IPL 2022, Lucknow Super Giants: ಕನ್ನಡಿಗ ರಾಹುಲ್ ನಾಯಕತ್ವದ ಲಕ್ನೋ ತಂಡದ ಬಲಿಷ್ಠ ಸಂಭಾವ್ಯ ಪ್ಲೇಯಿಂಗ್ 11

ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2022) ನಲ್ಲಿ, ಕೆಎಲ್ ರಾಹುಲ್ (KL Rahul) ನಾಯಕತ್ವದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ (Lucknow Super Giants) ಮೈದಾನಕ್ಕಿಳಿಯಲಿದೆ. ಐಪಿಎಲ್‌ನ ಈ ತಂಡ ಹೊಸದಿರಬಹುದು ಆದರೆ ಈ ತಂಡದಲ್ಲಿರುವ ಆಟಗಾರರು T20 ಸ್ಟಾಲ್ವಾರ್ಟ್‌ಗಳು. ತಂಡಕ್ಕೆ ಕೆಎಲ್ ರಾಹುಲ್ ಅವರಂತಹ ನಾಯಕನಿದ್ದರೆ, ಕ್ವಿಂಟನ್ ಡಿ ಕಾಕ್ ಅವರಂತಹ ವಿಕೆಟ್ ಕೀಪರ್ ಕೂಡ ಇದ್ದಾರೆ. ಅಲ್ಲದೆ ಮಾರ್ಕಸ್ ಸ್ಟೊಯಿನಿಸ್ ಅವರ ಸ್ಫೋಟಕ ಆಲ್ ರೌಂಡರ್ ಆಟ ಈ ತಂಡದ ಬಲವನ್ನು ಮತ್ತಷ್ಟು ಹೆಚ್ಚಿಸಲಿದೆ. ಲಕ್ನೋ ತಂಡ ತನ್ನ ಮೊದಲ ಪಂದ್ಯವನ್ನು ಗುಜರಾತ್ ಟೈಟಾನ್ಸ್ ವಿರುದ್ಧ ಮಾರ್ಚ್ 28 ರಂದು ಆಡಲಿದೆ. ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ, ಲಕ್ನೋ ಯಾವ ಪ್ಲೇಯಿಂಗ್ XI ನಲ್ಲಿ ಕಣಕ್ಕಿಳಿಯಲಿದೆ ಎಂಬುದು ಸ್ಪಷ್ಟವಾಗಿಲ್ಲ. ಆದರೆ ಟಿವಿ9 ಕನ್ನಡ ಈ ತಂಡದ ಖ್ಯಾಟ ಆಟಗಾರರೊಳಗೊಂಡ ಪ್ಲೇಯಿಂಗ್ ಇಲೆವೆನ್​ನನ್ನು ಆಯ್ಕೆ ಮಾಡಿದೆ.

ಲಕ್ನೋ ಸೂಪರ್ ಜೈಂಟ್ಸ್ ಪ್ಲೇಯಿಂಗ್ XI ನಲ್ಲಿ ರನ್ ಸುನಾಮಿ ಸೃಷ್ಷಿಸಬಲ್ಲ ಆರಂಭಿಕರು, ಅತ್ಯುತ್ತಮ ವೇಗದ ಬೌಲರ್‌ಗಳು, ಅದ್ಭುತ ಸ್ಪಿನ್ನರ್‌ಗಳ ಜೊತೆಗೆ ಅದ್ಭುತ ಆಲ್‌ರೌಂಡರ್‌ಗಳನ್ನು ಹೊಂದಿದೆ. ಅಲ್ಲದೆ, ಈ ತಂಡವು ಗೌತಮ್ ಗಂಭೀರ್ ಅವರಂತಹ ಮೆಂಟರ್​ನನ್ನು ಆಯ್ಕೆ ಮಾಡಿಕೊಂಡಿದೆ. ಗಂಭೀರ್ ನಾಯಕತ್ವದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಎರಡು ಬಾರಿ ಐಪಿಎಲ್ ಚಾಂಪಿಯನ್ ಆಗಿತ್ತು. ಹೀಗಾಗಿ ಲಕ್ನೋದ ಅತ್ಯಂತ ಶಕ್ತಿಶಾಲಿ ಪ್ಲೇಯಿಂಗ್ XI ಬಗ್ಗೆ ಇಲ್ಲಿದೆ ಮಾಹಿತಿ.

ಲಕ್ನೋ ತಂಡದ ಬ್ಯಾಟಿಂಗ್ ವಿಭಾಗ ಹೀಗಿದೆ
ಕೆಎಲ್ ರಾಹುಲ್, ಕ್ವಿಂಟನ್ ಡಿ ಕಾಕ್ ಲಕ್ನೋ ಪರ ಇನ್ನಿಂಗ್ಸ್ ಆರಂಭಿಸಲಿದ್ದಾರೆ, ಬಹುಶಃ ಇದರಲ್ಲಿ ಯಾವುದೇ ಅನುಮಾನವಿಲ್ಲ. ಮನೀಶ್ ಪಾಂಡೆ 3 ಮತ್ತು ಮಾರ್ಕಸ್ ಸ್ಟೊಯಿನಿಸ್ 4 ನೇ ಸ್ಥಾನದಲ್ಲಿ ಆಡಬಹುದು. ಇದಲ್ಲದೆ, ದೀಪಕ್ ಹೂಡಾ ಕೂಡ ಈ ತಂಡದೊಂದಿಗೆ ಫಿನಿಶರ್ ಪಾತ್ರದಲ್ಲಿ ಕಾಣಿಸಿಕೊಳ್ಳಬಹುದು.

ಆಲ್ ರೌಂಡರ್ ವಿಭಾಗ
ಲಕ್ನೋದಲ್ಲಿ ಜೇಸನ್ ಹೋಲ್ಡರ್, ಕೃನಾಲ್ ಪಾಂಡ್ಯ ಅವರಂತಹ ಇಬ್ಬರು ಅತ್ಯುತ್ತಮ ಆಲ್‌ರೌಂಡರ್‌ಗಳಿದ್ದಾರೆ. ಇವರೊಂದಿಗೆ ಮಾರ್ಕಸ್ ಸ್ಟೊಯಿನಿಸ್ ಕೂಡ ಉತ್ತಮವಾಗಿ ಬೌಲಿಂಗ್ ಮಾಡುವ ಸಾಮರ್ಥ್ಯ ಹೊಂದಿದ್ದಾರೆ.

ಲಕ್ನೋ ಬೌಲಿಂಗ್
ಲಕ್ನೋ 2 ಸ್ಪೆಷಲಿಸ್ಟ್ ಸ್ಪಿನ್ನರ್‌ಗಳೊಂದಿಗೆ ಆಡುವ XI ಅನ್ನು ಕಟ್ಟಬಹುದು. ಇದರಲ್ಲಿ ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯ್ ಹಾಗೂ ಎಡಗೈ ಸ್ಪಿನ್ನರ್ ಶಹಬಾಜ್ ನದೀಮ್ ಕೂಡ ಇರಬಹುದಾಗಿದೆ. ಇವರ ಹೊರತಾಗಿ ಮಾರ್ಕ್ ವುಡ್ ಮತ್ತು ಅವೇಶ್ ಖಾನ್ ವೇಗದ ಬೌಲಿಂಗ್​ನಲ್ಲಿ ಈ ತಂಡದ ಅಟ್ಟಹಾಸ ಹೆಚ್ಚಿಸಲಿದ್ದಾರೆ.

ಲಕ್ನೋ ಸೂಪರ್‌ಜೈಂಟ್ಸ್ ಸಂಭಾವ್ಯ ಪ್ಲೇಯಿಂಗ್ XI – ಕೆಎಲ್ ರಾಹುಲ್, ಕ್ವಿಂಟನ್ ಡಿ ಕಾಕ್, ಮನೀಶ್ ಪಾಂಡೆ, ಮಾರ್ಕಸ್ ಸ್ಟೊಯಿನಿಸ್, ದೀಪಕ್ ಹೂಡಾ, ಜೇಸನ್ ಹೋಲ್ಡರ್, ಕೃನಾಲ್ ಪಾಂಡ್ಯ, ಶಹಬಾಜ್ ನದೀಮ್, ಮಾರ್ಕ್ ವುಡ್, ಅವೇಶ್ ಖಾನ್ ಮತ್ತು ರವಿ ಬಿಷ್ಣೋಯ್.

IPL 2022 ಲಕ್ನೋ ಸೂಪರ್‌ಜೈಂಟ್ಸ್ ವೇಳಾಪಟ್ಟಿ
ಮಾರ್ಚ್ 28 – ಗುಜರಾತ್ ಟೈಟಾನ್ಸ್ ವಿರುದ್ಧ ( 7.30 PM)

ಮಾರ್ಚ್ 31- ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ( 7.30 PM)

ಏಪ್ರಿಲ್ 4 – ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ( 7.30 PM)

ಏಪ್ರಿಲ್ 7- ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ (ಸಂಜೆ 7.30)

10 ಏಪ್ರಿಲ್- ರಾಜಸ್ಥಾನ್ ರಾಯಲ್ಸ್ ವಿರುದ್ಧ (7.30 PM)

16 ಏಪ್ರಿಲ್- ಮುಂಬೈ ಇಂಡಿಯನ್ಸ್ ವಿರುದ್ಧ (ಮಧ್ಯಾಹ್ನ 3.30)

19 ಏಪ್ರಿಲ್- ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ (7.30 PM)

24 ಏಪ್ರಿಲ್- ಮುಂಬೈ ಇಂಡಿಯನ್ಸ್ ವಿರುದ್ಧ (ಸಂಜೆ 7.30)

29 ಏಪ್ರಿಲ್- ಪಂಜಾಬ್ ಕಿಂಗ್ಸ್ ವಿರುದ್ಧ (7.30 PM)

ಮೇ 1- ದೆಹಲಿ ಕ್ಯಾಪಿಟಲ್ಸ್ ವಿರುದ್ಧ (ಮಧ್ಯಾಹ್ನ 3.30)

ಮೇ 7- ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ( 7.30 PM)

ಮೇ 10- ಗುಜರಾತ್ ಟೈಟಾನ್ಸ್ ವಿರುದ್ಧ (7.30 PM)

ಮೇ 15- ರಾಜಸ್ಥಾನ್ ರಾಯಲ್ಸ್ ವಿರುದ್ಧ (7.30 PM)

ಮೇ 18- ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ( 7.30 PM)

ಇದನ್ನೂ ಓದಿ:IPL 2022: ಈ ಆವೃತ್ತಿಯಲ್ಲಿ ಹೊಸ ನಾಯಕರೊಂದಿಗೆ ಕಣಕ್ಕಿಳಿಯುತ್ತಿರುವ 5 ಐಪಿಎಲ್ ತಂಡಗಳಿವು