ಬಾಲಿವುಡ್ನಲ್ಲಿ ನಟಿಸಲು ನೋ ಎಂದ ಪಾಕ್ ಕಲಾವಿದರು ಇವರೇ; ಅವರು ಕೊಟ್ಟ ಕಾರಣಗಳೇನು?
ಪಾಕಿಸ್ತಾನದಿಂದ ಬಂದ ಅದೆಷ್ಟೋ ಕಲಾವಿದರು ಬಾಲಿವುಡ್ ಬಣ್ಣ ಲೋಕದಲ್ಲಿ ಮಿಂಚಿದ್ದಾರೆ. ಆದರೆ, ಅವರಲ್ಲಿ ಕೆಲ ನಟ, ನಟಿಯರು ಬಾಲಿವುಡ್ ಆಫರ್ಗಳನ್ನು ತಿರಸ್ಕರಿಸಿದ್ದಾರೆ.
ಕಲೆಗೆ ಮತ್ತು ಕಲಾವಿದರಿಗೆ ಯಾವುದೆ ಭಾಷೆ ಅಥವಾ ಗಡಿಯಿಲ್ಲ. ನೆರೆಯ ಪಾಕಿಸ್ತಾನದಿಂದ ಬಂದ ಅದೆಷ್ಟೋ ಕಲಾವಿದರು ಬಾಲಿವುಡ್ ಬಣ್ಣ ಲೋಕದಲ್ಲಿ ಮಿಂಚಿದ್ದಾರೆ. ಆದರೆ, ಅವರಲ್ಲಿ ಕೆಲ ನಟ, ನಟಿಯರು ಬಾಲಿವುಡ್ ಆಫರ್ಗಳನ್ನು ಮುಲಾಜಿಲ್ಲದೇ ತಿರಸ್ಕರಿಸಿದ್ದಾರೆ.
ಮೆಹ್ವಿಶ್ ಹಯಾತ್: 'ಜಟ್ ಜೇಮ್ಸ್ ಬಾಂಡ್' ಚಿತ್ರದಲ್ಲಿ ಜಿಮ್ಮಿ ಶೆರ್ಗಿಲ್ ಜೊತೆ ನಟಿಸಲು ಈ ಚೆಲುವೆಗೆ ಆಫರ್ ನೀಡಲಾಗಿತ್ತು. ಆದರೆ ಈ ಅವಕಾಶವನ್ನು ನಟಿ ಮೆಹ್ವಿಶ್ ಹಯಾತ್ ಬಿಲ್ ಕುಲ್ ಬೇಡ ಎಂದಿದ್ದರು.
ಫೈಸಲ್ ಖುರೇಷಿ: ಬಾಲಿವುಡ್ನಿಂದ ನಟ ಫೈಸಲ್ ಖುರೇಷಿ ಅವರಿಗೆ ಸಾಕಷ್ಟು ಚಿತ್ರಗಳ ಆಫರ್ ಬಂದಿದ್ದು, ಯಾವುದೂ ಕೂಡ ಅಷ್ಟೊಂದು ಚೆನ್ನಾಗಿಲ್ಲ ಎಂದು ನಟ ತಿರಸ್ಕರಿಸಿರುವುದಾಗಿ ವರದಿಯಾಗಿದೆ.
ಅಯೇಜಾ ಖಾನ್: ಬಾಲಿವುಡ್ ಸ್ಟಾರ್ ನಿರ್ದೇಶಕ ಇಮ್ತಿಯಾಜ್ ಅಲಿ ಅವರು ನಟಿ ಅಯೇಜಾ ಖಾನ್ಗೆ ಬಾಲಿವುಡ್ನಲ್ಲಿ ನಟಿಸಲು ಅವಕಾಶ ನೀಡಿದ್ದರು. ಆದರೆ ಟಾಕ್ ಶೋ ಒಂದರಲ್ಲಿ ಭಾಗವಹಿಸುತ್ತಿರುವುದರಿಂದ ಆ ಆಫರ್ವನ್ನು ಬೇಡ ಅಂದಿದ್ದರು.
ಹುಮಾಯೂನ್ ಸಯೀದ್: 'ಬಿನ್ ರಾಯ್' ಚಿತ್ರದ ಈ ನಟನಿಗೆ ಬಾಲಿವುಡ್ ನಿರ್ಮಾಪಕರಿಂದ ಸಾಕಷ್ಟು ಆಫರ್ಗಳನ್ನು ನೀಡಲಾಗಿದೆ ಎಂದು ಸಂದರ್ಶನವೊಂದರಲ್ಲಿ ಹೇಳಿದ್ದರು. ಆದರೂ "ಬಾಲಿವುಡ್ನಲ್ಲಿ ಕೆಲಸ ಮಾಡುವ ಮನಸ್ಥಿತಿಯಲ್ಲಿ ನಾನಿಲ್ಲ" ಎಂದು ಹೇಳಿದ್ದರು. ಅಲ್ಲಿಗೆ ಬಾಲಿವುಡ್ ಚಿತ್ರಗಳನ್ನು ನಿರಾಕರಿಸಿದವರಲ್ಲಿ ಇವರು ಒಬ್ಬರು.
ಸನಮ್ ಜಂಗ್: ಬಾಲಿವುಡ್ನ ದೊಡ್ಡ ದೊಡ್ಡ ನಿರ್ಮಾಪಕರು ಈ ನಟಿಗೆ ಒಳ್ಳೆಯ ಆಫರ್ಗಳನ್ನು ನೀಡಿದರು. ಮುಲಾಜಿಲ್ಲದೇ ನಾನು ನಟಿಸುವುದಿಲ್ಲ ಎಂದವರಲ್ಲಿ ಸನಮ್ ಜಂಗ್ ಕೂಡ ಒಬ್ಬರು.
ಹಮ್ಜಾ ಅಲಿ ಅಬ್ಬಾಸಿ: ನಟ ಅಕ್ಷಯ್ ಕುಮಾರ್ ನಟನೆಯ 'ಬೇಬಿ' ಚಿತ್ರದ ಮೂಲಕ ಬಾಲಿವುಡ್ಗೆ ಹಮ್ಜಾ ಅಲಿ ಅಬ್ಬಾಸಿ ಪಾದಾರ್ಪಣೆ ಮಾಡಿದರು. ಬಳಿಕ ಅವರಿಗೆ 'ಮೀಕಲ್ ಜುಲ್ಫಿಕರ್' ಚಿತ್ರದಲ್ಲಿ ಅವಕಾಶ ಸಿಕ್ಕಿತು. ಆದರೆ ಆ ಚಿತ್ರ ಪಾಕಿಸ್ತಾನಿ ವಿರೋಧಿ ವಿಚಾರಗಳನ್ನು ಹೊಂದಿದ್ದರಿಂದ ಆ ಚಿತ್ರದ ಆಫರ್ನ್ನು ತಿರಸ್ಕರಿಸಿದರು. ಈ ಕುರಿತಾಗಿ ನಟ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದರು.