PAK vs AFG, ICC World Cup: ಪಾಕ್ಗೆ ಮಣ್ಣುಮುಕ್ಕಿಸಿದ ಅಫ್ಘಾನ್: ಖುಷಿಯಲ್ಲಿ ಮೈದಾನದಲ್ಲೇ ರಶೀದ್ ಜೊತೆ ಪಠಾಣ್ ಡ್ಯಾನ್ಸ್
Rashid Khan’s Dance With Irfan Pathan: ವಿಶ್ವಕಪ್ನಲ್ಲಿ ಪಾಕಿಸ್ತಾನ ವಿರುದ್ಧ ಅಫ್ಘಾನಿಸ್ತಾನ ಐತಿಹಾಸಿಕ ಜಯ ಸಾಧಿಸಿದ ಬಳಿಕ ಭಾರತದ ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್ ಅವರು ರಶೀದ್ ಖಾನ್ ಅವರೊಂದಿಗೆ ಮೈದಾನದಲ್ಲಿ ನೃತ್ಯ ಮಾಡಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.
Updated on: Oct 24, 2023 | 7:36 AM
ಅಫ್ಘಾನಿಸ್ತಾನ ಕ್ರಿಕೆಟ್ ತಂಡ ಪಾಕಿಸ್ತಾನವನ್ನು (Pakistan vs Afghanistan) ಎಂಟು ವಿಕೆಟ್‌ಗಳಿಂದ ಸೋಲಿಸಿ ಐಸಿಸಿ ಏಕದಿನ ವಿಶ್ವಕಪ್ 2023 ರಲ್ಲಿ ಬಾಬರ್ ಪಡೆಗೆ ಸತತ ಮೂರನೇ ಸೋಲು ನೀಡಿತು. 283 ರನ್ಗಳ ಗುರಿಯನ್ನು ಬೆನ್ನಟ್ಟಿದ ಅಫ್ಘಾನಿಸ್ತಾನ, ರಹಮಾನುಲ್ಲಾ ಗುರ್ಬಾಜ್ (65), ಇಬ್ರಾಹಿಂ ಜದ್ರಾನ್ (87) ಮತ್ತು ರಹಮತ್ ಶಾ (77) ಅವರ ಅದ್ಭುತ ಬ್ಯಾಟಿಂಗ್ ಪ್ರದರ್ಶನದ ನೆರವಿನಿಂದ ಐತಿಹಾಸಿಕ ಗೆಲುವು ಕಂಡಿತು. ಇದು ಏಕದಿನದಲ್ಲಿ ಅಫ್ಘಾನಿಸ್ತಾನಕ್ಕೆ ಪಾಕಿಸ್ತಾನದ ವಿರುದ್ಧ ಮೊದಲ ಜಯವಾಗಿದೆ. ಈ ಗೆಲುವಿನ ಮೂಲಕ ಅಫ್ಘಾನಿಸ್ತಾನ ಕೂಡ ವಿಶ್ವಕಪ್ನಲ್ಲಿ ತನ್ನ ಅಭಿಯಾನವನ್ನು ಪುನರುಜ್ಜೀವನಗೊಳಿಸಿತು.
ಏತನ್ಮಧ್ಯೆ, ಭಾರತದ ಮಾಜಿ ಕ್ರಿಕೆಟಿಗ ಇರ್ಫಾನ್ ಪಠಾಣ್ ಅವರು ಅಫ್ಘಾನಿಸ್ತಾನದ ಐತಿಹಾಸಿಕ ಗೆಲುವಿನ ನಂತರ ರಶೀದ್ ಖಾನ್ ಅವರೊಂದಿಗೆ ಮೈದಾನದಲ್ಲಿ ನೃತ್ಯ ಮಾಡಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ. ಪಠಾಣ್ ಅವರು ಬಾಬರ್ ಅಝಂ ನಾಯಕತ್ವವನ್ನು ಟೀಕಿಸಿದ್ದಾರೆ. “ಬಾಬರ್ ಅವರ ನಾಯಕತ್ವವು ವಿಶ್ವಕಪ್ನಲ್ಲಿ ಅದ್ಭುತ ಎಂಬಂತಿಲ್ಲ” ಎಂದು ಇರ್ಫಾನ್ ಪಠಾಣ್ ಎಕ್ಸ್ ನಲ್ಲಿ ಬರೆದಿದ್ದಾರೆ.
ರಶೀದ್ ಖಾನ್ ಹಾಗೂ ಇರ್ಫಾನ್ ಪಠಾಣ್ ನೃತ್ಯದ ವಿಡಿಯೋ:
Irfan Pathan dancing with Rashid Khan.
– Video of the day from Chepauk…!!!pic.twitter.com/ijoMGqKht1
— Johns. (@CricCrazyJohns) October 23, 2023
ವಿಶ್ವಕಪ್ 2023 ಅನ್ನು ಅಧಿಕೃತ ಪ್ರಸಾರ ಮಾಡುವ ಸ್ಟಾರ್ ಸ್ಪೋರ್ಟ್ಸ್‌ಗಾಗಿ ಇರ್ಫಾನ್ ಪಠಾಣ್ ಪಂದ್ಯದ ನಂತರದ ವಿಶ್ಲೇಷಣೆಯನ್ನು ನೀಡುತ್ತಿದ್ದ ವೇಳೆ ಅಫ್ಘಾನಿಸ್ತಾನ ಆಲ್‌ರೌಂಡರ್ ರಶೀದ್ ಖಾನ್ ಜೊತೆ ಡ್ಯಾನ್ಸ್ ಮಾಡಿದ್ದಾರೆ. ಭಾರತದ ಮಾಜಿ ಆಲ್‌ರೌಂಡರ್ ಪಠಾಣ್ ಪಾಕಿಸ್ತಾನ ಸೋಲನ್ನು ಮತ್ತು ಅಫ್ಘಾನ್ನ ಐತಿಹಾಸಿಕ ಗೆಲುವನ್ನು ಈರೀತಿಯಾಗಿ ವಿಶೇಷವಾಗಿ ಆಚರಿಸಿದರು. ರಶೀದ್ ಖಾನ್, ಮೊಹಮ್ಮದ್ ನಬಿ, ಅಫ್ಘಾನ್ ನಾಯಕ ಸೇರಿದಂತೆ ತಂಡದ ಎಲ್ಲ ಆಟಗಾರರು ಇಡೀ ಮೈದಾನಕ್ಕೆ ಸುತ್ತು ಬಂದು ಚೆಪಾಕ್ ಅಭಿಮಾನಿಗಳಿಗೆ ಧನ್ಯವಾದ ಕೂಡ ತಿಳಿಸಿದರು.
PAK vs AFG ICC World Cup 2023: ಪಾಕ್ ಪಡೆಗೆ ಸೋಲುಣಿಸಿದ ಅಫ್ಘಾನಿಸ್ತಾನ್
ಸೋಲಿನ ಬಳಿಕ ಮಾತನಾಡಿದ ಬಾಬರ್ ಅಝಂ “ಇದು ನಮಗೆ ನೋವುಂಟು ಮಾಡಿದೆ. ನಾವು ಉತ್ತಮ ಮೊತ್ತವನ್ನು ಕಲೆಹಾಕಿದ್ದೆವು. ಆದರೆ, ಬೌಲಿಂಗ್ನಲ್ಲಿ ಎಡವಿದೆವು, ಮಧ್ಯಮ ಓವರ್‌ಗಳಲ್ಲಿ ವಿಕೆಟ್‌ಗಳನ್ನು ಪಡೆಯಲು ಸಾಧ್ಯವಾಗಲಿಲ್ಲ. ನೀವು ಒಂದು ವಿಭಾಗದಲ್ಲಿ ಉತ್ತಮವಾಗಿಲ್ಲದಿದ್ದರೆ, ಪಂದ್ಯವನ್ನು ಕಳೆದುಕೊಳ್ಳುತ್ತೀರಿ. ನಾವು ಎದುರಾಳಿಯ ರನ್ಗೆ ಕಡಿವಾಣ ಹಾಕಲಿಲ್ಲ, ಅದು ನಮಗೆ ಹಿನ್ನಡೆಯಾಯಿತು. ಅಫ್ಘಾನ್ನರು ಮೂರು ವಿಭಾಗದಲ್ಲಿ ಆಡಿದ ರೀತಿ ಚೆನ್ನಾಗಿತ್ತು. ಅವರಿಗೆ ಎಲ್ಲಾ ಕ್ರೆಡಿಟ್ ಸಲ್ಲಬೇಕು. ನಾವು ಬೌಲಿಂಗ್ ಮತ್ತು ಫೀಲ್ಡಿಂಗ್‌ನಲ್ಲಿ ಉತ್ತಮ ಕ್ರಿಕೆಟ್ ಆಡಲಿಲ್ಲ. ಮುಂದಿನ ಪಂದ್ಯದಲ್ಲಿ ನಾವು ನಮ್ಮ ಅತ್ಯುತ್ತಮ ಪ್ರಯತ್ನ ಮಾಡುತ್ತೇವೆ,” ಎಂದು ಬಾಬರ್ ಹೇಳಿದ್ದಾರೆ.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
