PM Visit Karni Mata Temple: ಮೋದಿ ಶೀಘ್ರದಲ್ಲೇ ಭೇಟಿ ನೀಡಲಿರುವ ಕರ್ಣಿ ಮಾತಾ ದೇವಸ್ಥಾನದ ವಿಶೇಷತೆ ಏನು ಗೊತ್ತಾ?

ಪ್ರಧಾನಿ ನರೇಂದ್ರ ಮೋದಿ ಶೀಘ್ರದಲ್ಲೇ ರಾಜಸ್ಥಾನದ ಬಿಕನೇರ್ ಜಿಲ್ಲೆಯಲ್ಲಿರುವ ಪ್ರಸಿದ್ಧ ಕರ್ಣಿ ಮಾತಾ ದೇವಸ್ಥಾನಕ್ಕೆ ಭೇಟಿ ನೀಡಲಿದ್ದಾರೆ. ಈ ದೇವಾಲಯವು ಹಿಂದೂ ನಂಬಿಕೆಯ ಕೇಂದ್ರವಷ್ಟೇ ಅಲ್ಲ, ಅದರ ವಿಶಿಷ್ಟ ಸಂಪ್ರದಾಯದಿಂದಾಗಿ ದೇಶಾದ್ಯಂತ ಪ್ರಸಿದ್ಧವಾಗಿದೆ. ಈ ದೇವಾಲಯವನ್ನು ಇಲಿಗಳ ದೇವಾಲಯ ಎಂದಯ ಕರೆಯಲಾಗುತ್ತದೆ. ಯಾಕೆಂದರೆ ಇಲ್ಲಿ ಅಪಾರ ಸಂಖ್ಯೆಯ ಕಪ್ಪು ಇಲಿಗಳು ನಿಮಗೆ ಕಾಣಸಿಗುತ್ತದೆ. ಇಲ್ಲಿ ಭಕ್ತರು ಈ ಇಲಿಗಳಿಗೆ ಪ್ರಸಾದವನ್ನು ಅರ್ಪಿಸುತ್ತಾರೆ. ಈ ನೈವೇದ್ಯವನ್ನು ಇಲಿ ತಿಂದರೆ, ಅದನ್ನು ಶುಭ ಸಂಕೇತವೆಂದು ಪರಿಗಣಿಸಲಾಗುತ್ತದೆ.

ದೇವಾಲಯದ ನಂಬಿಕೆಯ ಪ್ರಕಾರ, ಈ ಇಲಿಗಳು ಸಾಮಾನ್ಯ ಜೀವಿಗಳಲ್ಲ. ಈ ಇಲಿಗಳು ಕರ್ಣಿ ಮಾತೆಯ ವಂಶಸ್ಥರು ಮತ್ತು ಅನುಯಾಯಿಗಳ ಪುನರ್ಜನ್ಮಗಳಾಗಿವೆ. ಒಂದು ದಂತಕಥೆಯ ಪ್ರಕಾರ, ಕರ್ಣಿ ಮಾತೆಯ ದತ್ತುಪುತ್ರ ಲಕ್ಷ್ಮಣ, ಕೊಲಾಯತ್ ತಹಸಿಲ್‌ನಲ್ಲಿರುವ ಕಪಿಲ್ ಸರೋವರದಲ್ಲಿ ನೀರು ಕುಡಿಯಲು ಪ್ರಯತ್ನಿಸುವಾಗ ಸರೋವರಕ್ಕೆ ಬಿದ್ದನು. ಆಗ ತಾಯಿ ಕರ್ಣಿಯು ಯಮನನ್ನು ರಕ್ಷಿಸುವಂತೆ ಕೇಳುತ್ತಾಳೆ. ಆರಂಭದಲ್ಲಿ ಯಮ ನಿರಾಕರಿಸಿದರೂ, ಕೊನೆಗೆ ತನ್ನ ಮನಸ್ಸನ್ನು ಬದಲಾಯಿಸಿ ಲಕ್ಷ್ಮಣನೊಂದಿಗೆ ಕರ್ಣಿಯ ಗಂಡು ಸಂತತಿಯನ್ನು ಇಲಿಗಳಾಗಿ ಪುನರ್ಜನ್ಮ ಮಾಡುವುದಾಗಿ ಹೇಳಿದನು. ಅಂದಿನಿಂದ, ಕರ್ಣಿ ಮಾತಾ ದೇವಾಲಯದಲ್ಲಿ ಇಲಿಗಳು ವಾಸಿಸುವ ಸಂಪ್ರದಾಯವಿದೆ.

ಬಿಳಿ ಇಲಿಗಳಿಗೆ ವಿಶೇಷ ಪೂಜೆ:

ಈ ದೇವಾಲಯದಲ್ಲಿ ಕೆಲವು ಬಿಳಿ ಇಲಿಗಳು ಸಹ ಕಂಡುಬರುತ್ತವೆ. ಇವು ಬಹಳ ಅಪರೂಪ. ಈ ಬಿಳಿ ಇಲಿಗಳನ್ನು ಕರ್ಣಿ ಮಾತೆಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಅವುಗಳನ್ನು ನೋಡುವುದು ಬಹಳ ಶುಭವೆಂದು ಪರಿಗಣಿಸಲಾಗಿದೆ. ಯಾವುದೇ ಭಕ್ತರು ಬಿಳಿ ಇಲಿಯನ್ನು ನೋಡಿದರೆ ಅವರ ಇಚ್ಛೆಗಳು ಖಂಡಿತವಾಗಿಯೂ ಈಡೇರುತ್ತವೆ ಎಂದು ನಂಬಲಾಗಿದೆ.

ಇದನ್ನೂ ಓದಿ: ಸಂಖ್ಯಾಶಾಸ್ತ್ರದಲ್ಲಿ ಸಂಖ್ಯೆ 8ರ ಮಹತ್ವವೇನು? ಈ ಸಂಖ್ಯೆಗೂ ಶನಿಗೂ ಏನು ಸಂಬಂಧ?

ಕರ್ಣಿ ಮಾತೆಗೆ ಭೇಟಿ ನೀಡಲಿರುವ ಪ್ರಧಾನಿ ಮೋದಿ:

ಪ್ರಧಾನಿ ನರೇಂದ್ರ ಮೋದಿಯವರು ಕರ್ಣಿ ಮಾತಾ ದೇವಸ್ಥಾನಕ್ಕೆ ಭೇಟಿ ನೀಡುತ್ತಿರುವುದರಿಂದ, ಈ ವಿಶೇಷ ದೇವಾಲಯ ಮತ್ತು ಅದರ ಸಂಪ್ರದಾಯಗಳು ದೇಶದಲ್ಲಿ ಮಾತ್ರವಲ್ಲದೆ ಪ್ರಪಂಚದಾದ್ಯಂತದ ಜನರ ಗಮನ ಸೆಳೆಯುತ್ತಿವೆ. ಈ ಪ್ರವಾಸವು ಧಾರ್ಮಿಕ ಮಹತ್ವವನ್ನು ಮಾತ್ರವಲ್ಲದೆ ರಾಜಸ್ಥಾನದ ಸಾಂಸ್ಕೃತಿಕ ಪರಂಪರೆಯನ್ನು ಉತ್ತೇಜಿಸುತ್ತದೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ