ಕ್ರೆಡಿಟ್ ಸ್ಕೋರ್ ಮೇಲೆ ಚಿನ್ನದ ಸಾಲ ಹೇಗೆ ಪ್ರಭಾವ ಬೀರುತ್ತದೆ?

ಸಾಮಾನ್ಯವಾಗಿ ಜನರು ಅಗತ್ಯವಿದ್ದಾಗ ಮಾತ್ರ ಸಾಲ ಪಡೆಯುತ್ತಾರೆ. ಸಾಲ ಎಂದರೆ ಅದೊಂದು ರೀತಿಯ ಹಣಕಾಸು ನೆರವು. ಸಾಲಗಾರರು ಈ ನೆರವನ್ನು ನೀಡುತ್ತಾರೆ. ಉದಾಹರಣೆಗೆ; ಸಾಲ ಪಡೆದವರು ನಿಗದಿತ ಅವಧಿಯೊಳಗೆ ಮರುಪಾವತಿ ಮಾಡುವುದಕ್ಕಾಗಿ ನೀವು ನೀಡುವ ಖಾತರಿಯ ಆಧಾರದಲ್ಲಿ ಸಾಲ ನೀಡಲಾಗುತ್ತದೆ. ಸಮಯಕ್ಕೆ ಸರಿಯಾಗಿ ಮರುಪಾವತಿ ಮಾಡುವುದು ಕ್ರೆಡಿಟ್ ಸ್ಕೋರ್ ಉತ್ತಮವಾಗಿರಲು ನೆರವಾಗುತ್ತದೆ. ಕ್ರೆಡಿಟ್ ಸ್ಕೋರ್ ಎಂಬುದು ವ್ಯಕ್ತಿಯೊಬ್ಬನ ಕ್ರೆಡಿಟ್ ಇತಿಹಾಸವನ್ನು ಪ್ರತಿಬಿಂಬಿಸುತ್ತದೆ. ನೀವು ಹೇಗೆ ನಿಮ್ಮ ಸಾಲವನ್ನು ಮರುಪಾವತಿ ಮಾಡುತ್ತೀರಿ ಎಂಬುದನ್ನು ಈ ಸ್ಕೋರ್ ತಿಳಿಯಪಡಿಸುತ್ತದೆ. ಚಿನ್ನದ ಸಾಲ ಪಡೆಯುವುದು ಕ್ರೆಡಿಟ್ ಸ್ಕೋರ್ ಮೇಲೆ ಪರಿಣಾಮ ಬೀರಬಹುದು ಎಂಬ ಪ್ರಶ್ನೆ ನಿಮ್ಮಲ್ಲಿ ಉದ್ಭವಿಸಬಹುದು. ಇದಕ್ಕೆ ಉತ್ತರ ಹೌದು ಎಂದಾಗಿರುತ್ತದೆ. ಚಿನ್ನದ ಸಾಲವನ್ನು ಸಮಯಕ್ಕೆ ಸರಿಯಾಗಿ ಮರುಪಾವತಿ ಮಾಡುವುದರಿಂದ ಕ್ರೆಡಿಟ್ ಸ್ಕೋರ್ ಉತ್ತಮಗೊಳ್ಳುತ್ತದೆ. ಅದೇರೀತಿ ಸಮಯಕ್ಕೆ ಸರಿಯಾಗಿ ಮರುಪಾವತಿ ಮಾಡದಿದ್ದರೆ ಕ್ರೆಡಿಟ್ ಸ್ಕೋರ್ ತೀವ್ರ ಕುಸಿತ ಕಾಣಬಹುದು.

ಚಿನ್ನದ ಸಾಲಕ್ಕೆ ಅರ್ಜಿ ಸಲ್ಲಿಸುವುದು ನಿಮ್ಮ ಕ್ರೆಡಿಟ್ ಅಂಕವನ್ನು ಕಡಿಮೆಯಾಗುವಂತೆ ಮಾಡಬಹುದು. ಆದರೆ ತೀರಾ ಕಡಿಮೆಯಾಗದು. ನೀವು ಸಾಲಕ್ಕೆ ಅರ್ಜಿ ಸಲ್ಲಿಸಿದಾಗಲೆಲ್ಲ ಬ್ಯಾಂಕುಗಳು ಕ್ರೆಡಿಟ್ ಬ್ಯೂರೋಗಳ ಬಳಿ ನಿಮ್ಮ ಕ್ರೆಡಿಟ್ ವರದಿಯನ್ನು ಕೇಳುತ್ತವೆ. ನಿಮ್ಮ ಅರ್ಜಿಯ ಬಗ್ಗೆ ನಿರ್ಧಾರ ಕೈಗೊಳ್ಳುವುದಕ್ಕಾಗಿ ಅವುಗಳು ಈ ಕ್ರಮ ಕೈಗೊಳ್ಳುತ್ತವೆ. ಈ ಪರಿಶೀಲನೆಯನ್ನು ಮಾಡದೆ ಬ್ಯಾಂಕುಗಳು ಸಾಲ ನೀಡುವುದಿಲ್ಲ. ಕ್ರೆಡಿಟ್ ವರದಿಯನ್ನು ಹಲವಾರು ಬಾರಿ ತಪಾಸಣೆ ಮಾಡುವುದರಿಂದ ಯಾವುದೇ ತೊಂದರೆ ಇಲ್ಲ. ಆದರೆ ತೀರಾ ಕಡಿಮೆ ಅವಧಿಯಲ್ಲಿ ಹಲವು ಬಾರಿ ಕ್ರೆಡಿಟ್ ವರದಿಯನ್ನು ಬ್ಯಾಂಕುಗಳು ಕೇಳಿದರೆ ನಿಮಗೆ ತೀರಾ ಸಾಲದ ಅಗತ್ಯವಿದೆ ಎಂಬ ಸಂದೇಶ ರವಾನೆಯಾಗುತ್ತದೆ. ಇದು ಒಳ್ಳೆಯ ಬೆಳವಣಿಗೆಯಲ್ಲ. ಇದರ ಪರಿಣಾಮ ನಿಮ್ಮ ಕ್ರೆಡಿಟ್ ಸ್ಕೋರ್ ಮೇಲೆ ಆಗಬಹುದು.

ಚಿನ್ನದ ಸಾಲವನ್ನು ಪಡೆದ ನಂತರ ನೀವು ನಿಗದಿತ ನಿಯಮಾನುಸಾರ ಅದನ್ನು ಮರುಪಾವತಿ ಮಾಡಬೇಕು. ಇದರ ಆಧಾರದಲ್ಲಿ ನಿಮ್ಮ ಕ್ರೆಡಿಟ್ ಸ್ಕೋರ್ ಉತ್ತಮಗೊಳ್ಳುತ್ತದೆ. ಉತ್ತಮ ಕ್ರೆಡಿಟ್ ಸ್ಕೋರ್ ಗಳಿಸುವುದಕ್ಕಾಗಿ ಸಾಲದ ಇಎಂಐಯನ್ನು ಸಮಯಕ್ಕೆ ಸರಿಯಾಗಿ ಮರುಪಾವತಿ ಮಾಡುವುದು ಅಗತ್ಯ. ಸಮಯಕ್ಕೆ ಸರಿಯಾಗಿ ಸಾಲದ ಕಂತನ್ನು ಮರುಪಾವತಿಸುವುದು ಉತ್ತಮ ಕ್ರೆಡಿಟ್ ಹವ್ಯಾಸ ವೆಂದು ಪರಿಗಣಿಸಲ್ಪಡುತ್ತದೆ. ಇಂಥವರಿಗೆ ಬ್ಯಾಂಕುಗಳು ಸುಲಭವಾಗಿ ಸಾಲವನ್ನು ನೀಡುತ್ತವೆ. ಬ್ಯಾಂಕ್​ಗಳು ಮಾತ್ರವಲ್ಲದೆ ಇತರ ಹಣಕಾಸು ಸಂಸ್ಥೆಗಳು ಕೂಡಾ ಬಡ್ಡಿದರದಲ್ಲಿ ವಿನಾಯಿತಿ ನೀಡುತ್ತವೆ.

ಸಾಲ ಮರುಪಾವತಿಯನ್ನು ಸಮಯಕ್ಕೆ ಸರಿಯಾಗಿ ಮಾಡದೆ ಇರುವುದರಿಂದ ಕ್ರೆಡಿಟ್ ಸ್ಕೋರ್ ಮೇಲೆ ಮಾತ್ರ ಪರಿಣಾಮವಾಗುವುದಲ್ಲದೆ ವಿಳಂಬ ಶುಲ್ಕವನ್ನು ಪಾವತಿ ಮಾಡಬೇಕಾಗಬಹುದು.

ಚಿನ್ನದ ಸಾಲವು ಕ್ರೆಡಿಟ್ ಸ್ಕೋರ್ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:IIFL