T20 World Cup: ಟಿ20 ವಿಶ್ವಕಪ್​ನಲ್ಲಿ ಭಾರತಕ್ಕೆ ಕಂಟಕವಾಗಲಿದ್ದಾನೆ ಆರ್​ಸಿಬಿ ವೇಗಿ! ಕಿವೀಸ್​ಗೆ ಈತನೆ ಪ್ರಮುಖ ಅಸ್ತ್ರ

ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಈ ವರ್ಷದ ಟಿ 20 ವಿಶ್ವಕಪ್ ವೇಳಾಪಟ್ಟಿಯನ್ನು ಪ್ರಕಟಿಸಿದೆ. ಪಂದ್ಯಾವಳಿಯು ಅಕ್ಟೋಬರ್ 17 ರಿಂದ ಓಮನ್ ಮತ್ತು ಯುಎಇಯಲ್ಲಿ ಅರ್ಹತಾ ಹಂತದೊಂದಿಗೆ ಆರಂಭವಾಗಲಿದ್ದು, ಸೂಪರ್ -12 ಪಂದ್ಯಗಳು ಅಕ್ಟೋಬರ್ 23 ರಿಂದ ಆರಂಭವಾಗಲಿವೆ. ಈ ಪಂದ್ಯಾವಳಿಗೆ ಮುನ್ನ ಪ್ರತಿ ತಂಡವು ತನ್ನ ಸಿದ್ಧತೆಗಳನ್ನು ಆರಂಭಿಸಿದೆ ಮುಂದಿನ ಎರಡು ತಿಂಗಳಲ್ಲಿ ಅನೇಕ ತಂಡಗಳು ಟಿ 20 ಸರಣಿಯಲ್ಲಿ ಬ್ಯುಸಿಯಾಗಿರುತ್ತವೆ. ನಂತರ ಭಾರತೀಯ ಆಟಗಾರರು ಐಪಿಎಲ್ 2021 ರ ಮೂಲಕ ತಮ್ಮನ್ನು ತಾವು ಸಿದ್ಧಪಡಿಸಿಕೊಳ್ಳುತ್ತಾರೆ. ಆಸ್ಟ್ರೇಲಿಯಾ, ನ್ಯೂಜಿಲ್ಯಾಂಡ್, ವೆಸ್ಟ್ ಇಂಡೀಸ್, ಇಂಗ್ಲೆಂಡ್ ಮತ್ತು ದಕ್ಷಿಣ ಆಫ್ರಿಕಾದಂತಹ ಅನೇಕ ದೊಡ್ಡ ತಂಡಗಳು ಐಪಿಎಲ್ ನಿಂದಲೇ ತಮ್ಮ ಸಿದ್ಧತೆಗಳನ್ನು ಅಂತಿಮಗೊಳಿಸುತ್ತವೆ. ಇದನ್ನು ಗಮನದಲ್ಲಿಟ್ಟುಕೊಂಡು, ನ್ಯೂಜಿಲ್ಯಾಂಡ್ ವೇಗದ ಬೌಲರ್ ಕೈಲ್ ಜೇಮೀಸನ್ ಕೂಡ ಯುಎಇನಲ್ಲಿ ನಡೆಯಲಿರುವ ಐಪಿಎಲ್ ಅನ್ನು ವಿಶ್ವಕಪ್‌ಗೆ ಸಿದ್ಧಪಡಿಸುವ ಸಾಧನವಾಗಿ ಬಳಸಿಕೊಳ್ಳಲು ನಿರ್ಧರಿಸಿದ್ದಾರೆ.

ಐಪಿಎಲ್ 2021 ರ ಉಳಿದ ಭಾಗವನ್ನು ಯುಎಇಯಲ್ಲಿ ನಡೆಯಲಿರುವ ವಿಶ್ವಕಪ್‌ಗೆ ಮುನ್ನ ಆಯೋಜಿಸಲಾಗುವುದು, ಇದರಲ್ಲಿ 31 ಪಂದ್ಯಗಳು ನಡೆಯಲಿವೆ. ಇಂತಹ ಪರಿಸ್ಥಿತಿಯಲ್ಲಿ, ಐಪಿಎಲ್‌ನಲ್ಲಿ ಆಡುವ ಭಾರತ ಸೇರಿದಂತೆ ವಿದೇಶಿ ಆಟಗಾರರು ಕೂಡ ವಿಶ್ವಕಪ್‌ಗಾಗಿ ಸ್ಥಳೀಯ ಪರಿಸ್ಥಿತಿಗಳಿಗೆ ಹೊಂದಿಕೊಳ್ಳಲು ಸಾಕಷ್ಟು ಸಮಯವನ್ನು ಪಡೆಯುತ್ತಾರೆ. ಜೇಮಿಸನ್ ಕೂಡ ಇದರ ಲಾಭ ಪಡೆಯಲು ಮುಂದಾಗಿದ್ದಾರೆ.

ವಿಶ್ವಕಪ್ ನಡೆಯುವ ಸ್ಥಳದಲ್ಲಿ ತಯಾರಿ ಮಾಡಿಕೊಳ್ಳಲು ಅವಕಾಶ ಕ್ರಿಕೆಟ್ ವೆಬ್‌ಸೈಟ್ ಇಎಸ್‌ಪಿಎನ್-ಕ್ರಿಕ್‌ಇನ್‌ಫೊ ಜೊತೆ ಮಾತನಾಡುತ್ತಾ, ಕಿವಿ ವೇಗದ ಆಟಗಾರ ಬೌಲರ್, ಐಪಿಎಲ್ 2021 ಖಂಡಿತವಾಗಿಯೂ ನನಗೆ ಉತ್ತಮ ಆರಂಭವನ್ನು ನೀಡುತ್ತದೆ. ಜೊತೆಗೆ ಸನ್ನಿವೇಶವನ್ನು ಅರ್ಥಮಾಡಿಕೊಳ್ಳಲು, ಈ ಪರಿಸ್ಥಿತಿಗಳು ಮತ್ತು ಮೈದಾನಗಳಿಗೆ ಒಗ್ಗಿಕೊಳ್ಳಲು ಸಹಾಯವಾಗುತ್ತದೆ ಎಂದಿದ್ದಾರೆ.

ಆರ್‌ಸಿಬಿಯಲ್ಲಿ ಉಳಿಯುವ ಮೂಲಕ ಭಾರತದ ವಿರುದ್ಧ ಸಿದ್ಧತೆ ನ್ಯೂಜಿಲ್ಯಾಂಡ್ ತಂಡವು ಭಾರತದೊಂದಿಗೆ ಸೂಪರ್ -12 ರ ಗ್ರೂಪ್ -2 ರಲ್ಲಿದೆ, ಅಲ್ಲಿ ಭಾರತದ ಜೊತೆಗೆ ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನವಿದೆ, ಆದರೆ 2 ಅರ್ಹತಾ ತಂಡಗಳು ಸಹ ಭಾಗವಹಿಸುತ್ತವೆ. ಭಾರತ ಮತ್ತು ನ್ಯೂಜಿಲ್ಯಾಂಡ್ ಅಕ್ಟೋಬರ್ 31 ರಂದು ದುಬೈನಲ್ಲಿ ಮುಖಾಮುಖಿಯಾಗಲಿವೆ. ಜೇಮಿಸನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಸದಸ್ಯರಾಗಿದ್ದಾರೆ. ನಿಸ್ಸಂಶಯವಾಗಿ, ಇಂತಹ ಪರಿಸ್ಥಿತಿಯಲ್ಲಿ, ವಿರಾಟ್ ಕೊಹ್ಲಿ ಜಾಗರೂಕರಾಗಿರಬೇಕು. ಏಕೆಂದರೆ ಜೇಮೀಸನ್ ತನ್ನ ವಿರುದ್ಧ ತಯಾರಿ ಮಾಡುವ ಮೂಲಕ ವಿಶ್ವಕಪ್‌ಗೆ ತನ್ನನ್ನು ಬಲಪಡಿಸಿಕೊಳ್ಳಬಹುದು.

ಈ ವರ್ಷ ಹರಾಜಿನಲ್ಲಿ ಖರೀದಿಸಲಾಗಿದೆ ಆರ್‌ಸಿಬಿ ಈ ವರ್ಷದ ಹರಾಜಿನಲ್ಲಿ 15 ಕೋಟಿ ರೂ.ಗಳ ಭಾರೀ ಬೆಲೆಯನ್ನು ನೀಡಿ ಜಾಮೀಸನ್ ಅನ್ನು ಖರೀದಿಸಿತು. ತನ್ನ ಚೊಚ್ಚಲ ಋತುವಿನಲ್ಲಿಯೇ, ಪಂದ್ಯಾವಳಿಯು ಸ್ಥಗಿತಗೊಳ್ಳುವವರೆಗೂ ಎಲ್ಲಾ ಏಳು ಪಂದ್ಯಗಳನ್ನು ಆಡಿ 9 ವಿಕೆಟ್ ಗಳನ್ನು ಪಡೆದರು. ಇದು ಆರ್ಸಿಬಿಗೆ ಉತ್ತಮ ಆರಂಭವನ್ನು ಪಡೆಯಲು ಸಹಾಯ ಮಾಡಿತು. ಜೇಮಿಸನ್ ಈಗ ಮತ್ತೊಮ್ಮೆ ಆರ್‌ಸಿಬಿಯೊಂದಿಗೆ ಕಣಕ್ಕಿಳಿಯಲಿದ್ದಾರೆ. ಮೊದಲ ಬಾರಿಗೆ ಐಪಿಎಲ್ ಚಾಂಪಿಯನ್ ಆಗಲು ತಂಡಕ್ಕೆ ಸಹಾಯ ಮಾಡಲಿದ್ದಾರೆ.