Ben Stokes: ಚೆಂಡು ತಾಗಿದ್ದು ವಿಕೆಟ್​ಗೆ, ಅಂಪೈರ್​ನಿಂದ LBW ಔಟ್, ಥರ್ಡ್​ ಅಂಪೈರ್​ನಿಂದ ನಾಟೌಟ್

Ben Stokes: ಚೆಂಡು ತಾಗಿದ್ದು ವಿಕೆಟ್​ಗೆ, ಅಂಪೈರ್​ನಿಂದ LBW ಔಟ್, ಥರ್ಡ್​ ಅಂಪೈರ್​ನಿಂದ ನಾಟೌಟ್
Ben Stokes Not Out Luck Video

Australia vs England Ashes: ಸ್ಟ್ರೈಕ್​ನಲ್ಲಿದ್ದ ಬೆನ್ ಸ್ಟೋಕ್ಸ್​ಗೆ ಕ್ಯಾಮೆರಾನ್ ಗ್ರೀನ್ ಬೌಲಿಂಗ್ ಮಾಡಲು ಬಂದರು. ವೇಗವಾಗಿ ಎಸೆದ ಚೆಂಡು ಔಟ್ ಸೈಡ್ ಆಫ್ ಸ್ಟೆಂಪ್ ಕಡೆ ಬಂತು. ಸ್ಟೋಕ್ಸ್ ಚೆಂಡನ್ನು ಬಿಡಲು ನಿರ್ಧರಿಸಿದರು. ಆದರೆ, ಬಾಲ್ ಸ್ವಿಂಗ್ ಆಗಿ ವಿಕೆಟ್​ಗೆ ತಾಗಿತು. ಮುಂದೆ ಏನಾಯ್ತು ನೋಡಿ.

TV9kannada Web Team

| Edited By: Vinay Bhat

Jan 07, 2022 | 12:24 PM

ಕಾಂಗರೂಗಳ ನಾಡಿನಲ್ಲಿ ಸಾಗುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಆ್ಯಶಸ್ ಸರಣಿಯಲ್ಲಿ (The Ashes) ಇಂಗ್ಲೆಂಡ್ (Australia vs England) ತಂಡದ ಕಳಪೆ ಪ್ರದರ್ಶನ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲೂ ಮುಂದುವರೆದಿದೆ. ಪ್ಯಾಟ್ ಕಮಿನ್ಸ್ (Pat Cummins) ಪಡೆ ಮೊದಲ ಇನ್ನಿಂಗ್ಸ್​ನಲ್ಲಿ ಬರೋಬ್ಬರಿ 416 ರನ್ ಮಾಡಿ ಡಿಕ್ಲೇರ್ ಘೋಷಿಸಿದರೆ, ಇತ್ತ ಆಂಗ್ಲರು ಮೊದಲ ಇನ್ನಿಂಗ್ಸ್​ನಲ್ಲಿ ಅಲ್ಪ ಮೊತ್ತಕ್ಕೆ ಆಲೌಟ್ ಆಗುವ ಸನಿಹದಲ್ಲಿದ್ದಾರೆ. ಇದರ ನಡುವೆ ಈ ಪಂದ್ಯದಲ್ಲಿ ವಿಚಿತ್ರ ಘಟನೆಯೊಂದು ನಡೆಯಿತು. “ಚೆಂಡು ವಿಕೆಟ್​ಗೆ ತಾಗಿತು. ಬೌಲರ್ ಎಲ್​ಬಿ ಎಂದು ತಿಳಿದು ಮನವಿ ಮಾದರು. ಅಂಪೈರ್ ಔಟ್ ಕೊಟ್ಟರು. ಬ್ಯಾಟರ್ ರಿವ್ಯೂ ತೆಗೆದುಕೊಂಡರು. ಚೆಂಡು ಪ್ಯಾಡ್​ಗೆ ತಾಗದೆ ವಿಕೆಟ್​ಗೆ ಬಡಿದಿರುವುದು ಸ್ಪಷ್ಟವಾಯಿತು. ಆದರೆ, ಥರ್ಡ್​ ಅಂಪೈರ್ (Third Umpire) ಇಲ್ಲಿ ಕೊಟ್ಟಿದ್ದು ನಾಟೌಟ್”. ಏನಿದು ವಿಚಿತ್ರ ಘಟನೆ ಅಂತೀರಾ?, ಇಲ್ಲಿದೆ ಸಂಪೂರ್ಣ ಮಾಹಿತಿ ಓದಿ.

ಆಸ್ಟ್ರೇಲಿಯಾ ತಂಡ ಡಿಕ್ಲೇರ್ ಘೋಷಿಸಿ ಇಂಗ್ಲೆಂಡ್ ತಂಡವನ್ನು ಬ್ಯಾಟಿಂಗ್​ಗೆ ಇಳಿಸಿತು. ಹಿಂದಿನ ಪಂದ್ಯದಂತೆ ಈ ಬಾರಿ ಕೂಡ ಇಂಗ್ಲೆಂಡಗ ಬಹುಬೇಗನೆ ಪ್ರಮುಖ ವಿಕೆಟ್ ಕಳೆದುಕೊಂಡವು. 36 ರನ್​ಗೆ 4 ವಿಕೆಟ್ ಪತನಗೊಂಡವು. ಈ ಸಂದರ್ಭ ಕ್ರೀಸ್​ನಲ್ಲಿದ್ದಿದ್ದು ಬೆನ್ ಸ್ಟೋಕ್ಸ್ ಹಾಗೂ ಜಾನಿ ಬೈರ್​ಸ್ಟೋ. ಸ್ಟ್ರೈಕ್​ನಲ್ಲಿದ್ದ ಬೆನ್ ಸ್ಟೋಕ್ಸ್​ಗೆ ಕ್ಯಾಮೆರಾನ್ ಗ್ರೀನ್ ಬೌಲಿಂಗ್ ಮಾಡಲು ಬಂದರು. ವೇಗವಾಗಿ ಎಸೆದ ಚೆಂಡು ಔಟ್ ಸೈಡ್ ಆಫ್ ಸ್ಟೆಂಪ್ ಕಡೆ ಬಂತು. ಸ್ಟೋಕ್ಸ್ ಚೆಂಡನ್ನು ಬಿಡಲು ನಿರ್ಧರಿಸಿದರು. ಆದರೆ, ಬಾಲ್ ಸ್ವಿಂಗ್ ಆಗಿ ವಿಕೆಟ್​ಗೆ ತಾಗಿತು. ಇಲ್ಲಿ ಟ್ವಿಸ್ಟ್ ಎಂದರೆ ಚೆಂಡು ವಿಕೆಟ್​ಗೆ ತಾಗಿದರೂ ಬೇಲ್ಸ್ ಬೀಳಲಿಲ್ಲ.

ಹೌದು, ಚೆಂಡು ವಿಕೆಟ್​ಗೆ ಬಡಿದರು ಬೇಲ್ಸ್ ಮಾತ್ರ ಅಲುಗಾಡಲಿಲ್ಲ. ಇದನ್ನ ತಪ್ಪಾಗಿ ಗ್ರಹಿಸಿಕೊಂಡ ಆಸ್ಟ್ರೇಲಿಯಾ ತಂಡ ಅಂಪೈರ್ ಬಳಿ ಎಲ್​ಬಿಗೆ ಮನವಿ ಮಾಡಿದರು. ಅಂಪೈರ್ ಕೂಡ ಔಟ್ ಎಂಬ ತೀರ್ಮಾನ ಪ್ರಕಟಿಸಿದರು. ಅತ್ತ ಆಸೀಸ್ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದರೆ ಇತ್ತ ಸ್ಟೋಕ್ಸ್ ರಿವ್ಯೂ ಮೊರೆಹೋದರು. ರಿವ್ಯೂನಲ್ಲಿ ನೋಡಿದಾಗ ಚೆಂಡು ಎಲ್ಲಿಯೂ ಪ್ಯಾಡ್​ಗೆ ಟಚ್ ಆಗಿರುವುದು ಕಂಡುಬಂದಿಲ್ಲ. ವಿಕೆಟ್​ಗೆ ಬಡಿದರೂ ಬೇಲ್ಸ್ ಬಿದ್ದಿರಲಿಲ್ಲ. ಥರ್ಡ್ ಅಂಪೈರ್ ನಾಟೌಟ್ ಎಂಬ ತೀರ್ಮಾನ ಪ್ರಕಟಿಸಿದರು.

ಈಗ ವಿಚಿತ್ರ ಘಟನೆಯ ವಿಡಿಯೋ ವೈರಲ್ ಆಗುತ್ತಿದೆ.

ಈಗಾಗಲೇ ಐದು ಪಂದ್ಯಗಳ ಆ್ಯಶಸ್ ಟೆಸ್ಟ್​ನಲ್ಲಿ ಆಸ್ಟ್ರೇಲಿಯಾ 3-0 ಮುನ್ನಡೆ ಸಾಧಿಸಿ ಸರಣಿ ವಶಪಡಿಸಿಕೊಂಡಿದೆ. ಈ ಸರಣಿಯಲ್ಲಿ ಇಂಗ್ಲೆಂಡ್ ತೀರಾ ಕಳಪೆ ಪ್ರದರ್ಶನ ತೋರುತ್ತಾ ಬಂದಿದ್ದು ನಾಲ್ಕನೇ ಟೆಸ್ಟ್​ನಲ್ಲೂ ಮುಂದುವರೆದಿದೆ. ಮೊದಲ ಇನ್ನಿಂಗ್ಸ್​ನಲ್ಲಿ ಆಸ್ಟ್ರೇಲಿಯಾ ಉಸ್ಮಾನ್ ಖ್ವಾಜಾ ಅವರ 137 ಹಾಗೂ ಸ್ಟೀವ್ ಸ್ಮಿತ್ ಅವರ 67 ರನ್​ಗಳ ನೆರವಿನಿಂದ 416 ರನ್​ಗೆ 8 ವಿಕೆಟ್ ಕಳೆದುಕೊಂಡು ಡಿಕ್ಲೇರ್ ಘೋಷಿಸಿತು. ಸದ್ಯ ತನ್ನ ಮೊದಲ ಇನ್ನಿಂಗ್ಸ್ ಆಡುತ್ತಿರುವ ಇಂಗ್ಲೆಂಡ್ ಅಲ್ಪ ಮೊತ್ತಕ್ಕೆ ಆಲೌಟ್ ಆಗುವ ಸನಿಹದಲ್ಲಿದೆ.

IPL 2022: ಆರ್​ಸಿಬಿ ಅಭಿಮಾನಿಗಳಿಗೆ ಕಹಿ ಸುದ್ದಿ: ಈ ಬಾರಿ ಬೆಂಗಳೂರಿನಲ್ಲಿ ಹರಾಜೂ ಇಲ್ಲ, ಪಂದ್ಯವೂ ಇಲ್ಲ

South Africa vs India: 3ನೇ ಟೆಸ್ಟ್​ನಲ್ಲಿ ಕಮ್​ಬ್ಯಾಕ್ ಮತ್ತಷ್ಟು ಕಠಿಣ: ಸೋಲಿನ ಬೆನ್ನಲ್ಲೇ ಟೀಮ್ ಇಂಡಿಯಾಕ್ಕೆ ಮತ್ತೊಂದು ದೊಡ್ಡ ಶಾಕ್

Follow us on

Most Read Stories

Click on your DTH Provider to Add TV9 Kannada