‘ಕೆಜಿಎಫ್’ ಚೆಲುವೆ ಶ್ರೀನಿಧಿ ಶೆಟ್ಟಿಯ ಹೊಸ ಸಿನಿಮಾ: ನಾಯಕ ಯಾರು?
Srinidhi Shetty: 'ಕೆಜಿಎಫ್' ಸಿನಿಮಾದ ನಾಯಕಿ ಶ್ರೀನಿಧಿ ಶೆಟ್ಟಿಗೆ ಆ ಸಿನಿಮಾದ ಬಳಿಕ ನಿರೀಕ್ಷಿತ ಮಟ್ಟದಲ್ಲಿ ಅವಕಾಶಗಳು ಲಭಿಸಲಿಲ್ಲ. ಇದೀಗ ಹೊಸ ಸಿನಿಮಾವೊಂದನ್ನು ಶ್ರೀನಿಧಿ ಒಪ್ಪಿಕೊಂಡಿದ್ದು, ಮುಹೂರ್ತ ನಡೆದಿದೆ. ಸಿನಿಮಾದ ನಾಯಕ ಯಾರು?
'ಕೆಜಿಎಫ್', ಕನ್ನಡ ಚಿತ್ರರಂಗದ ಪಾಲಿಗೆ ಹೊರ ರಾಜ್ಯಗಳಲ್ಲಿ ಅವಕಾಶಗಳ ದೊಡ್ಡ ಹೆಬ್ಬಾಗಿಲೊಂದನ್ನು ತೆರೆದ ಸಿನಿಮಾ.
'ಕೆಜಿಎಫ್' ಸಿನಿಮಾದಲ್ಲಿ ಕೆಲಸ ಮಾಡಿದ ತಂತ್ರಜ್ಞರು ನಟರಿಗೆ ಹಲವು ಅವಕಾಶಗಳು ಲಭಿಸಿವೆ. ಆದರೆ ನಾಯಕಿ ಶ್ರೀನಿಧಿ ಶೆಟ್ಟಿಗೆ ನಿರೀಕ್ಷಿತ ಮಟ್ಟದಲ್ಲಿ ಅವಕಾಶಗಳು ಲಭಿಸಲಿಲ್ಲ ಎಂದೇ ಹೇಳಬೇಕು.
ಇದೀಗ ಶ್ರೀನಿಧಿ ಶೆಟ್ಟಿ ಹೊಸದೊಂದು ಸಿನಿಮಾಕ್ಕೆ ಸಹಿ ಹಾಕಿದ್ದು, ಸಿನಿಮಾದ ಮುಹೂರ್ತ ಅದ್ಧೂರಿಯಾಗಿ ನೆರವೇರಿದೆ.
'ತೆಲುಸು ಕದಾ' ಹೆಸರಿನ ತೆಲುಗು ಸಿನಿಮಾದಲ್ಲಿ ಶ್ರೀನಿಧಿ ಶೆಟ್ಟಿ ನಟಿಸುತ್ತಿದ್ದಾರೆ. ಸಿನಿಮಾದಲ್ಲಿ ರಾಶಿ ಖನ್ನಾ ಸಹ ಇದ್ದಾರೆ.
ಶ್ರೀನಿಧಿ ಶೆಟ್ಟಿಗೆ ಇದು ನಾಲ್ಕನೇ ಸಿನಿಮಾ. 'ಕೆಜಿಎಫ್ 1, 2' ಹಾಗೂ ತಮಿಳಿನ 'ಕೋಬ್ರಾ' ಹೆಸರಿನ ಸಿನಿಮಾದಲ್ಲಿ ಶ್ರೀನಿಧಿ ನಟಿಸಿದ್ದರು. ಈಗ 'ತೆಲುಸು ಕದಾ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಸಿನಿಮಾದ ಮುಹೂರ್ತ ಇತ್ತೀಚೆಗಷ್ಟೆ ನಡೆದಿದ್ದು, ತೆಲುಗು ನಟರಾದ ನಾನಿ, ನಿತಿನ್ ಅವರುಗಳು ಮುಹೂರ್ತ ಸಮಾರಂಭದಲ್ಲಿ ಭಾಗಿಯಾಗಿದ್ದರು.
ಈ ಸಿನಿಮಾದ ಬಳಿಕ ಶ್ರೀನಿಧಿ ಶೆಟ್ಟಿಗೆ ಇನ್ನೂ ಹೆಚ್ಚಿನ ಅವಕಾಗಳು ಬರುವ ನಿರೀಕ್ಷೆ ಇದೆ.
'ತೆಲುಸು ಕದಾ' ಸಿನಿಮಾಕ್ಕೆ ಸಿದ್ದು ಜೊನ್ನಲಗಡ್ಡ ನಾಯಕ. ಈ ಹಿಂದೆ 'ಡಿಜೆ ಟಿಲ್ಲು' ಸಿನಿಮಾದಲ್ಲಿ ಸಿದ್ದು ನಟಿಸಿದ್ದರು.