IPL 2023: ಪ್ಲೇ ಆಫ್ ಲೆಕ್ಕಾಚಾರ; ಆರ್ಸಿಬಿ ಗೆಲುವಿನಿಂದ ಸಂಕಷ್ಟಕ್ಕೆ ಸಿಲುಕಿದ ಇತರ ತಂಡಗಳು..!
IPL 2023 Playoff Qualification: 13 ಪಂದ್ಯಗಳಲ್ಲಿ 14 ಅಂಕಗಳನ್ನು ಸಂಪಾದಿರಸಿರುವ ಆರ್ಸಿಬಿ ಸತತ ನಾಲ್ಕನೇ ಆವೃತ್ತಿಯಲ್ಲಿ ಕೊನೆಯ ನಾಲ್ಕರ ಘಟ್ಟ ತಲುಪುವ ಸನಿಹದಲ್ಲಿದೆ.
Updated on: May 19, 2023 | 6:04 PM
ಐಪಿಎಲ್ 65ನೇ (IPL 2023) ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸನ್ ರೈಸರ್ಸ್ ಹೈದರಾಬಾದ್ (Royal Challengers Bangalore vs Sunrisers Hyderabad) ವಿರುದ್ಧ 8 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ. ಹೈದರಾಬಾದ್ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದೊಂದಿಗೆ ಬೆಂಗಳೂರು ತನ್ನ ಪ್ಲೇ ಆಫ್ ಸ್ಥಾನವನ್ನು ಇನ್ನಷ್ಟು ಅನುಕೂಲಕರವಾಗಿಸಿದೆ. ಐಪಿಎಲ್ನಲ್ಲಿ ಆರನೇ ಶತಕದೊಂದಿಗೆ ಅದ್ಭುತ ಇನ್ನಿಂಗ್ಸ್ ಆಡಿದ ವಿರಾಟ್ ಕೊಹ್ಲಿ (Virat Kohli) ಈ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಹೈದರಾಬಾದ್ ನೀಡಿದ 187 ರನ್ಗಳ ಗುರಿಯನ್ನು ಬೆಂಗಳೂರು ತಂಡ 19.2 ಓವರ್ಗಳಲ್ಲಿ ಎರಡು ವಿಕೆಟ್ ಕಳೆದುಕೊಂಡು ಗೆಲುವಿನ ದಡ ಸೇರಿತು. ಮಾಜಿ ಆರ್ಸಿಬಿ ನಾಯಕ 63 ಎಸೆತಗಳಲ್ಲಿ 100 ರನ್ ಗಳಿಸಿದರೆ, ಹಾಲಿ ನಾಯಕ ಫಾಫ್ ಡು ಪ್ಲೆಸಿಸ್ (Faf du Plessis) ಜೊತೆ ಮೊದಲ ವಿಕೆಟ್ಗೆ 172 ರನ್ ಹಂಚಿಕೊಂಡರು.
ಹೈದರಾಬಾದ್ ವಿರುದ್ಧದ ಗೆಲುವಿನೊಂದಿಗೆ ಆರ್ಸಿಬಿ ಈಗ ಅಂಕಗಳ ಪಟ್ಟಿಯಲ್ಲಿ 4ನೇ ಸ್ಥಾನಕ್ಕೆ ತಲುಪಿದೆ. 13 ಪಂದ್ಯಗಳಲ್ಲಿ 14 ಅಂಕಗಳನ್ನು ಸಂಪಾದಿರಸಿರುವ ಆರ್ಸಿಬಿ ಸತತ ನಾಲ್ಕನೇ ಆವೃತ್ತಿಯಲ್ಲಿ ಕೊನೆಯ ನಾಲ್ಕರ ಘಟ್ಟ ತಲುಪುವ ಸನಿಹದಲ್ಲಿದೆ. ಆದರೆ, ಆರ್ಸಿಬಿ ಗೆಲುವಿನೊಂದಿಗೆ ಮುಂಬೈ ಇಂಡಿಯನ್ಸ್, ಕೋಲ್ಕತ್ತಾ ನೈಟ್ ರೈಡರ್ಸ್, ರಾಜಸ್ಥಾನ್ ರಾಯಲ್ಸ್, ಪಂಜಾಬ್ ಕಿಂಗ್ಸ್ ಮತ್ತು ಪ್ಲೇ ಆಫ್ಗೆ ಪ್ರವೇಶಿಸುವ ಸಾಧ್ಯತೆಗಳು ಅಪಾಯದಲ್ಲಿದೆ.
IPL 2023: ಪ್ಲೇ ಆಫ್ಗೂ ಮುನ್ನ ಲಕ್ನೋ ತಂಡಕ್ಕೆ ಯುವ ಆಟಗಾರನ ಎಂಟ್ರಿ..!
ಇತರೆ ತಂಡಗಳ ಮೇಲೆ RCB ಪ್ರಭಾವ..
ಚೆನ್ನೈ ಸೂಪರ್ ಕಿಂಗ್ಸ್: ಐಪಿಎಲ್ 2023 ಪಾಯಿಂಟ್ಸ್ ಪಟ್ಟಿಯಲ್ಲಿ ಸಿಎಸ್ಕೆ 2ನೇ ಸ್ಥಾನದಲ್ಲಿದೆ. ಶನಿವಾರ (ಮೇ 20) ತನ್ನ ಅಂತಿಮ ಲೀಗ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಅನ್ನು ಸೋಲಿಸಿದರೆ, ಚೆನ್ನೈಗೆ ಪ್ಲೇ ಆಫ್ ಟಿಕೆಟ್ ಖಚಿತವಾಗಲಿದೆ. ಇಲ್ಲವಾದರೆ, ಲಕ್ನೋ, ಆರ್ಸಿಬಿ, ಮುಂಬೈ ತಮ್ಮ ಕೊನೆಯ ಪಂದ್ಯವನ್ನು ಗೆದ್ದರೆ, ಚೆನ್ನೈ ಐಪಿಎಲ್ನಿಂದ ಹೊರಹೋಗುತ್ತದೆ. ಒಂದು ವೇಳೆ ಲಕ್ನೋ, ಆರ್ಸಿಬಿ, ಮುಂಬೈ ಈ ಮೂರು ತಂಡಗಳಲ್ಲಿ ಒಬ್ಬರು ಸೋತರೆ ಚೆನ್ನೈ ಸುಲಭವಾಗಿ ಪ್ಲೇ ಆಫ್ ಆಡಲಿದೆ.
ಲಕ್ನೋ ಸೂಪರ್ಜೈಂಟ್ಸ್: ಎಲ್ಎಸ್ಜಿ ತಂಡವು ಸಿಎಸ್ಕೆಯಂತೆ ಪ್ಲೇ ಆಫ್ಗೆ ಅರ್ಹತೆ ಪಡೆಯುವ ಸನಿಹದಲ್ಲಿದೆ. ಶನಿವಾರ (ಮೇ 20) ನಡೆಯಲಿರುವ ಪಂದ್ಯದಲ್ಲಿ ಕೆಕೆಆರ್ ವಿರುದ್ಧ ಗೆಲುವು ಸಾಧಿಸಿದರೆ ಪ್ಲೇ ಆಫ್ಗೆ ಲಗ್ಗೆ ಇಡುವುದು ಖಚಿತ. ಇಲ್ಲವಾದಲ್ಲಿ ಕೊನೆಯ ಲೀಗ್ ಪಂದ್ಯದ ಫಲಿತಾಂಶವನ್ನು ಅವಲಂಬಿಸಬೇಕಾಗುತ್ತದೆ. ಎಲ್ಎಸ್ಜಿ ಸೋತು ಈ ಮೂರು ತಂಡಗಳು ಗೆದ್ದರೆ ಎಲ್ಎಸ್ಜಿ ಲೀಗ್ನಿಂದ ಹೊರಬೀಳಲಿದೆ. ಒಂದು ವೇಳೆ ಎಲ್ಎಸ್ಜಿ ಸೋತ ನಂತರವೂ ಈ ಮೂರು ತಂಡಗಳಲ್ಲಿ ಒಂದು ತಂಡ ಸೋತರೆ, ಎಲ್ಎಸ್ಜಿ ಮೈನಸ್ ರನ್ ರೇಟ್ ಅನ್ನು ಲೆಕ್ಕಿಸದೆ ಪ್ಲೇ ಆಫ್ಗೆ ಮುನ್ನಡೆಯಲಿದೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ಭಾನುವಾರ (ಮೇ 21) ನಡೆಯಲಿರುವ ತನ್ನ ಅಂತಿಮ ಲೀಗ್ ಪಂದ್ಯದಲ್ಲಿ ಗುಜರಾತ್ ತಂಡವನ್ನು ಸೋಲಿಸಿದರೆ ಆರ್ಸಿಬಿ ಕೊನೆಯ ನಾಲ್ಕರ ಘಟ್ಟಕ್ಕೆ ತಲುಪಲಿದೆ. ಆರ್ಸಿಬಿ ತನ್ನ ಕೊನೆಯ ಪಂದ್ಯವನ್ನು ಗೆದ್ದರೆ ನಂತರ ಸಿಎಸ್ಕೆ ಮತ್ತು ಚೆನ್ನೈ ತನ್ನ ಕೊನೆಯ ಪಂದ್ಯವನ್ನು ಸೋತರೆ ಟಾಪ್-2ಗೆ ಎಂಟ್ರಿಕೊಡಲಿದೆ. ಆರ್ಸಿಬಿ ಸೋತು ಮುಂಬೈ ಗೆದ್ದರೆ ಆರ್ಸಿಬಿ ಲೀಗ್ನಿಂದ ಹೊರಬೀಳಲಿದೆ. ಮುಂಬೈ ಜೊತೆಗೆ ಆರ್ಸಿಬಿ ಸಹ ಸೋತರೆ ಮುಂಬೈ ಜೊತೆಗೆ ಇತರ ತಂಡಗಳು ನೆಟ್ ರನ್ ರೇಟ್ ಅನ್ನು ಅವಲಂಬಿಸಬೇಕಾಗುತ್ತದೆ.
ಮುಂಬೈ ಇಂಡಿಯನ್ಸ್: ಹೈದರಾಬಾದ್ ವಿರುದ್ಧ ಮುಂಬೈ ಗೆದ್ದರೆ ಎರಡನೇ ಸ್ಥಾನವನ್ನು ಆಕ್ರಮಿಸಿಕೊಳ್ಳುವ ಸಾಧ್ಯತೆ ಇದೆ. ಆದರೆ ಅದಕ್ಕಾಗಿ ನಾವು ಇತರ ತಂಡಗಳ ಫಲಿತಾಂಶಗಳನ್ನು ಅವಲಂಬಿಸಬೇಕಾಗಿದೆ. ಮುಂಬೈ ಭಾನುವಾರ ಹೈದರಾಬಾದ್ ತಂಡವನ್ನು ಸೋಲಿಸಿದರೆ ಮತ್ತು ಲಕ್ನೋ, ಆರ್ಸಿಬಿ, ಚೆನ್ನೈ ತಮ್ಮ ಕೊನೆಯ ಪಂದ್ಯಗಳಲ್ಲಿ ಸೋತರೆ, ಮುಂಬೈ ಎರಡನೇ ಸ್ಥಾನಕ್ಕೇರಲಿದೆ. ಆದರೆ, ಈ ಮೂರು ತಂಡಗಳಲ್ಲಿ ಯಾವುದಾದರೂ ಗೆದ್ದರೆ, ಮುಂಬೈ ಅಗ್ರ ಎರಡನೇ ಸ್ಥಾನವನ್ನು ಕಳೆದುಕೊಳ್ಳುತ್ತದೆ. ಅಲ್ಲದೆ, ಈ ಮೂರು ತಂಡಗಳು ಗೆದ್ದರೆ, ಮುಂಬೈ ಟೂರ್ನಿಯಿಂದ ಹೊರಬೀಳಲಿದೆ. ಮುಂಬೈ ಸೋತ ಹೊರತಾಗಿಯೂ, ಆರ್ಸಿಬಿ ಹಾಗೂ ಕೆಕೆಆರ್ ತಮ್ಮ ಕೊನೆಯ ಪಂದ್ಯವನ್ನು ಭಾರಿ ಅಂತರದಿಂದ ಕಳೆದುಕೊಂಡರೆ ಪ್ಲೇ ಆಫ್ಗೆ ಹೋಗುವ ಅವಕಾಶ ಪಡೆಯಲಿದೆ.
ರಾಜಸ್ಥಾನ್ ರಾಯಲ್ಸ್: ಶುಕ್ರವಾರ (ಮೇ 19) ನಡೆಯಲಿರುವ ತಮ್ಮ ಕೊನೆಯ ಪಂದ್ಯದಲ್ಲಿ ಆರ್ಸಿಬಿ, ಮುಂಬೈ, ಕೆಕೆಆರ್ ಹಾಗೂ ಪಂಜಾಬ್ ತಂಡಗಳು ಭಾರಿ ಅಂತರದಲ್ಲಿ ಸೋತು, ರಾಜಸ್ಥಾನ್ ಗೆದ್ದರೆ ಎಲಿಮಿನೇಟರ್ ಹೋರಾಟಕ್ಕೆ ಅರ್ಹತೆ ಪಡೆಯಲಿವೆ.
ಕೋಲ್ಕತ್ತಾ ನೈಟ್ ರೈಡರ್ಸ್: ಆರ್ಸಿಬಿ, ಲಕ್ನೋ ಹಾಗೂ ಮುಂಬೈ ತಮ್ಮ ಕೊನೆಯ ಪಂದ್ಯಗಳಲ್ಲಿ ಭಾರಿ ಅಂತರದಿಂದ ಸೋತು, ಕೆಕೆಆರ್ ತನ್ನ ಕೊನೆಯ ಪಂದ್ಯದಲ್ಲಿ ಗೆದ್ದರೆ ನಾಲ್ಕನೇ ಸ್ಥಾನಕ್ಕೇರಲಿದೆ. ಇಂತಹ ಪರಿಸ್ಥಿತಿಯಲ್ಲಿ ಕೆಕೆಆರ್, ಮುಂಬೈ, ಆರ್ಸಿಬಿ ತಲಾ 14 ಅಂಕಗಳನ್ನು ಹೊಂದಿರುತ್ತದೆ. ನಿವ್ವಳ ರನ್ ರೇಟ್ ಆಧಾರದ ಮೇಲೆ ಕೆಕೆಆರ್ 4ನೇ ಸ್ಥಾನಕ್ಕೇರಬಹುದಾಗಿದೆ.
ಪಂಜಾಬ್ ಕಿಂಗ್ಸ್: ಪ್ಲೇ ಆಫ್ಗೇರಲು ಪಂಜಾಬ್ಗೆ ಅವಕಾಶಗಳು ತುಂಬಾ ಕಡಿಮೆ ಎಂದೇ ಹೇಳಬೇಕು. ಪಂಜಾಬ್ ಮುನ್ನಡೆಯಲು ತನ್ನ ಕೊನೆಯ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಭಾರಿ ಅಂತರದಿಂದ ಸೋಲಿಸಬೇಕಾಗಿದೆ. ಏತನ್ಮಧ್ಯೆ, ಆರ್ಸಿಬಿ ಮುಂಬೈ ಕೆಕೆಆರ್ ತಮ್ಮ ಕೊನೆಯ ಲೀಗ್ ಹಂತದ ಪಂದ್ಯದಲ್ಲಿ ಭಾರೀ ಅಂತರದ ಸೋಲನ್ನು ಕಾಣಬೇಕು. ಆಗ ಮಾತ್ರ ಪಿಬಿಕೆಎಸ್ಗೆ ಒಂದು ಅವಕಾಶ ಸಿಗಲಿದೆ.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
