T20 World Cup: ನಿಮ್ಮ ನಿರೀಕ್ಷೆಗೆ ತಕ್ಕಂತೆ ನಾನು ಆಡಲಿಲ್ಲ! ಕ್ಯಾಚ್ ಕೈತಪ್ಪಿದ ಬಗ್ಗೆ ಕೊನೆಗೂ ಮೌನ ಮುರಿದ ಹಸನ್ ಅಲಿ

ಆಸ್ಟ್ರೇಲಿಯಾ ವಿರುದ್ಧ ಸೋತ ನಂತರ ಪಾಕಿಸ್ತಾನದ ಹಸನ್ ಅಲಿ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆಗೆ ಗುರಿಯಾಗಿದ್ದಾರೆ. ಕ್ಯಾಚ್ ಕೈ ತಪ್ಪಿದ್ದರಿಂದ ಪಾಕ್ ಸೋತಿದೆ ಎಂದು ಟ್ರೋಲ್ ಮಾಡಿದ್ದಾರೆ. ಇದಕ್ಕೆ ಕೊನೆಗೂ ಹಸನಾ ಅಲಿ ಪ್ರತಿಕ್ರಿಯಿಸಿದ್ದಾರೆ. ತಮಗೆ ಬೆಂಬಲ ಸಂದೇಶ ಕಳುಹಿಸಿದವರಿಗೆ ಧನ್ಯವಾದ ಅರ್ಪಿಸಿದ ಅಲಿ ಕ್ರಿಕೆಟ್ ಅಭಿಮಾನಿಗಳ ಕ್ಷಮೆಯಾಚಿಸಿದ್ದಾರೆ. ಆಸೀಸ್ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಹಸನ್ ಅಲಿ ನಾಲ್ಕು ಓವರ್​ಗಳಲ್ಲಿ ಒಂದೇ ಒಂದು ವಿಕೆಟ್ ಪಡೆಯದೆ 44 ರನ್ ಗಳಿಸಿದ್ದರು. ಇದು ಸಾಲದೆಂಬಂತೆ ನಿರ್ಣಾಯಕ ಕ್ಷಣದಲ್ಲಿ ಮ್ಯಾಥ್ಯೂ ವೇಡ್ ಕ್ಯಾಚ್ ಬಿಟ್ಟರು.

ತಮ್ಮ ತಪ್ಪಿನ ಬಗ್ಗೆ ಮಾತನಾಡಿರುವ ಅಲಿ, ನನ್ನ ಪ್ರದರ್ಶನವು ನಿಮ್ಮ ನಿರೀಕ್ಷೆಗೆ ತಕ್ಕಂತೆ ಇರದ ಕಾರಣ ನೀವೆಲ್ಲರೂ ಅಸಮಾಧಾನಗೊಂಡಿದ್ದೀರಿ ಎಂದು ನನಗೆ ತಿಳಿದಿದೆ. ಆದರೆ ನಿಮಗಿಂತ ನನ್ನ ಬಗ್ಗೆ ನನಗೆ ಹೆಚ್ಚು ನಿರಾಶೆಯಾಗಿದೆ. ನನ್ನ ಮೇಲಿನ ನಿಮ್ಮ ನಿರೀಕ್ಷೆಗಳನ್ನು ಬದಲಾಯಿಸಬೇಡಿ. ನಾನು ಪಾಕಿಸ್ತಾನ ಕ್ರಿಕೆಟ್‌ಗೆ ಸಾಧ್ಯವಾದಷ್ಟು ಉನ್ನತ ಮಟ್ಟದಲ್ಲಿ ಸೇವೆ ಸಲ್ಲಿಸಲು ಬಯಸುತ್ತೇನೆ, ಆದ್ದರಿಂದ ನಾನು ಮತ್ತೆ ಕಷ್ಟಪಟ್ಟು ಕೆಲಸ ಮಾಡಲು ಬಯಸುತ್ತೇನೆ ಎಂದಿದ್ದಾರೆ.

177 ರನ್‌ಗಳ ಗುರಿಯನ್ನು ತಲುಪಲು ಕೊನೆಯ ಎರಡು ಓವರ್‌ಗಳಲ್ಲಿ ಆಸ್ಟ್ರೇಲಿಯಾಕ್ಕೆ 22 ರನ್‌ಗಳ ಅಗತ್ಯವಿತ್ತು. ಶಾಹೀನ್ ಆಫ್ರಿದಿ ಅಂತಿಮ ಓವರ್‌ನಲ್ಲಿ ಮ್ಯಾಥ್ಯೂ ವೇಡ್ ಬೌಲಿಂಗ್‌ನಲ್ಲಿ ಚೆಂಡನ್ನು ಗಾಳಿಯಲ್ಲಿ ಆಡಿದರು. ಅದು ಹಸನ್ ಅಲಿ ಸಮೀಪ ಹಾರಿಹೋಯಿತು. ಆದರೆ ಅವರು ಕ್ಯಾಚ್ ಬಿಟ್ಟರು. ಬದುಕುಳಿದ ವೇಡ್ ಅಫ್ರಿದಿ ಮುಂದಿನ ಮೂರು ಎಸೆತಗಳನ್ನು ಸಿಕ್ಸರ್‌ಗಳಿಗೆ ಹೊಡೆದರು. ನಾವು ಅದನ್ನು ಹಿಡಿದಿದ್ದರೆ ಪಂದ್ಯವು ವಿಭಿನ್ನವಾಗಿರುತ್ತಿತ್ತು. ಆದರೆ ನಾವು ಈ ಪಂದ್ಯಾವಳಿಯನ್ನು ಆಡಿದ ರೀತಿ, ನಾವು ಗೆದ್ದ ರೀತಿ, ನಾನು ನಾಯಕನಾಗಿ ತುಂಬಾ ತೃಪ್ತಿ ಹೊಂದಿದ್ದೇನೆ” ಎಂದು ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ ಹೇಳಿದರು.