IPL 2024 Auction: ಐಪಿಎಲ್ ಹರಾಜಿನಲ್ಲಿ ಜಮ್ಮು-ಕಾಶ್ಮೀರದ 9 ಆಟಗಾರರು

ಐಪಿಎಲ್ (IPL 2024) ಸೀಸನ್ 17 ಹರಾಜು ಪಟ್ಟಿಯಲ್ಲಿ ಜಮ್ಮು-ಕಾಶ್ಮೀರದ ಒಟ್ಟು 9 ಆಟಗಾರರು ಕಾಣಿಸಿಕೊಂಡಿದ್ದಾರೆ. ಈ ಬಾರಿಯ ಹರಾಜಿಗಾಗಿ 333 ಆಟಗಾರರ ಹೆಸರುಗಳನ್ನು ಫೈನಲ್ ಮಾಡಲಾಗಿದೆ. ಇದರಲ್ಲಿ ಜಮ್ಮು-ಕಾಶ್ಮೀರ ರಾಜ್ಯ ತಂಡವನ್ನು ಪ್ರತಿನಿಧಿಸುವ ಒಂಭತ್ತು ಆಟಗಾರರು ಸ್ಥಾನ ಪಡೆದಿರುವುದು ವಿಶೇಷ. ಈಗಾಗಲೇ ಜಮ್ಮು-ಕಾಶ್ಮೀರದ ಆಟಗಾರರಾದ ಅಬ್ದುಲ್ ಸಮದ್ ಹಾಗೂ ಉಮ್ರಾನ್ ಮಲಿಕ್ ಸನ್​ರೈಸರ್ಸ್​ ಹೈದರಾಬಾದ್​ ತಂಡದಲ್ಲಿದ್ದಾರೆ. ಇದೀಗ ಮತ್ತಷ್ಟು ಹೊಸ ಮುಖಗಳು ಐಪಿಎಲ್ ಹರಾಜಿನ ಮೂಲಕ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ.

5 ಬೌಲರ್​ಗಳು:

ವಿಶೇಷ ಎಂದರೆ ಜಮ್ಮು-ಕಾಶ್ಮೀರದಿಂದ ಐಪಿಎಲ್ ಹರಾಜಿಗೆ ಆಯ್ಕೆಯಾಗಿರುವ 9 ಆಟಗಾರರಲ್ಲಿ ಐವರು ಬೌಲರ್​ಗಳು. ಇವರಲ್ಲಿ ರಾಸಿಖ್ ಸಲಾಮ್ ಹಾಗೂ ವಿವ್ರಾಂತ್ ಶರ್ಮಾ ಈಗಾಗಲೇ ಐಪಿಎಲ್​ ತಂಡಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ರಾಸಿಖ್ ಈ ಹಿಂದೆ ಮುಂಬೈ ಇಂಡಿಯನ್ಸ್ ಪರ ಕಣಕ್ಕಿಳಿದಿದ್ದರೆ, ವಿವ್ರಾಂತ್ ಶರ್ಮಾ ಸನ್​ರೈಸರ್ಸ್​ ಹೈದರಾಬಾದ್ ತಂಡವನ್ನು ಪ್ರತಿನಿಧಿಸಿದ್ದರು.

ಐಪಿಎಲ್​ ಹರಾಜಿನಲ್ಲಿರುವ ಜಮ್ಮು-ಕಾಶ್ಮೀರದ ಆಟಗಾರರು:

1. ಮಣಿತ್ ಸಿಂಗ್ ಜಸ್ರೋತಿಯಾ
2. ಬಾಸಿತ್ ಬಶೀರ್ (ಬೌಲರ್​)
3. ವಸೀಮ್ ಬಶೀರ್ (ಬೌಲರ್)
4. ಮುಜ್ತಾಬಾ ಯೂಸುಫ್ (ಬೌಲರ್)
5. ರಾಸಿಖ್ ಸಲಾಮ್ ದಾರ್ (ಬೌಲರ್)
6. ವಿವ್ರಾಂತ್ ಶರ್ಮಾ (ಆಲ್​ರೌಂಡರ್)
7. ನಾಸಿರ್ ಲೋನ್ (ಆಲ್​ರೌಂಡರ್)
8. ಅಬಿದ್ ಮುಷ್ತಾಕ್ (ಆಲ್​ರೌಂಡರ್)
9. ಶುಭಂ ಸಿಂಗ್ (ಆಲ್​ರೌಂಡರ್)

ಐಪಿಎಲ್ ಆಕ್ಷನ್ ಪಟ್ಟಿಯಲ್ಲಿ ಕರ್ನಾಟಕದ 14 ಆಟಗಾರರು:

ಈ ಬಾರಿಯ ಐಪಿಎಲ್​ ಹರಾಜಿಗಾಗಿ ಫೈನಲ್ ಲೀಸ್ಟ್​ ಮಾಡಲಾದ ಪಟ್ಟಿಯಲ್ಲಿ ಕರ್ನಾಟಕದ 14 ಆಟಗಾರರ ಹೆಸರು ಕಾಣಿಸಿಕೊಂಡಿದೆ. ಇವರಲ್ಲಿ ಬಹುತೇಕ ಆಟಗಾರರು ಈಗಾಗಲೇ ಐಪಿಎಲ್​ನಲ್ಲಿ ಪಾದಾರ್ಪಣೆ ಮಾಡಿದವರು. ಇದಾಗ್ಯೂ ಈ ಬಾರಿ ಕೆಲ ತಂಡಗಳಿಂದ ರಿಲೀಸ್​ ಆಗಿದ್ದಾರೆ. ಅದರಂತೆ ಐಪಿಎಲ್ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿರುವ ಕರ್ನಾಟಕದ ಆಟಗಾರರ ಪಟ್ಟಿ ಈ ಕೆಳಗಿನಂತಿದೆ…

1. ಕರುಣ್ ನಾಯರ್
2. ಶ್ರೇಯಸ್ ಗೋಪಾಲ್
3. ಮನೀಶ್ ಪಾಂಡೆ
4. ಜಗದೀಶ್ ಸುಚಿತ್
5. ಶುಭಾಂಗ್ ಹೆಗ್ಡೆ
6. ನಿಹಾಲ್ ಉಲ್ಲಾಳ್
7. ಬಿಆರ್​ ಶರತ್
8. ಮನ್ವಂತ್ ಕುಮಾರ್
9. ಎಲ್​ಆರ್​ ಚೇತನ್
10. ಕೆಎಲ್​ ಶ್ರೀಜಿತ್​
11. ಎಂ. ವೆಂಕಟೇಶ್​
12. ಮೋನಿಶ್​ ರೆಡ್ಡಿ
13. ಅಭಿಲಾಷ್​ ಶೆಟ್ಟಿ
14. ಕೆ.ಸಿ ಕಾರ್ಯಪ್ಪ.

ಇದನ್ನೂ ಓದಿ: IPL 2024 Auction: ಮೊದಲ ಸುತ್ತಿನಲ್ಲಿ ಹರಾಜಾಗುವ ಆಟಗಾರರು ಯಾರು ಗೊತ್ತಾ?

ಐಪಿಎಲ್ ತಂಡಗಳಲ್ಲಿ ರಿಟೈನ್ ಆಗಿರುವ ಕರ್ನಾಟಕದ ಆಟಗಾರರು:

1. ಕೆಎಲ್​ ರಾಹುಲ್​ (ಲಕ್ನೋ ಸೂಪರ್ ಜೈಂಟ್ಸ್​)
2. ಕೃಷ್ಣಪ್ಪ ಗೌತಮ್​ (ಲಕ್ನೋ ಸೂಪರ್ ಜೈಂಟ್ಸ್​)
3. ದೇವದತ್​ ಪಡಿಕಲ್​ (ಲಕ್ನೋ ಸೂಪರ್ ಜೈಂಟ್ಸ್​)
4. ಮಯಾಂಕ್​ ಅಗರ್ವಾಲ್​ (ಸನ್​ರೈಸರ್ಸ್ ಹೈದರಾಬಾದ್​)
5. ಪ್ರಸಿದ್ಧ್ ಕೃಷ್ಣ (ರಾಜಸ್ಥಾನ್ ರಾಯಲ್ಸ್)
6. ಪ್ರವಿಣ್​ ದುಬೆ (ಡೆಲ್ಲಿ ಕ್ಯಾಪಿಟಲ್ಸ್)
7. ಅಭಿನವ್​ ಮನೋಹರ್​ (ಗುಜರಾತ್​ ಟೈಟಾನ್ಸ್)
8. ವಿದ್ವತ್​ ಕಾವೇರಪ್ಪ (ಪಂಜಾಬ್​ ಕಿಂಗ್ಸ್​)
9. ವೈಶಾಕ್​ ವಿಜಯ್​ಕುಮಾರ್​ (ರಾಯಲ್ ಚಾಲೆಂಜರ್ಸ್ ಬೆಂಗಳೂರು)
10. ಮನೋಜ್​ ಭಾಂಡಗೆ (ರಾಯಲ್ ಚಾಲೆಂಜರ್ಸ್ ಬೆಂಗಳೂರು).