ಎಲ್ಲಾ ಸಂಬಂಧಗಳ ಅಡಿಪಾಯವು ನಂಬಿಕೆಯ ಮೇಲೆ ನಿರ್ಮಿಸಲ್ಪಟ್ಟಿದೆ. ನಿಮ್ಮ ಸಂಬಂಧವನ್ನು ಗಟ್ಟಿಯಾಗಿ ಇರಿಸಿಕೊಳ್ಳಲು, ಸಣ್ಣ ವಿಷಯಗಳನ್ನು ಅನುಮಾನಿಸುವುದನ್ನು ಕಡಿಮೆ ಮಾಡಿ. ಪರಸ್ಪರ ಮತ್ತು ನಿಮ್ಮ ಸಂಬಂಧದಲ್ಲಿ ನಂಬಿಕೆಯನ್ನು ಹೊಂದಿರಿ.
Feb 02, 2023 | 6:41 PM
ಒಬ್ಬರನ್ನೊಬ್ಬರು ಪ್ರೀತಿಸುವಾಗ ಅಥವಾ ಮದುವೆ ಫಿಕ್ಸ್ ಆದ ಆರಂಭದ ದಿನಗಳಲ್ಲಿ ಗಂಡು-ಹೆಣ್ಣಿನ ನಡುವೆ ಪ್ರೀತಿ, ಆಕರ್ಷಣೆಗಳು ಸಹಜ. ಆದರೆ, ಒಮ್ಮೆ ಮದುವೆಯಾಗುತ್ತಿದ್ದಂತೆ ಅವರಿಬ್ಬರ ನಡುವೆ ಅವರಿಗೇ ಗೊತ್ತಿಲ್ಲದಂತೆ ಅಂತರವೊಂದು ಮೂಡಿಬಿಡುತ್ತದೆ. ಮದುವೆಯಾದ ನಂತರವೂ ತಮ್ಮ ಸಂಬಂಧವನ್ನು ಉತ್ತಮವಾಗಿಟ್ಟುಕೊಳ್ಳುವ ದಂಪತಿ ಬಹಳ ಕಡಿಮೆ. ಹಾಗಾದರೆ, ವೈವಾಹಿಕ ಸಂಬಂಧ ಚೆನ್ನಾಗಿರಬೇಕೆಂದರೆ ಏನು ಮಾಡಬೇಕು?
1 / 7
ಪ್ರತಿಯೊಬ್ಬರೂ ಸಂತೋಷ ಮತ್ತು ಆರೋಗ್ಯಕರ ಸಂಬಂಧವನ್ನು ಬಯಸುತ್ತಾರೆ. ಆದರೆ ಉಳಿದೆಲ್ಲ ಸಂಬಂಧಗಳಿಗಿಂತಲೂ ಗಂಡ ಮತ್ತು ಹೆಂಡತಿಯ ನಡುವಿನ ಬಾಂಧವ್ಯವು ಅತ್ಯಂತ ಪ್ರಮುಖ ಮತ್ತು ವಿಶೇಷವಾದವುಗಳಲ್ಲಿ ಒಂದಾಗಿದೆ. ಏಕೆಂದರೆ ಮದುವೆಯ ನಂತರ ದಂಪತಿ ತಮ್ಮ ಹೆಚ್ಚಿನ ಸಮಯವನ್ನು ಒಟ್ಟಿಗೆ ಕಳೆಯುತ್ತಾರೆ ಮತ್ತು ಅವರು ಪ್ರತಿ ಸಂತೋಷ ಅಥವಾ ದುಃಖದಲ್ಲಿ ಒಟ್ಟಿಗೆ ಇರುತ್ತಾರೆ. ಆದ್ದರಿಂದ, ಗಂಡ ಮತ್ತು ಹೆಂಡತಿಯ ನಡುವಿನ ಸಂಬಂಧದಲ್ಲಿ ಸಣ್ಣ ಸಣ್ಣ ನಿರ್ಲಕ್ಷ್ಯ ಮತ್ತು ತಪ್ಪುಗಳು ಸಂಬಂಧವನ್ನು ಸಂಪೂರ್ಣವಾಗಿ ಕೊನೆಗೊಳಿಸಬಹುದು.
2 / 7
ಪರಸ್ಪರ ಗೌರವಿಸಿ:
ಸಂಬಂಧದಲ್ಲಿ ಪ್ರೀತಿ ಎಷ್ಟು ಅವಶ್ಯವೋ, ಅದೇ ರೀತಿ ಪರಸ್ಪರ ಗೌರವವನ್ನು ಹೊಂದಿರುವುದು ಬಹಳ ಮುಖ್ಯ. ನಿಮ್ಮ ಸಂಬಂಧದಲ್ಲಿ ಯಾವುದೇ ರೀತಿಯ ತಪ್ಪುಗ್ರಹಿಕೆಯನ್ನು ತಪ್ಪಿಸಲು ನಿಮ್ಮ ಸಂಗಾತಿಯ ಕೆಲಸ, ಕುಟುಂಬ ಮತ್ತು ಭಾವನೆಗಳನ್ನು ನೀವು ಗೌರವಿಸಬೇಕು.
3 / 7
ಒಬ್ಬರನ್ನೊಬ್ಬರು ನಂಬಿ:
ಎಲ್ಲಾ ಸಂಬಂಧಗಳ ಅಡಿಪಾಯವು ನಂಬಿಕೆಯ ಮೇಲೆ ನಿರ್ಮಿಸಲ್ಪಟ್ಟಿದೆ. ಆದ್ದರಿಂದ ಪರಸ್ಪರ ನಂಬಿಕೆಯನ್ನು ಹೊಂದಿರುವುದು ಬಹಳ ಮುಖ್ಯ. ನಿಮ್ಮ ಸಂಬಂಧವನ್ನು ಗಟ್ಟಿಯಾಗಿ ಇರಿಸಿಕೊಳ್ಳಲು, ಸಣ್ಣ ವಿಷಯಗಳನ್ನು ಅನುಮಾನಿಸುವುದನ್ನು ಕಡಿಮೆ ಮಾಡಿ. ಪರಸ್ಪರ ಮತ್ತು ನಿಮ್ಮ ಸಂಬಂಧದಲ್ಲಿ ನಂಬಿಕೆಯನ್ನು ಹೊಂದಿರಿ.
4 / 7
ಕೋಪದಲ್ಲಿ ಮಾತನಾಡುವ ಮೊದಲು 2 ಬಾರಿ ಯೋಚಿಸಿ:
ಪ್ರತಿ ಸಂಬಂಧದಲ್ಲೂ ಸಣ್ಣ ಜಗಳಗಳು ಸಂಭವಿಸುತ್ತವೆ. ಆದರೆ ನೀವು ಕೋಪಗೊಂಡಾಗ ಅಥವಾ ಪರಸ್ಪರ ಜಗಳವಾಡುವಾಗ ನಿಮ್ಮ ಸಂಗಾತಿಗೆ ನಿಮಗೆ ಅನಿಸಿದ್ದನ್ನೆಲ್ಲ ಹೇಳಬೇಕು ಎಂದರ್ಥವಲ್ಲ. ಅನೇಕ ಬಾರಿ, ನೀವು ಕೋಪಗೊಂಡಾಗ ಹೇಳುವ ವಿಷಯಗಳು ನಿಮ್ಮಿಬ್ಬರ ನಡುವೆ ಭಿನ್ನಾಭಿಪ್ರಾಯಗಳನ್ನು ಸೃಷ್ಟಿಸಬಹುದು.
5 / 7
ಇಬ್ಬರೂ ಮನಬಿಚ್ಚಿ ಮಾತನಾಡಿ:
ತಪ್ಪುಗ್ರಹಿಕೆಗಳು ಮತ್ತು ಸಂವಹನದ ಅಂತರಗಳು ಯಾವುದೇ ಸಂಬಂಧದ ಅಂತ್ಯಕ್ಕೆ ಕಾರಣಗಳಾಗಬಹುದು. ಅದಕ್ಕಾಗಿಯೇ ನೀವು ಯಾವಾಗಲೂ ಮಾತನಾಡುವಾಗ ಮನಬಿಚ್ಚಿ ಮಾತನಾಡಿ. ಮಾತನಾಡದೆ ಇದ್ದಾಗಲೇ ಹಲವು ಗೊಂದಲಗಳು ಉಂಟಾಗುತ್ತವೆ. ನಿಮ್ಮ ಸಂಬಂಧವನ್ನು ಗಟ್ಟಿಯಾಗಿಸಲು, ನಿಮ್ಮ ಯಾವುದೇ ಭಾವನೆಗಳನ್ನು ನಿಮ್ಮ ಸಂಗಾತಿಯಿಂದ ಮರೆಮಾಡಬೇಡಿ. ಕೆಲವೊಮ್ಮೆ ಮಾತನಾಡುವುದರಿಂದಲೂ ಸಮಸ್ಯೆಯನ್ನು ಬಗೆಹರಿಸಿಕೊಳ್ಳಬಹುದು.
6 / 7
ಸಣ್ಣ ವಿಷಯಕ್ಕೂ ತಲೆ ಕೆಡಿಸಿಕೊಳ್ಳಬೇಡಿ:
ಇತ್ತೀಚಿನ ದಿನಗಳಲ್ಲಿ ಪ್ರತಿಯೊಬ್ಬರ ಜೀವನಶೈಲಿ ಮತ್ತು ದಿನಚರಿಯು ವೇಗವಾಗಿರುತ್ತದೆ. ಆದ್ದರಿಂದ ಗಂಡ-ಹೆಂಡತಿ ಪರಸ್ಪರ ಅರ್ಥಮಾಡಿಕೊಳ್ಳುವುದು ಮತ್ತು ಬೆಂಬಲಿಸುವುದು ಬಹಳ ಮುಖ್ಯ. ಕೆಲವೊಮ್ಮೆ ಕೆಲಸದ ಕಾರಣದಿಂದಾಗಿ ಕೆಲವು ಸಣ್ಣ ತಪ್ಪುಗಳು ಸಂಭವಿಸುತ್ತವೆ. ಆದ್ದರಿಂದ ಸಣ್ಣ-ಪುಟ್ಟ ವಿಷಯಗಳಿಗೆ ಪ್ರತಿಕ್ರಿಯಿಸುವ ಬದಲು ಅಂಥವುಗಳನ್ನು ಮನಸಿಗೆ ಹಚ್ಚಿಕೊಳ್ಳದೆ ಬಿಟ್ಟುಬಿಡಿ. ಇದರಿಂದ ಮನಸಿಗೆ ಶಾಂತಿ ಸಿಗುತ್ತದೆ.
