ಚಿನ್ನದ ರಾಜದಂಡದೊಂದಿಗೆ ನೂತನ ಸಂಸತ್ ಭವನ ಪ್ರವೇಶಿಸಿದ ಪ್ರಧಾನಿ ಮೋದಿ
ಭಾರತಕ್ಕೆ ಸ್ವಾತಂತ್ರ್ಯ ಸಿಕ್ಕಿ 75 ವರ್ಷಗಳು ತುಂಬಿದ ಬೆನ್ನಲ್ಲೇ ಆಧುನಿಕ ಸ್ಪರ್ಶದೊಂದಿಗೆ ಹೊಸ ಸಂಸತ್ ಭವನ ಲೋಕಾರ್ಪಣೆಯಾಗಿದೆ. ಇನ್ನು, ಐತಿಹಾಸಿಕ ರಾಜದಂಡ ಅಥವಾ ಚಿನ್ನದ ಸೆಂಗೋಲ್ ಅನ್ನೂ ಸಹ ಮೋದಿ ಪ್ರತಿಷ್ಠಾಪನೆ ಮಾಡಿದರು.
ಸೆಂಗೋಲ್ ಪ್ರತಿಷ್ಠಾಪಿಸಿದ ಮೋದಿ
ಈಗಾಗಲೇ ನಿನ್ನೆಯೇ ತಮಿಳುನಾಡಿನ ವಿವಿಧ ಅಧೀನಂ ಮಠದ ಪೀಠಾಧಿಪತಿಗಳು ಸೆಂಗೋಲ್ ಅನ್ನು ಪ್ರಧಾನಿ ನರೇಂದ್ರ ಮೋದಿಗೆ ಹಸ್ತಾಂತರಿಸಿದ್ದರು.
ತಮಿಳುನಾಡಿನ ವಿವಿಧ ಅಧೀನಂ ಮಠದ ಪೀಠಾಧಿಪತಿಗಳು ನೀಡಿದ್ದ ಸೆಂಗೋಲ್ ಅನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಹಿಡಿದು ನೂತನ ಸಂಸತ್ ಭವನ ಪ್ರವೇಶಿಸಿದರು.
ನೂತನ ಸಂಸತ್ ಭವನದಲ್ಲಿರುವ ಲೋಕಸಭಾ ಸ್ಪೀಕರ್ ಆಸನದ ಪಕ್ಕದಲ್ಲಿ ಸೆಂಗೋಲ್ ಚಿನ್ನದ ರಾಜದಂಡವನ್ನು ಪ್ರಧಾನಿ ಪ್ರಧಾನಿ ನರೇಂದ್ರ ಅವರು ತಿಷ್ಠಾಪನೆ ಮಾಡಿದರು.
ಈ ವೇಳೆ ಸ್ಪೀಕರ್ ಓಂ ಬಿರ್ಲಾ ಉಪಸ್ಥಿತರಿದ್ದರು.
ಸೆಂಗೋಲ್.. ಚೋಳದ ಕಾಲದ ಅಧಿಕಾರ ಹಸ್ತಾಂತರ ಪದ್ಧತಿಯ ಪ್ರತೀಕವಾಗಿದೆ. ಸೆಂಗೋಲ್ ಅಂದ್ರೆ ರಾಜದಂಡ ಎಂದರ್ಥ. ಸೆಂಗೋಲ್ ಅಥ್ವಾ ರಾಜದಂಡಕ್ಕೆ ಬಹಳ ಐತಿಹಾಸಿಕ ಹಿನ್ನೆಲೆ ಇದೆ.
ಅಧಿಕಾರ ಹಸ್ತಾಂತರಕ್ಕೆ ಜೋಳರು ರಾಜದಂಡವನ್ನೇ ಬಳಸ್ತಿದ್ರು. ತಮಿಳುನಾಡಿನ ಚೋಳ ಸಾಮ್ರಾಜ್ಯದಲ್ಲಿ ಓರ್ವ ರಾಜನಿಂದ ಮತ್ತೊಬ್ಬ ರಾಜನಿಗೆ ಅಧಿಕಾರ ಹಸ್ತಾಂತರಿಸಲು ರಾಜದಂಡ ಬಳಸಲಾಗ್ತಿತ್ತು. ಆಗಿನ ಕಾಲದ ಶ್ರೇಷ್ಠ ಸನ್ಯಾಸಿಗಳು ಆಶೀರ್ವಾದ ಮಾಡಿ ರಾಜನಿಗೆ ಸೆಂಗೋಲ್ ಅನ್ನು ನೀಡುವ ಮೂಲಕ ಅಧಿಕಾರ ಹಸ್ತಾಂತರ ಮಾಡ್ತಿದ್ರು.
ತಮಿಳುನಾಡಿನಲ್ಲೇ ಚೋಳ ಸಾಮ್ರಾಜ್ಯದಲ್ಲಿ ಅಧಿಕಾರ ಹಸ್ತಾಂತರಕ್ಕೆ ಬಳಕೆಯಾಗ್ತಿದ್ದ ಸೆಂಗೋಲ್
1947ರ ಆಗಸ್ಟ್ 14ರ ಈ ರಾಜದಂಡವನ್ನು ಮೊದಲು ಲಾರ್ಡ್ ಮೌಂಟ್ಬ್ಯಾಟನ್ ಕೈಯಲ್ಲಿಟ್ಟು ಮತ್ತೆ ವಾಪಸ್ ಪಡೆಯಲಾಗಿತ್ತು. ಬಳಿಕ ಗಂಗಾಜಲದಿಂದ ಶುದ್ಧೀಕರಿಸಿ, ಮಂತ್ರಘೋಷಗಳ ಜೊತೆಗೆ ಸೆಂಗೋಲ್ ಅನ್ನು ಪಂಡಿತ್ ನೆಹರು ಸ್ವೀಕರಿಸಿದ್ರು.
Published On - 9:22 am, Sun, 28 May 23