Daily Devotional: ಚಿನ್ನ ಕಳೆದುಹೋದ್ರೆ ಅಥವಾ ಬಿದ್ದು ಸಿಕ್ಕಿದ್ರೆ ಅದರ ಅರ್ಥವೇನು? ಜ್ಯೋತಿಷಿ ಸಲಹೆ ಇಲ್ಲಿದೆ

ಚಿನ್ನ ಕಳೆದುಹೋದಾಗ ಅಥವಾ ಬಿದ್ದು ಸಿಕ್ಕಾಗ ಅದರ ಅರ್ಥವೇನು ಎಂಬುದರ ಕುರಿತು ಖ್ಯಾತ ಜ್ಯೋತಿಷಿ ಮತ್ತು ವಾಸ್ತು ಶಾಸ್ತ್ರಜ್ಞರಾದ ಡಾ. ಬಸವರಾಜ್ ಗುರೂಜಿಯವರು ತಮ್ಮ ನಿತ್ಯ ಭಕ್ತಿ ಕಾರ್ಯಕ್ರಮದಲ್ಲಿ ಮಾಹಿತಿ ನೀಡಿದ್ದಾರೆ. ಚಿನ್ನ ಎಂದರೆ ಯಾರಿಗೂ ಆಸೆ ಇಲ್ಲ ಎಂದು ಹೇಳುವುದು ತಪ್ಪು. ಪ್ರತಿಯೊಬ್ಬರೂ ಚಿನ್ನದ ಬಗ್ಗೆ ಆಸೆ ಪಡುತ್ತಾರೆ. ಆದರೆ ಚಿನ್ನ ಸಿಕ್ಕರೆ ಅದೃಷ್ಟ, ಕಳೆದುಕೊಂಡರೆ ದುರಾದೃಷ್ಟ ಎಂಬುದು ಸರಿಯಲ್ಲ ಎಂದು ಗುರೂಜಿ ವಿವರಿಸಿದ್ದಾರೆ.

ಚಿನ್ನದ ಆವಿಷ್ಕಾರ ಅಥವಾ ನಷ್ಟವು ಆಧ್ಯಾತ್ಮಿಕ ಮಹತ್ವವನ್ನು ಹೊಂದಿದೆ. ಚಿನ್ನವನ್ನು ಗುರು ಗ್ರಹದೊಂದಿಗೆ ಸಂಬಂಧಿಸಲಾಗಿದೆ. ಹಳದಿ ಬಣ್ಣವು ಗುರುವಿನ ಧಾತುವನ್ನು ಪ್ರತಿನಿಧಿಸುತ್ತದೆ. ಚಿನ್ನವು ಕಷ್ಟದ ಸಮಯದಲ್ಲಿ ಸಹಾಯ ಮಾಡಬಹುದು. ಹಿರಿಯರು ಚಿನ್ನಕ್ಕೆ ಹೆಚ್ಚಿನ ಪ್ರಾಮುಖ್ಯತೆಯನ್ನು ನೀಡುತ್ತಿದ್ದರು. ಚಿನ್ನವು ಆಕರ್ಷಣ ಶಕ್ತಿಯನ್ನು ಹೊಂದಿದೆ ಮತ್ತು ದೇವರ ವಿಗ್ರಹಗಳ ಮೇಲೆ ಅದನ್ನು ಇರಿಸುವುದರಿಂದ ಧನಾತ್ಮಕ ಶಕ್ತಿ ಹೆಚ್ಚಾಗುತ್ತದೆ ಎಂದು ನಂಬಲಾಗಿದೆ.‘

ವಿಡಿಯೋ ಇಲ್ಲಿದೆ ನೋಡಿ:

ಇದನ್ನೂ ಓದಿ: ಹಳೆಯದ್ದು​​​ ಬಿಸಾಕಿ ಹೊಸ ಪರ್ಸ್ ತೆಗೆದುಕೊಳ್ಳುವ ಮುನ್ನ ಈ ವಿಷ್ಯ ತಿಳಿದುಕೊಳ್ಳಿ

ಚಿನ್ನ ಕಳೆದುಹೋಗುವುದು ನಕಾರಾತ್ಮಕ ಶಕ್ತಿಗಳನ್ನು ಮತ್ತು ದೈವಬಲದ ಕೊರತೆಯನ್ನು ಸೂಚಿಸುತ್ತದೆ. ಇದು ಶುಭವಲ್ಲ. ಇದರರ್ಥ ನೀವು ಜಾಗೃತರಾಗಿರಬೇಕು ಮತ್ತು ಎಚ್ಚರಿಕೆಯಿಂದಿರಬೇಕು. ನಿಮ್ಮ ಕುಲದೇವರು, ಮನೆದೇವರು ಅಥವಾ ಇಷ್ಟ ದೇವರ ಅನುಗ್ರಹದ ಕೊರತೆಯಿಂದ ಚಿನ್ನ ಕಳೆದುಹೋಗಬಹುದು. ದಾರಿಯಲ್ಲಿ ಚಿನ್ನ ಸಿಕ್ಕರೆ ಅದು ಅದೃಷ್ಟ ಎಂದು ತೋರಿದರೂ, ಅದನ್ನು ಹೇಗೆ ಬಳಸುತ್ತೀರಿ ಎಂಬುದು ಮುಖ್ಯ. ತಕ್ಷಣ ಒಡವೆ ಮಾಡಿಸಿಕೊಳ್ಳುವುದು ಅಥವಾ ಮಾರಾಟ ಮಾಡುವುದು ಸರಿಯಲ್ಲ. ಅದನ್ನು ಶುದ್ಧೀಕರಿಸಿ, ನಿಮ್ಮ ಬೀರುವ ಅಥವಾ ತಿಜೋರಿಯಲ್ಲಿ ಭದ್ರವಾಗಿ ಇಡುವುದು ಉತ್ತಮ. ಅಥವಾ ಅದನ್ನು ಧರ್ಮಕಾರ್ಯಕ್ಕೆ ಬಳಸಬಹುದು. ಚಿನ್ನ ಕಳೆದುಕೊಂಡಾಗ ದೈವಾನುಗ್ರಹ ಮತ್ತು ಶನಿ, ರಾಹು, ಕೇತುಗಳ ದೃಷ್ಟಿ ಕೂಡ ಇರಬಹುದು. ಒಟ್ಟಿನಲ್ಲಿ, ಚಿನ್ನ ಸಿಕ್ಕರೂ ಅಥವಾ ಕಳೆದುಕೊಂಡರೂ ಜಾಗೃತಿಯನ್ನು ಹೆಚ್ಚಿಸಿಕೊಳ್ಳುವುದು ಮುಖ್ಯ ಎಂದು ಗುರೂಜಿ ಸಲಹೆ ನೀಡಿದ್ದಾರೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ