ಟೀಮ್ ಇಂಡಿಯಾವನ್ನು ನೆನಪಿಸಿದ ವಿದೇಶಿ ತಂಡ: ಕೇವಲ 36 ರನ್ಗೆ ಆಲೌಟ್
ಇನ್ನು ಜರ್ಮನಿಯ ಈ ಇನಿಂಗ್ಸ್ನಲ್ಲಿ ಒಂದೇ ಒಂದು ಫೋರ್ ಅಥವಾ ಸಿಕ್ಸ್ ಮೂಡಿಬಂದಿಲ್ಲ ಎಂಬುದು ಇನ್ನೊಂದು ವಿಶೆಷ. ಸ್ಕಾಟ್ಲೆಂಡ್ನ 5 ಬೌಲರ್ಗಳು ಜರ್ಮನಿಯ 9 ವಿಕೆಟ್ ಪಡೆದರು.
Updated on:Aug 29, 2021 | 6:54 PM
ಕೇವಲ 36 ರನ್…ಈ ಸ್ಕೋರ್ ಹೇಳಿದ್ರೆ ಟೀಮ್ ಇಂಡಿಯಾ (Team India) ಅಭಿಮಾನಿಗಳಿಗೆ ಕಳೆದ ವರ್ಷ ಆಸ್ಟ್ರೇಲಿಯಾ (Australia) ವಿರುದ್ದ ನಡೆದ ಅಡಿಲೇಡ್ ಟೆಸ್ಟ್ ಪಂದ್ಯ ನೆನಪಾಗುತ್ತೆ. ಏಕೆಂದರೆ ಆ ಪಂದ್ಯದಲ್ಲಿ ಟೀಮ್ ಇಂಡಿಯಾ 2ನೇ ಇನಿಂಗ್ಸ್ನಲ್ಲಿ ಕೇವಲ 36 ರನ್ಗಳಿಗೆ ಮುಗ್ಗರಿಸಿತ್ತು. ಇದೀಗ ಆ ವಿಚಾರ ಮತ್ತೆ ಸದ್ದು ಮಾಡಲು ಕಾರಣ ಟಿ20 ಕ್ರಿಕೆಟ್ನಲ್ಲಿ ಒಂದು ತಂಡ ಕೇವಲ 36 ರನ್ಗಳಿಗೆ ಆಲೌಟ್ ಆಗಿದೆ. ಅದು ಕೂಡ ಫೋರ್, ಸಿಕ್ಸ್ ಬಾರಿಸದೇ ಎಂಬುದು ವಿಶೇಷ.
ಹೌದು, ಐಸಿಸಿ ಮಹಿಳಾ ಟಿ20 ವಿಶ್ವಕಪ್ ಅರ್ಹತಾ ಪಂದ್ಯದ ಪಂದ್ಯದಲ್ಲಿ ಜರ್ಮನಿಯ ಮಹಿಳಾ ಕ್ರಿಕೆಟ್ ತಂಡವು ಸ್ಕಾಟ್ಲೆಂಡ್ ವಿರುದ್ದ ಕೇವಲ 36 ರನ್ ಗಳಿಗೆ ಆಲೌಟ್ ಆಗಿ ಹೊಸ ಇತಿಹಾಸ ಬರೆದಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಜರ್ಮನಿ ತಂಡವು ಕೇವಲ 3 ರನ್ ಗಳಿಗೆ ಮೊದಲ 2 ವಿಕೆಟ್ ಕಳೆದುಕೊಂಡಿತು. ಆ ಬಳಿಕ 9 ರನ್ಗಳಿಸುವಷ್ಟರಲ್ಲಿ ಮತ್ತೆ 4 ಹೆಚ್ಚು ವಿಕೆಟ್ ಕಳೆದುಕೊಂಡರು. ಹೀಗೆ ಒಬ್ಬರ ಹಿಂದೆ ಒಬ್ಬರಂತೆ ಜರ್ಮನಿ ಬ್ಯಾಟರುಗಳು ಪೆವಿಲಿಯನ್ ಪರೇಡ್ ನಡೆಸಿದ್ದರು. ಅಂತಿಮವಾಗಿ ಜರ್ಮನಿ ಮಹಿಳೆಯರು ತಮ್ಮ ಇನಿಂಗ್ಸ್ನ್ನು 36 ರನ್ಗಳಿಗೆ ಅಂತ್ಯಗೊಳಿಸಿದ್ದರು. ಇಲ್ಲಿ ಮತ್ತೊಂದು ವಿಶೇಷ ಎಂದರೆ ಸ್ಕಾಟ್ಲೆಂಟ್ 13 ಎಕ್ಸ್ಟ್ರಾ ರನ್ಗಳನ್ನು ನೀಡಿರುವುದು. ಅಂದರೆ ಜರ್ಮನಿ ಬ್ಯಾಟ್ ಮೂಲಕ ಕಲೆಹಾಕಿದ್ದು ಕೇವಲ 23 ರನ್ ಮಾತ್ರ. ಇನ್ನು ಜರ್ಮನಿ ಪರ 8ನೇ ಕ್ರಮಾಂಕದ ಬ್ಯಾಟರ್ 7 ರನ್ಗಳಿಸಿದ್ದೇ ಗರಿಷ್ಠ ಸ್ಕೋರ್.
ಇನ್ನು ಜರ್ಮನಿಯ ಈ ಇನಿಂಗ್ಸ್ನಲ್ಲಿ ಒಂದೇ ಒಂದು ಫೋರ್ ಅಥವಾ ಸಿಕ್ಸ್ ಮೂಡಿಬಂದಿಲ್ಲ ಎಂಬುದು ಇನ್ನೊಂದು ವಿಶೆಷ. ಸ್ಕಾಟ್ಲೆಂಡ್ನ 5 ಬೌಲರ್ಗಳು ಜರ್ಮನಿಯ 9 ವಿಕೆಟ್ ಪಡೆದರು. ಒಬ್ಬರು ರನೌಟ್ ಆಗಿ ಹೊರನಡೆದಿದ್ದರು. ಸ್ಕಾಟ್ಲೆಂಡ್ ಪರ ಕ್ಯಾಥರೀನ್ ಫ್ರೇಸರ್ 4 ಓವರ್ ಗಳಲ್ಲಿ 3 ವಿಕೆಟ್ ಪಡೆದು ಅತ್ಯಂತ ಯಶಸ್ವಿ ಬೌಲರ್ ಎನಿಸಿಕೊಂಡರು.
ಇದಕ್ಕೂ ಮುನ್ನ ಐರ್ಲೆಂಡ್ ವಿರುದ್ದದ ಪಂದ್ಯದಲ್ಲೂ ಜರ್ಮನಿ ತಂಡ ಕಳಪೆ ಬ್ಯಾಟಿಂಗ್ ಪ್ರದರ್ಶಿಸಿತ್ತು. ಐರ್ಲೆಂಡ್ ನೀಡಿದ 196 ರನ್ ಟಾರ್ಗೆಟ್ ಬೆನ್ನತ್ತಿದ ಜರ್ಮನಿ ತಂಡದ ಅಗ್ರ ಮೂವರು ಬ್ಯಾಟರುಗಳು ಇಡೀ 120 ಎಸೆತಗಳಲ್ಲಿ 107 ಎಸೆತಗಳನ್ನು ಎದುರಿಸಿದ್ದರು. ಆದರೆ ಗಳಿಸಿದ್ದು ಮಾತ್ರ ಎರಡಂಕಿ ರನ್ ಅಷ್ಟೇ. ಅಂದರೆ ಜರ್ಮನಿ ತಂಡವು ಆ ಪಂದ್ಯದಲ್ಲಿ ನಿಗದಿತ 20 ಓವರ್ನಲ್ಲಿ 3 ವಿಕೆಟ್ ಕಳೆದುಕೊಂಡು ಗಳಿಸಿದ್ದು ಕೇವಲ 32 ರನ್ ಮಾತ್ರ ಆಗಿತ್ತು. ಇದೀಗ ಸ್ಕಾಟ್ಲೆಂಟ್ ವಿರುದ್ದ 36 ರನ್ಗಳಿಗೆ ಆಲೌಟ್ ಆಗುವ ಮೂಲಕ ಮತ್ತೆ ಕಳಪೆ ಪ್ರದರ್ಶನಕ್ಕೆ ಸಾಕ್ಷಿಯಾಗಿದೆ.
ಇದನ್ನೂ ಓದಿ: IPL 2021: RCB ಪರ ಈ ಇಬ್ಬರು ಕಣಕ್ಕಿಳಿಯುವುದು ಖಚಿತ
ಇದನ್ನೂ ಓದಿ: R Ashwin: 1 ಪಂದ್ಯ 34 ವಿಕೆಟ್: ಟೀಮ್ ಇಂಡಿಯಾದಲ್ಲಿ ಅಶ್ವಿನ್ಗೆ ಸ್ಥಾನ ಬಹುತೇಕ ಖಚಿತ
ಇದನ್ನೂ ಓದಿ: ಟಿವಿಎಸ್ನ ಈ ದ್ವಿಚಕ್ರ ವಾಹನವನ್ನು ಕೇವಲ 7,999 ರೂ.ಗೆ ಖರೀದಿಸಬಹುದು
(germany women all out on 36 runs in t20 match against scotland)
Published On - 5:35 pm, Sun, 29 August 21
