ಮಹಾಶಿವರಾತ್ರಿ ಯಾವಾಗ? ಪಂಚಾಂಗದ ಪ್ರಕಾರ ಸರಿಯಾದ ದಿನಾಂಕ ಮತ್ತು ಮಂಗಳಕರ ಸಮಯ ತಿಳಿಯಿರಿ

ಪ್ರತಿ ಚಂದ್ರನ ತಿಂಗಳ ಹದಿನಾಲ್ಕನೇ ದಿನ ಅಥವಾ ಅಮವಾಸ್ಯೆಯ ಹಿಂದಿನ ದಿನವನ್ನು ಶಿವರಾತ್ರಿ ಎಂದು ಕರೆಯಲಾಗುತ್ತದೆ, ಆದರೆ ಮಹಾದೇವನ ಅತ್ಯಂತ ನೆಚ್ಚಿನ ಹಬ್ಬವಾದ ‘ಶಿವರಾತ್ರಿ’ ಅಂದರೆ ಮಹಾಶಿವರಾತ್ರಿಯನ್ನು ಫಾಲ್ಗುಣ ಮಾಸದಲ್ಲಿ ಆಚರಿಸಲಾಗುತ್ತದೆ. ಶಿವನ ಶ್ರೇಷ್ಠತೆಯನ್ನು ಪುರಾಣಗಳು, ವೇದಗಳು ಮತ್ತು ಹಿಂದೂ ಧಾರ್ಮಿಕ ಗ್ರಂಥಗಳಲ್ಲಿ ವಿವರಿಸಲಾಗಿದೆ. ಮಹಾಶಿವರಾತ್ರಿಯ ರಾತ್ರಿ ಭೋಲೇನಾಥನು ಶಿವಲಿಂಗದಲ್ಲಿ ನೆಲೆಸುತ್ತಾನೆ ಎಂದು ಹೇಳಲಾಗುತ್ತದೆ. ಈ ದಿನದಂದು ಶಿವನ ಆರಾಧನೆಯು ಎಲ್ಲಾ ತೊಂದರೆಗಳನ್ನು ನಾಶಪಡಿಸುತ್ತದೆ. ಆದ್ದರಿಂದ 2025 ರಲ್ಲಿ ಮಹಾಶಿವರಾತ್ರಿ ಯಾವಾಗ ಮತ್ತು ಪೂಜೆಯ ಮಂಗಳಕರ ಸಮಯ ಯಾವುದು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಮಹಾಶಿವರಾತ್ರಿ ದಿನಾಂಕ:

ಮಹಾಶಿವರಾತ್ರಿಯನ್ನು 26 ಫೆಬ್ರವರಿ 2025 ರಂದು ಆಚರಿಸಲಾಗುತ್ತದೆ. ಈ ದಿನದಂದು ಶಿವ ಮತ್ತು ಆದಿಶಕ್ತಿಯ ದೈವಿಕ ಶಕ್ತಿಗಳು ಒಟ್ಟಿಗೆ ಸೇರುತ್ತವೆ. ಮಹಾಶಿವರಾತ್ರಿಗೆ ಸಂಬಂಧಿಸಿದಂತೆ ಅನೇಕ ಪೌರಾಣಿಕ ನಂಬಿಕೆಗಳಿವೆ.

ಮಹಾಶಿವರಾತ್ರಿ 2025 ಶುಭ ಸಮಯ:

• ನಿಶಿತಾ ಕಾಲ ಪೂಜೆ ಸಮಯ -ತಡರಾತ್ರಿ 12:09 ರಿಂದ ರಾತ್ರಿ 12:59 ವರೆಗೆ, ಫೆಬ್ರವರಿ 27
• ಶಿವರಾತ್ರಿ ಪಾರಣ ಸಮಯ – 06:48 ಬೆಳಗ್ಗೆ – 08:54 ಬೆಳಗ್ಗೆ (27 ಫೆಬ್ರವರಿ)

ಪ್ರಹಾರ ಮುಹೂರ್ತ:

• ಫಾಲ್ಗುಣ ಕೃಷ್ಣ ಚತುರ್ದಶಿ ದಿನಾಂಕ ಪ್ರಾರಂಭವಾಗುತ್ತದೆ – 26 ಫೆಬ್ರವರಿ 2025, ತಡರಾತ್ರಿ 11.08
• ಫಾಲ್ಗುಣ ಕೃಷ್ಣ ಚತುರ್ದಶಿ ದಿನಾಂಕ ಕೊನೆಗೊಳ್ಳುತ್ತದೆ – 27 ಫೆಬ್ರವರಿ 2025, ಬೆಳಿಗ್ಗೆ 8.54
• ರಾತ್ರಿ ಪ್ರಥಮ ಪ್ರಹಾರ ಪೂಜೆ ಸಮಯ – 06:19 PM – 09:26 PM
• ರಾತ್ರಿ ಎರಡನೇ ಪ್ರಹಾರ ಪೂಜೆ ಸಮಯ – 09:26 pm – 12:34 am
• ರಾತ್ರಿ ತೃತೀಯ ಪ್ರಹಾರ ಪೂಜೆ ಸಮಯ – 12:34 am – 03:41 am
• ರಾತ್ರಿ ಚತುರ್ಥಿ ಪ್ರಹಾರ ಪೂಜೆ ಸಮಯ – 03:41 am – 06:48 am

ಮಹಾಶಿವರಾತ್ರಿಯ ರಾತ್ರಿ ಏಕೆ ವಿಶೇಷ?

ಈ ರಾತ್ರಿಯಲ್ಲಿ, ಮನುಷ್ಯನ ಆಧ್ಯಾತ್ಮಿಕ ಉತ್ತುಂಗವನ್ನು ತಲುಪಲು ಪ್ರಕೃತಿ ಸಹಾಯ ಮಾಡುವ ದಿನವಿದು ಎಂದು ನಂಬಲಾಗಿದೆ.

ಇದನ್ನೂ ಓದಿ: ಮನೆಯ ಮುಖ್ಯ ಬಾಗಿಲಿನ ಎದುರು ಚಪ್ಪಲಿ ಇಡಬಾರದು ಏಕೆ ಗೊತ್ತಾ?

ಮಹಾಶಿವರಾತ್ರಿಯನ್ನು ಆಚರಿಸುವ 2 ಮುಖ್ಯ ಉದ್ದೇಶಗಳು:

ಕೌಟುಂಬಿಕ ಜೀವನ ಮತ್ತು ಲೌಕಿಕ ಮಹತ್ವಾಕಾಂಕ್ಷೆಗಳಲ್ಲಿ ಮುಳುಗಿರುವ ಜನರಿಗೆ ಮಹಾಶಿವರಾತ್ರಿಯನ್ನು ಆಚರಿಸುವ ಉದ್ದೇಶಗಳು ವಿಭಿನ್ನವಾಗಿವೆ. ಕೌಟುಂಬಿಕ ಜೀವನದಲ್ಲಿ ಮಗ್ನರಾಗಿರುವ ಜನರು ಮಹಾಶಿವರಾತ್ರಿಯನ್ನು ಶಿವನ ಮದುವೆಯ ಹಬ್ಬದಂತೆ ಆಚರಿಸುತ್ತಾರೆ. ಲೌಕಿಕ ಮಹತ್ವಾಕಾಂಕ್ಷೆಗಳಲ್ಲಿ ಮುಳುಗಿರುವ ಜನರು ಮಹಾಶಿವರಾತ್ರಿಯನ್ನು ಶಿವ ತನ್ನ ಶತ್ರುಗಳ ಮೇಲೆ ವಿಜಯ ಸಾಧಿಸಿದ ದಿನವೆಂದು ಆಚರಿಸುತ್ತಾರೆ.

ಮತ್ತಷ್ಟು ಆಧ್ಯಾತ್ಮ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ