NDA vs INDIA: ಲೋಕಸಭೆ ಚುನಾವಣೆ ಜಯಿಸಲು ಉಭಯ ಮೈತ್ರಿಕೂಟಗಳ ತಂತ್ರಗಾರಿಕೆ ಏನು?

ಲೋಕಸಭೆ ಚುನಾವಣೆ ಜಯಿಸಲು ಉಭಯ ಮೈತ್ರಿಕೂಟಗಳ ತಂತ್ರಗಾರಿಕೆ ಏನು? ಏನೇನು ತಂತ್ರ ಪ್ರತಿತಂತ್ರ ಹಾಕಿಕೊಂಡಿವೆ ಎಂಬುದರ ಇಣುಕುನೋಟ ಇಲ್ಲಿದೆ.

ಮಲ್ಲಿಕಾರ್ಜುನ ಖರ್ಗೆ ಮತ್ತು ನರೇಂದ್ರ ಮೋದಿImage Credit source: PTI

ಪ್ರಸನ್ನ ಗಾಂವ್ಕರ್ | Edited By: ಗಣಪತಿ ಶರ್ಮಾ|
Updated on:Jul 19, 2023 | 9:51 PM

ಬೆಂಗಳೂರು, ಜುಲೈ 19: ಲೋಕಸಭೆ ಚುನಾವಣೆ (Lok Sabha Election 2024) ಸಮೀಪಿಸುತ್ತಿದ್ದಂತೆಯೇ ಆಡಳಿತಾರೂಢ ಎನ್ಡಿಎ ಮತ್ತು ಪ್ರತಿಪಕ್ಷಗಳ ಮೈತ್ರಿಕೂಟ ಭರ್ಜರಿ ಸಿದ್ಧತೆ ಆರಂಭಿಸಿವೆ. ಕಾಂಗ್ರೆಸ್, ಟಿಎಂಸಿ ಸೇರಿದಂತೆ 26 ಪಕ್ಷಗಳ ಮಹಾ ಮೈತ್ರಿಕೂಟ ಬೆಂಗಳೂರಿನಲ್ಲಿ ಎರಡನೇ ಸಭೆ ನಡೆಸಿದ್ದು, ತಮ್ಮ ಮೈತ್ರಿಕೂಟಕ್ಕೆ ‘ಇಂಡಿಯನ್ ನ್ಯಾಷನಲ್ ಡೆಮಾಕ್ರಟಿಕ್ ಇನ್ಕ್ಲೂಸಿವ್ ಅಲೈನ್ಸ್ (INDIA / Indian National Developmental Inclusive Alliance) ಎಂದು ನಾಮಕರಣ ಮಾಡಿದೆ. ಈ ಮಧ್ಯೆ ಎನ್ಡಿಎ (NDA) ಮಿತ್ರಪಕ್ಷಗಳು ದೆಹಲಿಯಲ್ಲಿ ಸಭೆ ಸೇರಿ ಚುನಾವಣಾ ತಾಲೀಮಿಗೆ ರಣಕಹಳೆ ಮೊಳಗಿಸಿವೆ.

ಲೋಕಸಭೆ ಚುನಾವಣೆ ಜಯಿಸಲು ಉಭಯ ಮೈತ್ರಿಕೂಟಗಳ ತಂತ್ರಗಾರಿಕೆ ಏನು? ಏನೇನು ತಂತ್ರ ಪ್ರತಿತಂತ್ರ ಹಾಕಿಕೊಂಡಿವೆ ಎಂಬುದರ ಇಣುಕುನೋಟ ಇಲ್ಲಿದೆ.

INDIA ಮೈತ್ರಿಕೂಟದ ತಂತ್ರಗಾರಿಕೆ ಏನು?

ಎನ್ಡಿಎ ರಾಷ್ಟ್ರೀಯವಾದಿ ರಾಜಕಾರಣಕ್ಕೆ ರಾಷ್ಟ್ರೀಯವಾದದಿಂದಲೇ ತಿರುಗೇಟು ನೀಡಲು ಯೋಜನೆ
ಇಂಡಿಯಾ ಎಂಬ ಹೆಸರಿನ ಮೂಲಕ ಭಾವನಾತ್ಮಕ, ರಾಷ್ಟ್ರೀಯವಾದಿ ಸ್ಪರ್ಶ ನೀಡಿ ಮೊದಲ ತಂತ್ರ
ಭಾರತ್ ಜೋಡೋ ಮಾದರಿಯಲ್ಲೇ ಹೋರಾಟಗಳನ್ನು ರೂಪಿಸಲು ಚಿಂತನೆ
ಬಿಜೆಪಿ ವಿರುದ್ದ ಎಲ್ಲ ರಾಜ್ಯಗಳಲ್ಲೂ ಕಾಮನ್ ಮಿನಿಮಮ್ ಪ್ರೋಗ್ರಾಂ ಅಡಿಯಲ್ಲಿ ಹೋರಾಟ
ಮಣಿಪುರ ಗಲಭೆ ಸೇರಿದಂತೆ ಹಲವು ಅಂಶಗಳನ್ನು ಇಟ್ಟುಕೊಂಡು ಹೋರಾಟ ನಡೆಸಲು ಪ್ಲ್ಯಾನ್
ಆರ್ಥಿಕ ಹಿಂಜರಿತ, ಬೆಲೆ ಏರಿಕೆ ಉಂಟಾಗಲು ಪ್ರಧಾನಿ ಮೋದಿಯೇ ನೇರ ಕಾರಣ ಎಂದು ಬಿಂಬಿಸುವ ಪ್ರಯತ್ನ
ಸಾಮಾನ್ಯ ಜನರ ಮನಸ್ಸಿನಲ್ಲಿ ಇಂಡಿಯಾ ಒಕ್ಕೂಟದ ಬಗ್ಗೆ ಭರವಸೆ ಮೂಡಿಸುವುದು
ಲೋಕಸಭೆ ಸೀಟು ಹಂಚಿಕೆ ಸಂಬಂಧ ಪ್ರತ್ಯೇಕ ಸಮಿತಿ ರಚನೆ ಮಾಡಿಕೊಂಡು ತೀರ್ಮಾನ
ಯಾವ ಯಾವ ರಾಜ್ಯಗಳಲ್ಲಿ ಸೀಟು ಹಂಚಿಕೆಗೆ ಕೈ ಜೋಡಿಸಬೇಕು ಎಂದು ತೀರ್ಮಾನಿಸಲಿರುವ ಸಮಿತಿ
ಆಯಾಯ ರಾಜ್ಯಗಳ ಪರಿಸ್ಥಿತಿಗೆ ಅನುಗುಣವಾಗಿ ಸೀಟು ಹಂಚಿಕೆ ಪ್ರಕ್ರಿಯೆ
ಇಂಡಿಯಾ ಒಕ್ಕೂಟ ಈಗ ಸರಿಸುಮಾರು 150 ಲೋಕಸಭೆ ಸದಸ್ಯರನ್ನು ಹೊಂದಿದೆ
ಈ ಸಂಖ್ಯೆಯನ್ನು ಕನಿಷ್ಟ 260 ಕ್ಕೆ ಹೆಚ್ಚಿಸುವುದು
ಚುನಾವಣಾ ಸುಧಾರಣೆಗಳ ಹೆಸರಲ್ಲಿ ಇವಿಎಂ ಮಷಿನ್ಗಳ ದುರ್ಬಳಕೆ ವಿರುದ್ದವೂ ಹೋರಾಟ ರೂಪಿಸುವುದು
ಎನ್ಡಿಎ ಮೈತ್ರಿಕೂಟದಿಂದ ಬೇಸರಗೊಂಡಿರುವ ಬೇರೆ ಬೇರೆ ಪಕ್ಷಗಳನ್ನು ತಮ್ಮತ್ತ ಸೆಳೆಯುವುದು

2024ರ ಚುನಾವಣೆ ಗೆಲ್ಲಲು ಎನ್ಡಿಎ ಮಾಸ್ಟರ್ ಪ್ಲಾನ್ ಏನು?

2024 ರಲ್ಲಿಯೂ ನರೇಂದ್ರ ಮೋದಿಯವರ ನೇತೃತ್ವದಲ್ಲೇ ಚುನಾವಣೆ ಎದುರಿಸುವುದು
ಎನ್ಡಿಎಗೆ ಶೇ 50 ಓಟ್ ಶೇರ್ ಬರುವಂತೆ ಪ್ರಯತ್ನ ಪಡುವುದು
ಪ್ರಧಾನಿ ಮೋದಿ‌ಯನ್ನು ಸೋಲಿಸುವುದಕ್ಕೆ ವಿರೋಧ ಪಕ್ಷಗಳು ಒಗ್ಗಟಾಗಿವೆ ಎಂದು ಬಿಂಬಿಸುವುದು
ರಾಷ್ಟ್ರೀಯವಾದಿ ರಾಜಕಾರಣವನ್ನು ಮುನ್ನೆಲೆಗೆ ತರುವುದು
ವಿರೋಧ ಪಕ್ಷಗಳ ಒಕ್ಕೂಟವನ್ನು ‘ಕುಟುಂಬದ ಪರವಾಗಿ ಒಕ್ಕೂಟ’ ಎಂದು ಬಿಂಬಿಸುವುದು
ಪಕ್ಷ ದುರ್ಬಲ‌ ಇರುವ ಕಡೆ ಸಣ್ಣ ಸಣ್ಣ ಪಕ್ಷಗಳಿಗೂ ಮಹತ್ವ ನೀಡಿ, ಟಿಕೆಟ್ ನೀಡುವುದು
ಹೀಗಾಗಿ ಸಣ್ಣ, ಸಣ್ಣ ಪಕ್ಷಗಳು ಸೇರಿ‌ಸಿಕೊಂಡು 38 ಪಕ್ಷಗಳ ಒಕ್ಕೂಟ
ನಿರ್ದಿಷ್ಟ ಜಾತಿಯ ಮೇಲೆ‌ ಪ್ರಭಾವ ಇರುವ ಪಕ್ಷಗಳನ್ನು ಎನ್ಡಿಎ ಫೋಕಸ್ ಮಾಡಿದೆ
ಉತ್ತರಪ್ರದೇಶ, ಬಿಹಾರದಲ್ಲಿ ನಿರ್ದಿಷ್ಟ ಜಾತಿಗಳ ನಾಯಕರನ್ನು ಸೇರಿಸಿಕೊಂಡಿದೆ
ಸಣ್ಣ ಜಾತಿಗಳ ಪಕ್ಷವಾಗಿದ್ದರೂ ಮನ್ನಣೆ ನೀಡಿದೆ

NDA ಅಥವಾ INDIA ಮೈತ್ರಿಕೂಟಕ್ಕೆ‌ ಸೇರದ ಪಕ್ಷಗಳು ಯಾವುವು?

ಒಡಿಶಾದ ಬಿಜು ಜನತಾ ದಳ
ಆಂಧ್ರದ ವೈಎಸ್‌ಆರ್ ಕಾಂಗ್ರೆಸ್
ಕರ್ನಾಟಕದ ಜೆಡಿಎಸ್
ಉತ್ತರಪ್ರದೇಶದಲ್ಲಿ ಬಿಎಸ್‌ಪಿ
ಪಂಜಾಬ್‌ನ ಅಕಾಲಿದಳ
ಆಂಧ್ರಪ್ರದೇಶದ ತೆಲುಗು ದೇಶಂ ಪಕ್ಷ
ತೆಲಂಗಾಣದ ಬಿಆರ್ಎಸ್

ಮತ್ತಷ್ಟು ರಾಜಕೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 9:15 pm, Wed, 19 July 23

LIVETV

Prasanna Gaonkar

ಹುಟ್ಟೂರು ಯಲ್ಲಾಪುರ, ಬೆಳೆದೂರು ದಾಂಡೇಲಿಯ ದಟ್ಟ ಕಾಡುಗಳ ನಡುವೆ. ರವಿ ಬೆಳಗೆರೆ ಎಂಬ ಅಕ್ಷರ ರಾಕ್ಷಸನ ಕಟ್ಟಾಭಿಮಾನದಿಂದ ಹಾಳಾಗಿ, ಸೈನ್ಸ್ ನಲ್ಲಿ ಡಿಗ್ರಿ ಪಡೆದು ಜರ್ನಲಿಸಂಗೆ ಹಿಂಬದಿ ಕಿಟಕಿಯಿಂದ ನುಸುಳಿದ್ದು 2010 ರ ಅಕ್ಟೋಬರ್ ನಲ್ಲಿ. ಉಡುಪಿಯಲ್ಲಿ ಮೊದಲ ಪತ್ರಿಕೋದ್ಯಮ ಕರ್ತವ್ಯ ಪ್ರಾರಂಭಿಸಿದ್ದು 2010 ರಲ್ಲಿಯೇ. ಜನಶ್ರೀ ನ್ಯೂಸ್ ಮೊದಲು ಅನ್ನ ನೀಡಿದ ಸಂಸ್ಥೆ. ಉಡುಪಿ ಜಿಲ್ಲಾ ವರದಿಗಾರನಾಗಿ ಮೂರು ವರ್ಷ ಕೆಲಸ ಮಾಡಿ 2013 ರ ಅಂತ್ಯಕ್ಕೆ ಸಮಯ ನ್ಯೂಸ್ ಮೂಲಕ ಬೆಂಗಳೂರಿಗೆ ಎಂಟ್ರಿ. ಬಿಗ್ ೩, ಬೆಂಗಳೂರ್ ಲೈವ್, ಸಮಯ ಸಕಾಲ ಕಾರ್ಯಕ್ರಮದಲ್ಲಿ ವರದಿಗಾರಿಕೆ ಮಾಡಿದ ಖುಷಿ. 2014 ರ ಡಿಸೆಂಬರ್ ನಿಂದ ಟಿವಿ9 ನಲ್ಲಿ ಕೆಲಸ ಪ್ರಾರಂಭ. ಟಿವಿ9 ನಲ್ಲಿ ಮೊದಲು ಮೆಟ್ರೋ ರಿಪೋರ್ಟಿಂಗ್ ಮೂಲಕ ಬೆಂಗಳೂರು ಸುತ್ತುವ ಅರಿಯುವ ರಾಜಧಾನಿಯ ನಾಡಿಮಿಡಿತ ಹುಡುಕುವ ಅವಕಾಶ. ಮೆಟ್ರೋ ಬ್ಯೂರೋ ದಲ್ಲಿ ಶೈಕ್ಷಣಿಕ ಹಾಗೂ ಬಿಬಿಎಂಪಿ ವರದಿಗಾರಿಕೆ. ಚಪ್ಪಲಿಯಿಂದ ಹಿಡಿದು ಚಾದರ್ ತನಕ ಸ್ಟೋರಿ ಮಾಡಿದ ಅನುಭವ. ಮೆಟ್ರೋ ಟೀಂ ನಿಂದ ರಾಜಕೀಯ ವರದಿಗಾರಿಕೆಗೆ ಶಿಫ್ಟ್ ಆದ ತಕ್ಷಣ- ಮುಂದುವರಿದಿದೆ ನಿರಂತರ ಪಯಣ. ಕಥೆ, ಕಾದಂಬರಿ, ಕವನ, ಸಿನಿಮಾ, ಸುತ್ತಾಟ, ಆಗಾಗ ಕಿತ್ತಾಟ, ಸ್ನೇಹಿತರೊಂದಿಗೆ ಒಡನಾಟ ಇವೆಲ್ಲ ಮಾಮೂಲಿ ದಿನಚರಿ. ಇವತ್ತಿಗೂ ಬರವಣಿಗೆಯೊಂದೇ ಖುಷಿ ಕೊಡುವ ಖರ್ಜೂರ. ಸ್ಟಾಕ್ ಮಾರ್ಕೆಟ್ ನಲ್ಲಿ 2019 ರಿಂದ ಆ್ಯಕ್ಟಿವ್.