KKR vs RCB Highlights, IPL 2024: 1 ರನ್ಗಳಿಂದ ಸೋತ ಆರ್ಸಿಬಿ
Kolkata Knight Riders Vs Royal Challengers Bangalore Highlights in Kannada: ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ನಲ್ಲಿ ನಡೆದ ರಣರೋಚಕ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಒಂದು ರನ್ನಿಂದ ಆರ್ಸಿಬಿಯನ್ನು ಸೋಲಿಸಿತು.
ಕೋಲ್ಕತ್ತಾದ ಈಡನ್ ಗಾರ್ಡನ್ಸ್ನಲ್ಲಿ ನಡೆದ ರಣರೋಚಕ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ಒಂದು ರನ್ನಿಂದ ಆರ್ಸಿಬಿಯನ್ನು ಸೋಲಿಸಿತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಕೆಕೆಆರ್ 20 ಓವರ್ಗಳಲ್ಲಿ ಆರು ವಿಕೆಟ್ಗೆ 222 ರನ್ ಗಳಿಸಿತು. ಪ್ರತ್ಯುತ್ತರವಾಗಿ ಆರ್ಸಿಬಿ ಕೊನೆಯ ಎಸೆತದಲ್ಲಿ ಮೂರು ರನ್ ಗಳಿಸಬೇಕಾಗಿತ್ತು, ಆದರೆ ತಂಡವು ಕೇವಲ ಒಂದು ರನ್ ಗಳಿಸಿ ಸೋಲನ್ನು ಎದುರಿಸಬೇಕಾಯಿತು. ತಂಡದ ಪರ ವಿಲ್ ಜಾಕ್ಸ್ ಮತ್ತು ರಜತ್ ಪಾಟಿದಾರ್ ನಡುವಿನ ಶತಕದ ಜೊತೆಯಾಟ ಮತ್ತು ಕೊನೆಯ ಓವರ್ನಲ್ಲಿ ಕರಣ್ ಶರ್ಮಾ ಅವರ ಅತ್ಯುತ್ತಮ ಪ್ರದರ್ಶನದ ಹೊರತಾಗಿಯೂ, ಆರ್ಸಿಬಿ 20 ಓವರ್ಗಳಲ್ಲಿ 221 ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.
LIVE NEWS & UPDATES
-
ಗೆದ್ದ ಕೆಕೆಆರ್
ಕೋಲ್ಕತ್ತಾ ನೈಟ್ ರೈಡರ್ಸ್ ಒಂದು ರನ್ನಿಂದ ಆರ್ಸಿಬಿಯನ್ನು ಮಣಿಸಿದೆ. ಗೆಲುವಿಗಾಗಿ ಕೊನೆಯವರೆಗೂ ಹೋರಾಟ ನೀಡಿದ ಆರ್ಸಿಬಿ ಸತತ 6ನೇ ಸೋಲು ದಾಖಲಿಸಿದೆ.
-
ಒಂದೇ ಓವರ್ನಲ್ಲಿ ಎರಡು ವಿಕೆಟ್
ಸ್ಪಿನ್ನರ್ ಸುನಿಲ್ ನರೈನ್ ಒಂದೇ ಓವರ್ನಲ್ಲಿ ಎರಡು ವಿಕೆಟ್ ಪಡೆಯುವ ಮೂಲಕ ಆರ್ಸಿಬಿಗೆ ಡಬಲ್ ಹೊಡೆತ ನೀಡಿದ್ದಾರೆ. ಕ್ಯಾಮರೂನ್ ಗ್ರೀನ್ ಅವರನ್ನು ವಜಾಗೊಳಿಸಿದ ನಂತರ, ನರೈನ್ ಮಹಿಪಾಲ್ ಲೊಮ್ರೊರ್ ಅವರನ್ನು ಸಹ ವಜಾ ಮಾಡಿದ್ದಾರೆ.
ಒಂದೇ ಓವರ್ನಲ್ಲಿ 2 ವಿಕೆಟ್
11ನೇ ಓವರ್ವರೆಗೂ ಅದ್ಭುತವಾಗಿ ಬ್ಯಾಟಿಂಗ್ ಮಾಡುತ್ತಿದ್ದ ಆರ್ಸಿಬಿ 12ನೇ ಓವರ್ನಲ್ಲಿ ಪ್ರಮುಖ 2 ವಿಕೆಟ್ ಕಳೆದುಕೊಂಡಿದೆ. ಅರ್ಧಶತಕ ಸಿಡಿಸಿದ್ದ ಜ್ಯಾಕ್ಸ್ ಹಾಗೂ ಪಾಟಿದರ್ ಔಟಾಗಿದ್ದಾರೆ.
ಪಾಟಿದರ್ ಅರ್ಧಶತಕ
ನರೈನ್ ಬೌಲ್ ಮಾಡಿದ 11ನೇ ಓವರ್ನ ಕೊನೆಯ ಎಸೆತದಲ್ಲಿ ಭರ್ಜರಿ ಸಿಕ್ಸರ್ ಸಿಡಿಸಿ ಪಾಟಿದರ್ ತಮ್ಮ ಅರ್ಧಶತಕ ಪೂರೈಸಿದರು.
ಆರ್ಸಿಬಿ137/2
ವಿಲ್ ಜ್ಯಾಕ್ಸ್ ಅರ್ಧಶತಕ
9ನೇ ಓವರ್ನ ಕೊನೆಯ ಎಸೆತದಲ್ಲಿ ಬೌಂಡರಿ ಬಾರಿಸುವ ಮೂಲಕ ಜ್ಯಾಕ್ಸ್, ಐಪಿಎಲ್ನಲ್ಲಿ ಚೊಚ್ಚಲ ಅರ್ಧಶತಕ ಸಿಡಿಸಿದರು. ಇದರೊಂದಿಗೆ ಆರ್ಸಿಬಿ 100 ರನ್ಗಳನ್ನು ಪೂರೈಸಿತು.
ಪವರ್ ಪ್ಲೇ ಅಂತ್ಯ
ಆರ್ಸಿಬಿ ಪವರ್ ಪ್ಲೇ ಮುಗಿದಿದ್ದು, ಈ 6 ಓವರ್ಗಳಲ್ಲಿ ತಂಡ 2 ವಿಕೆಟ್ ಕಳೆದುಕೊಂಡು 74 ರನ್ ಕಲೆಹಾಕಿದೆ.
ಆರ್ಸಿಬಿ ಆರಂಭಿಕರಿಬ್ಬರೂ ಔಟ್
ಕೊಹ್ಲಿ ವಿಕೆಟ್ ಬಳಿಕ ನಾಯಕ ಡುಪ್ಲೆಸಿಸ್ ಕೂಡ ಔಟಾಗಿದ್ದಾರೆ.
ಆರ್ಸಿಬಿ 35/2
ಕೊಹ್ಲಿ ಔಟ್
ಯುವ ವೇಗಿ ಹರ್ಷಿತ್ ರಾಣಾ ಅದ್ಭುತ ಬೌಲಿಂಗ್ ಮಾಡಿ ವಿರಾಟ್ ಕೊಹ್ಲಿಯನ್ನು ಪೆವಿಲಿಯನ್ಗಟ್ಟಿದ್ದಾರೆ. ಏಳು ಎಸೆತಗಳಲ್ಲಿ 18 ರನ್ ಗಳಿಸಿ ಕೊಹ್ಲಿ ಔಟಾದರು.
223 ರನ್ಗಳ ಗುರಿ
ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಕೋಲ್ಕತ್ತಾ ನೈಟ್ ರೈಡರ್ಸ್, ನಾಯಕ ಶ್ರೇಯಸ್ ಅಯ್ಯರ್ ಅವರ ಅರ್ಧಶತಕ ಮತ್ತು ಫಿಲ್ ಸಾಲ್ಟ್, ರಮಣದೀಪ್ ಸಿಂಗ್ ಅವರ ಅಬ್ಬರದ ಇನ್ನಿಂಗ್ಸ್ನ ನೆರವಿನಿಂದ ಆರ್ಸಿಬಿಗೆ 223 ರನ್ಗಳ ಗುರಿಯನ್ನು ನೀಡಿದೆ.
ಅಯ್ಯರ್ ಔಟ್
ಶ್ರೇಯಸ್ ಅಯ್ಯರ್ ಅವರನ್ನು ಔಟ್ ಮಾಡುವ ಮೂಲಕ ಕ್ಯಾಮರೂನ್ ಗ್ರೀನ್ ಕೆಕೆಆರ್ನ ಆರನೇ ವಿಕೆಟ್ ಉರುಳಿಸಿದ್ದಾರೆ. ಶ್ರೇಯಸ್ 36 ಎಸೆತಗಳಲ್ಲಿ 50 ರನ್ ಗಳಿಸಿ ಪೆವಿಲಿಯನ್ ಸೇರಿಕೊಂಡರು. ಇದು ಈ ಪಂದ್ಯದಲ್ಲಿ ಗ್ರೀನ್ ಅವರ ಎರಡನೇ ವಿಕೆಟ್ ಆಗಿದೆ.
ಅಯ್ಯರ್ ಅರ್ಧಶತಕ
ನಾಯಕ ಶ್ರೇಯಸ್ ಅಯ್ಯರ್ ಈ ಸೀಸನ್ನ ಮೊದಲ ಅರ್ಧಶತಕ ಬಾರಿಸಿದರು. 17 ಓವರ್ಗಳ ಅಂತ್ಯಕ್ಕೆ ಕೆಕೆಆರ್ ಐದು ವಿಕೆಟ್ಗೆ 177 ರನ್ ಗಳಿಸಿದೆ. ಆಂಡ್ರೆ ರಸೆಲ್ 11 ರನ್ ಗಳಿಸಿ ಶ್ರೇಯಸ್ ಜೊತೆ ಕ್ರೀಸ್ನಲ್ಲಿದ್ದಾರೆ.
16 ಓವರ್ ಮುಕ್ತಾಯ
ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 16 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 155 ರನ್ ಗಳಿಸಿ ಆಡುತ್ತಿದೆ. ತಂಡದ ಪರವಾಗಿ ಶ್ರೇಯಸ್ ಅಯ್ಯರ್ 40 ರನ್ ಮತ್ತು ಆಂಡ್ರೆ ರಸೆಲ್ 6 ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ.
ರಿಂಕು ಸಿಂಗ್ ಪೆವಿಲಿಯನ್ಗೆ
ರಿಂಕು ಸಿಂಗ್ ಅವರನ್ನು ಔಟ್ ಮಾಡುವ ಮೂಲಕ ಲಾಕಿ ಫರ್ಗುಸನ್ ಕೆಕೆಆರ್ಗೆ ಐದನೇ ಹೊಡೆತ ನೀಡಿದರು. ಈ ಮೂಲಕ ರಿಂಕು ಮತ್ತು ಶ್ರೇಯಸ್ ಅಯ್ಯರ್ ನಡುವಿನ ಜೊತೆಯಾಟ ಅಂತ್ಯಗೊಂಡಿದೆ. ರಿಂಕು 16 ಎಸೆತಗಳಲ್ಲಿ 24 ರನ್ ಗಳಿಸಿ ಔಟಾದರು. ರಿಂಕು ಔಟಾದ ನಂತರ ಆಂಡ್ರೆ ರಸೆಲ್ ಕ್ರೀಸ್ಗೆ ಬಂದಿದ್ದು, ಅವರೊಂದಿಗೆ ಶ್ರೇಯಸ್ ಅಯ್ಯರ್ ಇದ್ದಾರೆ.
12 ಓವರ್ ಅಂತ್ಯ
ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 12 ಓವರ್ಗಳಲ್ಲಿ 4 ವಿಕೆಟ್ಗೆ 126 ರನ್ ಗಳಿಸಿದೆ. ರಿಂಕು ಸಿಂಗ್ 18 ರನ್ ಮತ್ತು ಶ್ರೇಯಸ್ ಅಯ್ಯರ್ 24 ರನ್ ಗಳಿಸಿ ಕ್ರೀಸ್ನಲ್ಲಿದ್ದಾರೆ.
ಅಯ್ಯರ್ ಔಟ್
ವೆಂಕಟೇಶ್ ಅಯ್ಯರ್ ಅವರನ್ನು ಔಟ್ ಮಾಡುವ ಮೂಲಕ ಕೆಕೆಆರ್ಗೆ ನಾಲ್ಕನೇ ಹೊಡೆತವನ್ನು ಕ್ಯಾಮೆರಾನ್ ಗ್ರೀನ್ ನೀಡಿದ್ದಾರೆ. ವೆಂಕಟೇಶ್ ಔಟಾದ ನಂತರ ರಿಂಕು ಸಿಂಗ್ ಕ್ರೀಸ್ಗೆ ಬಂದಿದ್ದು, ನಾಯಕ ಶ್ರೇಯಸ್ ಅಯ್ಯರ್ ಅವರೊಂದಿಗೆ ಇದ್ದಾರೆ.
ಕೆಕೆಆರ್ 3ನೇ ವಿಕೆಟ್ ಪತನ
ಪವರ್ ಪ್ಲೇನಲ್ಲಿ ಕೆಕೆಆರ್ 3ನೇ ವಿಕೆಟ್ ಕಳೆದುಕೊಂಡಿದೆ. ಆಂಗ್ಕ್ರಿಶ್ ರಘುವಂಶಿ 3 ರನ್ ಬಾರಿಸಿ ದಯಾಳ್ಗೆ ಬಲಿಯಾದರು. ಗ್ರೀನ್ ಅದ್ಭುತ ಕ್ಯಾಚ್ ಹಿಡಿದರು. ಇದರೊಂದಿಗೆ ಕೆಕೆಆರ್ನ ಪವರ್ ಪ್ಲೇ ಕೂಡ ಅಂತ್ಯಗೊಂಡಿದೆ.
ಕೆಕೆಆರ್ 75/3
2ನೇ ವಿಕೆಟ್ ಪತನ
ಕಳೆದ ಪಂದ್ಯದಲ್ಲಿ ಶತಕ ಬಾರಿಸಿದ್ದ ನರೈನ್, ಈ ಪಂದ್ಯದಲ್ಲಿ 20 ರನ್ಗಳಿಗೆ ಇನ್ನಿಂಗ್ಸ್ ಮುಗಿಸಿದರು. ದಯಾಳ್ಗೆ ಈ ವಿಕೆಟ್ ಸಿಕ್ಕಿತು.
ಕೆಕೆಆರ್ 56/2
48 ರನ್ ಬಾರಿಸಿ ಸಾಲ್ಟ್ ಔಟ್
ಕೆಕೆಆರ್ ಮೊದಲ ವಿಕೆಟ್ ಪತನವಾಗಿದೆ. ಕೇವಲ 13 ಎಸೆತಗಳಲ್ಲಿ 48 ರನ್ ಬಾರಿಸಿ ಸಾಲ್ಟ್, ಸಿರಾಜ್ಗೆ ವಿಕೆಟ್ ಒಪ್ಪಿಸಿದ್ದಾರೆ.
ಕೆಕೆಆರ್ 56/1
ಕೆಕೆಆರ್ ಅರ್ಧಶತಕ ಪೂರ್ಣ
ಕೆಕೆಆರ್ 4 ಓವರ್ಗಳಲ್ಲಿ ತನ್ನ ಅರ್ಧಶತಕ ಪೂರ್ಣಗೊಳಿಸಿದೆ. 4ನೇ ಓವರ್ನಲ್ಲಿ ಸಾಲ್ಟ್ ಬರೋಬ್ಬರಿ 28 ರನ್ ಕಲೆಹಾಕಿದರು.
ಕೆಕೆಆರ್ ಇನ್ನಿಂಗ್ಸ್ ಆರಂಭ
ಕೆಕೆಆರ್ ಇನ್ನಿಂಗ್ಸ್ ಆರಂಭವಾಗಿದ್ದು, ಫಿಲ್ ಸಾಲ್ಟ್ ಮತ್ತು ಸುನಿಲ್ ನರೈನ್ ಆರಂಭಿಕರಾಗಿ ಕಣಕ್ಕಿಳಿದಿದ್ದಾರೆ.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು
ಫಾಫ್ ಡು ಪ್ಲೆಸಿಸ್ (ನಾಯಕ), ವಿರಾಟ್ ಕೊಹ್ಲಿ, ವಿಲ್ ಜಾಕ್ವೆಸ್, ರಜತ್ ಪಾಟಿದಾರ್, ಕ್ಯಾಮರೂನ್ ಗ್ರೀನ್, ದಿನೇಶ್ ಕಾರ್ತಿಕ್ (ವಿಕೆಟ್ ಕೀಪರ್), ಮಹಿಪಾಲ್ ಲೊಮೊರೊರ್, ಕರಣ್ ಶರ್ಮಾ, ಲಾಕಿ ಫರ್ಗುಸನ್, ಯಶ್ ದಯಾಲ್, ಮೊಹಮ್ಮದ್ ಸಿರಾಜ್.
ಕೋಲ್ಕತ್ತಾ ನೈಟ್ ರೈಡರ್ಸ್
ಫಿಲ್ ಸಾಲ್ಟ್ (ವಿಕೆಟ್ ಕೀಪರ್), ಸುನೀರ್ ನರೈನ್, ಆಂಗ್ಕ್ರಿಶ್ ರಘುವಂಶಿ, ಶ್ರೇಯಸ್ ಅಯ್ಯರ್ (ನಾಯಕ), ವೆಂಕಟೇಶ್ ಅಯ್ಯರ್, ಆಂಡ್ರೆ ರಸೆಲ್, ರಿಂಕು ಸಿಂಗ್, ರಮಣದೀಪ್ ಸಿಂಗ್, ಮಿಚೆಲ್ ಸ್ಟಾರ್ಕ್, ವರುಣ್ ಚಕ್ರವರ್ತಿ, ಹರ್ಷಿತ್ ರಾಣಾ.
ಟಾಸ್ ಗೆದ್ದ ಆರ್ಸಿಬಿ
ಟಾಸ್ ಗೆದ್ದ ಆರ್ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.
ಮುಖಾಮುಖಿ ವರದಿ
ಉಭಯ ತಂಡಗಳ ನಡುವೆ ಐಪಿಎಲ್ನಲ್ಲಿ ಇದುವರೆಗೆ 33 ಪಂದ್ಯಗಳು ನಡೆದಿವೆ. ಈ ಪೈಕಿ ಕೋಲ್ಕತ್ತಾ 19 ಪಂದ್ಯಗಳನ್ನು ಗೆದ್ದಿದ್ದರೆ, ಬೆಂಗಳೂರು 14 ಪಂದ್ಯಗಳನ್ನು ಗೆದ್ದಿದೆ. ಅದೇ ಸಮಯದಲ್ಲಿ, ಈಡನ್ ಗಾರ್ಡನ್ಸ್ನಲ್ಲಿ ಉಭಯ ತಂಡಗಳ ನಡುವೆ 11 ಪಂದ್ಯಗಳು ನಡೆದಿವೆ. ಈ ಪೈಕಿ ಕೋಲ್ಕತ್ತಾ ಏಳರಲ್ಲಿ ಗೆದ್ದಿದ್ದರೆ ಬೆಂಗಳೂರು ನಾಲ್ಕು ಪಂದ್ಯಗಳಲ್ಲಿ ಜಯ ಸಾಧಿಸಿದೆ.
Published On - 2:54 pm, Sun, 21 April 24