ಐಫಾನಲ್ಲಿ ಮಿಂಚು ಹರಿಸಿದ ನಟ ಶಾರುಖ್ ಖಾನ್, ಕಿಂಗ್ ಖಾನ್ ನೋಡಲು ಅಭಿಮಾನಿ ಸಾಗರ
ಅಬುಧಾಬಿಯಲ್ಲಿ ನಡೆಯುತ್ತಿರುವ ಐಫಾ 2024 ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ಬಾಲಿವುಡ್ನ ದೊಡ್ಡ ಸ್ಟಾರ್ ನಟರು ಭಾಗಿಯಾಗಿದ್ದಾರೆ. ಮೊದಲ ದಿನ ಗೈರಾಗಿದ್ದ ಶಾರುಖ್ ಖಾನ್ ಎರಡನೇ ದಿನ ಹಾಜರಾಗಿ ಪ್ರೇಕ್ಷಕರಿಗೆ ಭರಪೂರ ಮನೊರಂಜನೆ ನೀಡಿದ್ದಾರೆ.
ಐಫಾ (IIFA) 2024 ಪ್ರಶಸ್ತಿ ಪ್ರದಾನ ಸಮಾರಂಭ ಅಬುಧಾಬಿಯ ಯಾಸಾ ದ್ವೀಪದಲ್ಲಿ ಅದ್ಧೂರಿಯಾಗಿ ನಡೆಯುತ್ತಿದೆ. ಭಾರತ ಚಿತ್ರರಂಗದ ಪ್ರಮುಖ ಚಿತ್ರರಂಗದವರು ಐಫಾನಲ್ಲಿ ಭಾಗಿಯಾಗಿದ್ದಾರೆ.
ಸೆಪ್ಟೆಂಬರ್ 27 ರಿಂದ 29ರ ವರೆಗೆ ಈ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯುತ್ತಿದ್ದು, ಭಾರತದ ಚಿತ್ರರಂಗದ ಸ್ಟಾರ್ ನಟರೆಲ್ಲರೂ ಈ ಕಾರ್ಯಕ್ರಮದಲ್ಲಿ ಒಟ್ಟಿಗೆ ಸೇರಿದ್ದಾರೆ.
ನಟ ಶಾರುಖ್ ಖಾನ್ ಮೊದಲ ದಿನ ಕಾರ್ಯಕ್ರಮಕ್ಕೆ ಬಂದಿರಲಿಲ್ಲ. ಆದರೆ ಸೆಪ್ಟೆಂಬರ್ 28ರಂದು ಐಫಾನಲ್ಲಿ ಶಾರುಖ್ ಖಾನ್ರದ್ದೆ ಹವಾ. ಅಭಿಮಾನಿಗಳೊಟ್ಟಿಗೆ ಬೆರೆತ ಶಾರುಖ್, ವೇದಿಕೆ ಮೇಲೆಯೂ ಮಿಂಚು ಹರಿಸಿದರು.
ಶಾರುಖ್ ಖಾನ್, ನಟ ವಿಕ್ಕಿ ಕೌಶಲ್ ಜೊತೆ ಸೇರಿಕೊಂಡು ಹಲವು ಹಿಂದಿ ಹಾಡುಗಳಿಗೆ ಸಖತ್ ಆಗಿ ಸ್ಟೆಪ್ಟ್ ಹಾಕಿದರು. ಕೆಲ ದಕ್ಷಿಣದ ನಟರೊಟ್ಟಿಗೂ ಸಹ ಶಾರುಖ್ ಡ್ಯಾನ್ಸ್ ಮಾಡಿದರು.
ಶಾರುಖ್ ಖಾನ್ ಅನ್ನು ನೋಡಲು ಭಾರಿ ಸಂಖ್ಯೆಯ ಜನ ಅಬುಧಾಬಿಯ ಯಾಸಾ ದ್ವೀಪದಲ್ಲಿ ಸೇರಿದ್ದರು. ನಟ ಶಾರುಖ್ ಖಾನ್ ಖುದ್ದಾಗಿ ಅಭಿಮಾನಿಗಳ ಬಳಿಗೆ ಹೋಗಿ ಹಲವರಿಗೆ ಹಸ್ತ ಲಾಘವ ಸಹ ಮಾಡಿದರು.
ವೇದಿಕೆ ಮೇಲೆ ದಕ್ಷಿಣ ಭಾರತದ ಸ್ಟಾರ್ ನಟ ವೆಂಕಟೇಶ್ ಅವರೊಟ್ಟಿಗೆ ಶಾರುಖ್ ಖಾನ್ ತುಸು ಕಾಲ ತಮಾಷೆಯ ಮಾತುಗಳನ್ನಾಡಿದರು. ಶಾರುಖ್ ಖಾನ್, ವೆಂಕಟೇಶ್ಗೆ ಬಾಗಿ ಕೈ ಮುಗಿದರು.
ಐಫಾ ಅವಾರ್ಡ್ಸ್ನಲ್ಲಿ ಬಾಲಿವುಡ್, ದಕ್ಷಿಣ ಭಾರತದ ದೊಡ್ಡ ಸ್ಟಾರ್ ನಟ, ನಟಿಯರು ಭಾಗಿ ಆಗಿದ್ದಾರೆ. ಐಶ್ವರ್ಯಾ ರೈ, ಮಣಿರತ್ನಂ, ವಿಕ್ಕಿ ಕೌಶಲ್, ಸಲ್ಮಾನ್ ಖಾನ್, ಮೆಗಾಸ್ಟಾರ್ ಚಿರಂಜೀವಿ ಇನ್ನೂ ಹಲವಾರು ಮಂದಿ ಭಾಗಿಯಾಗಿದ್ದಾರೆ.