ದ್ರಾವಿಡ್​ಗೂ ಆ ಕೊರತೆ ನೀಗಿಸಲು ಸಾಧ್ಯವಾಗಲಿಲ್ಲ! ನಿರಾಸೆಯೊಂದಿಗೆ ಜವಾಬ್ದಾರಿ ಮುಗಿಸಿದ್ರಾ ‘ದಿ ವಾಲ್’?

Rahul Dravid: ದ್ರಾವಿಡ್ ಅವರ ಅಧಿಕಾರಾವಧಿಯಲ್ಲಿ, ಭಾರತವು ಒಂದು ವಿಶ್ವ ಟೆಸ್ಟ್ ಚಾಂಪಿಯನ್ಸ್ ಫೈನಲ್, ಒಂದು ಟಿ20 ವಿಶ್ವಕಪ್ ಮತ್ತು ಒಂದು ಏಕದಿನ ವಿಶ್ವಕಪ್ ಅನ್ನು ಆಡಿತು. ಆದರೆ ಅವರಿಂದಲೂ ಭಾರತದ ಐಸಿಸಿ ಟ್ರೋಫಿಯ ಬರವನ್ನು ಕೊನೆಗೊಳಿಸಲು ಸಾಧ್ಯವಾಗಲಿಲ್ಲ.

ದ್ರಾವಿಡ್​ಗೂ ಆ ಕೊರತೆ ನೀಗಿಸಲು ಸಾಧ್ಯವಾಗಲಿಲ್ಲ! ನಿರಾಸೆಯೊಂದಿಗೆ ಜವಾಬ್ದಾರಿ ಮುಗಿಸಿದ್ರಾ ‘ದಿ ವಾಲ್’?
ರಾಹುಲ್ ದ್ರಾವಿಡ್
Follow us
|

Updated on:Nov 20, 2023 | 11:27 AM

2023 ರ ವಿಶ್ವಕಪ್‌ನಲ್ಲಿ (ICC World Cup 2023) ಟೀಂ ಇಂಡಿಯಾದ ಅಭಿಯಾನ ದುಃಖದ ಅಂತ್ಯದೊಂದಿಗೆ, ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ (Rahul Dravid) ಅವರ ಅಧಿಕಾರಾವಧಿಯೂ ಕೊನೆಗೊಂಡಿದೆ. ರವಿಶಾಸ್ತ್ರಿ ನಂತರ ರೋಹಿತ್ ಶರ್ಮಾ (Rohit Sharma) ಜೊತೆಗೆ ಭಾರತ ತಂಡದ ಸಾರಥ್ಯ ವಹಿಸಿಕೊಂಡವರು ದ್ರಾವಿಡ್. ದ್ರಾವಿಡ್ ಅವರ ಅಧಿಕಾರಾವಧಿಯಲ್ಲಿ, ಭಾರತವು ಒಂದು ವಿಶ್ವ ಟೆಸ್ಟ್ ಚಾಂಪಿಯನ್ಸ್ ಫೈನಲ್, ಒಂದು ಟಿ20 ವಿಶ್ವಕಪ್ ಮತ್ತು ಒಂದು ಏಕದಿನ ವಿಶ್ವಕಪ್ ಅನ್ನು ಆಡಿತು. ಆದರೆ ಅವರಿಂದಲೂ ಭಾರತದ ಐಸಿಸಿ (ICC) ಟ್ರೋಫಿಯ ಬರವನ್ನು ಕೊನೆಗೊಳಿಸಲು ಸಾಧ್ಯವಾಗಲಿಲ್ಲ. ಭಾರತ ಈಗ ನವೆಂಬರ್ 23 ರಿಂದ ಆಸ್ಟ್ರೇಲಿಯಾ ವಿರುದ್ಧ 5 ಪಂದ್ಯಗಳ ಟಿ20 ಸರಣಿಯನ್ನು ಆಡಬೇಕಾಗಿದೆ ಮತ್ತು ಅದರ ನಂತರ ದಕ್ಷಿಣ ಆಫ್ರಿಕಾ ಪ್ರವಾಸವನ್ನೂ ಮಾಡಬೇಕಾಗಿದೆ. ಹೀಗಾಗಿ ತಂಡದ ಮುಖ್ಯ ಕೋಚ್ ಆಗಿ ರಾಹುಲ್ ದ್ರಾವಿಡ್ ಅವರ ಒಪ್ಪಂದವನ್ನು ನವೀಕರಿಸಲಾಗುತ್ತದೆಯೇ ಅಥವಾ ಟೀಂ ಇಂಡಿಯಾಕ್ಕೆ ಹೊಸ ಕೋಚ್ ನೇಮಕ ಮಾಡಲಾಗುತ್ತದೆಯೇ ಎಂಬುದನ್ನು ಬಿಸಿಸಿಐ ಶೀಘ್ರದಲ್ಲೇ ಪ್ರಕಟಿಸಲಿದೆ.

ನಾನು ಅದರ ಬಗ್ಗೆ ಯೋಚಿಸಿಲ್ಲ

ವಿಶ್ವಕಪ್ ಫೈನಲ್ ಬಳಿಕ ತಮ್ಮ ಕೋಚ್ ಹುದ್ದೆಯ ಬಗ್ಗೆ ಮಾತನಾಡಿದ ದ್ರಾವಿಡ್, ‘ನಾನು ಅದರ ಬಗ್ಗೆ ಯೋಚಿಸಿಲ್ಲ. ಈಗಷ್ಟೇ ಪಂದ್ಯವನ್ನು ಮುಗಿಸಿದ್ದೇನೆ. ನನಗೆ ಅದರ ಬಗ್ಗೆ ಯೋಚಿಸಲು ಸಮಯವಿಲ್ಲ ಮತ್ತು ಅದನ್ನು ಪರಿಗಣಿಸಲು ಸಹ ಸಮಯವಿಲ್ಲ. ಹೌದು, ನನಗೆ ಸಮಯ ಸಿಕ್ಕಾಗ ನಾನು ಆ ಬಗ್ಗೆ ಯೋಚನೆ ಮಾಡುತ್ತೇನೆ. ಆದರೆ ಈ ಸಮಯದಲ್ಲಿ ನನ್ನ ಸಂಪೂರ್ಣ ಗಮನ ಈ ಅಭಿಯಾನದ ಮೇಲಿತ್ತು. ನನ್ನ ಮನಸ್ಸಿನಲ್ಲಿಯೂ ಬೇರೇನೂ ಇರಲಿಲ್ಲ. ಭವಿಷ್ಯದಲ್ಲಿ ಏನಾಗುತ್ತದೆ ಎಂಬುದರ ಕುರಿತು ನಾನು ಯಾವುದೇ ಹೆಚ್ಚಿನ ಆಲೋಚನೆ ಮಾಡಿಲ್ಲ ಎಂದರು.

‘ಕೋಚ್ ಆಗಿ ಅವರನ್ನು ಹೀಗೆ ನೋಡಲಾಗುತ್ತಿಲ್ಲ’; ಸೋಲಿನ ನಂತರ ದ್ರಾವಿಡ್ ಹೇಳಿದ್ದೇನು?

ಒಂದೇ ಒಂದು ಐಸಿಸಿ ಟ್ರೋಫಿ ಗೆಲ್ಲಲಿಲ್ಲ

ವಾಸ್ತವವಾಗಿ ಟೀಂ ಇಂಡಿಯಾದ ಮುಖ್ಯ ಕೋಚ್ ಆಗುವ ಮುನ್ನ ರಾಹುಲ್ ದ್ರಾವಿಡ್ ಜೂನಿಯರ್ ಕ್ರಿಕೆಟ್‌ನಲ್ಲಿ ಕೋಚ್ ಆಗಿ ಸಾಕಷ್ಟು ಯಶಸ್ಸನ್ನು ಸಾಧಿಸಿದ್ದರು. ಆದರೆ ಟೀಂ ಇಂಡಿಯಾದ ಮುಖ್ಯ ಕೋಚ್ ಆದ ನಂತರ ಅವರು ಭಾರತಕ್ಕೆ ಒಂದೇ ಒಂದು ಐಸಿಸಿ ಟ್ರೋಫಿಯನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ. ಅವರ ಮಾರ್ಗದರ್ಶನದಲ್ಲಿ ಭಾರತವು 2016 ರ ಅಂಡರ್-19 ಕ್ರಿಕೆಟ್ ವಿಶ್ವಕಪ್‌ನಲ್ಲಿ ರನ್ನರ್ ಅಪ್ ಆಗಿತ್ತು. ಆ ಬಳಿಕ 2018 ರ ಅಂಡರ್-19 ವಿಶ್ವಕಪ್ ಗೆದ್ದಿತು. ಇದಲ್ಲದೆ, ರಿಷಭ್ ಪಂತ್, ಇಶಾನ್ ಕಿಶನ್, ಶ್ರೇಯಸ್ ಅಯ್ಯರ್ ಮತ್ತು ವಾಷಿಂಗ್ಟನ್ ಸುಂದರ್ ಸೇರಿದಂತೆ ಭಾರತದ ಉದಯೋನ್ಮುಖ ಆಟಗಾರರನ್ನು ಬೆಳಕಿಗೆ ತಂದ ಕೀರ್ತಿಯೂ ಅವರಿಗೆ ಸಲ್ಲುತ್ತದೆ. ಆದರೆ ಹಿರಿಯರ ತಂಡದಲ್ಲಿ ಮಾತ್ರ ರಾಹುಲ್​ಗೆ ಹೇಳಿಕೊಳ್ಳುವಂತಹ ಯಶಸ್ಸು ಸಿಗಲಿಲ್ಲ.

ವಿಶ್ವಕಪ್​ನಲ್ಲಿ ಭಾರತದ ಪಯಣ ಹೇಗಿತ್ತು?

ಅಕ್ಟೋಬರ್ 8 ರಂದು, ಟೀಂ ಇಂಡಿಯಾ ಆಸ್ಟ್ರೇಲಿಯಾವನ್ನು ಸೋಲಿಸುವ ಮೂಲಕ ತನ್ನ ವಿಶ್ವಕಪ್ 2023 ಅಭಿಯಾನವನ್ನು ಪ್ರಾರಂಭಿಸಿತು. ಇದಾದ ಬಳಿಕ ಅಫ್ಘಾನಿಸ್ತಾನ, ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ನ್ಯೂಜಿಲೆಂಡ್ ವಿರುದ್ಧ ಜಯ ದಾಖಲಿಸಿತು. ನಂತರ ಗುಂಪು ಹಂತದ ಎಲ್ಲಾ 9 ಪಂದ್ಯಗಳನ್ನು ಗೆಲ್ಲುವುದರೊಂದಿಗೆ ಇಂಗ್ಲೆಂಡ್ ತಂಡವನ್ನು 100 ರನ್ಗಳಿಂದ, ಶ್ರೀಲಂಕಾವನ್ನು 302 ರನ್ಗಳಿಂದ, ದಕ್ಷಿಣ ಆಫ್ರಿಕಾವನ್ನು 243 ರನ್ಗಳಿಂದ ಮತ್ತು ನೆದರ್ಲ್ಯಾಂಡ್ಸ್ ತಂಡವನ್ನು 160 ರನ್ಗಳಿಂದ ಸೋಲಿಸಿ ದಾಖಲೆ ಬರೆದಿತ್ತು. ಆದರೆ ಫೈನಲ್​ನಲ್ಲಿ ಮಾತ್ರ ರೋಹಿತ್ ಪಡೆಗೆ ನಿರೀಕ್ಷಿತ ಪ್ರದರ್ಶನ ನೀಡಲು ಸಾಧ್ಯವಾಗಲಿಲ್ಲ.

ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 11:21 am, Mon, 20 November 23

ತಾಜಾ ಸುದ್ದಿ
ಮಳೆ ಎಫೆಕ್ಟ್: ಶತಕ ಬಾರಿಸಿದ ಟೊಮೆಟೊ ದರ; ಜನ ಹೈರಾಣ
ಮಳೆ ಎಫೆಕ್ಟ್: ಶತಕ ಬಾರಿಸಿದ ಟೊಮೆಟೊ ದರ; ಜನ ಹೈರಾಣ
‘ತಪ್ಪು ಸೆಕ್ಯೂರಿಟಿ ಗಾರ್ಡ್​​ನದ್ದು, ರೈತ ಸಮುದಾಯದ ಕ್ಷಮೆ ಕೋರುತ್ತೇವೆ‘
‘ತಪ್ಪು ಸೆಕ್ಯೂರಿಟಿ ಗಾರ್ಡ್​​ನದ್ದು, ರೈತ ಸಮುದಾಯದ ಕ್ಷಮೆ ಕೋರುತ್ತೇವೆ‘
ವಿಡಿಯೋ: ಅಂಕೋಲಾ ಗುಡ್ಡ ಕುಸಿತ: ಮಾಲೀಕನಿಗಾಗಿ ಕಾದು ಸುಸ್ತಾದ ಸಾಕು ನಾಯಿ
ವಿಡಿಯೋ: ಅಂಕೋಲಾ ಗುಡ್ಡ ಕುಸಿತ: ಮಾಲೀಕನಿಗಾಗಿ ಕಾದು ಸುಸ್ತಾದ ಸಾಕು ನಾಯಿ
ಭಾರಿ ಮಳೆ: ಹೆಚ್ಚಿದ ಹೊಗೇನಕಲ್ ಜಲಪಾತದ ಸೌಂದರ್ಯ
ಭಾರಿ ಮಳೆ: ಹೆಚ್ಚಿದ ಹೊಗೇನಕಲ್ ಜಲಪಾತದ ಸೌಂದರ್ಯ
ಸೂಚನೆ ಉಲ್ಲಂಘಿಸುತ್ತಿರುವ ಎನ್​ಹೆಚ್​ಆರ್​ಐ ವಿರುದ್ಧ ಎಫ್​ಐಅರ್; ಸಚಿವ
ಸೂಚನೆ ಉಲ್ಲಂಘಿಸುತ್ತಿರುವ ಎನ್​ಹೆಚ್​ಆರ್​ಐ ವಿರುದ್ಧ ಎಫ್​ಐಅರ್; ಸಚಿವ
ಮಂಡ್ಯ ಜಿಲ್ಲೆಯ ರೈತರಲ್ಲಿ ಸಂತೋಷ, ಉತ್ಸಾಹ, ಭರ್ತಿಯಾಗುವತ್ತ ಕೆಆರ್​​ಎಸ್!
ಮಂಡ್ಯ ಜಿಲ್ಲೆಯ ರೈತರಲ್ಲಿ ಸಂತೋಷ, ಉತ್ಸಾಹ, ಭರ್ತಿಯಾಗುವತ್ತ ಕೆಆರ್​​ಎಸ್!
ನಾಯ್ಸ್​ಫಿಟ್ ಜಾವೆಲಿನ್ ಸೂಪರ್ ಸ್ಮಾರ್ಟ್​ವಾಚ್ ಲಾಂಚ್
ನಾಯ್ಸ್​ಫಿಟ್ ಜಾವೆಲಿನ್ ಸೂಪರ್ ಸ್ಮಾರ್ಟ್​ವಾಚ್ ಲಾಂಚ್
ಚಲಿಸುತ್ತಿದ್ದ ಖಾಸಗಿ ಬಸ್ಸಿನ ಹಿಂದಿನ ಚಕ್ರ ಕಳಚಿದರೂ ಪ್ರಯಾಣಿಕರೆಲ್ಲ ಸೇಫ್
ಚಲಿಸುತ್ತಿದ್ದ ಖಾಸಗಿ ಬಸ್ಸಿನ ಹಿಂದಿನ ಚಕ್ರ ಕಳಚಿದರೂ ಪ್ರಯಾಣಿಕರೆಲ್ಲ ಸೇಫ್
ಕಾರವಾರ: ಗುಡ್ಡ ಕುಸಿತದಿಂದ ಸತ್ತವರು 20 ಕ್ಕೂ ಹೆಚ್ಚು ಜನ, 5 ದೇಹಗಳು ಪತ್ತೆ
ಕಾರವಾರ: ಗುಡ್ಡ ಕುಸಿತದಿಂದ ಸತ್ತವರು 20 ಕ್ಕೂ ಹೆಚ್ಚು ಜನ, 5 ದೇಹಗಳು ಪತ್ತೆ
ಕಳಚಿ ಬಿದ್ದ ಚಲಿಸುತ್ತಿದ್ದ ಖಾಸಗಿ ಬಸ್ ಟೈರ್​; ಕೂದಲೆಳೆ ಅಂತರದಲ್ಲಿ ಬಚಾವ್
ಕಳಚಿ ಬಿದ್ದ ಚಲಿಸುತ್ತಿದ್ದ ಖಾಸಗಿ ಬಸ್ ಟೈರ್​; ಕೂದಲೆಳೆ ಅಂತರದಲ್ಲಿ ಬಚಾವ್