IPL 2022: ಎರಡು ಹೊಸ ಐಪಿಎಲ್ ತಂಡಗಳ ಹರಾಜಿನ ದಿನಾಂಕ ಬದಲಿಸಿದ ಬಿಸಿಸಿಐ; ಕಾರಣವೇನು ಗೊತ್ತಾ?

ಇಂಡಿಯನ್ ಪ್ರೀಮಿಯರ್ ಲೀಗ್ 2021 ಕೊನೆಗೊಳ್ಳಲಿದೆ. 14 ನೇ ಸೀಸನ್​ನಲ್ಲಿ ಕೇವಲ 2 ಪಂದ್ಯಗಳು ಬಾಕಿ ಉಳಿದಿದ್ದು, ಚೆನ್ನೈ ಫೈನಲ್​ಗೆ ಲಗ್ಗೆ ಇಟ್ಟಿದೆ. ಈಗ ಫೈನಲ್ ತಲುಪುವ ಕದನ ಕೋಲ್ಕತಾ ನೈಟ್ ರೈಡರ್ಸ್ ಮತ್ತು ದೆಹಲಿ ಕ್ಯಾಪಿಟಲ್ಸ್ ನಡುವೆ ಇದೆ. ಆದಾಗ್ಯೂ, ಪ್ರಪಂಚದಾದ್ಯಂತದ ಅಭಿಮಾನಿಗಳು ಮತ್ತು ಅನುಭವಿಗಳು ಕೂಡ ಮುಂದಿನ ವರ್ಷ ಐಪಿಎಲ್ 2021 ರ ನಡುವೆ ನಡೆಯಲಿರುವ 15 ನೇ ಋತುವಿನ ಮೇಲೆ ಕಣ್ಣಿಟ್ಟಿದ್ದಾರೆ. ವಾಸ್ತವವಾಗಿ, ಮುಂದಿನ ವರ್ಷ 2 ಹೊಸ ತಂಡಗಳು ವಿಶ್ವದ ಅತಿದೊಡ್ಡ ಕ್ರಿಕೆಟ್ ಲೀಗ್‌ನಲ್ಲಿ ಆಡುವುದನ್ನು ನೋಡಬಹುದು. ಬಿಸಿಸಿಐ ಆಗಸ್ಟ್ 31 ರಿಂದ ಈ ಹರಾಜಿಗೆ ಟೆಂಡರ್ ಅಂದರೆ ಐಟಿಟಿಗೆ ಆಹ್ವಾನವನ್ನು ನೀಡಿದ್ದರೂ, ಬಿಸಿಸಿಐ ನಿರಂತರವಾಗಿ ಟೆಂಡರ್ ದಾಖಲೆಗೆ ಈ ಆಹ್ವಾನವನ್ನು ಖರೀದಿಸುವ ದಿನಾಂಕವನ್ನು ವಿಸ್ತರಿಸುತ್ತಿದೆ. ಬುಧವಾರ ಕೂಡ ಬಿಸಿಸಿಐ ಮತ್ತೊಮ್ಮೆ ಅದೇ ಕೆಲಸ ಮಾಡಿದೆ.

ಪತ್ರಿಕಾ ಪ್ರಕಟಣೆ ಹೊರಡಿಸಿದ ಬಿಸಿಸಿಐ, ಆಸಕ್ತರ ಕೋರಿಕೆಯ ಮೇರೆಗೆ ಬಿಸಿಸಿಐ ಐಟಿಟಿ ದಾಖಲೆಗಳ ಖರೀದಿಯ ದಿನಾಂಕವನ್ನು ಅಕ್ಟೋಬರ್ 20 ರವರೆಗೆ ವಿಸ್ತರಿಸಿದೆ ಎಂದು ಹೇಳಿದೆ. ಈ ದಾಖಲೆಯನ್ನು ಬಿಡ್ಡಿಂಗ್​ನಲ್ಲಿ ಸೇರಿಸುವುದು ಅಗತ್ಯವಾಗಿದೆ. ಅದರ ವೆಚ್ಚ 10 ಲಕ್ಷ ರೂ. ಆಗಲಿದ್ದು, ಬಿಸಿಸಿಐ ಈ ಮೊತ್ತವನ್ನು ಮರುಪಾವತಿಸುವುದಿಲ್ಲ.

ಐಪಿಎಲ್ 2022 ಕ್ಕೆ ಮೆಗಾ ಹರಾಜು
ಡಿಸೆಂಬರ್‌ನಲ್ಲಿ ಐಪಿಎಲ್ 2022 ಕ್ಕೆ ಮೆಗಾ ಹರಾಜು ನಡೆಯಲಿದೆ ಮತ್ತು ಎರಡು ಹೊಸ ತಂಡಗಳು ಆಟಗಾರರ ಮೇಲೆ ಪಣತೊಡಲಿವೆ. ಅಹಮದಾಬಾದ್ ಮತ್ತು ಲಕ್ನೋ ತಂಡಗಳನ್ನು 15 ನೇ ಋತುವಿನಲ್ಲಿ ನೋಡಬಹುದು ಎಂದು ನಂಬಲಾಗಿದೆ. ಮೂಲಗಳನ್ನು ನಂಬಬೇಕಾದರೆ, ಆರ್‌ಪಿ-ಸಂಜೀವ್ ಗೊಯೆಂಕಾ ಗ್ರೂಪ್, ಅರಬಿಂದೋ ಫಾರ್ಮಾ ಗ್ರೂಪ್, ಅದಾನಿ ಗ್ರೂಪ್ ಈ ತಂಡಗಳನ್ನು ಖರೀದಿಸಲು ಆಸಕ್ತಿ ತೋರಿಸಿವೆ. ಈಗ ಎರಡು ಹೊಸ ಐಪಿಎಲ್ ತಂಡಗಳ ಮಾಲೀಕರು ಯಾರು ಎಂದು ನೋಡಬೇಕು?

ಹೊಸ ತಂಡಗಳಿಂದ ಬಿಸಿಸಿಐಗೆ ಭಾರೀ ಆದಾಯ
ಐಪಿಎಲ್‌ನ 2 ಹೊಸ ತಂಡಗಳನ್ನು 3 ರಿಂದ 3.5 ಸಾವಿರ ಕೋಟಿಗಳಿಗೆ ಮಾರಾಟ ಮಾಡಬಹುದು ಎಂದುನಿರೀಕ್ಷಿಸಲಾಗಿದೆ. ಪಂಜಾಬ್ ಕಿಂಗ್ಸ್ ಮಾಲೀಕ ನೆಸ್ ವಾಡಿಯಾ ಸಂದರ್ಶನದಲ್ಲಿ ಎರಡು ಹೊಸ ತಂಡಗಳ ಮೂಲ ಬೆಲೆ 2000 ಕೋಟಿ ರೂ. ಆಗಲಿದೆ ಎಂದಿದ್ದಾರೆ. 2 ಹೊಸ ತಂಡಗಳ ಪ್ರವೇಶದೊಂದಿಗೆ, ಐಪಿಎಲ್ ಸ್ವರೂಪ ಮತ್ತೊಮ್ಮೆ ಬದಲಾಗುತ್ತದೆ. ಮುಂದಿನ ವರ್ಷ 5-5 ತಂಡಗಳ ಎರಡು ಗುಂಪುಗಳನ್ನು ರಚಿಸಬಹುದು. ಈ ಸ್ವರೂಪವನ್ನು ಆಧರಿಸಿ, 70 ಲೀಗ್ ಮತ್ತು 4 ಪ್ಲೇಆಫ್ ಪಂದ್ಯಗಳು ನಡೆಯಲಿವೆ. ಇದೇ ಸ್ವರೂಪವನ್ನು 2011 ರಲ್ಲೂ ಬಳಸಲಾಗಿತ್ತು.