Penny Stock: 1 ಲಕ್ಷ ರೂ. ಹೂಡಿಕೆಗೆ 67 ಲಕ್ಷ ರೂ. ಗಳಿಸಿಕೊಟ್ಟಿದೆ ಈ ಪೆನ್ನಿ ಸ್ಟಾಕ್!

2022ರಲ್ಲಿ ಬೋನಸ್ ನೀಡುತ್ತಿರುವ ಷೇರುಗಳಲ್ಲಿ ಸಿಂಧು ಟ್ರೇಡ್ ಲಿಂಕ್ಸ್ ಲಿಮಿಟೆಡ್ (Sindhu Trade Links Ltd) ಕಂಪನಿಯ ಮಲ್ಟಿ ಬ್ಲಾಗರ್ ಷೇರು (Multibagger penny stock) ಕೂಡ ಒಂದಾಗಿದೆ. 2022ರ ಮೇ ತಿಂಗಳಲ್ಲಿ ಈ ಕಂಪನಿಯು 2:1 ರ ಅನುಪಾತದಲ್ಲಿ ಬೋನಸ್​ ಷೇರುಗಳನ್ನು ವಿತರಿಸಿದೆ. ದೀರ್ಘಾವಧಿಯ ಹೂಡಿಕೆದಾರರಿಗೆ ಈ ಬೋನಸ್​ ಹೆಚ್ಚುವರಿ ಬಹುಮಾನವಾಗಿದ್ದು, ಷೇರಿನ ಮುಖಬೆಲೆ ಆರು ವರ್ಷಗಳಲ್ಲಿ ₹0.56 ರಿಂದ 19 ರೂ.ವರೆಗೆ ವೃದ್ಧಿಯಾಗಿದೆ. ಅಂದರೆ, ಆರು ವರ್ಷಗಳ ಹಿಂದೆ 1 ಲಕ್ಷ ರೂ. ಹೂಡಿಕೆ ಮಾಡಿದ್ದವರಿಗೆ ಈಗ ಬೋನಸ್ ಸೇರಿ 67 ಲಕ್ಷ ರೂ. ದೊರೆತಂತಾಗಿದೆ.

ಸಿಂಧು ಟ್ರೇಡ್ ಲಿಂಕ್ಸ್ ಷೇರು ಮೌಲ್ಯದ ಹಿನ್ನೆಲೆ

ಈ ವರ್ಷ ಫೆಬ್ರುವರಿಯಲ್ಲಿ ಕಂಪನಿಯ ಷೇರುಗಳು ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ 55.40 ರೂ.ಗೆ ತಲುಪಿದ್ದವು. ಬಳಿಕ ಈ ವರ್ಷದ ಲೆಕ್ಕಾಚಾರದ ಪ್ರಕಾರ ಶೇಕಡಾ 20ರಷ್ಟು ಕುಸಿತ ಕಂಡಿದ್ದವು. ಹೆಚ್ಚಿನ ಪ್ರಮಾಣದಲ್ಲಿ ಮಾರಾಟವಾದ್ದರಿಂದ ಕಳೆದ ಒಂದು ವರ್ಷದಲ್ಲಿ ಈ ಪೆನ್ನಿ ಷೇರು ಶೂನ್ಯ ಗಳಿಕೆ ದಾಖಲಿಸಿದೆ. ಆದರೆ, ಕಳೆದ 5 ವರ್ಷಗಳ ಅವಧಿಯಲ್ಲಿ ಈ ಷೇರಿನ ಮೌಲ್ಯ 1.20 ರೂ.ನಿಂದ 19 ರೂ.ವರೆಗೆ ತಲುಪಿದೆ. ಇದರೊಂದಿಗೆ ಹೂಡಿಕೆದಾರರಿಗೆ ಶೇಕಡಾ 1,500ರಷ್ಟು ರಿಟರ್ನ್ಸ್ ತಂದುಕೊಟ್ಟಿದೆ. 2017ರ ಫೆಬ್ರುವರಿಯಲ್ಲಿ ಈ ಪೆನ್ನಿ ಷೇರು 0.56 ರೂ.ನಲ್ಲಿ ವಹಿವಾಟು ಮುಗಿಸಿತ್ತು. ಅಲ್ಲಿಂದ ಬಳಿಕ 19 ರೂ.ವರೆಗೆ ವೃದ್ಧಿ ದಾಖಲಿಸಿದೆ.

ಇದನ್ನೂ ಓದಿ: Paytm shares: ಪೇಟಿಎಂ ಷೇರು ಮೌಲ್ಯ ಭಾರಿ ಕುಸಿತ; ಈಗ ಷೇರು ಖರೀದಿ ಸೂಕ್ತವೇ?

ಸಿಂಧು ಟ್ರೇಡ್ ಲಿಂಕ್ಸ್ ಬೋನಸ್ ಷೇರಿನ ಇತಿಹಾಸ

ದೀರ್ಘಾವಧಿಯ ಹೂಡಿಕೆದಾರರಿಗೆ ಈ ಕಂಪನಿಯ ಷೇರುಗಳು ಉತ್ತಮ ಗಳಿಕೆ ತಂದುಕೊಟ್ಟಿವೆ. ಕಳೆದ ಆರು ವರ್ಷಗಳಲ್ಲಿ ಈ ಪೆನ್ನಿ ಷೇರು ಬೋನಸ್​ಗಳನ್ನು ಕೊಡುತ್ತಾ ಬಂದಿದೆ. ಈ ವರ್ಷ ಮೇ ತಿಂಗಳಲ್ಲಿ ಕಂಪನಿಯ ನಿರ್ದೇಶಕರ ಮಂಡಳಿ 2:1ರ ಅನುಪಾತದಲ್ಲಿ ಬೋನಸ್ ನೀಡುವುದಾಗಿ ಘೋಷಿಸಿತ್ತು.

ಹೂಡಿಕೆದಾರರ ಮೇಲಿನ ಪರಿಣಾಮ

ಸಿಂಧು ಟ್ರೇಡ್ ಲಿಂಕ್ಸ್​ನಲ್ಲಿ ಆರು ವರ್ಷಗಳ ಹಿಂದೆ 0.56 ರೂ.ನಂತೆ 1 ಲಕ್ಷ ರೂ. ಹೂಡಿಕೆ ಮಾಡಿದ್ದವರಿಗೆ ಆಗ 1,78,571 ಷೇರುಗಳು ದೊರೆತಿರುತ್ತವೆ. ಈಗ ಕಂಪನಿಯು 2:1ರ ಅನುಪಾತದಲ್ಲಿ ಬೋನಸ್ ಘೋಷಿಸಿರುವುದರಿಂದ ಹೆಚ್ಚುವರಿ ಹೂಡಿಕೆ ಮಾಡದೆಯೇ ಅವರ ಬಳಿ ಇರುವ ಷೇರುಗಳ ಸಂಖ್ಯೆ 3,57,142 ತಲುಪಿರುತ್ತವೆ.

ಬೋನಸ್ ಷೇರುಗಳ ಪ್ರಯೋಜನ

ಆರು ವರ್ಷಗಳ ಹಿಂದೆ 0.56 ರೂ.ನಂತೆ 1 ಲಕ್ಷ ರೂ. ಹೂಡಿಕೆ ಮಾಡಿದ್ದವರಿಗೆ ಆಗ 1,78,571 ಷೇರುಗಳು ದೊರೆತಿದ್ದವಷ್ಟೇ. ಈಗ ಬೋನಸ್ ಸಹ ಸೇರಿ ಅವರ ಕೈಯಲ್ಲಿ 3,57,142 ಷೇರುಗಳಿರುತ್ತವೆ. ಈಗ ಸಿಂಧು ಟ್ರೇಡ್ ಲಿಂಕ್ಸ್ ಮಲ್ಟಿಬ್ಲಾಗರ್ ಪೆನ್ನಿ ಷೇರಿನ ಮುಖಬೆಲೆ 19 ರೂ. ಇದೆ. ಪರಿಣಾಮವಾಗಿ ಆಗ 1 ಲಕ್ಷ ರೂ. ಹೂಡಿಕೆ ಮಾಡಿದ್ದವರಿಗೆ ಈಗ 67 ಲಕ್ಷ ರೂ. ದೊರೆತಂತಾಯಿತು.

ಸಿಂಧು ಟ್ರೇಡ್ ಲಿಂಕ್ಸ್ ಲಿಮಿಟೆಡ್ ಬಿಎಸ್​ಇಯಲ್ಲಿ ಲಿಸ್ಟ್ ಆಗಿರುವ ಷೇರು ಆಗಿದ್ದು, ಪ್ರಸ್ತುತ 2,952 ಕೋಟಿ ರೂ. ಮಾರುಕಟ್ಟೆ ಬಂಡವಾಳ ಹೊಂದಿದೆ ಎಂದು ‘ಲೈವ್ ಮಿಂಟ್’ ವರದಿ ತಿಳಿಸಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ