IPL 2022: ಆರೆಂಜ್ ಕ್ಯಾಪ್ ಬಟ್ಲರ್ ಬಳಿ ಭದ್ರ; ಪರ್ಪಲ್ ಕ್ಯಾಪ್ ರೇಸ್ನಲ್ಲಿ ಇರೋರು ಯಾರೆಲ್ಲಾ?
Orange Cap | Purple Cap: ಚೆನ್ನೈ ವಿರುದ್ಧ ಆರ್ಸಿಬಿ ಉತ್ತಮ ಮೊತ್ತ ಪೇರಿಸಲು ಅಡಿಪಾಯ ಹಾಕಿಕೊಟ್ಟವರೆಂದರೆ ಕಪ್ತಾನ ಫಾಫ್ ಡು ಪ್ಲೆಸಿಸ್. ಸದ್ಯ ಬೆಂಗಳೂರು ತಂಡದ ಅತ್ಯಧಿಕ ರನ್ ಗಳಿಸಿದವರ ಪಟ್ಟಿಯಲ್ಲಿ ಅವರದ್ದೇ ಮೊದಲ ಹೆಸರು. ಆರೆಂಜ್ ಕ್ಯಾಪ್ ಪಟ್ಟಿಯಲ್ಲಿ ಫಾಫ್ ಒಂದೊಂದೇ ಮೆಟ್ಟಿಲು ಹತ್ತಿರವಾಗುತ್ತಿದ್ದಾರೆ.
ಐಪಿಎಲ್ 2022 (IPL 2022) ಪಂದ್ಯಾವಳಿ ರಂಗೇರುತ್ತಿದೆ. ಲೀಗ್ ಹಂತ ಮುಕ್ತಾಯಗೊಳ್ಳುತ್ತಾ ಬಂದಂತೆಯೇ ಪ್ಲೇ ಆಫ್ಗೆ ಯಾವ ತಂಡ ಪ್ರವೇಶಿಸಲಿದೆ ಎಂಬ ಕುತೂಹಲ ಜೋರಾಗುತ್ತಿದೆ. ಈ ನಡುವೆ ಆರ್ಸಿಬಿ ಹಾಗೂ ಸಿಎಸ್ಕೆ ಪಂದ್ಯದ ನಂತರ ಬೆಂಗಳೂರು ತಂಡ ಅಗ್ರ 4ರಲ್ಲಿ ಕಾಣಿಸಿಕೊಂಡಿದೆ. ಈ ಮೂಲಕ ಮುಂದಿನ ಹಂತದ ಕನಸನ್ನು ಜೀವಂತವಾಗಿರಿಸಿಕೊಂಡಿದೆ. ಚೆನ್ನೈ ವಿರುದ್ಧ ಆರ್ಸಿಬಿ ಉತ್ತಮ ಮೊತ್ತ ಪೇರಿಸಲು ಅಡಿಪಾಯ ಹಾಕಿಕೊಟ್ಟವರೆಂದರೆ ಕಪ್ತಾನ ಫಾಫ್ ಡು ಪ್ಲೆಸಿಸ್. ಸದ್ಯ ಬೆಂಗಳೂರು ತಂಡದ ಅತ್ಯಧಿಕ ರನ್ ಗಳಿಸಿದವರ ಪಟ್ಟಿಯಲ್ಲಿ ಅವರದ್ದೇ ಮೊದಲ ಹೆಸರು. ಆರೆಂಜ್ ಕ್ಯಾಪ್ ಪಟ್ಟಿಯಲ್ಲಿ ಫಾಫ್ ಒಂದೊಂದೇ ಮೆಟ್ಟಿಲು ಹತ್ತಿರವಾಗುತ್ತಿದ್ದಾರೆ. 11 ಪಂದ್ಯಗಳಿಂದ ಅವರು 316 ರನ್ ಬಾರಿಸಿದ್ದು ಸದ್ಯ 6ನೇ ಸ್ಥಾನದಲ್ಲಿದ್ದಾರೆ. ಆದರೆ ಫಾಫ್ ಸತತವಾಗಿ ಉತ್ತಮ ಪ್ರದರ್ಶನ ತೋರುತ್ತಿಲ್ಲ. ಹೀಗಾಗಿ ಅವರ ಸರಾಸರಿ 28.73ಕ್ಕಿಳಿದಿದೆ. 10 ಪಂದ್ಯಗಳಿಂದ 588 ರನ್ ಸಿಡಿಸಿರುವ ಜೋಸ್ ಬಟ್ಲರ್ ಆರೆಂಜ್ ಕ್ಯಾಪ್ (Orange Cap) ಒಡೆಯರಾಗಿದ್ದಾರೆ. ಅವರ ನಂತರ ಎರಡನೇ ಸ್ಥಾನದಲ್ಲಿ 451 ರನ್ ಬಾರಿಸಿರುವ ಕೆಎಲ್ ರಾಹುಲ್ ಇದ್ದಾರೆ.
ಚೆನ್ನೈ ಸೂಪರ್ ಕಿಂಗ್ಸ್ ಈ ಬಾರಿ ನಿರೀಕ್ಷಿತ ಪ್ರದರ್ಶನ ತೋರುತ್ತಿಲ್ಲ. ವೈಯಕ್ತಿಕವಾಗಿಯೂ ಆ ತಂಡದ ಬ್ಯಾಟರ್ಗಳ ಸಾಧನೆ ಉತ್ತಮವಾಗಿಲ್ಲ. ಹೀಗಾಗಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ ಸಿಎಸ್ಕೆಯ ಯಾವ ಬ್ಯಾಟರ್ಗಳೂ ಇಲ್ಲ. 265 ರನ್ ಗಳಿಸಿರುವ ರುತುರಾಜ್ ಗಾಯಕ್ವಾಡ್ 16ನೇ ಸ್ಥಾನದಲ್ಲಿದ್ದಾರೆ.
ಆರೆಂಜ್ ಕ್ಯಾಪ್ ಪಟ್ಟಿ ಇಲ್ಲಿದೆ ನೋಡಿ:
‘ಆರೆಂಜ್ ಕ್ಯಾಪ್’ ರೇಸ್ನಲ್ಲಿರುವ ಬ್ಯಾಟರ್ಗಳು
ಪರ್ಪಲ್ ಕ್ಯಾಪ್ ರೇಸ್ನಲ್ಲಿ ಯಾರೆಲ್ಲಾ ಇದ್ದಾರೆ?
ಸದ್ಯ ಪರ್ಪಲ್ ಕ್ಯಾಪ್ ರಾಜಸ್ಥಾನ ರಾಯಲ್ಸ್ ತಂಡದ ಸ್ಟಾರ್ ಸ್ಪಿನ್ನರ್ ಯಜುವೇಂದ್ರ ಚಾಹಲ್ ಬಳಿ ಇದೆ. ಅವರು 19 ವಿಕೆಟ್ ಪಡೆದಿದ್ದಾರೆ. ಆರ್ಸಿಬಿಯ ವನಿಂದು ಹಸರಂಗ ಪ್ರತಿ ಪಂದ್ಯದ ನಂತರವೂ ಒಂದೊಂದೇ ಸ್ಥಾನ ಮೇಲಕ್ಕೇರುತ್ತಿದ್ದಾರೆ. ಸಿಎಸ್ಕೆ ವಿರುದ್ಧದ ಪಂದ್ಯಕ್ಕೂ ಮುನ್ನ 7ನೇ ಸ್ಥಾನದಲ್ಲಿದ್ದ ಹಸರಂಗ, ಮ್ಯಾಚ್ ನಂತರ ಅಗ್ರ 5ರಲ್ಲಿ ಕಾಣಿಸಿಕೊಂಡಿದ್ದಾರೆ. 16 ವಿಕೆಟ್ ಪಡೆದಿರುವ ಹಸರಂಗ, ತಲಾ 17 ವಿಕೆಟ್ ಪಡೆದಿರುವ ರಬಾಡ, ನಟರಾಜನ್ ಹಾಗೂ ಕುಲದೀಪ್ ಯಾದವ್ ಅವರಿಗಿಂತ ಹಿಂದಿದ್ದಾರೆ. ಮುಂದಿನ ಪಂದ್ಯಗಳಲ್ಲಿ ಹಸರಂಗ ಉತ್ತಮ ಪ್ರದರ್ಶನ ನೀಡಿದರೆ ಪರ್ಪಲ್ ಕ್ಯಾಪ್ಗೆ ಪ್ರಬಲ ಪೈಪೋಟಿಯನ್ನು ನೀಡಬಹುದು.
ಸಿಎಸ್ಕೆ ವಿರುದ್ಧ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿ, ಜಯಕ್ಕೆ ಕಾರಣರಾದ ಹರ್ಷಲ್ ಪಟೇಲ್ ಅಗ್ರ 10 ಬೌಲರ್ಗಳ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ. 10 ಪಂದ್ಯಗಳಿಂದ ಅವರು 13 ವಿಕೆಟ್ ಕಬಳಿಸಿದ್ದಾರೆ. ಕಳೆದೆರಡು ಪಂದ್ಯ ಆಡದಿದ್ದರೂ ಚೆನ್ನೈನ ಡ್ವೇನ್ ಬ್ರಾವೋ 14 ವಿಕೆಟ್ಗಳೊಂದಿಗೆ 9ನೇ ಸ್ಥಾನದಲ್ಲಿದ್ದಾರೆ.
ಪರ್ಪಲ್ ಕ್ಯಾಪ್ ಪಟ್ಟಿ ಇಲ್ಲಿದೆ:
ಪರ್ಪಲ್ ಕ್ಯಾಪ್ ರೇಸ್ನಲ್ಲಿರುವ ಬೌಲರ್ಗಳು
ಸಿಎಸ್ಕೆ ವಿರುದ್ಧದ ಗೆಲುವಿನೊಂದಿಗೆ ಆರ್ಸಿಬಿ ತಂಡ ಪಾಯಿಂಟ್ಸ್ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೇರಿದೆ. ಉಳಿದ ಮೂರೂ ಪಂದ್ಯಗಳನ್ನು ಗೆದ್ದು ಪ್ಲೇ ಆಫ್ ಆಡುವ ಹಂಬಲದಲ್ಲಿ ಫಾಫ್ ಬಳಗವಿದೆ. ಇಂದು ನಡೆಯುವ ಸನ್ರೈಸರ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವಿನ ಪಂದ್ಯ ಉಳಿದ ಮಹತ್ವದ್ದಾಗಿದೆ.
ಕ್ರೀಡಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ ಪ್ರಮುಖ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 10:02 am, Thu, 5 May 22