India Vs Afghanistan T20 Asia Cup Highlights: 101 ರನ್ಗಳಿಂದ ಅಫ್ಘಾನ್ ಮಣಿಸಿದ ಟೀಂ ಇಂಡಿಯಾ
Updated on:Sep 08, 2022 | 10:57 PM
India Vs Afghanistan T20 Asia Cup: ಟೀಂ ಇಂಡಿಯಾದ ಏಷ್ಯಾಕಪ್ ಪ್ರಯಾಣವು ನಿನ್ನೆಯಷ್ಟೇ ಕೊನೆಗೊಂಡಿತು. ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲುವಿನೊಂದಿಗೆ ಟೂರ್ನಿ ಮುಗಿಸುವ ಪ್ರಯತ್ನವಾಗಿತ್ತು.
ಟೀಂ ಇಂಡಿಯಾದ ಏಷ್ಯಾಕಪ್ ಪ್ರಯಾಣವು ನಿನ್ನೆಯಷ್ಟೇ ಕೊನೆಗೊಂಡಿತು. ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲುವಿನೊಂದಿಗೆ ಟೂರ್ನಿ ಮುಗಿಸುವ ಪ್ರಯತ್ನವಾಗಿತ್ತು. ಆದರೆ ಈ ಪಂದ್ಯದಲ್ಲಿ ಮೂರು ವರ್ಷಗಳಿಂದ ಎಲ್ಲರೂ ಕಾದಿದ್ದ ಘಟನೆಯೊಂದು ಘಟಿಸಿ ಹೋಯಿತು. ಕೊಹ್ಲಿ ಬ್ಯಾಟ್‌ನಿಂದ 71ನೇ ಅಂತರಾಷ್ಟ್ರೀಯ ಶತಕ ಬರೋಬ್ಬರಿ 1021 ದಿನಗಳ ಬಳಿಕ ದಾಖಲಾಯಿತು. ಈ ಶತಕದೊಂದಿಗೆ ಟೀಂ ಇಂಡಿಯಾ ಭರ್ಜರಿ ಗೆಲುವು ದಾಖಲಿಸಿ ಏಷ್ಯಾಕಪ್ನಿಂದ ಹೊರಬಿದ್ದಿದೆ.
LIVE NEWS & UPDATES
-
ಗೆದ್ದ ಭಾರತ
ಭಾರತವು ಅಫ್ಘಾನಿಸ್ತಾನವನ್ನು 101 ರನ್ಗಳಿಂದ ಸೋಲಿಸಿತು. ಭಾರತ ನೀಡಿದ 213 ರನ್‌ಗಳ ಗುರಿಯ ಮುಂದೆ ಅಫ್ಘಾನಿಸ್ತಾನ ಕೇವಲ 111 ರನ್ ಗಳಿಸಲಷ್ಟೇ ಶಕ್ತವಾಯಿತು. ಸಂಪೂರ್ಣ 20 ಓವರ್‌ಗಳನ್ನು ಆಡಿದ ಅಫ್ಘಾನಿಸ್ತಾನ ಎಂಟು ವಿಕೆಟ್‌ಗಳನ್ನು ಕಳೆದುಕೊಂಡಿತು. ಈ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಪರ ಇಬ್ರಾಹಿಂ ಝದ್ರಾನ್ ಅತಿ ಹೆಚ್ಚು ರನ್ ಗಳಿಸಿದರು. ಅವರು ಔಟಾಗದೆ 64 ರನ್‌ಗಳ ಇನ್ನಿಂಗ್ಸ್ ಆಡಿದರು.
-
ರಶೀದ್ ಖಾನ್ ಔಟ್
14ನೇ ಓವರ್ ಎಸೆದ ದೀಪಕ್ ಹೂಡಾ ಮೊದಲ ಓವರ್ನಲ್ಲಿ ಯಶಸ್ಸು ಕಂಡಿದ್ದಾರೆ. ರಶೀದ್ ಖಾನ್ ಮೊದಲ ಚೆಂಡನ್ನು ಹೊಡೆಯಲು ಯತ್ನಿಸಿದರಾದರೂ ಚೆಂಡನ್ನು ಸರಿಯಾಗಿ ಕನೆಕ್ಟ್ ಮಾಡಲು ಸಾಧ್ಯವಾಗದೆ ಚೆಂಡು ಅಕ್ಷರ್ ಪಟೇಲ್ ಕೈ ಸೇರಿತು.
-
ಭುವಿಗೆ 5ನೇ ವಿಕೆಟ್
ಅಫ್ಘಾನಿಸ್ತಾನದ ಆರನೇ ವಿಕೆಟ್ ಅನ್ನು ಭುವನೇಶ್ವರ್ ಕುಮಾರ್ ಉರುಳಿಸಿದ್ದಾರೆ. ಅವರು ಅಜ್ಮತುಲ್ಲಾ ಒಮರ್ಜಾಯ್ ಅವರನ್ನು ವಜಾ ಮಾಡುವ ಮೂಲಕ ಈ ಯಶಸ್ಸನ್ನು ಸಾಧಿಸಿದರು. ಇದರೊಂದಿಗೆ ಭುವನೇಶ್ವರ್ ಈ ಪಂದ್ಯದಲ್ಲಿ ತಮ್ಮ ಐದು ವಿಕೆಟ್‌ಗಳನ್ನು ಪೂರೈಸಿದ್ದಾರೆ.
ನಬಿ ಔಟ್
ಅರ್ಷದೀಪ್ ಸಿಂಗ್ ಭಾರತಕ್ಕೆ ಐದನೇ ಯಶಸ್ಸು ತಂದುಕೊಟ್ಟಿದ್ದಾರೆ. ಆರನೇ ಓವರ್ನ ಐದನೇ ಎಸೆತದಲ್ಲಿ ಅರ್ಷದೀಪ್ ನಬಿ ಅವರನ್ನು ಔಟ್ ಮಾಡಿದರು.
ನಬಿ ಫೋರ್
ನಾಲ್ಕನೇ ಓವರ್ನ ನಾಲ್ಕನೇ ಎಸೆತದಲ್ಲಿ ಮೊಹಮ್ಮದ್ ನಬಿ ಬೌಂಡರಿ ಬಾರಿಸಿದರು. ದೀಪಕ್ ಚಹಾರ್ ಬೌಲ್ ಮಾಡಿದ ಚೆಂಡನ್ನು ನಬಿ ಕವರ್ಸ್ ಡ್ರೈವ್ ಮೂಲಕ ಬೌಂಡರಿ ಹೊಡೆದರು.
ಭುವನೇಶ್ವರ್‌ಗೆ ನಾಲ್ಕನೇ ಯಶಸ್ಸು
ಅಫ್ಘಾನಿಸ್ತಾನದ ನಾಲ್ಕನೇ ವಿಕೆಟ್ ಅನ್ನು ಭುವನೇಶ್ವರ್ ಪತನಗೊಳಿಸಿದ್ದಾರೆ. ಅವರು ಮೂರನೇ ಓವರ್ನ ಕೊನೆಯ ಎಸೆತದಲ್ಲಿ ನಜಿಬುಲ್ಲಾ ಝದ್ರಾನ್ ಅವರನ್ನು ಎಲ್ಬಿಡಬ್ಲ್ಯೂ ಔಟ್ ಮಾಡಿದರು.
ಕರೀಂ ಔಟ್
ಅಫ್ಘಾನಿಸ್ತಾನಕ್ಕೆ ಮೂರನೇ ಹೊಡೆತ ಬಿದ್ದಿದೆ. ಕರೀಮ್ ಜಂತ್ ಔಟ್ ಆಗಿದ್ದಾರೆ. ಮೂರನೇ ಓವರ್ನ ನಾಲ್ಕನೇ ಎಸೆತದಲ್ಲಿ ಭುವನೇಶ್ವರ್ ಅವರ ಔಟ್-ಸ್ವಿಂಗರ್ ಕರೀಮ್ ಅವರ ಬ್ಯಾಟ್‌ನ ತುದಿಗೆ ತಾಗಿ ಸ್ಲಿಪ್‌ಗೆ ಹೋಯಿತು. ಕೊಹ್ಲಿ ಅವರ ಕ್ಯಾಚ್ ಪಡೆದರು.
ಭುವಿಗೆ ಎರಡನೇ ವಿಕೆಟ್
ಭುವನೇಶ್ವರ್ ಕುಮಾರ್ ಭಾರತಕ್ಕೆ ಎರಡನೇ ಯಶಸ್ಸು ತಂದುಕೊಟ್ಟಿದ್ದಾರೆ. ಅವರು ಮೊದಲ ಓವರ್ನ ಕೊನೆಯ ಎಸೆತದಲ್ಲಿ ರಹಮಾನುಲ್ಲಾ ಗುರ್ಬಾಜ್ ಅವರನ್ನು ಬೌಲ್ಡ್ ಮಾಡಿದರು. ಮೊದಲ ಓವರ್ನಲ್ಲಿ ಭಾರತ ಎರಡು ವಿಕೆಟ್‌ಗಳನ್ನು ಪಡೆದಿತ್ತು.
ಭಾರತಕ್ಕೆ ವಿಕೆಟ್
ಮೊದಲ ಓವರ್ನ ನಾಲ್ಕನೇ ಎಸೆತದಲ್ಲಿ ಭಾರತ ಮೊದಲ ಯಶಸ್ಸು ಗಳಿಸಿತು.ಭುವನೇಶ್ವರ್ ಅವರ ಇನ್ಸ್ವಿಂಗ್‌ಗೆ ಹಜರತುಲ್ಲಾ ಜಜೈ ಯಾವುದೇ ಉತ್ತರ ನೀಡಲಿಲ್ಲ. ಚೆಂಡು ಅವರ ಪ್ಯಾಡ್‌ಗೆ ತಗುಲಿತು, ಅಂಪೈರ್ ಔಟ್ ನೀಡಿದರು.
212 ರನ್ ಟಾರ್ಗೆಟ್
ಮೊದಲು ಬ್ಯಾಟ್ ಮಾಡಿದ ಭಾರತ 212 ರನ್ ಗಳಿಸಿತ್ತು. ಕೊನೆಯ ಓವರ್ನಲ್ಲಿ ಭಾರತ 18 ರನ್ ಗಳಿಸಿ ಆಫ್ಘಾನಿಸ್ತಾನಕ್ಕೆ ಬೆಟ್ಟದಂತಹ ಗುರಿ ನೀಡಿತು.
ಕೊಹ್ಲಿ ಶತಕ
ಕೊಹ್ಲಿ ತಮ್ಮ ಚೊಚ್ಚಲ ಟಿ20 ಅಂತಾರಾಷ್ಟ್ರೀಯ ಶತಕ ಪೂರೈಸಿದ್ದಾರೆ. 19ನೇ ಓವರ್ನ ಎರಡನೇ ಎಸೆತದಲ್ಲಿ ಸಿಕ್ಸರ್ ಬಾರಿಸುವ ಮೂಲಕ 71ನೇ ಅಂತಾರಾಷ್ಟ್ರೀಯ ಶತಕ ಪೂರೈಸಿದರು. ಕೊಹ್ಲಿ 53 ಎಸೆತಗಳಲ್ಲಿ ಶತಕ ಪೂರೈಸಿದ್ದಾರೆ. ಕೊಹ್ಲಿ 1021 ದಿನಗಳ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಶತಕ ಬಾರಿಸಿದ್ದಾರೆ.
ಕೊಹ್ಲಿ ಬೌಂಡರಿ
18ನೇ ಓವರ್ನ ಮೂರನೇ ಎಸೆತದಲ್ಲಿ ವಿರಾಟ್ ಕೊಹ್ಲಿ ಮತ್ತೊಂದು ಬೌಂಡರಿ ಬಾರಿಸಿದರು.
ಕೊಹ್ಲಿ ಫೋರ್
17ನೇ ಓವರ್ನ ಕೊನೆಯ ಎರಡು ಎಸೆತಗಳಲ್ಲಿ ಕೊಹ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು. ಇದಾದ ಬಳಿಕ ಮುಂದಿನ ಎಸೆತದಲ್ಲೂ ಅದೇ ರೀತಿ ಮತ್ತೊಂದು ಬೌಂಡರಿ ಸಿಡಿಸಿದ್ದರು ಕೊಹ್ಲಿ.
ಕೊಹ್ಲಿಯಿಂದ ಅದ್ಭುತ ಶಾಟ್
ರಶೀದ್ ಖಾನ್ ಓವರ್ನಲ್ಲಿ ಕೊಹ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು. 16ನೇ ಓವರ್ನ ಐದನೇ ಎಸೆತದಲ್ಲಿ ಅದ್ಭುತ ಶಾಟ್ ಆಡಿದ ಕೊಹ್ಲಿ, ಲಾಂಗ್ ಆನ್‌ನಲ್ಲಿ ಸಿಕ್ಸರ್ ಬಾರಿಸಿದರು.
ಪಂತ್ ಫೋರ್
ರಿಷಬ್ ಪಂತ್ ಫೋರ್ ನೊಂದಿಗೆ ಖಾತೆ ತೆರೆದರು. 14ನೇ ಓವರ್ನ ಎರಡನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ರಶೀದ್ ಅವರ ಬಾಲ್ ಶಾರ್ಟ್ ಆಗಿತ್ತು, ಅದನ್ನು ಪಂತ್ ಲೆಗ್ ಸೈಡ್‌ನಲ್ಲಿ ನಾಲ್ಕು ರನ್‌ಗಳಿಗೆ ಕಳುಹಿಸಿದರು.
ಸೂರ್ಯಕುಮಾರ್ ಯಾದವ್ ಔಟ್
ಸೂರ್ಯಕುಮಾರ್ ಯಾದವ್ ಔಟಾಗಿದ್ದಾರೆ. ರಾಹುಲ್ ನಂತರ ಬಂದ ಸೂರ್ಯಕುಮಾರ್ ಮೊದಲ ಎಸೆತದಲ್ಲೇ ಸಿಕ್ಸರ್ ಬಾರಿಸಿದರೂ ಮುಂದಿನ ಎಸೆತದಲ್ಲಿ ಬೌಲ್ಡ್ ಆದರು. ಅವರು ಫೈನ್ ಲೆಗ್‌ನಲ್ಲಿ ಸ್ಕೂಪ್ ಆಟದೊಂದಿಗೆ ಮೊದಲ ಎಸೆತದಲ್ಲಿ ಆರು ರನ್ ಗಳಿಸಿದರು.
ರಾಹುಲ್ ಔಟ್
ಕೆಎಲ್ ರಾಹುಲ್ ಔಟಾಗಿದ್ದಾರೆ. ಇದರೊಂದಿಗೆ ಭಾರತದ ಮೊದಲ ವಿಕೆಟ್ ಪತನಗೊಂಡಿದೆ. ರಾಹುಲ್ ಫರೀದ್‌ಗೆ ದೊಡ್ಡ ಹೊಡೆತವನ್ನು ಹೊಡೆಯಲು ಪ್ರಯತ್ನಿಸಿದರು ಆದರೆ ನಜಿಬುಲ್ಲಾ ಜದ್ರಾನ್‌ಗೆ ಕ್ಯಾಚ್ ನೀಡಿದರು.
ಕೊಹ್ಲಿ ಫೋರ್
ಕೊಹ್ಲಿ ಕೂಡ 12ನೇ ಓವರ್ ಅನ್ನು ಬೌಂಡರಿಯೊಂದಿಗೆ ಅಂತ್ಯಗೊಳಿಸಿದರು. ಶಾರ್ಟ್ ಬಾಲ್ ಬೌಲಿಂಗ್ ಮಾಡುವ ತಪ್ಪನ್ನು ನಬಿ ಮತ್ತೊಮ್ಮೆ ಮಾಡಿದರು ಮತ್ತು ಕೊಹ್ಲಿ ಅದನ್ನು ಬೌಂಡರಿ ಗೆರೆಯಿಂದ ಹೊರಗೆ ಕಳುಹಿಸಿದರು.
ರಾಹುಲ್ ಅರ್ಧಶತಕ
ರಾಹುಲ್ 50 ರನ್ ಪೂರೈಸಿದ್ದಾರೆ. 12ನೇ ಓವರ್ನ ಮೂರನೇ ಎಸೆತದಲ್ಲಿ ಒಂದು ರನ್ ಪಡೆಯುವ ಮೂಲಕ ಅರ್ಧಶತಕ ಪೂರೈಸಿದರು. ಈ ಟೂರ್ನಿಯಲ್ಲಿ ಇದು ಅವರ ಮೊದಲ ಅರ್ಧಶತಕವಾಗಿದೆ. ಅಲ್ಲದೆ, ಈ ವರ್ಷ ಅಂತಾರಾಷ್ಟ್ರೀಯ ಟಿ20ಯಲ್ಲಿ ಮೊದಲ ಅರ್ಧಶತಕ ಕೂಡ ಆಗಿದೆ.
ಕೊಹ್ಲಿ ಅರ್ಧಶತಕ
ಕೊಹ್ಲಿ ಅರ್ಧಶತಕ ಪೂರೈಸಿದ್ದಾರೆ. 11ನೇ ಓವರ್ನ ಕೊನೆಯ ಎಸೆತದಲ್ಲಿ ಒಂದು ರನ್ ಪಡೆಯುವ ಮೂಲಕ ಕೊಹ್ಲಿ 50 ರನ್ ಪೂರೈಸಿದರು. ಏಷ್ಯಾಕಪ್-2022ರಲ್ಲಿ ಇದು ಅವರ ಮೂರನೇ ಅರ್ಧಶತಕವಾಗಿದೆ.
ಕೊಹ್ಲಿ ಫೋರ್
11ನೇ ಓವರ್ನ ಎರಡನೇ ಎಸೆತದಲ್ಲಿ ಕೊಹ್ಲಿ ಬೌಂಡರಿ ಬಾರಿಸಿದರು. ಅಜ್ಮತುಲ್ಲಾ ಎಸೆತದಲ್ಲಿ ರಾಹುಲ್ ಮಿಡ್ ವಿಕೆಟ್ ಮತ್ತು ಸ್ಕ್ವೇರ್ ಲೆಗ್ ನಡುವೆ ಚೆಂಡನ್ನು ಫೋರ್ಗೆ ಕಳುಹಿಸಿದರು.
10 ಓವರ್‌ಗಳ ಆಟ ಮುಗಿದಿದೆ
10 ಓವರ್‌ಗಳನ್ನು ಆಡಲಾಗಿದೆ. ಭಾರತ ಇದುವರೆಗೆ ಯಾವುದೇ ವಿಕೆಟ್ ಕಳೆದುಕೊಂಡಿಲ್ಲ. ಕೊಹ್ಲಿ ಮತ್ತು ರಾಹುಲ್ ಜೋಡಿ ಈ 10 ಓವರ್‌ಗಳಲ್ಲಿ 87 ರನ್ ಗಳಿಸಿ ದೊಡ್ಡ ಸ್ಕೋರ್‌ಗೆ ಅಡಿಪಾಯ ಹಾಕಿದೆ.
ಕೊಹ್ಲಿ ಸಿಕ್ಸರ್
ಎಂಟನೇ ಓವರ್ನ ಮೂರನೇ ಎಸೆತದಲ್ಲಿ ಕೊಹ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು. ನಬಿ ಎಸೆತದಲ್ಲಿ ಕೊಹ್ಲಿ ಮಿಡ್‌ವಿಕೆಟ್‌ನಲ್ಲಿ ಶಾಟ್ ಬಾರಿಸಿದಾಗ ಚೆಂಡು ಅಲ್ಲೇ ನಿಂತಿದ್ದ ಫೀಲ್ಡರ್‌ನ ಕೈ ಸೇರಿತು. ಆದರೆ ಕ್ಯಾಚ್ ಹಿಡಿಯಲು ಸಾಧ್ಯವಾಗಲಿಲ್ಲ, ಚೆಂಡು ಸಿಕ್ಸರ್ಗೆ ಹೋಯಿತು.
ರಾಹುಲ್ ಸಿಕ್ಸರ್
ಏಳನೇ ಓವರ್ ಬೌಲಿಂಗ್ ಮಾಡುತ್ತಿದ್ದ ರಶೀದ್ ಖಾನ್ ನಾಲ್ಕನೇ ಎಸೆತವನ್ನು ಬಹಳ ಶಾರ್ಟ್ ಎಸೆದರು ಮತ್ತು ಅದರ ಸಂಪೂರ್ಣ ಲಾಭ ಪಡೆದ ರಾಹುಲ್ ಆರು ರನ್ ಗಳಿಗೆ ಚೆಂಡನ್ನು ಮಿಡ್ ವಿಕೆಟ್ ಮೇಲೆ ಕಳುಹಿಸಿದರು.
ಭಾರತಕ್ಕೆ ಪವರ್‌ಪ್ಲೇ
ಪವರ್‌ಪ್ಲೇಯಲ್ಲಿ ಅದ್ಭುತ ಬ್ಯಾಟಿಂಗ್ ಪ್ರದರ್ಶಿಸಿದ ಭಾರತ ಮೊದಲ ಆರು ಓವರ್‌ಗಳಲ್ಲಿ ಯಾವುದೇ ವಿಕೆಟ್ ನಷ್ಟವಿಲ್ಲದೆ 52 ರನ್ ಗಳಿಸಿತು. ಕೊಹ್ಲಿ ಹಾಗೂ ರಾಹುಲ್ ತಂಡಕ್ಕೆ ಉತ್ತಮ ಆರಂಭ ನೀಡಿದ್ದಾರೆ.
ಮುಜೀಬ್ ವಿರುದ್ಧ ಕೊಹ್ಲಿ ಅಬ್ಬರ
ಮುಜೀಬ್ ಮೇಲೆ ಕೊಹ್ಲಿ ದಾಳಿ ನಡೆಸಿದ್ದಾರೆ. ಈ ಓವರ್ನಲ್ಲಿ ಅವರು ಎರಡನೇ ಮತ್ತು ನಾಲ್ಕನೇ ಎಸೆತಗಳಲ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು ಮತ್ತು ನಂತರ ಐದನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು. ಈ ಓವರ್ನಲ್ಲಿ ಭಾರತಕ್ಕೆ ಒಟ್ಟು 15 ರನ್‌ಗಳು ಬಂದವು.
ಬೌಂಡರಿ
ಐದನೇ ಓವರ್ ಎಸೆದ ಫರೀದ್ ಅಹ್ಮದ್ ಅವರ ಮೂರನೇ ಎಸೆತದಲ್ಲಿ ರಾಹುಲ್ ಬೌಂಡರಿ ಬಾರಿಸಿದರು. ಚೆಂಡು ಆಫ್-ಸ್ಟಂಪ್‌ನ ಹೊರಗಿತ್ತು, ಅದನ್ನು ರಾಹುಲ್ ಕಟ್ ಮಾಡಿ ನಾಲ್ಕು ರನ್‌ಗಳಿಗೆ ಕಳುಹಿಸಿದರು.
ಬೌಂಡರಿಯೊಂದಿಗೆ ಅಂತ್ಯ
ರಾಹುಲ್ ನಾಲ್ಕನೇ ಓವರ್ ಅನ್ನು ಬೌಂಡರಿಯೊಂದಿಗೆ ಕೊನೆಗೊಳಿಸಿದರು. ಮುಜೀಬ್ ಅವರಿಗೆ ಶಾರ್ಟ್ ಬಾಲ್ ಅನ್ನು ಲೆಗ್ ಸ್ಟಂಪ್ ಮೇಲೆ ಎಸೆದರು, ಅದನ್ನು ಎಳೆದು ರಾಹುಲ್ ಫೈನ್ ಲೆಗ್ ಕಡೆಗೆ ಕಳುಹಿಸಿದರು.
ಕೊಹ್ಲಿ ಫೋರ್
ಮೂರನೇ ಓವರ್ನ ನಾಲ್ಕನೇ ಎಸೆತದಲ್ಲಿ ವಿರಾಟ್ ಕೊಹ್ಲಿ ಬೌಂಡರಿ ಬಾರಿಸಿದರು. ಬ್ಯಾಕ್‌ವರ್ಡ್ ಸ್ಕ್ವೇರ್ ಲೆಗ್‌ನಲ್ಲಿ ಕೊಹ್ಲಿ ಬೌಂಡರಿ ಬಾರಿಸಿದರು.
ರಾಹುಲ್ ಫೋರ್
ಕೆಎಲ್ ರಾಹುಲ್ ಮೂರನೇ ಓವರ್ನ ಎರಡನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಫಜಲ್ ಅವರ ಲೆಗ್ ಸೈಡ್‌ನಲ್ಲಿ ಶಾರ್ಟ್ ಸ್ಲ್ಯಾಮ್ಡ್ ಬಾಲ್‌ನಲ್ಲಿ ರಾಹುಲ್ ಫೈನ್ ಲೆಗ್‌ನಲ್ಲಿ ಬೌಂಡರಿ ಬಾರಿಸಿದರು.
ಮುಜೀಬ್ ಬಿಗಿ ಬೌಲಿಂಗ್
ಎರಡನೇ ಓವರ್ ಬೌಲ್ ಮಾಡಲು ಬಂದ ಮುಜೀಬ್ ಉರ್ ರೆಹಮಾನ್ ಬಿಗಿಯಾಗಿ ಬೌಲ್ ಮಾಡಿದ್ದಾರೆ. ಈ ಓವರ್ನಲ್ಲಿ ಅವರು ಮೂರು ರನ್‌ಗಳನ್ನು ಬಿಟ್ಟುಕೊಟ್ಟರು. ಎರಡು ಓವರ್‌ಗಳ ನಂತರ ಭಾರತದ ಸ್ಕೋರ್ ವಿಕೆಟ್ ನಷ್ಟವಿಲ್ಲದೆ 9 ರನ್ ಆಗಿದೆ.
ಫಜಲ್‌ನಿಂದ ಉತ್ತಮ ಓವರ್
ಫಜ ಮೊದಲ ಓವರ್ ಚೆನ್ನಾಗಿ ಬೌಲ್ ಮಾwಇದರು. ಈ ಓವರ್ನಲ್ಲಿ ಒಂದೇ ಒಂದು ಬೌಂಡರಿ ಬರಲಿಲ್ಲ. ಈ ಓವರ್ನಲ್ಲಿ ಅವರು ಆರು ರನ್ ನೀಡಿದರು. ರಾಹುಲ್ ಮತ್ತು ಕೊಹ್ಲಿಗೆ ರನ್ ಗಳಿಸುವ ಹೆಚ್ಚಿನ ಅವಕಾಶಗಳು ಸಿಗಲಿಲ್ಲ.
ಭಾರತದ ಇನ್ನಿಂಗ್ಸ್ ಆರಂಭ
ಭಾರತದ ಇನ್ನಿಂಗ್ಸ್ ಆರಂಭವಾಗಿದೆ. ಕೆಎಲ್ ರಾಹುಲ್ ಜೊತೆ ಇನ್ನಿಂಗ್ಸ್ ಆರಂಭಿಸಲು ವಿರಾಟ್ ಕೊಹ್ಲಿ ಬಂದಿದ್ದಾರೆ. ಫಜಲ್ಹಕ್ ಫಾರೂಕಿ ಅಫ್ಘಾನಿಸ್ತಾನ ಪರ ಬೌಲಿಂಗ್ ಆರಂಭಿಸುತ್ತಿದ್ದಾರೆ.
ಅಫ್ಘಾನಿಸ್ತಾನ ತಂಡ
ಮೊಹಮ್ಮದ್ ನಬಿ (ನಾಯಕ), ಹಜರತುಲ್ಲಾ ಜಜೈ, ರಹಮಾನುಲ್ಲಾ ಗುರ್ಬಾಜ್, ಇಬ್ರಾಹಿಂ ಝದ್ರಾನ್, ನಜಿಬುಲ್ಲಾ ಝದ್ರಾನ್, ಕರೀಮ್ ಜನತ್, ಅಜ್ಮತುಲ್ಲಾ ಒಮರ್ಜಾಯ್, ರಶೀದ್ ಖಾನ್, ಮುಜೀಬ್ ಉರ್ರಹ್ಮಾನ್, ಫರೀದ್ ಅಹ್ಮದ್, ಫಜಲ್ಹಕ್ ಫರೂಕ್.
ಭಾರತ ತಂಡ
ಕೆಎಲ್ ರಾಹುಲ್ (ನಾಯಕ), ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ರಿಷಬ್ ಪಂತ್ (ವಿಕೆಟ್ ಕೀಪರ್), ದೀಪಕ್ ಹೂಡಾ, ದಿನೇಶ್ ಕಾರ್ತಿಕ್, ಅಕ್ಸರ್ ಪಟೇಲ್, ರವಿಚಂದ್ರನ್ ಅಶ್ವಿನ್, ದೀಪಕ್ ಚಹಾರ್, ಭುವನೇಶ್ವರ್ ಕುಮಾರ್ ಮತ್ತು ಅರ್ಷದೀಪ್ ಸಿಂಗ್.
ಟಾಸ್ ಗೆದ್ದ ಅಫ್ಘಾನಿಸ್ತಾನ
ಅಫ್ಘಾನಿಸ್ತಾನ ನಾಯಕ ಮೊಹಮ್ಮದ್ ನಬಿ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ರೋಹಿತ್ ಶರ್ಮಾ ಈ ಪಂದ್ಯದಲ್ಲಿ ಆಡುತ್ತಿಲ್ಲ. ಕೆಎಲ್ ರಾಹುಲ್ ತಂಡದ ನಾಯಕರಾಗಿದ್ದಾರೆ. ರೋಹಿತ್‌ಗೆ ವಿಶ್ರಾಂತಿ ನೀಡಲಾಗಿದೆ ಎಂದು ರಾಹುಲ್ ಹೇಳಿದ್ದಾರೆ. ಹಾರ್ದಿಕ್ ಪಾಂಡ್ಯ ಮತ್ತು ಯುಜುವೇಂದ್ರ ಚಹಾಲ್ ಆಡುತ್ತಿಲ್ಲ. ದಿನೇಶ್ ಕಾರ್ತಿಕ್, ಅಕ್ಷರ್ ಪಟೇಲ್, ದೀಪಕ್ ಚಹಾರ್ ಅವರಿಗೆ ಅವಕಾಶ ಸಿಕ್ಕಿದೆ.
ಕ್ರೀಡಾಂಗಣದ ಬಳಿ ಬೆಂಕಿ
ಪಂದ್ಯ ಆರಂಭಕ್ಕೂ ಮುನ್ನ ಭಾರತ ಮತ್ತು ಅಫ್ಘಾನಿಸ್ತಾನ ನಡುವೆ ಪಂದ್ಯ ನಡೆಯಬೇಕಿದ್ದ ಕ್ರೀಡಾಂಗಣದ ಹೊರಗಿನ ಕಟ್ಟಡದಲ್ಲಿ ಬೆಂಕಿ ಕಾಣಿಸಿಕೊಂಡಿದೆ.
Published On - Sep 08,2022 6:28 PM
