Ranji Trophy: 73 ವರ್ಷಗಳ ಹಳೆಯ ದಾಖಲೆ ಉಡೀಸ್! ಹೊಸ ಇತಿಹಾಸ ಬರೆದ ಜಾರ್ಖಂಡ್, ಕ್ವಾರ್ಟರ್ ಫೈನಲ್ಗೆ ಎಂಟ್ರಿ
Ranji Trophy: ರಣಜಿ ಟ್ರೋಫಿ 2021-22 ರ ಪ್ರಿ-ಕ್ವಾರ್ಟರ್ ಫೈನಲ್ನಲ್ಲಿ ನಾಗಾಲ್ಯಾಂಡ್ ವಿರುದ್ಧ ಒಟ್ಟಾರೆ 1,008 ರನ್ಗಳ ಮುನ್ನಡೆಯೊಂದಿಗೆ ಜಾರ್ಖಂಡ್ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿದೆ.
Updated on: Mar 17, 2022 | 6:26 PM
ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ 1000 ರನ್ಗಳ ಮುನ್ನಡೆ ಸಾಧಿಸಿದ ಮೊದಲ ತಂಡ ಎಂಬ ಹೆಗ್ಗಳಿಕೆಗೆ ಜಾರ್ಖಂಡ್ ತಂಡ ಪಾತ್ರವಾಗಿದೆ. ಇದರೊಂದಿಗೆ ರಣಜಿ ಟ್ರೋಪಿ (Ranji Trophy)ಯಲ್ಲಿ ಅಪರೂಪದ ಇತಿಹಾಸವನ್ನು ನಿರ್ಮಿಸಿದೆ. ಇದಕ್ಕೂ ಮುನ್ನ ಮುಂಬೈ ರಣಜಿ ಟ್ರೋಫಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆಯನ್ನು ಹೊಂದಿತ್ತು. ಮುಂಬೈ 1948-49 ರ ರಣಜಿ ಟ್ರೋಫಿಯಲ್ಲಿ ಮಹಾರಾಷ್ಟ್ರ ವಿರುದ್ಧ ಎರಡನೇ ಇನ್ನಿಂಗ್ಸ್ನಲ್ಲಿ 958 ರನ್ ಮುನ್ನಡೆ ಸಾಧಿಸಿತು. ಈ ನಿಟ್ಟಿನಲ್ಲಿ ತಮಿಳುನಾಡು ಈಗ ಮೂರನೇ ಸ್ಥಾನಕ್ಕೆ ಕುಸಿದಿದೆ. ಅವರು 1987-88 ರ ರಣಜಿ ಟ್ರೋಫಿಯಲ್ಲಿ ಉತ್ತರ ಪ್ರದೇಶ ವಿರುದ್ಧ ಎರಡನೇ ಇನ್ನಿಂಗ್ಸ್ನಲ್ಲಿ 881 ರನ್ ಮುನ್ನಡೆ ಸಾಧಿಸಿದರು.
ರಣಜಿ ಟ್ರೋಫಿ 2021-22 ರ ಪ್ರಿ-ಕ್ವಾರ್ಟರ್ ಫೈನಲ್ನಲ್ಲಿ ನಾಗಾಲ್ಯಾಂಡ್ ವಿರುದ್ಧ ಒಟ್ಟಾರೆ 1,008 ರನ್ಗಳ ಮುನ್ನಡೆಯೊಂದಿಗೆ ಜಾರ್ಖಂಡ್ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಂಡಿದೆ. ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ ಸ್ಟೇಡಿಯಂನಲ್ಲಿ ನಡೆದ ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಜಾರ್ಖಂಡ್ ಬ್ಯಾಟ್ಸ್ಮನ್ಗಳು ಮೂರು ಶತಕ ಮತ್ತು ದ್ವಿಶತಕ ಗಳಿಸಿದರು.
ಮೊದಲ ಇನ್ನಿಂಗ್ಸ್ನಲ್ಲಿ ದ್ವಿಶತಕ ಸಿಡಿಸಿದ್ದ ಕುಮಾರ್ ಕುಶಾಗ್ರಾ 2ನೇ ಇನ್ನಿಂಗ್ಸ್ನಲ್ಲಿ 104 ಎಸೆತಗಳಲ್ಲಿ ಒಂಬತ್ತು ಬೌಂಡರಿ ಹಾಗೂ ಮೂರು ಸಿಕ್ಸರ್ಗಳ ನೆರವಿನಿಂದ 89 ರನ್ ಗಳಿಸಿ ಔಟಾದರು. ಇದು ಜಾರ್ಖಂಡ್ನ ಎರಡನೇ ಇನಿಂಗ್ಸ್ನ 91 ನೇ ಓವರ್ ಆಗಿತ್ತು. ತಂಡವು ಎರಡನೇ ಇನಿಂಗ್ಸ್ನಲ್ಲಿ 6 ವಿಕೆಟ್ಗೆ 417 ರನ್ ಗಳಿಸುವುದರೊಂದಿಗೆ 1,008 ರನ್ ಗಳ ಮುನ್ನಡೆ ಸಾಧಿಸಿತು. ಇದು ಪ್ರಥಮ ದರ್ಜೆ ಕ್ರಿಕೆಟ್ನ ಇತಿಹಾಸದಲ್ಲೇ ಒಂದು ಅದ್ಭುತ ದಾಖಲೆಯಾಗಿದೆ.
?????
Jharkhand etched their name in the record books with a special feat during the @Paytm #RanjiTrophy 2021-22 #PQF against Nagaland. ? ? #JHAvNAG pic.twitter.com/U99xNw3d1S
— BCCI Domestic (@BCCIdomestic) March 17, 2022
ಕುಮಾರ್ ಕುಶಾಗ್ರಾ ಎರಡೂ ಇನ್ನಿಂಗ್ಸ್ಗಳಲ್ಲಿ ಒಟ್ಟು 355 ರನ್ ಗಳಿಸಿದರು. ಇದರೊಂದಿಗೆ ಪಂದ್ಯ ಶ್ರೇಷ್ಠ ಪ್ರಶಸ್ತಿಗೂ ಭಾಜನರಾದರು. ಮೊದಲ ಇನಿಂಗ್ಸ್ನಲ್ಲಿ 59 ರನ್ ಗಳಿಸಿದ್ದ ಅನುಕುಲ್ ರೈ ಎರಡನೇ ಇನ್ನಿಂಗ್ಸ್ನಲ್ಲಿ 164 ಎಸೆತಗಳಲ್ಲಿ 17 ಬೌಂಡರಿ ಮತ್ತು 7 ಸಿಕ್ಸರ್ಗಳ ನೆರವಿನಿಂದ 159 ರನ್ ಗಳಿಸಿದರು. ಪ್ಲೇಟ್ ಗುಂಪಿನಲ್ಲಿ ಅಗ್ರಸ್ಥಾನದಲ್ಲಿರುವ ನಾಗಾಲ್ಯಾಂಡ್ ಈ ಪಂದ್ಯದಲ್ಲಿ ಐದು ದಿನಗಳಲ್ಲಿ ಹೆಚ್ಚಿನ ಸಮಯವನ್ನು ಫೀಲ್ಡಿಂಗ್ ಮಾಡುವುದರಲ್ಲೇ ಕಳೆಯಿತು.
Presenting the #RanjiTrophy 2021-22 Quarterfinalists! ? ?@Paytm pic.twitter.com/l2VNBSaL5g
— BCCI Domestic (@BCCIdomestic) March 16, 2022
ಈ ಪಂದ್ಯದಲ್ಲಿ ನಾಗಾಲ್ಯಾಂಡ್ 294 ಓವರ್ ಬೌಲ್ ಮಾಡಿತ್ತು. ಜಾರ್ಖಂಡ್ಗೂ ಮುನ್ನ ಆಯ್ದ ಗುಂಪಿನಲ್ಲಿ ಅಗ್ರ 7 ತಂಡಗಳಾದ ಬಂಗಾಳ, ಮುಂಬೈ, ಕರ್ನಾಟಕ, ಪಂಜಾಬ್, ಮಧ್ಯಪ್ರದೇಶ, ಉತ್ತರ ಪ್ರದೇಶ ಮತ್ತು ಉತ್ತರಾಖಂಡ ಈಗಾಗಲೇ ಕ್ವಾರ್ಟರ್ಫೈನಲ್ಗೆ ಲಗ್ಗೆ ಇಟ್ಟಿವೆ. ರಣಜಿ ಟ್ರೋಫಿಯ ಕ್ವಾರ್ಟರ್ ಫೈನಲ್ ಪಂದ್ಯಗಳನ್ನು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್ 2022) 2022 ರ ನಂತರ ಆಡಲಾಗುತ್ತದೆ.
? for Shahbaz Nadeem! ? ?
Jharkhand continue to make merry with the bat against Nagaland. ? ?
Follow the match ▶️ https://t.co/Ng12bRPPu5#RanjiTrophy | #PQF | #JHAvNAG | @Paytm pic.twitter.com/zcTQK7AbWz
— BCCI Domestic (@BCCIdomestic) March 13, 2022
ಸೌರಭ್ ತಿವಾರಿ ನಾಯಕತ್ವದ ಜಾರ್ಖಂಡ್ ತಂಡ ಈ ಪಂದ್ಯದಲ್ಲಿ ಒಟ್ಟು 1,297 ರನ್ ಗಳಿಸಿತ್ತು. ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಜಾರ್ಖಂಡ್ ಮೊದಲ ಇನಿಂಗ್ಸ್ನಲ್ಲಿ 591 ರನ್ಗಳ ಬೃಹತ್ ಮುನ್ನಡೆಯೊಂದಿಗೆ ಕ್ವಾರ್ಟರ್ ಫೈನಲ್ಗೆ ಲಗ್ಗೆ ಇಟ್ಟಿದೆ.
ಇದನ್ನೂ ಓದಿ:Womens World Cup 2022: ಆಫ್ರಿಕಾ ಗೆಲುವಿನಿಂದ ಭಾರತಕ್ಕೆ ಭಾರಿ ಲಾಭ! ಪಾಯಿಂಟ್ಸ್ ಟೇಬಲ್ ಸ್ಥಿತಿ ಹೀಗಿದೆ
