ಪ್ರಧಾನಿ ನರೇಂದ್ರ ಮೋದಿ, ವಿರಾಟ್ ಕೊಹ್ಲಿ ಗಡ್ಡದ ಗೆಟಪ್ಗೆ ಇದೆ ಸಾಮ್ಯತೆ! ಏನಿದು ಕುತೂಹಲಕರ ವಿಚಾರ?
PM Narendra Modi | Virat Kohli | Beard Look: ಪ್ರಧಾನಿ ನರೇಂದ್ರ ಮೋದಿ ಪ್ರಸ್ತುತ ಯುರೋಪ್ ಪ್ರವಾಸದಲ್ಲಿದ್ದಾರೆ. ಈಗಿನ ಅವರ ಹೊಸ ಲುಕ್ ಎಲ್ಲರ ಗಮನ ಸೆಳೆದಿದೆ. ಲಾಕ್ಡೌನ್ ಸಂದರ್ಭದಲ್ಲಿ ಉದ್ದನೆಯ ಗಡ್ಡದ ಗೆಟಪ್ನಲ್ಲಿ ಸುದ್ದಿಯಾಗಿದ್ದ ಮೋದಿ, ಇದೀಗ ಟ್ರಿಮ್ ಮಾಡಿ ಹೊಸ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಕುತೂಹಲಕರ ವಿಚಾರವೆಂದರೆ ಕ್ರಿಕೆಟ್ ತಾರೆ ವಿರಾಟ್ ಕೊಹ್ಲಿ ಕೂಡ ಈಗ ಅಂಥದ್ದೇ ಗಡ್ಡದ ಲುಕ್ ಹೊಂದಿರೋದು! ಫೋಟೋಗಳು ಇಲ್ಲಿವೆ.
ಪ್ರಧಾನಿ ನರೇಂದ್ರ ಮೋದಿ ಪ್ರಸ್ತುತ ಯುರೋಪ್ ಪ್ರವಾಸದಲ್ಲಿದ್ದಾರೆ. ಈಗಿನ ಅವರ ಹೊಸ ಲುಕ್ ಎಲ್ಲರ ಗಮನ ಸೆಳೆದಿದೆ. ಲಾಕ್ಡೌನ್ ಸಂದರ್ಭದಲ್ಲಿ ಉದ್ದನೆಯ ಗಡ್ಡದ ಗೆಟಪ್ನಲ್ಲಿ ಎಲ್ಲರ ಗಮನ ಸೆಳೆದಿದ್ದ ಮೋದಿ, ಇದೀಗ ಟ್ರಿಮ್ ಮಾಡಿ ಹೊಸ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಕುತೂಹಲಕರ ವಿಚಾರವೆಂದರೆ ಕ್ರಿಕೆಟ್ ತಾರೆ ವಿರಾಟ್ ಕೊಹ್ಲಿ ಕೂಡ ಈಗ ಅಂಥದ್ದೇ ಗಡ್ಡದ ಲುಕ್ ಹೊಂದಿದ್ದಾರೆ.
ಭಾರತ ಕ್ರಿಕೆಟ್ ತಂಡದ ಮಾಜಿ ಕಪ್ತಾನ, ಹಿರಿಯ ಬ್ಯಾಟರ್ ವಿರಾಟ್ ಕೊಹ್ಲಿ ಸದ್ಯ ಐಪಿಎಲ್ 2022ರಲ್ಲಿ ಸಕ್ರಿಯರಾಗಿದ್ದಾರೆ. ಫಿಟ್ನೆಸ್ ಜತೆಗೆ ಫ್ಯಾಶನ್ನಲ್ಲೂ ವಿರಾಟ್ ಕೊಹ್ಲಿ ಟ್ರೆಂಡ್ ಸೆಟ್ಟರ್. ಅವರು ಹಲವು ಮಾದರಿಯ ಗಡ್ಡದ ಲುಕ್ನಲ್ಲಿ ಗಮನ ಸೆಳೆದಿದ್ದಾರೆ.
ಪ್ರಸ್ತುತ ವಿರಾಟ್ ಈ ಮಾದರಿಯಲ್ಲಿ ಗಡ್ಡವನ್ನು ವಿನ್ಯಾಸಗೊಳಿಸಿದ್ದು, ಫ್ಯಾಶನ್ ಪ್ರಿಯರ ಮನಗೆದ್ದಿದ್ದಾರೆ..
ಇತ್ತೀಚೆಗೆ ಸಹ ಆಟಗಾರ ಮ್ಯಾಕ್ಸ್ವೆಲ್ ಅವರ ವಿವಾಹದ ಪಾರ್ಟಿಯಲ್ಲಿ ಕುರ್ತಾ ಧರಿಸಿ ಟ್ರೆಡಿಷನಲ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದ ವಿರಾಟ್ ಕೊಹ್ಲಿ ಸಖತ್ ಸುದ್ದಿಯಾಗಿದ್ದರು. ವಿಶೇಷವೆಂದರೆ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ಈಗಿನ ಗೆಟಪ್ಗೂ, ವಿರಾಟ್ ಕೊಹ್ಲಿ ಈಗಿನ ಗೆಟಪ್ಗೂ ಸಖತ್ ಸಾಮ್ಯತೆ ಇದೆ!
ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಪ್ರಸ್ತುತ ಯುರೋಪ್ ಪ್ರವಾಸದಲ್ಲಿದ್ದಾರೆ. ಇದರಲ್ಲಿ ಅವರು ತಮ್ಮ ಕೆನ್ನೆಯ ಮೇಲಿನ ಗಡ್ಡವನ್ನು ತುಸು ಹೆಚ್ಚು ಕಟ್ ಮಾಡಿಸಿದ್ದು, ಗಲ್ಲದ ಕಡೆ ತುಸು ಉದ್ದ ಬಿಟ್ಟಿದ್ದಾರೆ. ವಿರಾಟ್ ಕೊಹ್ಲಿ ಲುಕ್ ಕೂಡ ಹೀಗೆಯೇ ಇದೆ.
ಸೆಲೆಬ್ರಿಟಿಗಳು ಒಂದೇ ಮಾದರಿಯ ಗಡ್ಡ ಅಥವಾ ಕೇಶ ವಿನ್ಯಾಸವನ್ನು ಹೊಂದಿರೋದು ಅಪರೂಪವೇನಲ್ಲ. ಆದರೆ ಈ ಬಾರಿ ಸಾಮಾಜಿಕ ಜಾಲತಾಣಗಳಲ್ಲಿ ಅತ್ಯಂತ ಹೆಚ್ಚು ಅಭಿಮಾನಿ ಬಳಗವನ್ನು ಹೊಂದಿರುವ ಭಾರತದ ಈರ್ವರು ತಾರೆಯರಾದ ಪ್ರಧಾನಿ ನರೇಂದ್ರ ಮೋದಿ ಹಾಗೂ ವಿರಾಟ್ ಕೊಹ್ಲಿಯವರ ಗಡ್ಡದ ಗೆಟಪ್ ಒಂದೇ ರೀತಿ ಇರೋದು ವಿಶೇಷ.
ನರೇಂದ್ರ ಮೋದಿಯವರು ತಮ್ಮ ದಿರಿಸು ಹಾಗೂ ಲುಕ್ಗಳ ಬಗ್ಗೆ ಹೆಚ್ಚು ಗಮನ ಕೊಡುತ್ತಾರೆ. ಅವರು ಪ್ರಧಾನಿಯಾದ ನಂತರದಲ್ಲಿ ಈ ಬಗ್ಗೆ ಹೆಚ್ಚಿನ ಚರ್ಚೆಗಳೂ ನಡೆದಿವೆ. ಈ ಚಿತ್ರದಲ್ಲಿ 2021ರ ಏಪ್ರಿಲ್ ಸಮಯದಲ್ಲಿ ಅವರು ಯಾವ ಲುಕ್ ಹೊಂದಿದ್ದರು ಎಂದು ನೀವು ಗಮನಿಸಬಹುದು.
2020ರ ಅಕ್ಟೋಬರ್ ಸಮಯದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಈ ಮಾದರಿಯಲ್ಲಿ ಗಡ್ಡವನ್ನು ಬಿಟ್ಟಿದ್ದರು.
ಪ್ರಧಾನಿಯಾಗುವ ಬಹಳ ಕಾಲದ ಹಿಂದೆ ನರೇಂದ್ರ ಮೋದಿ ಹೇಗಿದ್ದರು? ಈ ಚಿತ್ರದಲ್ಲಿ 1998ರಲ್ಲಿ ಹೇಗಿದ್ದರು ಎಂಬುದನ್ನು ನೀವು ನೋಡಬಹುದು.
1995ರ ಸಮಯದಲ್ಲಿ ಮೋದಿಯವರು ಹೀಗಿದ್ದರು.
Published On - 7:12 pm, Tue, 3 May 22