ಚರ್ಮದ ಅಲರ್ಜಿ ಸಮಸ್ಯೆಗಳಿಗೆ ಈ ಆಹಾರಗಳನ್ನು ಸೇವಿಸಿ; ಫೋಟೋದೊಂದಿಗೆ ಇಲ್ಲಿದೆ ಮಾಹಿತಿ
ಚರ್ಮ ಕಾಂತಿಯುತವಾಗಿ ಕಾಣಬೇಕು ಎನ್ನುವುದು ಎಲ್ಲರ ಆಸೆ. ಆದರೆ ಅದಕ್ಕೆ ಬದುಕಿನ ಶೈಲಿ ಕೆಲವೊಮ್ಮೆ ಅಡ್ಡಿಯಾಗುತ್ತದೆ. ಹೀಗಾಗಿ ವೇಗದ ಬದುಕಿಗೂ ಅಡ್ಡಿಯಾಗದ ಈ ಆಹಾರಗಳನ್ನು ನಿಯಮಿತವಾಗಿ ಸೇವಿಸಿ ಚರ್ಮಕ್ಕೆ ಕಾಡುವ ಅಲರ್ಜಿ ಸಮಸ್ಯೆಗಳನ್ನು ಪರಿಹರಿಸಿಕೊಳ್ಳಿ.
ವೆಬ್‌ಎಮ್‌ಡಿಯಲ್ಲಿ ಪ್ರಕಟವಾದ ವೈದ್ಯಕೀಯವಾಗಿ ಪರಿಶೀಲಿಸಿದ ಲೇಖನದ ಪ್ರಕಾರ, ಎಲ್ಲಾ ಆಹಾರಗಳು ಅಲರ್ಜಿಯನ್ನು ಗುಣಪಡಿಸುವುದಿಲ್ಲ ಆದರೆ ವಿಟಮಿನ್‌ಗಳು, ಖನಿಜಗಳು ಮತ್ತು ಇತರ ಪೋಷಕಾಂಶಗಳು ನಮ್ಮ ಆರೋಗ್ಯಕ್ಕೆ ಉತ್ತಮವಾಗಿವೆ. ಅಂತಹ ಆಹಾರಗಳ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗಿದೆ.
ಚರ್ಮವು ಬಾಹ್ಯ ಸೌಂದರ್ಯವಾಗಿದ್ದರೂ ದೇಹದ ಆಂತರಿಕ ಸಮಸ್ಯೆಗಳನ್ನು ತೋರಿಸುತ್ತದೆ. ಆದ್ದರಿಂದ ಕೆಲವು ಆರೋಗ್ಯ ಸಮಸ್ಯೆಗಳಿಂದ ಚರ್ಮದ ಮೇಲೆ ಅಲರ್ಜಿ ಉಂಟಾಗುತ್ತದೆ ಎನ್ನುತ್ತಾರೆ ವೈದ್ಯರು. ಅದರ ತಡೆಗೆ ಈ ಕೆಳಗಿನ ಆಹಾರಗಳು ಸಹಾಯ ಮಾಡುತ್ತದೆ.
ಮೊಸರು ಉರಿಯೂತದ ಮತ್ತು ಅಲರ್ಜಿ-ವಿರೋಧಿ ಪರಿಣಾಮಗಳನ್ನು ಹೊಂದಿವೆ. ಹೀಗಾಗಿ ಚರ್ಮದ ಅಲರ್ಜಿ ಸಮಸ್ಯೆಗೆ ಮೊಸರು ಸಹಕಾರಿಯಾಗಿದೆ.
ವಿಟಮಿನ್ ಸಿ ಚರ್ಮದ ಆರೋಗ್ಯವನ್ನು ಕಾಪಾಡುವಲ್ಲಿ ಪ್ರಮುಖ ಪಾತ್ರಹಿಸುತ್ತದೆ. ಸ್ಟ್ರಾಬೆರಿ, ಸೇಬುವಿನಂತಹ ಹಣ್ಣುಗಳು ಚರ್ಮವನ್ನು ಆಳದಿಂದ ಆರೋಗ್ಯಯುತವಾಗಿಡುತ್ತದೆ.
ವಿಟಮಿನ್ ಇ ಅಂಶಗಳಿರು ಕಡಲೆಕಾಯಿ, ಸೂರ್ಯಕಾಂತಿ ಬೀಜಗಳು ಚರ್ಮದ ಸಮಸ್ಯೆಗೆ ಉತ್ತಮ ಪರಿಹಾರವನ್ನು ನೀಡುತ್ತದೆ ಎನ್ನುತ್ತಾರೆ ವೈದ್ಯರು.
ಕ್ವಸರ್ಟಿನ್ ಆಹಾರಗಳಾದ ಸೇಬು, ಟೀ, ಈರುಳ್ಳಿಯಂತಹ ಆಹಾರಗಳು ಚರ್ಮದ ಅಲರ್ಜಿಯನ್ನು ನಿವಾರಿಸುತ್ತವೆ.
ಸಮೃದ್ಧವಾದ ಮ್ಯಾಗ್ನಿಷಿಯಂ ಅಂಶಗಳಿರುವ ಆಹಾರಗಳಾದ ಬಾದಾಮಿ, ಗೋಡಂಬಿಗಳು ಅಲರ್ಜಿ ಸಮಸ್ಯೆಗಳನ್ನು ನಿವಾರಿಸುತ್ತವೆ.
ಒಟ್ಟಿನಲ್ಲಿ ಆರೋಗ್ಯಯುತ ಚರ್ಮವನ್ನು ಪಡೆಯಲು ಆಂತರಿಕವಾಗಿ ಆರೋಗ್ಯವನ್ನು ಉತ್ತಮಗೊಳಿಸಬೇಕು. ಅದಕ್ಕೆ ಈ ಮೇಲಿನ ಆಹಾರಗಳು ಹೆಚ್ಚು ಸಹಾಯಕವಾಗಿದೆ.