Navratri 2021: ನವರಾತ್ರಿ ವೇಳೆ ನಿಮ್ಮ ರಾಶಿಯ ಪ್ರಕಾರ ಯಾವ ಹೂವನ್ನು ದುರ್ಗಾ ಮಾತೆಗೆ ಅರ್ಪಿಸಬೇಕು?

ಇದು ದಸರಾ ಹಬ್ಬದ ಸಂಭ್ರಮ. ಶರನ್ನವರಾತ್ರಿ ಸಂದರ್ಭ. ನಿಮ್ಮ ಜೀವನದ ಮೇಲೆ ನವರಾತ್ರಿ ಹೇಗೆ ಪ್ರಭಾವ ಬೀರಲಿದೆ. ನಿಮ್ಮ ರಾಶಿಗೆ ಅನುಗುಣವಾಗಿ ನೀವು ದುರ್ಗಾ ಮಾತೆಯನ್ನು ಸುಪ್ರಸನ್ನಗೊಳಿಸಲು ಯಾವ ಹೂವನ್ನು ಸಮರ್ಪಿಸಬೇಕು ಎಂಬುದನ್ನು ತಿಳಿದುಕೊಳ್ಳಿ. ಶ್ರೀ ಶಾರದಾ ದೇವಿಯ ಶರನ್ನವರಾತ್ರಿ ಅಕ್ಟೋಬರ್ 7 ರಿಂದ ಆರಂಭಗೊಂಡಿದ್ದು ಅಕ್ಟೋಬರ್ 14 ರ ವರೆಗೂ ನೆರವೇರಲಿದೆ.

ಇಂದು ನವರಾತ್ರಿಯ 6ನೆಯ ದಿನ. ಈ ಸಂದರ್ಭದಲ್ಲಿ ವಿಭಿನ್ನ ರೂಪಗಳಲ್ಲಿರುವ ದುರ್ಗಾ ಮಾತೆಯನ್ನು ವಿಭಿನ್ನ ಹೂವುಗಳಿಂದ ಪೂಜಿಸಬೇಕು. ದುರ್ಗಾ ಮಾತೆಯನ್ನು ಸಂಪ್ರೀತಗೊಳಿಸಿ, ಶುಭಾಶೀರ್ವಾದ ಪಡೆಯಲು ನಿಮ್ಮ ರಾಶಿಗೆ ಅನುಗುಣವಾಗಿ ಯಾವ ಹೂವಿನಲ್ಲಿ ದೇವಿಗೆ ಪೂಜೆ ಮಾಡಬೇಕು ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ.

ಮೇಷ ರಾಶಿ: ಮೇಷ ರಾಶಿಯ ಜಾತಕದವರು ಕೆಂಪು ಬಣ್ಣದ ಹೂವುಗಳಿಂದ ದುರ್ಗಾ ಮಾತೆಗೆ ಪೂಜೆ ಸಲ್ಲಿಸಬೇಕು. ಭಕ್ತರು ಗುಲಾಬಿ, ಕೆಂಪು ಕನಕಾಂಬರ ಮತ್ತು ಕಮಲದ ಹೂವನ್ನು ಅರ್ಪಿಸಬಹುದು.

ವೃಷಭ ರಾಶಿ: ವೃಷಭ ರಾಶಿಯವರು ಬಿಳಿ ಹೂವನ್ನು ದೇವಿಗೆ ಅರ್ಪಿಸಬೇಕು. ಮಲ್ಲಿಗೆ, ಪಾರಿಜಾತ, ಬಿಳಿ ದಾಸವಾಳ ಹೂವುಗಳಿಂದ ದೇವಿಯ ಆರಾಧನೆ ಮಾಡಬೇಕು.

ಮಿಥುನ ರಾಶಿ: ಮಿಥುನ ರಾಶಿಯವರು ದುರ್ಗಾ ದೇವಿಗೆ ಹಳದಿ ಹೂಗಳನ್ನು ಸಮರ್ಪಿಸಬೇಕು. ಹಳದಿ ಚೆಂಡು ಹೂ, ಹಳದಿ ಶಾವಂತಿಗೆ ಹೂಗಳಿಂದ ದೇವಿಯನ್ನು ಪೂಜಿಸುವುದರಿಂದ ನಿಮ್ಮ ಮನೋಕಾಮನೆಗಳು ನೆರವೇರುತ್ತವೆ.

ಕರ್ಕಾಟಕ ರಾಶಿ: ಕರ್ಕಾಟಕ ರಾಶಿ ಜಾತಕದವರು ನವರಾತ್ರಿಯಲ್ಲಿ ಬಿಳಿ, ಗುಲಾಬಿ ಬಣ್ಣದ ಹೂವನ್ನು ದೇವಿಗೆ ಅರ್ಪಿಸಬೇಕು. ಹೀಗೆ ಪೂಜೆ ಮಾಡುವುದರಿಂದ ಮಾತೆಗೆ ಪ್ರಸನ್ನಗೊಂಡು ನಿಮ್ಮ ಶ್ರೇಯೋಭಿವೃದ್ಧಿಯನ್ನು ಹರಸುತ್ತಾಳೆ ಎಂಬುದು ನಂಬಿಕೆ.

ಸಿಂಹ ರಾಶಿ: ಸಿಂಹ ರಾಶಿಯವರು ನವರಾತ್ರಿ ಸಂದರ್ಭದಲ್ಲಿ ಗುಲಾಬಿ, ಕನಕಾಬರ ಹೂಗಳಿಂದ ದೇವಿ ಪೂಜೆ ಮಾಡಬೇಕು.

ಕನ್ಯಾ ರಾಶಿ: ಕನ್ಯಾ ರಾಶಿ ಜನರು ದುರ್ಗಾ ಮಾತೆಗೆ ಚೆಂಡು ಹೂ, ಗುಲಾಬಿ, ದಾಸವಾಳ ಮುಂತಾದ ಹೂಗಳನ್ನು ಅರ್ಪಿಸಬೇಕು.

ತುಲಾ ರಾಶಿ: ತುಲಾ ರಾಶಿಯವರು ದುರ್ಗಾ ಮಾತೆಯನ್ನು ಪ್ರಸನ್ನಗೊಳಿಸಲು ಬಿಳಿ ಬಣ್ಣದ ಹೂಗಳಿಂದ ಪೂಜೆ ಮಾಡಬೇಕು. ಬಿಳಿ ಕಮಲ, ಕೇದಗೆ ಸೇರಿದಂತೆ ಎಲ್ಲ ಬಿಳಿ ಬಣ್ಣದ ಹೂಗಳಿಂದ ದೇವಿಗೆ ಊಜೆ ಮಾಡಬಹುದು.

ವೃಶ್ಚಿಕ ರಾಶಿ: ವೃಶ್ಚಿಕ ರಾಶಿಯವರು ಕೆಂಪು ಬಣ್ಣದ ಹೂಗಳನ್ನು ಅರ್ಪಿಸಬೇಕು. ಇದರಿಂದ ಮನೆಯಲ್ಲಿ ಸುಖ ಸಮೃದ್ಧಿ ನೆಲೆಸುತ್ತದೆ.

ಧನು ರಾಶಿ: ಧನು ರಾಶಿಯವರು ಹಳದಿ ಬಣ್ಣದ ಹೂಗಳಿಂದ ಪೂಜಿಸುತ್ತಾ ದೇವಿಯನ್ನು ಆರಾಧಿಸಬೇಕು.

ಮಕರ ರಾಶಿ: ಮಕರ ರಾಶಿಯವರು ನೀಲಿ ಬಣ್ಣದ ಹೂಗಳಿಂದ ದೇವಿಯನ್ನು ಪೂಜಿಸಬೇಕು.

ಕುಂಭ ರಾಶಿ: ಕುಂಭ ರಾಶಿ ಜಾತಕದವರು ನವರಾತ್ರಿಯಲ್ಲಿ ದುರ್ಗಾ ಮಾತೆಯನ್ನು ಪ್ರಸನ್ನಗೊಳಿಸಲು ನೀಲಿ ಬಣ್ಣದ ಹೂಗಳಿಂದ ಪ್ರಾರ್ಥನೆ ಮಾಡಬೇಕು.

ಮೀನ ರಾಶಿ: ಮೀನ ರಾಶಿಯವರು ಹಳದಿ ಬಣ್ಣದ ಹೂಗಳಿಂದ ದೇವಿಯನ್ನು ಪೂಜಿಸಬೇಕು.