Stock Market Updates: ವಾರದ ಆರಂಭದ ವಹಿವಾಟಿನಲ್ಲಿ ಯಾರಿಗೆ ಗಳಿಕೆ, ಯಾರಿಗೆ ನಷ್ಟ?

ಮುಂಬೈ: ಜಾಗತಿಕ ಆರ್ಥಿಕ ಹಿಂಜರಿತದ (Global Recession) ಆತಂಕ ಮುಂದುವರಿದಿರುವ ಮಧ್ಯೆಯೇ ಭಾರತೀಯ ಷೇರುಪೇಟೆಯಲ್ಲಿ (Stock Market) ಸೋಮವಾರ ಬೆಳಿಗ್ಗೆ ವಾರದ ಆರಂಭಿಕ ವಹಿವಾಟು ಮಂದಗತಿಯಲ್ಲಿ ಸಾಗಿದೆ. ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಬಿಎಸ್​ಇ (BSE) ಬೆಳಿಗ್ಗೆ 10 ಗಂಟೆ ವೇಳೆಗೆ 73.7 ಅಂಶ ಕುಸಿದು 57,846.27 ರಲ್ಲಿ ವಹಿವಾಟು ನಡೆಸುತ್ತಿದೆ. . ಸೆನ್ಸೆಕ್ಸ್ 44.45 ಅಂಶ ಕುಸಿದು 17,141.25 ಆಗಿದೆ. ನಿಫ್ಟಿ ಮಿಡ್​ಕ್ಯಾಪ್ 100 ಮತ್ತು ನಿಫ್ಟಿ ಸ್ಮಾಲ್​ಕ್ಯಾಪ್ 100 ಶೇಕಡಾ 0.2ರಷ್ಟು ಕುಸಿತ ದಾಖಲಿಸಿವೆ.

ಹೆಚ್ಚು ಗಳಿಕೆ ಕಂಡ ಕಂಪನಿಗಳು:

ಬಜಾಜ್​ ಆಟೊ ಷೇರು ಉತ್ತಮ ಗಳಿಕೆ ದಾಖಲಿಸಿದೆ. ಕಂಪನಿಯ ಷೇರು ಮೌಲ್ಯದಲ್ಲಿ ಶೇಕಡಾ 2.46 ಏರಿಕೆಯಾಗಿದೆ. ಎಸ್​ಬಿಐ, ಐಸಿಐಸಿ ಬ್ಯಾಂಕ್, ಹೀರೊ ಮೋಟಾರ್​ಕಾರ್ಪ್ ಷೇರುಗಳು ಗಳಿಕೆ ದಾಖಲಿಸಿದ್ದರೆ, ಜೆಎಸ್​ಡಬ್ಲ್ಯೂ ಸ್ಟೀಲ್, ಅದಾನಿ ಎಂಟರ್​ಪ್ರೈಸಸ್, ಅಪೋಲೊ ಹಾಸ್ಪಿಲ್ ಷೇರುಗಳು ಕುಸಿತ ಕಂಡಿವೆ. ಡಾಲರ್ ಮೌಲ್ಯ ವೃದ್ಧಿಯಾಗುತ್ತಿರುವುದು ಹಾಗೂ ರೂಪಾಯಿ ಮೌಲ್ಯದಲ್ಲಿನ ಗಣನೀಯ ಕುಸಿತ ಕೂಡ ಷೇರುಮಾರುಕಟ್ಟೆ ವಹಿವಾಟಿನ ಮೇಲೆ ಪರಿಣಾಮ ಬೀರಿದೆ.

ದೇಶದಲ್ಲಿ ಹಣದುಬ್ಬರ ಏರಿಕೆಯ ಮಧ್ಯೆಯೇ ಆರ್​ಬಿಐ ರೆಪೊ ದರ ಮತ್ತೆ ಹೆಚ್ಚಿಸುವ ಬಗ್ಗೆ ವದಂತಿಗಳು ಹಬ್ಬಿರುವುದು ಷೇರುಮಾರುಕಟ್ಟೆ ಮೇಲೆ ಪರಿಣಾಮ ಬೀರಿದೆ ಎನ್ನಲಾಗಿದೆ. ಸೆಪ್ಟೆಂಬರ್ 30ಕ್ಕೆ ಪ್ರಕಟಿಸಿದ್ದ ದ್ವೈಮಾಸಿಕ ಹಣಕಾಸು ನೀತಿಯಲ್ಲಿ ಆರ್​ಬಿಐ ರೆಪೊ ದರವನ್ನು ಶೇಕಡ 0.05ರಷ್ಟು ಹೆಚ್ಚಿಸಿತ್ತು. ಇದರ ಪರಿಣಾಮ ಷೇರು ಮಾರುಕಟ್ಟೆ ಮೇಲಾಗಿತ್ತು.