“ಅಭಿನಂದನೆ ಕೆಕೆಆರ್​​” ಸಾಲು ಸಾಲು ವಿಕೆಟ್​ನಿಂದ ತತ್ತರಿಸಿದ ಎಸ್‌ಆರ್‌ಹೆಚ್​​: ಕೋಲ್ಕತ್ತಾ ವಿನ್​ ಎಂದ ನೆಟ್ಟಿಗರು

17ನೇ ಆವೃತ್ತಿಯ ಐಪಿಎಲ್ ಫೈನಲ್ ಕದನ ಈಗಾಗಲೇ ಶುರುವಾಗಿದೆ. ಚೆನ್ನೈನ ಎಂ.ಎ.ಚಿದಂಬರಂ ಸ್ಟೇಡಿಯಂನಲ್ಲಿ ಟ್ರೋಫಿ ಮುಡಿಗೇರಿಸಿಕೊಳ್ಳಲು ಸನ್‌ರೈಸರ್ಸ್ ಹೈದರಾಬಾದ್ (SRH) ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ (KKR) ಕಾದಾಡುತ್ತಿವೆ. ಟಾಸ್ ಗೆದ್ದ ಸನ್‌ರೈಸರ್ಸ್ ಹೈದರಾಬಾದ್​ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಮೊದಲ ಓವರ್‌ನಲ್ಲಿಯೇ ಮಿಚೆಲ್ ಸ್ಟಾರ್ಕ್, ಅಭಿಷೇಕ್ ಶರ್ಮಾರ ವಿಕೆಟ್​ ಪತನವಾಗಿದೆ. ಹೀಗಾಗಿ ಸಾಮಾಜಿಕ ಜಾಲತಾಣದಲ್ಲಿ ನೆಟ್ಟಿಗರ ಆಕ್ರೋಶ ವ್ಯಕ್ತಪಡಿಸಿದ್ದು, ಕೋಲ್ಕತ್ತಾವನ್ನು ವಿಜೇತರೆಂದು ಘೋಷಿಸಿದ್ದಾರೆ.

ಒಂದಾದರೊಂದರಂತೆ ವಿಕೆಟ್​ಗಳನ್ನು ಕಬಳಿಸಿದ ಕೋಲ್ಕತ್ತಾ ನೈಟ್ ರೈಡರ್ಸ್​ ತಂಡದ ಭವಿಷ್ಯವನ್ನು ನೆಟ್ಟಿಗರು ನುಡಿದಿದ್ದಾರೆ. ಇದಕ್ಕಾಗಿ ಸೋಶಿಯಲ್​ ಮೀಡಿಯಾದಲ್ಲಿ ಟ್ವೀಟ್​ ಮಾಡಿದ್ದು, ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು ಅಭಿನಂದಿಸಿದ್ದಾರೆ. ಬಳಿಕ ಕೆಲವೇ ಸಮಯದಲ್ಲಿ “ಅಭಿನಂದನೆಗಳು KKR” ಗೂಗಲ್​ನಲ್ಲಿ ಟ್ರೆಂಡ್​ ಸೃಷ್ಟಿ ಮಾಡಿದೆ.

Gautam Gambhir silenced Pat Cummins 🤫

Congratulations KKR 👑#KKRvsSRH #ShreyasIyer pic.twitter.com/hJ7R0oK6Ab

— Saurabh kumar (@Saurabhk0096) May 21, 2024

ಹೈದರಾಬಾದ್ ಓಪನರ್ ಟ್ರಾವಿಸ್ ಹೆಡ್ ಅನ್ನು ವೈಭವ್ ಅರೋರಾ ಗೋಲ್ಡನ್ ಡಕ್‌ ಮಾಡಿದರು. ಹೈದರಾಬಾದ್​ ತಂಡವನ್ನು ಸಂಪೂರ್ಣ ಕಟ್ಟಿಹಾಕಲು ಜೊತೆಗೆ ರಾಹುಲ್ ತ್ರಿಪಾಠಿಯನ್ನು ತೆಗೆದುಹಾಕಲು ಸ್ಟಾರ್ಕ್ ಮರಳಿದರು.

ಇದನ್ನೂ ಓದಿ: IPL 2024 Final: RCB, CSK, MI ಇಲ್ಲದ ಮೂರನೇ ಫೈನಲ್

ಪವರ್‌ಪ್ಲೇಯೊಳಗೆ 3 ವಿಕೆಟ್‌ಗಳನ್ನು ಕಳೆದುಕೊಂಡ ನಂತರ ಬರ್ತ್‌ಡೇ ಬಾಯ್​ ನಿತೀಶ್ ಕುಮಾರ್ ರೆಡ್ಡಿ ತಮ್ಮ ಬ್ಯಾಟಿಂಗ್​ನೊಂದಿಗೆ ಉತ್ತಮ ಪ್ರದರ್ಶನ ನೀಡುತ್ತಾರೆ ಎಂದು ಸನ್‌ರೈಸರ್ಸ್ ಹೈದರಾಬಾದ್​ ತಂಡ ಆಶಿಸಿತ್ತು. ಹರ್ಷಿತ್ ರಾಣಾ ಅವರ ವೇಗದ ಎಸೆತದಿಂದ ನಿತೀಶ್ ಕೂಡ ಔಟ್​ ಆದರು.

KKR vs SRH MATCH 💥 Congratulations KKR what a start 💥

Mitchell Starc has taken early wickets of Travis Head and Rahul Tripathi.

Meanwhile Gautam Gambhir sir 🙏 #KKRvsSRH #IPLFinal #IPLFinals pic.twitter.com/2UAuK6qkLd

— Ashutosh Srivastava (@Sri_Ashutosh008) May 26, 2024

ಸನ್‌ರೈಸರ್ಸ್ ಹೈದರಾಬಾದ್ ಈ ಹಿಂದೆ 2016 ರಲ್ಲಿ ಒಮ್ಮೆ ಸ್ಪರ್ಧೆಯನ್ನು ಗೆದ್ದಿದ್ದರು. ಕೋಲ್ಕತ್ತಾ ನೈಟ್ ರೈಡರ್ಸ್ 2012 ಮತ್ತು 2014 ರಲ್ಲಿ ಪಂದ್ಯಾವಳಿಯನ್ನು ಗೆದ್ದು ಎರಡು ಬಾರಿ ಚಾಂಪಿಯನ್ ಆಗಿದ್ದಾರೆ.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.