ಪಿತೃ ಪಕ್ಷ: ಪೂರ್ವಜರ ಫೋಟೋ ಮುಂದೆ ಈ ವಸ್ತುಗಳನ್ನು ಇಡಲೇಬೇಡಿ

ಪಿತೃ ಪಕ್ಷವು ಹಿಂದೂ ಧರ್ಮದಲ್ಲಿ ಅತ್ಯಂತ ಪವಿತ್ರ ಹಾಗೂ ಮಹತ್ವದ ಅವಧಿಯಾಗಿದೆ. ಈ ಸಮಯದಲ್ಲಿ ತರ್ಪಣ ಮತ್ತು ಪಿಂಡದಾನಗಳ ಮೂಲಕ ನಮ್ಮ ಪೂರ್ವಜರನ್ನು ಸ್ಮರಿಸಿ, ಅವರಿಗೆ ಗೌರವ ಹಾಗೂ ಕೃತಜ್ಞತೆ ಸಲ್ಲಿಸಲಾಗುತ್ತದೆ. ಹೀಗೆ ಮಾಡುವುದರಿಂದ ಪೂರ್ವಜರ ಆಶೀರ್ವಾದ ದೊರೆತು ಮನೆಯಲ್ಲಿ ಸುಖ, ಶಾಂತಿ ನೆಲೆಸುತ್ತದೆ ಎಂಬುದು ಧಾರ್ಮಿಕ ನಂಬಿಕೆ. ಆದಾಗ್ಯೂ, ಹೆಚ್ಚಿನ ಮನೆಗಳಲ್ಲಿ ಪೂರ್ವಜರ ಛಾಯಾಚಿತ್ರಗಳನ್ನು (ಪಿತೃಗಳ ಫೋಟೋ) ಇಡುವಾಗ ಹಾಗೂ ಅವರ ಪೂಜೆ ಮಾಡುವಾಗ ತಿಳಿಯದೇ ಕೆಲವೊಂದು ತಪ್ಪುಗಳನ್ನು ಮಾಡಲಾಗುತ್ತದೆ. ವಾಸ್ತು ಶಾಸ್ತ್ರ ಮತ್ತು ಧಾರ್ಮಿಕ ಸಂಪ್ರದಾಯಗಳ ಪ್ರಕಾರ, ಪೂರ್ವಜರ ಫೋಟೋದ ಮುಂದೆ ಕೆಲವು ವಸ್ತುಗಳನ್ನು ಇಡುವುದರಿಂದ ಮನೆಗೆ ನಕಾರಾತ್ಮಕ ಶಕ್ತಿ ಆವರಿಸಿ, ಕುಟುಂಬದ ನೆಮ್ಮದಿ ಹಾಳಾಗಬಹುದು.ಪೂರ್ವಜರ ಕೃಪೆಗೆ ಪಾತ್ರರಾಗಲು ಅವರ ಫೋಟೋಗಳ ಮುಂದೆ ಯಾವ ವಸ್ತುಗಳನ್ನು ಎಂದಿಗೂ ಇಡಬಾರದು ಎಂಬುದರ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಪಾದರಕ್ಷೆಗಳು ಮತ್ತು ಕೊಳಕು ವಸ್ತುಗಳು:

ಪೂರ್ವಜರ ಫೋಟೋಗಳ ಸುತ್ತಮುತ್ತ ಶೂ, ಚಪ್ಪಲಿ ಅಥವಾ ಕೊಳಕು ಬಟ್ಟೆಗಳನ್ನು ಎಂದಿಗೂ ಇಡಬಾರದು. ಕಸದ ರಾಶಿ ಅಥವಾ ನೈರ್ಮಲ್ಯವಿಲ್ಲದ ಸ್ಥಳದಲ್ಲಿ ಪೂರ್ವಜರ ಆಶೀರ್ವಾದ ದೊರೆಯುವುದಿಲ್ಲ. ಪಾದರಕ್ಷೆಗಳನ್ನು ಪಿತೃಗಳ ಫೋಟೋ ಮುಂದೆ ಇಡುವುದು ಅವರಿಗೆ ಮಾಡುವ ದೊಡ್ಡ ಅಗೌರವವಾಗಿದೆ. ಆದ್ದರಿಂದ ಆ ಜಾಗವನ್ನು ಯಾವಾಗಲೂ ಸ್ವಚ್ಛವಾಗಿಡಿ.

ಗದ್ದಲ ಉಂಟುಮಾಡುವ ಎಲೆಕ್ಟ್ರಾನಿಕ್ ಉಪಕರಣಗಳು:

ಟಿವಿ, ಸ್ಪೀಕರ್ ಅಥವಾ ಜೋರಾಗಿ ಶಬ್ದ ಮಾಡುವ ಯಾವುದೇ ಉಪಕರಣಗಳ ಮುಂದೆ ಪಿತೃಗಳ ಫೋಟೋ ಇಡಬೇಡಿ. ಶಬ್ದ ಮತ್ತು ಗದ್ದಲವು ಪಿತೃಗಳ ಶಾಂತಿಗೆ ಭಂಗ ತರುತ್ತದೆ ಎಂದು ನಂಬಲಾಗಿದೆ. ಜೊತೆಗೆ, ಅನಗತ್ಯ ಗೃಹೋಪಯೋಗಿ ಸಾಮಗ್ರಿಗಳು ಅಥವಾ ಸೌಂದರ್ಯವರ್ಧಕಗಳನ್ನು ಅವರ ಫೋಟೋದ ಮುಂದೆ ಜೋಡಿಸಿಡಬೇಡಿ.

ಇದನ್ನೂ ಓದಿ: ಪಿತೃಪಕ್ಷದಲ್ಲಿ ಮರಣ ಸಂಭವಿದರೆ ಶುಭವೋ ಅಶುಭವೋ? ಗರುಡ ಪುರಾಣ ಹೇಳುವುದೇನು?

ಪೂಜಾ ಕೋಣೆಯಲ್ಲಿ ಪಿತೃಗಳ ಫೋಟೋ ಇಡಬೇಡಿ:

ಅನೇಕರು ಮಾಡುವ ಸಾಮಾನ್ಯ ತಪ್ಪೆಂದರೆ ದೇವರ ಮನೆಯಲ್ಲಿ ದೇವತೆಗಳ ವಿಗ್ರಹ ಅಥವಾ ಫೋಟೋಗಳ ಪಕ್ಕದಲ್ಲೇ ಪೂರ್ವಜರ ಫೋಟೋಗಳನ್ನು ಇಡುವುದು. ಧಾರ್ಮಿಕ ಸಂಪ್ರದಾಯಗಳ ಪ್ರಕಾರ, ದೇವತೆಗಳು ಮತ್ತು ಪಿತೃಗಳಿಗೆ ಪ್ರತ್ಯೇಕ ಸ್ಥಾನಗಳಿವೆ. ದೇವರೆಂದಿಗೂ ಪಿತೃಗಳಿಗೆ ಸಮನಲ್ಲ, ಹಾಗೆಯೇ ಪಿತೃಗಳು ದೇವರಿಗಿಂತ ಭಿನ್ನ. ಆದ್ದರಿಂದ ದೇವರ ಕೋಣೆಯಿಂದ ಪೂರ್ವಜರ ಫೋಟೋವನ್ನು ಗೌರವಯುತವಾಗಿ ತೆಗೆದು ಸೂಕ್ತ ಸ್ಥಳದಲ್ಲಿಡಿ.

ಮನೆಯಲ್ಲಿ ಪೂರ್ವಜರ ಫೋಟೋವನ್ನು ಎಲ್ಲಿ ಇಡಬೇಕು?

ವಾಸ್ತು ಶಾಸ್ತ್ರದ ಪ್ರಕಾರ, ಪೂರ್ವಜರ ಛಾಯಾಚಿತ್ರಗಳನ್ನು ಇರಿಸಲು ದಕ್ಷಿಣ ದಿಕ್ಕು ಅತ್ಯಂತ ಮಂಗಳಕರವಾಗಿದೆ. ದಕ್ಷಿಣವನ್ನು ಯಮಧರ್ಮನ ಮತ್ತು ಪಿತೃಗಳ ದಿಕ್ಕು ಎಂದು ಪರಿಗಣಿಸಲಾಗುತ್ತದೆ. ಫೋಟೋವನ್ನು ದಕ್ಷಿಣ ಗೋಡೆಗೆ ನೇತುಹಾಕುವುದರಿಂದ, ಫೋಟೋದ ಮುಖವು ಉತ್ತರ ದಿಕ್ಕಿಗೆ ಮುಖ ಮಾಡಿರುತ್ತದೆ. ಇದು ಮನೆಗೆ ಶುಭ ತರುತ್ತದೆ. ನಿಮ್ಮ ಮನೆಯಲ್ಲೂ ಈ ತಪ್ಪುಗಳಾಗಿದ್ದರೆ ತಕ್ಷಣವೇ ಸರಿಪಡಿಸಿಕೊಂಡು ಪಿತೃಗಳ ಕೃಪೆ ಮತ್ತು ಪರಿಪೂರ್ಣ ಆಶೀರ್ವಾದಕ್ಕೆ ಪಾತ್ರರಾಗಿ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ