ಪ್ರಶಾಂತ್ ನೀಲ್ ಸೃಷ್ಠಿಸಿರುವ ‘ಸಲಾರ್’ ಪ್ರಪಂಚ ಹೀಗಿದೆ, ಚಿತ್ರಗಳಲ್ಲಿ ನೋಡಿ
Salaar: ‘ಸಲಾರ್’ ಸಿನಿಮಾದಲ್ಲಿ ಭಯಾನಕ ಪ್ರಪಂಚವೊಂದನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಸೃಷ್ಟಿಸಿದ್ದಾರೆ. ಆ ಪ್ರಪಂಚ ಹೇಗಿದೆ? ಚಿತ್ರಗಳಲ್ಲಿ ನೋಡಿ.
ಪ್ರಶಾಂತ್ ನೀಲ್ ನಿರ್ದೇಶಿಸಿ, ಪ್ರಭಾಸ್ ನಟಿಸಿರುವ ‘ಸಲಾರ್’ ಸಿನಿಮಾದ ಟ್ರೈಲರ್ ಬಿಡುಗಡೆ ಆಗಿದ್ದು, ‘ಸಲಾರ್’ ಸಿನಿಮಾದಲ್ಲಿ ಭಯಾನಕ ಲೋಕವೊಂದನ್ನು ಪ್ರಶಾಂತ್ ಸೃಷ್ಟಿಸಿದ್ದಾರೆ.
‘ಸಲಾರ್’ ಸಿನಿಮಾ ಶುರುವಾಗುವುದು ಬುಡಕಟ್ಟು ಸಮುದಾಯದ ಕತೆಯ ಮೂಲಕ. ಕೋಣ, ಮನುಷ್ಯನನ್ನು ಒಟ್ಟಾಗಿ ಹೋಲುವ ಮೂರ್ತಿಯ ದೃಶ್ಯಗಳು ಟ್ರೈಲರ್ನಲ್ಲಿವೆ.
‘ಸಲಾರ್’ ಸಿನಿಮಾದ ಕತೆ ನಡೆಯುವ ಕೇಂದ್ರ ಸ್ಥಾನ ‘ಖಾನ್ಸರ್’ ಹಾಗೂ ಅದರ ಬೃಹತ್ ಕೋಟೆ. ಕೋಟೆಯ ಮೇಲಿನ ಹಟೆಕ್ ಮಷಿನ್ ಗನ್ ಗಮನಿಸಿದರಾ?
ಖಾನ್ಸರ್ ಸಣ್ಣ ಪ್ರದೇಶವಲ್ಲ, ಅದೊಂದು ದೊಡ್ಡ ನಗರ, ದುರುಳರೇ ತುಂಬಿರುವ ಈ ನಗರದಲ್ಲಿ ಹಸಿರು ಎಲ್ಲಿಯೂ ಕಾಣುವುದಿಲ್ಲ.
ಖಾನ್ಸರ್ ಕೋಟೆಯೊಳಗೆ ಈ ರೀತಿಯ ಹಲವು ಬೃಹತ್ ಮೂರ್ತಿಗಳಿವೆ. ಬುಡಕಟ್ಟು ಜನರು ತಮ್ಮ ಮೂಲ ಮರೆಯುವುದಿಲ್ಲ.
ಖಾನ್ಸರ್ ಅನ್ನು ಪಾಲಿಸುತ್ತಿರುವ ದೊರೆಯ ಅರಮನೆ ಇದೆಂಬುದು ಊಹೆ, ಕೆಜಿಎಫ್ನಲ್ಲಿ ತೋರಿಸಿದ್ದ ಅರಮನೆಗಿಂತಲೂ ಬೃಹತ್ ಆಗಿದೆ.
ತಮ್ಮ ಕಾವಲಿಗೆ ವಿದೇಶದಿಂದ ಸೈನ್ಯಗಳನ್ನೇ ತರಿಸಿಕೊಂಡಿದ್ದಾರೆ ಇಲ್ಲಿನ ಗ್ಯಾಂಗ್ನ ನಾಯಕರು, ಇದು ಸೆರ್ಬಿಯನ್ ಸೈನ್ಯವಂತೆ.
ಅಮೆರಿಕ, ರಷ್ಯಾಗಳು ಬಳಸುವ ಯುದ್ಧ ಹೆಲಿಕಾಪ್ಟರ್ಗಳನ್ನು ಸಿನಿಮಾದಲ್ಲಿ ಪ್ರಶಾಂತ್ ನೀಲ್ ತೋರಿಸಿದ್ದಾರೆ.
ಕೆಜಿಎಫ್ನಲ್ಲಿ ಇದ್ದಂತೆ ಇಲ್ಲಿಯೂ ಜೋಪಡಿಗಳಿವೆ, ಇಲ್ಲಿಯೂ ಶ್ರೀಮಂತರು, ಬಡವರ ಮೇಲೆ ದರ್ಪ ತೋರುವ ಕತೆಯಿದೆ. ನಾಯಕ ಕಾಪಾಡುತ್ತಾನಾ?