Chris Gayle: ಐಪಿಎಲ್​ಗೆ ಕ್ರಿಸ್ ಗೇಲ್ ಕಂಬ್ಯಾಕ್

Chris Gayle: ಐಪಿಎಲ್​ಗೆ ಕ್ರಿಸ್ ಗೇಲ್ ಕಂಬ್ಯಾಕ್
Chris Gayle

IPL 2022: 42 ವರ್ಷದ ಗೇಲ್ 142 ಐಪಿಎಲ್ ಪಂದ್ಯಗಳಲ್ಲಿ 39.72 ಸರಾಸರಿಯಲ್ಲಿ 4965 ರನ್ ಗಳಿಸಿದ್ದಾರೆ. ಇದರಲ್ಲಿ 6 ಶತಕಗಳು ಸೇರಿವೆ. ಆದರೆ, ಕಳೆದ ಎರಡು ವರ್ಷಗಳಿಂದ ಅವರ ಫಾರ್ಮ್ ಉತ್ತಮವಾಗಿಲ್ಲ.

TV9kannada Web Team

| Edited By: Zahir PY

May 09, 2022 | 4:47 PM

ವೆಸ್ಟ್ ಇಂಡೀಸ್‌ನ ಸ್ಫೋಟಕ ಬ್ಯಾಟ್ಸ್‌ಮನ್ ಕ್ರಿಸ್ ಗೇಲ್ (Chris Gayle) ಐಪಿಎಲ್‌ಗೆ (IPL 2023) ಮರಳುವ ಸೂಚನೆ ನೀಡಿದ್ದಾರೆ. ಮುಂದಿನ ಸೀಸನ್​ನಿಂದ ಐಪಿಎಲ್‌ಗೆ ಮರಳಲು ಬಯಸುತ್ತೇನೆ ಎಂದು ಖುದ್ದು ಗೇಲ್ ಹೇಳಿದ್ದಾರೆ. ಈ ಮೂಲಕ ಐಪಿಎಲ್​ಗೆ ಕಂಬ್ಯಾಕ್ ಮಾಡಲಿರುವುದನ್ನು ಯೂನಿವರ್ಸ್​ ಬಾಸ್ ಖಚಿತಪಡಿಸಿದ್ದಾರೆ. ಈ ಬಾರಿ ಐಪಿಎಲ್ ಮೆಗಾ ಹರಾಜು ನಡೆದರೂ ಕ್ರಿಸ್ ಗೇಲ್ ಹೆಸರು ನೀಡಿರಲಿಲ್ಲ. ಇದರೊಂದಿಗೆ ಐಪಿಎಲ್​ನಲ್ಲಿ ಗೇಲ್ ಅವರ ಯುಗಾಂತ್ಯ ಎನ್ನಲಾಗಿತ್ತು. ಆದರೀಗ ಅಚ್ಚರಿ ಎಂಬಂತೆ ಕ್ರಿಸ್ ಗೇಲ್​ ಐಪಿಎಲ್​ಗೆ ಮರಳುವುದಾಗಿ ತಿಳಿಸಿದ್ದಾರೆ.

ಇತ್ತೀಚೆಗಷ್ಟೇ ಕಳೆದ ಕೆಲವು ವರ್ಷಗಳಲ್ಲಿ ಐಪಿಎಲ್​ನಲ್ಲಿ ತಮಗೆ ಸಿಗಬೇಕಾದ ಗೌರವ ಸಿಗಲಿಲ್ಲ. ಹಾಗಾಗಿಯೇ ಐಪಿಎಲ್ ನಿಂದ ತಮ್ಮ ಹೆಸರನ್ನು ಹಿಂಪಡೆದಿರುವುದಾಗಿ ಹೇಳಿದ್ದರು. ಇದೇ ಕಾರಣದಿಂದಾಗಿ ಈ ಬಾರಿಯ ಐಪಿಎಲ್​ನಲ್ಲಿ ಹೆಸರು ನೊಂದಾಯಿಸಿರಲಿಲ್ಲ ಎಂದು ಗೇಲ್ ಹೇಳಿದ್ದರು. ಇದೀಗ ಐಪಿಎಲ್​ಗೆ ಮರಳಲು ಬಯಸುವುದಾಗಿ ತಿಳಿಸಿರುವ ಗೇಲ್, ಮುಂದಿನ ಸೀಸನ್​ನಲ್ಲಿ ಯಾವ ತಂಡದ ಪರ ಆಡಬೇಕೆಂಬ ಬಯಕೆಯನ್ನೂ ಕೂಡ ವ್ಯಕ್ತಪಡಿಸಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಗೇಲ್, ನಾನು ಮುಂದಿನ ವರ್ಷದಿಂದ ಐಪಿಲೆ್​ಗೆ ಹಿಂತಿರುಗುತ್ತಿದ್ದೇನೆ. ಅವರಿಗೆ ನನ್ನ ಅವಶ್ಯಕತೆ ಕೂಡ ಇದೆ. ನಾನು ಐಪಿಎಲ್‌ನಲ್ಲಿ ಮೂರು ತಂಡಗಳ ಪರ ಆಡಿದ್ದೇನೆ. ಕೊಲ್ಕತ್ತಾ ನೈಟ್ ರೈಡರ್ಸ್, ಆರ್​ಸಿಬಿ ಮತ್ತು ಪಂಜಾಬ್ ಕಿಂಗ್ಸ್ ತಂಡದಲ್ಲಿ ನಾನು ಬ್ಯಾಟ್ ಬೀಸಿದ್ದೆ. ಇದೀಗ ಐಪಿಎಲ್​ನಲ್ಲಿ ಟ್ರೋಫಿ ಗೆಲ್ಲದಿರುವ ಆರ್‌ಸಿಬಿ ಅಥವಾ ಪಂಜಾಬ್ ತಂಡಕ್ಕೆ ಪ್ರಶಸ್ತಿ ಗೆಲ್ಲಲು ನಾನು ಬಯಸುತ್ತೇನೆ.

ನಾನು ಆರ್‌ಸಿಬಿಯೊಂದಿಗೆ ಅದ್ಭುತವಾದ ಸೀಸನ್​ ಅನ್ನು ಆಡಿದ್ದೇನೆ. ಆ ಸಮಯದಲ್ಲಿ ನಾನು ತುಂಬಾ ಯಶಸ್ವಿಯಾಗಿದ್ದೆ. ಹಾಗೆಯೇ ಪಂಜಾಬ್ ಕಿಂಗ್ಸ್ ತಂಡದ ಪರ ಉತ್ತಮ ಆಟ ಪ್ರದರ್ಶಿಸಿದ್ದೆ. ಹೀಗಾಗಿ ಈ ಎರಡು ತಂಡಗಳಿಗೆ ಟ್ರೋಫಿ ಗೆದ್ದು ಕೊಡಲು ಬಯಸುತ್ತೇನೆ ಎಂದು ಕ್ರಿಸ್ ಗೇಲ್ ಹೇಳಿದ್ದಾರೆ.

42 ವರ್ಷದ ಗೇಲ್ 142 ಐಪಿಎಲ್ ಪಂದ್ಯಗಳಲ್ಲಿ 39.72 ಸರಾಸರಿಯಲ್ಲಿ 4965 ರನ್ ಗಳಿಸಿದ್ದಾರೆ. ಇದರಲ್ಲಿ 6 ಶತಕಗಳು ಸೇರಿವೆ. ಆದರೆ, ಕಳೆದ ಎರಡು ವರ್ಷಗಳಿಂದ ಅವರ ಫಾರ್ಮ್ ಉತ್ತಮವಾಗಿಲ್ಲ. ಇದಾಗ್ಯೂ ಮುಂದಿನ ಸೀಸನ್ ಹರಾಜಿನಲ್ಲಿ ಹೆಸರು ನೀಡುವುದಾಗಿ ಕ್ರಿಸ್ ಗೇಲ್ ಹೇಳಿದ್ದು, ಹೀಗಾಗಿ ಐಪಿಎಲ್ 2023 ರಲ್ಲಿ ಗೇಲ್ ಯಾವುದಾದರೂ ತಂಡದ ಪರ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.

ಹೆಚ್ಚಿನ IPL 2022 ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Follow us on

Related Stories

Most Read Stories

Click on your DTH Provider to Add TV9 Kannada