TV9 Interview with PM Modi: ಟಿವಿ9 ಸಂದರ್ಶನದಲ್ಲಿ ಮೋದಿ ಬಿಚ್ಚಿಟ್ಟ ಪ್ರಮುಖಾಂಶಗಳು
ಟಿವಿ9 ಗ್ರೂಪ್ ಸಂಪಾದಕರು ಪ್ರ ಧಾನಿ ನರೇಂದ್ರ ಮೋದಿ(Narendra Modi)ಯವರೊಂದಿಗೆ ಇಂದು(ಮೇ.02) 8 ಗಂಟೆಯಿಂದ 10 ಗಂಟೆಯವರೆಗೆ ದುಂಡು ಮೇಜಿನ ಸಂದರ್ಶನವನ್ನು ನಡೆಸಿದ್ದು, ಕೆಲ ವಿಚಾರಗಳನ್ನು ಮೋದಿಯವರು ಬಿಚ್ಚಿಟ್ಟಿದ್ದಾರೆ. ಯಾವ್ಯಾವ ಪ್ರಮುಖಾಂಶಗಳು ಚರ್ಚೆಯಾದವು? ಇಲ್ಲಿದೆ ಮಾಹಿತಿ.
ಟಿವಿ9 ಗ್ರೂಪ್ನ 6 ಭಾಷೆಗಳ ಸಂಪಾದಕರು ಪ್ರಧಾನಿ ನರೇಂದ್ರ ಮೋದಿ(Narendra Modi)ಯವರೊಂದಿಗೆ ಇಂದು(ಮೇ.02) 8 ಗಂಟೆಯಿಂದ 10 ಗಂಟೆಯವರೆಗೆ ದುಂಡು ಮೇಜಿನ ಸಂದರ್ಶನವನ್ನು ನಡೆಸಿದ್ದು, ಕೆಲ ವಿಚಾರಗಳನ್ನು ಮೋದಿಯವರು ಬಿಚ್ಚಿಟ್ಟಿದ್ದಾರೆ.
ಕರ್ನಾಟಕದಲ್ಲಿ ಸಿದ್ದರಾಮಯ್ಯ ನೇತೃತ್ವದ ಸರ್ಕಾರ ಘೋಷಿಸಿರುವ ಗ್ಯಾರಂಟಿ ಯೋಜನೆಗಳು ಫಲಪ್ರದವಾಗುವುದಿಲ್ಲ. ದೇಶದ ಜನರು ಬುದ್ದಿವಂತರಿದ್ದಾರೆ. ಕಾಂಗ್ರೆಸ್ನವರ ಪ್ರತಿಯೊಂದು ಆಟವನ್ನೂ ಅವರು ಬಲ್ಲವರಾಗಿದ್ದು, ಅವರು 5 ಗ್ಯಾರಂಟಿ ತರಲಿ, 25 ಗ್ಯಾರಂಟಿ ತರಲಿ ಅಥವಾ 75 ಗ್ಯಾರಂಟಿ ತರಲಿ ಜನರ ಮನಸಿನಲ್ಲಿ ಜಾಗ ಪಡೆಯಲು ಸಾಧ್ಯವಾಗುವುದಿಲ್ಲ ಎಂದಿದ್ದಾರೆ.
ಈ 10 ವರ್ಷಗಳ ಕಾಲ ಮಾಡಿದ್ದು ಕೇವಲ ಟ್ರೇಲರ್, ಇನ್ನೂ ಪಿಕ್ಚರ್ ಬಾಕಿ ಇದೆ ಎಂದು ಪ್ರಧಾನಿ ಮೋದಿ ಹೇಳಿದ್ದರು. ಈ ಬಗ್ಗೆ ಟಿವಿ9 ಕನ್ನಡದ ರಂಗನಾಥ್ ಭಾರಧ್ವಾಜ್ ಪ್ರಧಾನಿ ಮೋದಿಯವರನ್ನು ಪ್ರಶ್ನೆ ಮಾಡಿದ್ದು, ಆ ಪಿಕ್ಚರ್ನಲ್ಲಿ ಏನೇನಿದೆ? ಎಂದು ಕೇಳಿದ್ದಾರೆ. ಅದಕ್ಕೆ ಉತ್ತರಿಸಿರುವ ಮೋದಿ, ನಾನು ನಿದ್ರೆಯನ್ನೂ ಬಿಟ್ಟು ಈ ದೇಶದ ಅಭಿವೃದ್ಧಿಗೆ ದುಡಿಯುತ್ತೇನೆ. ನಾನು ಇದಕ್ಕಿಂತ ಮೇಲೆ ಈ ದೇಶವನ್ನು ಕೊಂಡೊಯ್ಯುತ್ತೇನೆ. ಮತ್ತಷ್ಟು ಹೊಸ ಹೊಸ ಯೋಜನೆಗಳನ್ನು ಮಾಡುತ್ತೇನೆ. ನನಗೆ ಜಗತ್ತಿನಲ್ಲಿ ಹಿಂದೂಸ್ಥಾನದ ಪರ ಜೈಕಾರ ಹಾಕಬೇಕು ಎಂಬುದೊಂದೇ ಆಸೆಯಿದೆ ಎಂದಿದ್ದಾರೆ.
ಇನ್ನು ಅಯೋಧ್ಯೆಯಲ್ಲಿ ರಾಮಮಂದಿರದ ಪ್ರಾಣ ಪ್ರತಿಷ್ಠಾಪನೆಗೆ ವಿರೋಧ ಪಕ್ಷದವರು ಬಾರದಿರುವುದರ ಬಗ್ಗೆ ಕೇಳಿದ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಮೋದಿ, ಪ್ರಭು ಶ್ರೀರಾಮನ ಮೇಲೆ ನಾವು ಅಧಿಕಾರ ಚಲಾಯಿಸಲು ಸಾಧ್ಯವೇ? ಪ್ರಭು ರಾಮನದ್ದು ಎಷ್ಟೊಂದು ಮಹಾನ್ ವ್ಯಕ್ತಿತ್ವ. ಕಾಂಗ್ರೆಸ್ ಸುಮ್ಮನೆ ಏನೇನೋ ಸುಳ್ಳು ಸುದ್ದಿಗಳನ್ನು ಹರಡುತ್ತಿದೆ. ಆತ ಎಲ್ಲರ ರಾಮ. ರಾಮನ ಮೇಲೆ ಯಾರ ಮಾಲೀಕತ್ವವೂ ನಡೆಯೋದಿಲ್ಲ. ಕಾಂಗ್ರೆಸ್ನವರಿಗೆ ರಾಮ ಮಂದಿರ ಆದರೆ ಅವರ ವೋಟ್ ಬ್ಯಾಂಕ್ ಹೋಗುತ್ತದೆ ಎನಿಸಿದೆ. ಅದೇ ಭಯದಿಂದ ಅವರು ಮಾತನಾಡುತ್ತಿದ್ದಾರೆ ಎಂದರು.
ಇದೇ ವೇಳೆ ತೆಲಂಗಾಣ ರಾಜಕಾರಣದ ಬಗ್ಗೆಯೂ ಮಾತನಾಡಿರುವ ಪ್ರಧಾನಿ , ತೆಲಂಗಾಣದಲ್ಲಿ ಭ್ರಷ್ಟಾಚಾರದ ಜಾಲ ಇದ್ದು, ಅದರಲ್ಲಿ ಬಿಆರ್ಎಸ್ ಮತ್ತು ಕಾಂಗ್ರೆಸ್ ಜನರು ಇದ್ದಾರೆ. ಅಬಕಾರಿ ವಿಚಾರವಾಗಿ ಎಷ್ಟು ಹಗರಣ ಇದೆಯೋ ಅದರಲ್ಲಿ ಬಿಆರ್ಎಸ್ನವರ ಹೆಸರು ಕೇಳಿಬಂದಿದೆ. ದೆಹಲಿ ಸರ್ಕಾರ ಇದೇ ಕೇಸ್ನಲ್ಲಿ ಸಿಲುಕಿಕೊಂಡಿದೆ. ಈ ಪಂಜಾಬ್ ಸರ್ಕಾರದ ನೆತ್ತಿ ಮೇಲೂ ಕತ್ತಿ ಬೀಸುತ್ತಿದೆ. ರೇವಂತ್ ರೆಡ್ಡಿ ಅಲ್ಲಿ ಕಮಿಷನ್ ಸಿಗುವ ಯಾವ ಸಣ್ಣ ವಿಚಾರವನ್ನೂ ಬಿಡುತ್ತಿಲ್ಲ ಎಂದಿದ್ದಾರೆ.
ಕಾಂಗ್ರೆಸ್ನಲ್ಲಿ ಪ್ರಧಾನ ಮಂತ್ರಿ ಅಭ್ಯರ್ಥಿಯ ಹೆಸರನ್ನೇ ಹೇಳಲು ಆಗುತ್ತಿಲ್ಲ. ಆದ್ದರಿಂದ ಜನರು ಯಾರ ಮುಖ ನೋಡಿ ಮತ ಹಾಕುತ್ತಾರೆ? ಒಂದೊಂದು ವರ್ಷ ಒಬ್ಬೊಬ್ಬರು ಪ್ರಧಾನಿ ಆಗುತ್ತಾರೆ ಎಂದು ಹೊಸ ಆಟವಾಡುತ್ತಿದ್ದಾರೆ. ಇದರಿಂದ ದೇಶದ ಅಭಿವೃದ್ಧಿ ಹೇಗೆ ಆಗುತ್ತದೆ? ಎಂದರು.
Published On - 10:17 pm, Thu, 2 May 24