Kannada News Photo gallery Try these Home Remedies for Stomach Pain feeling heaviness in Stomach after taking food
Health Tips: ಆಹಾರ ಸೇವನೆ ನಂತರ ಹೊಟ್ಟೆ ಭಾರವಾದಂತೆ ಆಗುತ್ತಿದ್ದರೆ ಈ ಮನೆಮದ್ದುಗಳ ಸಹಾಯ ಪಡೆದುಕೊಳ್ಳಿ
Home Remedies: ನೀವು ಆಹಾರ ಸೇವಿಸಿದ ನಂತರ ಹೊಟ್ಟೆ ಭಾರವಾದ ಭಾವನೆ ಉಂಟಾಗಬಹುದು. ಇದನ್ನು ಹೋಗಲಾಡಿಸಲು ವೈದ್ಯರ ಸಲಹೆಯ ಜೊತೆಗೆ ಮನೆಮದ್ದುಗಳನ್ನೂ ಅಳವಡಿಸಿಕೊಳ್ಳಬಹುದು. ಮನೆಯಲ್ಲಿ ಅದನ್ನು ತೊಡೆದುಹಾಕಲು ಕೆಲವು ಸಲಹೆಗಳನ್ನು ಇಲ್ಲಿ ತಿಳಿಯಿರಿ.
ಜೇನುತುಪ್ಪ: ಆಹಾರವನ್ನು ಸೇವಿಸಿದ ನಂತರ ಹೊಟ್ಟೆಯಲ್ಲಿನ ಭಾರವನ್ನು ತೆಗೆದುಹಾಕುವಲ್ಲಿ ಜೇನುತುಪ್ಪ ಪರಿಣಾಮಕಾರಿ ಎಂದು ಪರಿಗಣಿಸಲಾಗುತ್ತದೆ. ಇದಕ್ಕಾಗಿ ಆಹಾರ ಸೇವಿಸಿದ ನಂತರ ಸ್ವಲ್ಪ ಜೇನುತುಪ್ಪವನ್ನು ಸವಿಯುವುದನ್ನು ರೂಢಿಸಿಕೊಳ್ಳಿ. ಇದು ಭಾರದ ಹೊರತಾಗಿ ಇತರ ಹೊಟ್ಟೆಯ ಸಮಸ್ಯೆಗಳನ್ನು ಸಹ ತೆಗೆದುಹಾಕುತ್ತದೆ.
1 / 5
ಏಲಕ್ಕಿ: ಚಹಾ ಅಥವಾ ಆಹಾರದ ರುಚಿಯನ್ನು ಹೆಚ್ಚಿಸುವ ಹಸಿರು ಏಲಕ್ಕಿ, ಹೊಟ್ಟೆಯ ಭಾರವನ್ನು ಹೋಗಲಾಡಿಸಲು ಕೂಡ ಸಹಾಯ ಮಾಡುತ್ತದೆ. ಅದನ್ನು ಕೂಡ ಔಷಧವಾಗಿ ಬಳಸಬಹುದು. ಊಟ, ತಿಂಡಿ ತಿಂದ ನಂತರ ನೀವು ಹೊಟ್ಟೆಯ ಭಾರದಿಂದ ತೊಂದರೆಗೊಳಗಾಗಿದ್ದರೆ, ಹಸಿರು ಏಲಕ್ಕಿಯನ್ನು ಅಗಿಯಿರಿ. ಹೀಗೆ ಮಾಡುವುದರಿಂದ ಸಾಕಷ್ಟು ಪರಿಹಾರ ಸಿಗುತ್ತದೆ.
2 / 5
ಓಮದ ಕಾಳು ಮತ್ತು ಕಪ್ಪು ಉಪ್ಪು: ಈ ಎರಡೂ ವಸ್ತುಗಳು ಅಡುಗೆಮನೆಯಲ್ಲಿ ಸುಲಭವಾಗಿ ಲಭ್ಯವಿರುತ್ತವೆ. ಗ್ಯಾಸ್ ಮೇಲೆ ಒಂದು ಗ್ಲಾಸ್ ನೀರನ್ನು ಇಟ್ಟು ಕಾಯಲು ಬಿಡಿ. ಮತ್ತು ಅದಕ್ಕೆ ಎರಡು ಚಮಚ ಓಮದ ಕಾಳು ಹಾಗೂ ಅರ್ಧ ಚಮಚ ಕಪ್ಪು ಉಪ್ಪನ್ನು ಬೆರೆಸಿ ಕುದಿಸಿ. ನಂತರ ಕುಡಿಯಿರಿ. ಇದರಿಂದ ಹೊಟ್ಟೆ ಭಾರವಾಗುವಂತಹ ಸಮಸ್ಯೆಗಳು ಪರಿಹಾರ ಆಗುತ್ತವೆ.
3 / 5
ಸೋಂಪು ಕಾಳುಗಳು ಮತ್ತು ಸಕ್ಕರೆ ಕ್ಯಾಂಡಿ: ಸಾಮಾನ್ಯವಾಗಿ ಹೊಟೇಲುಗಳಲ್ಲಿ ಊಟ, ತಿಂಡಿಯ ನಂತರ ಈ ಕಾಳುಗಳನ್ನು ಬಿಲ್ ಜೊತೆಗೆ ನೀಡುತ್ತಾರೆ. ಅದನ್ನು ನೀವು ತಿಂದೂ ಇರುತ್ತೀರಿ. ಸೋಂಪು ಮತ್ತು ಸಕ್ಕರೆ ಮಿಠಾಯಿಗಳನ್ನು ಒಟ್ಟಿಗೆ ತಿಂದರೆ ಹೊಟ್ಟೆಯ ಭಾರ ಹಗುರಾದಂತೆ ಆಗುತ್ತದೆ. ಊಟ ಅಥವಾ ತಿಂಡಿಯ ನಂತರ ಸೋಂಪು ಕಾಳುಗಳನ್ನು ತುಂಡು ಕಲ್ಲುಸಕ್ಕರೆಯೊಂದಿಗೆ ಕೂಡ ತಿನ್ನಬಹುದು. ಇದರಿಂದ ಇತರ ಹೊಟ್ಟೆಯ ಸಮಸ್ಯೆಗಳು ಸಹ ಕಡಿಮೆ ಆಗುತ್ತದೆ.
4 / 5
ಅಗಸೆ ಬೀಜಗಳು: ಆಗಾಗ್ಗೆ ನಿಮಗೆ ಹೊಟ್ಟೆ ಭಾರವಾದಂತೆ ಅನುಭವ ಆಗುವ ಸಮಸ್ಯೆ ಇರಬಹುದು. ನೀವು ಅದನ್ನು ಮೂಲದಿಂದ ತೊಡೆದುಹಾಕಲು ಅಗಸೆ ಬೀಜಗಳ ಸಹಾಯವನ್ನು ಪಡೆದುಕೊಳ್ಳಬಹುದು. ಅಗಸೆ ಬೀಜಗಳನ್ನು ರಾತ್ರಿ ನೆನೆಸಿಟ್ಟು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಆ ನೀರನ್ನು ಕುಡಿಯಬಹುದು.
