IND vs AUS: ಅನನುಭವಿ ಸ್ಪಿನ್ನರ್ಗಳಿಗೆ ಕೊಹ್ಲಿ ವಿಕೆಟ್ ಉರುಳಿಸುವುದು ನೀರು ಕುಡಿದಷ್ಟೇ ಸುಲಭ..!
Virat Kohli: ಇಲ್ಲಿಯವರೆಗೆ ಆಡಿರುವ ಟೆಸ್ಟ್ ಸರಣಿಯ 5 ಇನ್ನಿಂಗ್ಸ್ಗಳಲ್ಲಿ ಕೊಹ್ಲಿ ಕೇವಲ 110 ರನ್ ಮಾತ್ರ ಬಾರಿಸಿದ್ದಾರೆ. ಇದರಲ್ಲಿ ಒಂದೇ ಒಂದು ಅರ್ಧಶತಕವಿಲ್ಲ.
Updated on: Mar 02, 2023 | 3:48 PM
ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ (Border-Gavaskar Trophy) ಕೊಹ್ಲಿಯ ಮತ್ತೊಂದು ಇನ್ನಿಂಗ್ಸ್ ಸದ್ದಿಲ್ಲದೆ ಮುಗಿದು ಹೋಗಿದೆ. ವಿರಾಟ್ ಕೊಹ್ಲಿ 3ನೇ ಟೆಸ್ಟ್ನಲ್ಲೂ ಮತ್ತೊಮ್ಮೆ ವಿಫಲರಾಗಿದ್ದಾರೆ. ಒಂದೆಡೆ ರನ್ಗಾಗಿ ಹಾತೋರಿಯುತ್ತಿರುವ ಕೊಹ್ಲಿಗೆ (Virat Kohli) ದೀರ್ಘ ಇನ್ನಿಂಗ್ಸ್ ಆಡಲಾಗುತ್ತಿಲ್ಲ. ಇತ್ತ ಇನ್ನೊಂದು ತುದಿಯಲ್ಲಿ ನಿಂತು ಹೆಚ್ಚು ಸಮಯ ಕ್ರೀಸ್ನಲ್ಲಿ ಕಳೆಯಲಾಗುತ್ತಿಲ್ಲ. ವಿಶ್ವಕ್ರಿಕೆಟ್ನಲ್ಲಿ ರನ್ ಸರದಾರನಾಗಿ ಹೆಸರು ಮಾಡಿರುವ ಕೊಹ್ಲಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ ಮಾತ್ರ ಹೇಳಿಕೊಳ್ಳುವಂತಹ ಯಶಸ್ಸು ಇತ್ತೀಚಿನ ದಿನಗಳಲ್ಲಿ ಸಿಗುತ್ತಿಲ್ಲ. ಕೊಹ್ಲಿಯ ಟೆಸ್ಟ್ ಕ್ರಿಕೆಟ್ನ ಬರ ಇದೀಗ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿಯೂ ಮುಂದುವರೆದಿದೆ. ಅದರಲ್ಲೂ ಇಡೀ ಸರಣಿಯಲ್ಲಿ ಕೊಹ್ಲಿ, ಆಸ್ಟ್ರೇಲಿಯಾದ ಇಬ್ಬರು ಅನನುಭವಿ ಆಟಗಾರರ ಮುಂದೆ ಮಂಕಾಗಿರುವುದು ಅವರ ಫಾರ್ಮ್ ಬಗ್ಗೆ ಪ್ರಶ್ನೆ ಎತ್ತುವಂತೆ ಮಾಡಿದೆ. ಅದರಲ್ಲೂ ಚೊಚ್ಚಲ ಸರಣಿ ಆಡುತ್ತಿರುವ ಟಾಡ್ ಮರ್ಫಿ ಮತ್ತು ಮ್ಯಾಥ್ಯೂ ಕುಹ್ನೆಮನ್ (Todd Murphy and Matthew Kuhneman) ಇಡೀ ಸರಣಿಯಲ್ಲಿ ಕೊಹ್ಲಿಯನ್ನು ಇನ್ನಿಲ್ಲದಂತೆ ಕಾಡಿದ್ದಾರೆ.
ಮೊದಲೆರಡು ಟೆಸ್ಟ್ನಂತೆಯೇ ಈ ಟೆಸ್ಟ್ನಲ್ಲೂ ಕೊಹ್ಲಿ ಸ್ಪಿನ್ನರ್ಗಳಿಗೆ ವಿಕೆಟ್ ಒಪ್ಪಿಸಿದರು. ಇಂದೋರ್ ಟೆಸ್ಟ್ನ ಎರಡನೇ ಇನ್ನಿಂಗ್ಸ್ನಲ್ಲಿ ಮ್ಯಾಥ್ಯೂ ಕುಹ್ನೆಮನ್ ಎಸೆತದಲ್ಲಿ ವಿರಾಟ್ ಕೊಹ್ಲಿ ಔಟಾದರು. ಚೆಂಡನ್ನು ಆಡಲು ಆಯ್ದುಕೊಂಡ ಶಾಟ್ ಕೊಹ್ಲಿ ಔಟಾಗುವುದಕ್ಕೆ ಕಾರಣವಾಗಿತ್ತು. ಹೀಗಾಗಿ ಎಲ್ಬಿಡಬ್ಲ್ಯು ಆದ ಬಳಿಕ ವಿರಾಟ್ ಕೊಹ್ಲಿ ಮುಖದಲ್ಲಿ ಸಿಟ್ಟು ಎದ್ದು ಕಾಣುತ್ತಿತ್ತು. ಮೊದಲ ಇನ್ನಿಂಗ್ಸ್ನಲ್ಲಿ 22 ರನ್ ಗಳಿಸಿ ಔಟಾಗಿದ್ದ ಕೊಹ್ಲಿ, ಎರಡನೇ ಇನ್ನಿಂಗ್ಸ್ ಕೇವಲ 13 ರನ್ಗಳಿಗೆ ಬ್ಯಾಟ್ ಎತ್ತಿಟ್ಟರು. ಮೊದಲನೇ ಇನ್ನಿಂಗ್ಸ್ನಲ್ಲಿ ಟಾಡ್ ಮರ್ಫಿಗೆ ವಿಕೆಟ್ ಒಪ್ಪಿಸಿದ್ದ ಕೊಹ್ಲಿ ಎರಡನೇ ಇನ್ನಿಂಗ್ಸ್ನಲ್ಲಿ ಮ್ಯಾಥ್ಯೂ ಕುಹ್ನೆಮನ್ಗೆ ಬಲಿಯಾದರು. ವಿರಾಟ್ ಈ ಎರಡು ಇನ್ನಿಂಗ್ಸ್ಗಳಲ್ಲಿ ಮಾತ್ರ ಸ್ಪಿನ್ನರ್ಗಳಿಗೆ ಬಲಿಯಾಗಿಲ್ಲ. ಬದಲಿಗೆ, ಇದಕ್ಕೂ ಮುನ್ನ ಆಡಿದ 2 ಟೆಸ್ಟ್ಗಳ 3 ಇನ್ನಿಂಗ್ಸ್ಗಳಲ್ಲಿ ಕೊಹ್ಲಿಯದ್ದು ಇದೇ ಕಥೆ.
IND vs AUS: ತವರಿನಲ್ಲಿ ಶತಕದ ಸಾಧನೆ; ಹೀಗೊಂದು ದಾಖಲೆ ಬರೆದ ಉಮೇಶ್ ಯಾದವ್
ಮೊದಲು 3 ಇನ್ನಿಂಗ್ಸ್ಗಳಲ್ಲಿ ಕೇವಲ 75 ರನ್
ಬಾರ್ಡರ್ ಗವಾಸ್ಕರ್ ಟ್ರೋಫಿಯಲ್ಲಿ ಇಂದೋರ್ ಟೆಸ್ಟ್ಗೆ ಮೊದಲು ಕೊಹ್ಲಿ ಆಡಿದ 3 ಇನ್ನಿಂಗ್ಸ್ಗಳಲ್ಲಿ 75 ರನ್ ಗಳಿಸಲಷ್ಟೇ ಶಕ್ತರಾಗಿದ್ದರು. ಇದರಲ್ಲಿ 2 ಬಾರಿ ಟಾಡ್ ಮರ್ಫಿಗೆ ಬಲಿಯಾದರೆ, ಒಮ್ಮೆ ಮ್ಯಾಥ್ಯೂ ಕುಹ್ನೆಮನ್ಗೆ ಕೊಹ್ಲಿ ವಿಕೆಟ್ ಒಪ್ಪಿಸಿದ್ದರು.
5 ಇನ್ನಿಂಗ್ಸ್ಗಳಲ್ಲಿ 110 ರನ್
ಈ ಮೂಲಕ ಇಲ್ಲಿಯವರೆಗೆ ಆಡಿರುವ ಟೆಸ್ಟ್ ಸರಣಿಯ 5 ಇನ್ನಿಂಗ್ಸ್ಗಳಲ್ಲಿ ಕೊಹ್ಲಿ ಕೇವಲ 110 ರನ್ ಮಾತ್ರ ಬಾರಿಸಿದ್ದಾರೆ. ಇದರಲ್ಲಿ ಒಂದೇ ಒಂದು ಅರ್ಧಶತಕವಿಲ್ಲ. ಅಲ್ಲದೆ ಅವರ ಬ್ಯಾಟಿಂಗ್ ಸರಾಸರಿ ಕೂಡ 25ಕ್ಕಿಂತ ಕಡಿಮೆಯಿದೆ. ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲಿ ವಿರಾಟ್ ಕೊಹ್ಲಿಯನ್ನು ಟಾಡ್ ಮರ್ಫಿ ಮೂರು ಬಾರಿ ಔಟ್ ಮಾಡಿದ್ದರೆ, ಮ್ಯಾಥ್ಯೂ ಕುನ್ಹೆಮನ್ 2 ಬಾರಿ ಔಟ್ ಮಾಡಿದ್ದಾರೆ. ವಿಶೇಷವೆಂದರೆ ಇದುವರೆಗೂ ವಿರಾಟ್ ಈ ಸರಣಿಯಲ್ಲಿ ಆಸ್ಟ್ರೇಲಿಯಾ ತಂಡದ ಯಾವುದೇ ವೇಗದ ಬೌಲರ್ಗಳನ್ನು ಎದುರಿಸಿಲ್ಲ.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
