೆ. ಈಗಲೂ ರಸ್ತೆಯ ಮೇಲೆ ಒಂದೊಂದು ಅಂಬಾಸಿಡರ್ ಕಾರುಗಳು ಕಾಣುತ್ತವೆ. ಆಗ ಜನರು ಕಣ್ಬಿಟ್ಟುಕೊಂಡು ನೋಡುತ್ತಾರೆ. ಈ ರೀತಿಯ ಕಾರ್ ಕಲೆಕ್ಷನ್ ಕೂಡ ಇಲ್ಲಿದೆ.
ಸಾರೋಟು, ದೇಶ-ವಿದೇಶಗಳ ಕಾರುಗಳು, ಬೈಕ್ ಕಲೆಕ್ಷನ್ ಕೂಡ ಇಲ್ಲಿದೆ. ಬೆಂಗಳೂರಿನಿಂದ ಒಂದು ದಿನ ಪ್ರವಾಸ ಮಾಡಿ ಬರಲು ಇದು ಹೇಳಿ ಮಾಡಿಸಿದ ಜಾಗ.
Published On - 10:58 am, Tue, 16 July 24