ವಿಶೇಷ ದಿನದ ಸೀರೆಗೆ ‘ಪ್ರೀತಿ’ಯ ಕ್ಯಾಪ್ಶನ್ ಕೊಟ್ಟ ತ್ರಿಷಾ ಕೃಷ್ಣನ್
ದಳಪತಿ ವಿಜಯ್ ಹಾಗೂ ತ್ರಿಷಾ ಮಧ್ಯೆ ಲವ್ ಇದೆ ಎಂಬ ಮಾತಿದೆ. ವಿಜಯ್ ಅವರು ಪ್ರಮಾಣವಚನ ಕಾರ್ಯಕ್ರಮಕ್ಕೆ ತ್ರಿಷಾ ಕೂಡ ತೆರಳಿದ್ದರು. ಈ ವೇಳೆ ತ್ರಿಷಾ ಸುಂದರವಾಗಿ ಸೀರೆ ಧರಿಸಿದ್ದರು. ಈಗ ಅದೇ ಫೊಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ. ಅದಕ್ಕೆ ಅವರು ನೀಡಿದ ಕ್ಯಾಪ್ಶನ್ ಗಮನ ಸೆಳೆದಿದೆ.
ತಮಿಳುನಾಡು ರಾಜಕಾರಣದಲ್ಲಿ ಹೊಸ ಇತಿಹಾಸ ಬರೆದ ದಳಪತಿ ವಿಜಯ್ ಅವರ ಪ್ರಮಾಣವಚನ ಕಾರ್ಯಕ್ರಮವು ಕೇವಲ ರಾಜಕೀಯವಾಗಿ ಮಾತ್ರವಲ್ಲದೆ, ಗ್ಲಾಮರ್ ಲೋಕದ ದೃಷ್ಟಿಯಿಂದಲೂ ಸುದ್ದಿಯಲ್ಲಿದೆ. ಈ ಮಹತ್ವದ ಕ್ಷಣಕ್ಕೆ ಸಾಕ್ಷಿಯಾಗಲು ನಟಿ ತ್ರಿಷಾ ಕೃಷ್ಣನ್ ಅವರು ಆಗಮಿಸಿದ್ದು ವಿಶೇಷವಾಗಿತ್ತು.
ತಿಳಿ ಬಣ್ಣದ ರೇಷ್ಮೆ ಸೀರೆಯಲ್ಲಿ ಕಂಗೊಳಿಸುತ್ತಿದ್ದ ತ್ರಿಷಾ, ಸಮಾರಂಭದ ಪ್ರಮುಖ ಆಕರ್ಷಣೆಯಾಗಿದ್ದರು. ಇದೀಗ ಅದೇ ಸುಂದರ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿರುವ ಅವರು, ‘The love is always louder’ (ಪ್ರೀತಿಯ ಧ್ವನಿ ಯಾವಾಗಲೂ ದೊಡ್ಡದಾಗಿರುತ್ತದೆ) ಎಂಬ ಕ್ಯಾಪ್ಶನ್ ನೀಡಿದ್ದಾರೆ.
ತ್ರಿಷಾ ಅವರ ಈ ಸಾಲುಗಳು ಈಗ ಅಭಿಮಾನಿಗಳ ವಲಯದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.p ಸೋಶಿಯಲ್ ಮೀಡಿಯಾದಲ್ಲಿ ಇದರ ಅರ್ಥವನ್ನು ಎರಡು ಆಯಾಮಗಳಲ್ಲಿ ನೋಡಲಾಗುತ್ತಿದೆ. ಅದು ಏನು ಎಂಬ ಬಗ್ಗೆ ಇಲ್ಲಿದೆ ವಿವರ.
ಜನರ ಪ್ರೀತಿ ಹಾಗೂ ಬೆಂಬಲ: ವಿಜಯ್ ಅವರು ಸಿನಿಮಾ ರಂಗವನ್ನು ಬಿಟ್ಟು ರಾಜಕೀಯಕ್ಕೆ ಬಂದಾಗ ಅನೇಕ ಟೀಕೆಗಳು ಕೇಳಿಬಂದಿದ್ದವು. ಆದರೆ ಪ್ರಮಾಣವಚನ ಕಾರ್ಯಕ್ರಮಕ್ಕೆ ಹರಿದುಬಂದ ಜನಸಾಗರ ಮತ್ತು ಅವರ ಮೇಲಿರುವ ಅಭಿಮಾನದ ಅಲೆ ಎಲ್ಲ ಟೀಕೆಗಳನ್ನು ಮರೆಮಾಚುವಂತಿತ್ತು. ‘ದ್ವೇಷ ಅಥವಾ ಟೀಕೆಗಳಿಗಿಂತ ಜನರ ಪ್ರೀತಿಯ ಧ್ವನಿ ಪ್ರಬಲವಾಗಿದೆ’ ಎಂಬ ಅರ್ಥದಲ್ಲಿ ತ್ರಿಷಾ ಈ ಮಾತನ್ನು ಹೇಳಿರಬಹುದು.
ವೈಯಕ್ತಿಕ ಸ್ನೇಹ ಮತ್ತು ಬಾಂಧವ್ಯ: ವಿಜಯ್ ಮತ್ತು ತ್ರಿಷಾ ನಡುವೆ ವಿಶೇಷ ಸಂಬಂಧವಿದೆ ಎಂಬ ವದಂತಿಗಳು ಕಾಲಿವುಡ್ನಲ್ಲಿ ದೀರ್ಘಕಾಲದಿಂದ ಹರಿದಾಡುತ್ತಿವೆ. ಟೀಕೆಗಳು ಎಷ್ಟೇ ಇದ್ದರೂ, ಪರಸ್ಪರ ಬೆಂಬಲವಾಗಿ ನಿಲ್ಲುವ ತಮ್ಮ ಪ್ರೀತಿ ಅಥವಾ ಸ್ನೇಹ ಎಲ್ಲದಕ್ಕಿಂತ ಮಿಗಿಲು ಎಂಬ ಗೂಢ ಸಂದೇಶವನ್ನೂ ಈ ಸಾಲುಗಳು ಸೂಚಿಸುತ್ತಿರಬಹುದು.
ತ್ರಿಷಾ ಹಂಚಿಕೊಂಡಿರುವ ಫೋಟೋಗಳಲ್ಲಿನ ಅವರ ಮಂದಹಾಸ ವಿಜಯ್ ಅವರ ಯಶಸ್ಸಿನ ಬಗ್ಗೆ ಅವರಿಗಿರುವ ಹೆಮ್ಮೆಯನ್ನು ಎತ್ತಿ ತೋರಿಸುತ್ತಿವೆ. ತ್ರಿಷಾ ಅವರ ಈ ಪೋಸ್ಟ್ ಸದ್ಯ ಚರ್ಚೆಗೆ ಕಾರಣ ಆಗಿದೆ.