Shravana Maas 2025: ಶ್ರಾವಣ ಮಾಸದ ಪ್ರತಿದಿನದ ಮಹತ್ವ ಹಾಗೂ ಪ್ರಮುಖ ಹಬ್ಬಗಳ ಮಾಹಿತಿ

2025 ರ ಶ್ರಾವಣ ಮಾಸ ಜುಲೈ 25 ರಿಂದ ಅಂದರೆ ಇಂದಿನಿಂದ ಪ್ರಾರಂಭವಾಗಿದೆ. ಈ ಮಾಸದಲ್ಲಿ ಶಿವಪೂಜೆಗೆ ವಿಶೇಷ ಮಹತ್ವವಿದೆ. ಶ್ರಾವಣ ಶಿವರಾತ್ರಿ ಪ್ರಮುಖವಾದುದಾಗಿದೆ. ಶ್ರಾವಣದಲ್ಲಿ ಶಿವನನ್ನು ಆರಾಧಿಸಿದರೆ ಶುಭ ಫಲವು ನಮ್ಮದಾಗುತ್ತದೆ. ಜೊತೆಗೆ ಶಿವನ ಆರಾಧನೆಯು ವ್ಯಕ್ತಿಯ ಮನಸ್ಸನ್ನು, ಇಂದ್ರೀಯವನ್ನು, ದೇಹವನ್ನು ಮತ್ತು ಆತ್ಮವನ್ನು ಶುದ್ಧೀಕರಿಸುತ್ತದೆ ಎಂಬ ನಂಬಿಕೆಯಿದೆ.

ದಕ್ಷಿಣ ಮತ್ತು ಪಶ್ಚಿಮ ಭಾರತದ ರಾಜ್ಯಗಳಾದ ಆಂಧ್ರಪ್ರದೇಶ, ಗೋವಾ, ಮಹಾರಾಷ್ಟ್ರ, ಗುಜರಾತ್, ಕರ್ನಾಟಕ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಶ್ರಾವಣ ಮಾಸವು ಜುಲೈ 25 ರಂದು ಶುಕ್ರವಾರದಿಂದ ಪ್ರಾರಂಭವಾಗಿ ಆಗಸ್ಟ್ 23, 2025 ರಂದು ಶುಕ್ರವಾರ ಕೊನೆಗೊಳ್ಳುತ್ತದೆ. ಶ್ರಾವಣ ಸೋಮವಾರ ವ್ರತವನ್ನು ಪ್ರತಿ ಸೋಮವಾರ, ಜುಲೈ 28, ಆಗಸ್ಟ್ 4, ಆಗಸ್ಟ್ 11, ಆಗಸ್ಟ್ 18 ರಂದು ಆಚರಿಸಲಾಗುತ್ತದೆ.

ಶ್ರಾವಣ ಮಾಸದ ಪ್ರತಿಯೊಂದು ದಿನದ ಮಹತ್ವ:

• ಸೋಮವಾರ: ಶಿವನಿಗೆ ಅರ್ಪಿತ. ಶಿವನನ್ನು ಭಕ್ತಿಯಿಂದ ಪೂಜಿಸಲು ಭಕ್ತರು ಶ್ರಾವಣ ಸೋಮವಾರ ವ್ರತವನ್ನು ಆಚರಿಸುತ್ತಾರೆ.
• ಮಂಗಳವಾರ: ಗೌರಿ ದೇವಿಗೆ ಅರ್ಪಿತ. ಈ ದಿನ ಮಹಿಳೆಯರು ಮಂಗಳ ಗೌರಿ ವ್ರತವನ್ನು ಆಚರಿಸುತ್ತಾರೆ.
• ಬುಧವಾರ: ಶ್ರೀಕೃಷ್ಣ ಅಥವಾ ವಿಷ್ಣುವಿಗೆ ಅರ್ಪಿತ.
• ಗುರುವಾರ: ಭಗವಾನ್ ಬುದ್ಧನಿಗೆ ಅರ್ಪಿತ.
• ಶುಕ್ರವಾರ: ಲಕ್ಷ್ಮಿ ದೇವಿಗೆ ಅರ್ಪಿತ. ವಿವಾಹಿತ ಮಹಿಳೆಯರು ತಮ್ಮ ಕುಟುಂಬದ ಯೋಗಕ್ಷೇಮಕ್ಕಾಗಿ ಶ್ರಾವಣ ಶುಕ್ರವಾರ ವ್ರತವನ್ನು ಆಚರಿಸುತ್ತಾರೆ.
• ಶನಿವಾರ: ಶನಿ ದೇವನಿಗೆ ಅರ್ಪಿತ. ಶನಿಯ ವಕ್ರದೃಷ್ಟಿಯ ಪರಿಣಾಮಗಳನ್ನು ಕಡಿಮೆ ಮಾಡಲು ಬಯಸುವವರು ಶನಿವಾರ ವ್ರತವನ್ನು ಅನುಸರಿಸುತ್ತಾರೆ.
• ಭಾನುವಾರ: ಸೂರ್ಯದೇವನಿಗೆ ಅರ್ಪಿತ.

ಶುಭ ಸಮಾರಂಭಗಳಿಗೆ ಜುಲೈ 26, 27, 30, 31 ಮತ್ತು ಆಗಸ್ಟ್ 3, 5, 7, 8, 10, 11, 14, 15, 17 ಮತ್ತು 18 ಉತ್ತಮ ದಿನವಾಗಿದ್ದು, ವಿವಿಧ ಧಾರ್ಮಿಕ ಮತ್ತು ಸಂಭ್ರಮಾಚರಣೆ ಕಾರ್ಯಕ್ರಮಗಳನ್ನು ನಡೆಸಬಹುದಾಗಿದೆ.

ಶ್ರಾವಣ ಮಾಸದ ಇತರ ಹಲವು ಹಬ್ಬಗಳು:

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ