PM Modi: ಪ್ರಧಾನಿ ಮೋದಿಗೆ ವಿಶೇಷ ಉಡುಗೊರೆ ನೀಡಿದ ಭಾರತದ ಕಾಮನ್ವೆಲ್ತ್ ಗೇಮ್ಸ್ ಸ್ಪರ್ಧಿಗಳು
CWG 2022: ಬರ್ಮಿಂಗ್‌ಹ್ಯಾಮ್‌ನಲ್ಲಿ ಚಿನ್ನದ ಪದಕ ಗೆದ್ದ ಭಾರತದ ಸ್ಟಾರ್ ಕುಸ್ತಿಪಟುಗಳಾದ ವಿನೇಶ್ ಫೋಗಟ್ ಮತ್ತು ಸಾಕ್ಷಿ ಮಲಿಕ್ ಕೂಡ ಪ್ರಧಾನಿಗೆ ಜೆರ್ಸಿಯನ್ನು ಉಡುಗೂರೆಯಾಗಿ ನೀಡಿದರು.
Updated on:Aug 14, 2022 | 9:38 PM
ಬರ್ಮಿಂಗ್‌ಹ್ಯಾಮ್‌ನಲ್ಲಿ ನಡೆದ ಕಾಮನ್ವೆಲ್ತ್ ಗೇಮ್ಸ್ 2022 (Commonwealth Games 2022)ರಲ್ಲಿ ಭಾರತೀಯ ಆಟಗಾರರು ತಮ್ಮ ಅದ್ಭುತ ಪ್ರದರ್ಶನ ನೀಡಿ ಭಾರತದ ಕೀರ್ತಿ ಪತಾಕೆಯನ್ನು ಆಗಸದೆತ್ತರಕ್ಕೆ ಕೊಂಡೊಯ್ದಿದ್ದಾರೆ. ನಿರೀಕ್ಷೆಗೆ ತಕ್ಕಂತೆ ಕ್ರೀಡಾಕೂಟದಲ್ಲಿ ಪದಕ ಗೆಲ್ಲುವಲ್ಲಿ ಯಶಸ್ವಿಯಾದ ಭಾರತದ ಸ್ಪರ್ಧಿಗಳು ಅದಕ್ಕೆ ಸೂಕ್ತವಾದ ಬಹುಮಾನವನ್ನು ಪಡೆದಿದ್ದಾರೆ. ಭಾರತದಿಂದ 200ಕ್ಕೂ ಹೆಚ್ಚು ಅಥ್ಲೀಟ್‌ಗಳು ಈ ಬಾರಿ ಕಾಮನ್ವೆಲ್ತ್ ಗೇಮ್ಸ್‌ಗೆ ತೆರಳಿದ್ದರು. ಅಂತಿಮವಾಗಿ ಈ ಕ್ರೀಡಾಕೂಟದಲ್ಲಿ 22 ಚಿನ್ನದ ಪದಕ ಸೇರಿದಂತೆ ಒಟ್ಟು 61 ಪದಕಗಳನ್ನು ಗೆದ್ದು ಪದಕ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ಪಡೆದರು.
ಕಾಮನ್‌ವೆಲ್ತ್‌ನಲ್ಲಿ ಭಾರತೀಯ ಆಟಗಾರರ ಪ್ರದರ್ಶನವನ್ನು ಶ್ಲಾಘಿಸಿದ ಪ್ರಧಾನಿ ನರೇಂದ್ರ ಮೋದಿ, ಈ ಕ್ರೀಡಾಳುಗಳೊಂದಿಗೆ ವಿಶೇಷ ಸಭೆ ಕೂಡ ನಡೆಸಿದರು. ಶನಿವಾರ (ಆಗಸ್ಟ್ 13) ಮೋದಿ ತಮ್ಮ ನಿವಾಸದಲ್ಲಿ ಎಲ್ಲಾ ಆಟಗಾರರು, ಸಹಾಯಕ ಸಿಬ್ಬಂದಿ ಮತ್ತು ಅಧಿಕಾರಿಗಳಿಗೆ ಆತಿಥ್ಯ ನೀಡಿದರು. ಇದೇ ಸಂದರ್ಭದಲ್ಲಿ ಪದಕ ವಿಜೇತರನ್ನು ಸನ್ಮಾನಿಸಲಾಯಿತು. ಇದೇ ವೇಳೆ ಪದಕ ಗೆದ್ದು ದೇಶಕ್ಕೆ ಹೆಮ್ಮೆತಂದ ಆಟಗಾರ್ತಿಯರು ಪ್ರೀತಿಯ ಪ್ರಧಾನಿಗೆ ವಿಶೇಷ ಉಡುಗೂರೆಗಳನ್ನು ಸಹ ನೀಡಿದರು.
Honoured to gift the boxing gloves signed by all the pugilists to our honorable Prime Minister @narendramodi sir. Thank you for this amazing opportunity.?
A great day spent with my fellow athletes who have made the country proud. ?? pic.twitter.com/A0YtlOujUA
— Nikhat Zareen (@nikhat_zareen) August 14, 2022
ಮೋದಿಯವರ ಗೌರವಕ್ಕೆ ಸಂತಸ ಮತ್ತು ಕೃತಜ್ಞತೆಗಳನ್ನು ವ್ಯಕ್ತಪಡಿಸಿದ ತೆಲಂಗಾಣದ ಸ್ಟಾರ್ ಬಾಕ್ಸರ್ ನಿಖತ್ ಜರೀನ್, ತನ್ನ ಬಾಕ್ಸಿಂಗ್ ಕೈಗವಸುಗಳನ್ನು ಪ್ರಧಾನಿಗೆ ಉಡುಗೊರೆಯಾಗಿ ನೀಡಿದರು. ನಂತರ ಟ್ವಿಟರ್‌ನಲ್ಲಿ ತಮ್ಮ ಫೋಟೋಗಳನ್ನು ಹಂಚಿಕೊಂಡಿದ್ದು, ‘ಎಲ್ಲಾ ಬಾಕ್ಸರ್‌ಗಳು ಸಹಿ ಮಾಡಿದ ಬಾಕ್ಸಿಂಗ್ ಗ್ಲೌಸ್‌ಗಳನ್ನು ಗೌರವಾನ್ವಿತ ಪ್ರಧಾನಿ ನರೇಂದ್ರ ಮೋದಿ ಸರ್ ಅವರಿಗೆ ಉಡುಗೊರೆಯಾಗಿ ನೀಡುತ್ತಿರುವುದು ಗೌರವ ತಂದಿದೆ. ಈ ಅದ್ಭುತ ಅವಕಾಶಕ್ಕಾಗಿ ಧನ್ಯವಾದಗಳು. “ದೇಶಕ್ಕೆ ಹೆಮ್ಮೆ ತಂದ ನನ್ನ ಸಹ ಆಟಗಾರರೊಂದಿಗೆ ನಾನು ಅದ್ಭುತ ದಿನವನ್ನು ಕಳೆದಿದ್ದೇನೆ” ಎಂದು ಟ್ವೀಟ್ ಮಾಡಿದ್ದರು.
Elated to receive blessings from our honourable Prime Minister – Shri @narendramodi Ji, by virtue of Commonwealth Games 2022 ????Fortunate to have presented him with our traditional gamcha, wrapped with immense gratitude from all of Assam ?@narendramodi pic.twitter.com/Q5tZvNd0M9
— Hima (mon jai) (@HimaDas8) August 14, 2022
@PMOIndia It was very overwhelming to meet Honourable Prime Minister of India with my fellow Indian athletes. Always grateful for your guidance and support during testing times. Hope to celebrate with you and my fellow Champions again. ?? pic.twitter.com/U5b17ZPvAD
— Vinesh Phogat (@Phogat_Vinesh) August 14, 2022
ನಿಖತ್ ಮಾತ್ರವಲ್ಲದೆ ಸ್ಟಾರ್ ಸ್ಪ್ರಿಂಟರ್ ಹಿಮಾ ದಾಸ್ ಕೂಡ ಪ್ರಧಾನಿಗೆ ವಿಶೇಷ ಉಡುಗೊರೆ ನೀಡಿದ್ದಾರೆ. ಗಾಯದಿಂದ ವಾಪಸಾದ ಹಿಮಾ ದಾಸ್ ಮಹಿಳೆಯರ 200ಮೀ ವಿಭಾಗದ ಸೆಮಿಫೈನಲ್ ತಲುಪಿದ್ದರು. ಈ ಸಂದರ್ಭದಲ್ಲಿ ಪ್ರಧಾನಿಗೆ ಸಾಂಪ್ರದಾಯಿಕ ಅಸ್ಸಾಂ ಗಮ್ಚಾವನ್ನು ಉಡುಗೊರೆಯಾಗಿ ಹಿಮಾ ನೀಡಿದರು. ಅಲ್ಲದೆ, ಬರ್ಮಿಂಗ್‌ಹ್ಯಾಮ್‌ನಲ್ಲಿ ಚಿನ್ನದ ಪದಕ ಗೆದ್ದ ಭಾರತದ ಸ್ಟಾರ್ ಕುಸ್ತಿಪಟುಗಳಾದ ವಿನೇಶ್ ಫೋಗಟ್ ಮತ್ತು ಸಾಕ್ಷಿ ಮಲಿಕ್ ಕೂಡ ಪ್ರಧಾನಿಗೆ ಜೆರ್ಸಿಯನ್ನು ಉಡುಗೂರೆಯಾಗಿ ನೀಡಿದರು.
Published On - 9:38 pm, Sun, 14 August 22
