IND vs SA: 3 ದೇಶಗಳು, 8 ಏಕದಿನ ಪಂದ್ಯ, ಕೇವಲ 1 ಗೆಲುವು; ವಿದೇಶದಲ್ಲಿ ಟೀಮ್ ಇಂಡಿಯಾದ ಕಥೆಯಿದು!

ಭಾರೀ ನಿರೀಕ್ಷೆಯೊಂದಿಗೆ ಟೀಂ ಇಂಡಿಯಾ ದಕ್ಷಿಣ ಆಫ್ರಿಕಾಕ್ಕೆ ತೆರಳಿತ್ತು. ಅಲ್ಲಿ ಇತಿಹಾಸ ಸೃಷ್ಟಿಸುವ ಭರವಸೆ ಇತ್ತು. ಸೆಂಚುರಿಯನ್ ಇತಿಹಾಸ ಬದಲಾದಾಗ, ಭರವಸೆಯೂ ಬೆಳೆಯಿತು. ಆದರೆ, ನಂತರದ ಎರಡು ಟೆಸ್ಟ್‌ಗಳಲ್ಲಿ ಸೋತ ನಂತರ ಎಲ್ಲ ನಿರೀಕ್ಷೆಗಳೂ ಧೂಳಿಪಟವಾಯಿತು. ದಕ್ಷಿಣ ಆಫ್ರಿಕಾದಲ್ಲಿ ಟೆಸ್ಟ್ ಸರಣಿ ಗೆಲ್ಲುವ ಟೀಂ ಇಂಡಿಯಾದ ಕನಸು ನನಸಾಗಿಯೇ ಉಳಿದಿದೆ. ಅದೇನೇ ಇದ್ದರೂ, ಮುಂಬರುವ ಏಕದಿನ ಸರಣಿಯಲ್ಲಿ ಟೀಂ ಇಂಡಿಯಾ ಎಲ್ಲರ ಕನಸ್ಸನ್ನು ನನಸು ಮಡುತ್ತದೆ ಎಂದು ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಹಾರೈಸಿದ್ದರು. ಆದರೆ ಇಲ್ಲಿಯೂ ಪರಿಸ್ಥಿತಿ ಬದಲಾಗಲಿಲ್ಲ. ಟೆಸ್ಟ್‌ನಂತೆ ಟೀಂ ಇಂಡಿಯಾ ಏಕದಿನ ಸರಣಿಯನ್ನೂ ಕಳೆದುಕೊಂಡಿದೆ. ಮತ್ತು, ಅವರು ಬರಿಗೈಯಲ್ಲಿ ಮನೆಗೆ ಮರಳಬೇಕಾದ ಪರಿಸ್ಥಿತಿ ಬಂದಿದೆ.

ಪಾರ್ಲ್‌ನಲ್ಲಿ ನಡೆದ ಮೊದಲ ಎರಡು ಏಕದಿನ ಪಂದ್ಯಗಳನ್ನು ದಕ್ಷಿಣ ಆಫ್ರಿಕಾ ಗೆದ್ದುಕೊಂಡಿತ್ತು. ಮೊದಲ ಏಕದಿನ ಪಂದ್ಯದಲ್ಲಿ 31 ರನ್‌ಗಳ ಸೋಲು ಮತ್ತು ಎರಡನೇ ಏಕದಿನ ಪಂದ್ಯದಲ್ಲಿ 7 ವಿಕೆಟ್‌ಗಳ ಸೋಲು. ದಕ್ಷಿಣ ಆಫ್ರಿಕಾದ ಎದುರಿನ ODI ಸರಣಿಯಲ್ಲಿ ಭಾರತ ತಂಡವು ಆಟದ ಪ್ರತಿಯೊಂದು ವಿಭಾಗದಲ್ಲೂ ನೀರಸವಾಗಿ ಕಂಡಿದೆ.

3 ದೇಶಗಳು, 8 ODIಗಳು, 1 ಗೆಲುವು… ಇದು ಟೀಮ್ ಇಂಡಿಯಾದ ಕಥೆ
ದಕ್ಷಿಣ ಆಫ್ರಿಕಾದಲ್ಲಿ ಸೋತಿರುವ ODI ಸರಣಿಯು ಏಷ್ಯಾದ ಹೊರಗೆ ಭಾರತದ ಸತತ ಮೂರನೇ ODI ಸರಣಿ ಸೋಲು. ಈ ಹಿಂದೆ ನ್ಯೂಜಿಲೆಂಡ್‌ನಲ್ಲಿ ನಡೆದ ಏಕದಿನ ಸರಣಿಯನ್ನು ಭಾರತ 3-0 ಅಂತರದಲ್ಲಿ ಕಳೆದುಕೊಂಡಿತ್ತು. ನಂತರ ಆಸ್ಟ್ರೇಲಿಯಾದಲ್ಲಿ ನಡೆದ ಏಕದಿನ ಸರಣಿಯನ್ನು ಭಾರತ 2-1 ಅಂತರದಲ್ಲಿ ಕಳೆದುಕೊಂಡಿತ್ತು. ಈ ಮೂರು ಸರಣಿಗಳ ಅಂಕಿಅಂಶಗಳು 2019 ರ ವಿಶ್ವಕಪ್ ನಂತರ ಬಂದವುಗಳಾಗಿವೆ. ಅದೇನೆಂದರೆ, 2019ರ ವಿಶ್ವಕಪ್ ಬಳಿಕ ನ್ಯೂಜಿಲೆಂಡ್, ಆಸ್ಟ್ರೇಲಿಯ ಮತ್ತು ದಕ್ಷಿಣ ಆಫ್ರಿಕಾದಲ್ಲಿ ಭಾರತ ಆಡಿದ 8 ಏಕದಿನ ಪಂದ್ಯಗಳ ಪೈಕಿ ಒಂದರಲ್ಲಿ ಮಾತ್ರ ಗೆದ್ದಿದೆ. ಆದರೆ 7 ಪಂದ್ಯಗಳಲ್ಲಿ ಸೋಲನ್ನು ಎದುರಿಸಬೇಕಾಯಿತು.

ಮನೆಯ ಹೊರಗೆ ಆಡಿದ ಕೊನೆಯ 11 ಏಕದಿನ ಪಂದ್ಯಗಳ ಬಗ್ಗೆ ಮಾತನಾಡುವುದಾದರೆ, ಭಾರತ ಕೇವಲ 3 ರಲ್ಲಿ ಮಾತ್ರ ಗೆದ್ದಿದೆ. ಅಂದರೆ, 8 ಪಂದ್ಯಗಳಲ್ಲಿ ಸೋತಿದ್ದಾರೆ. 2019 ರ ವಿಶ್ವಕಪ್ ನಂತರದ ಈ ಅಂಕಿಅಂಶಗಳು ವಿದೇಶಿ ಮೈದಾನಗಳಲ್ಲಿ ಐವತ್ತು ಓವರ್‌ಗಳ ಸ್ವರೂಪದಲ್ಲಿ ಭಾರತದ ಸ್ಥಿತಿ ಎಷ್ಟು ಕೆಟ್ಟದಾಗಿದೆ ಎಂಬುದನ್ನು ತೋರಿಸುತ್ತದೆ.

ಈ ನಷ್ಟಕ್ಕೆ ಕಾರಣ ದೊಡ್ಡದು!
ವಿದೇಶಿ ಮೈದಾನಗಳಲ್ಲಿ ಟೀಂ ಇಂಡಿಯಾದ ಪ್ರದರ್ಶನವೂ ಅಷ್ಟಕಷ್ಟೇ. ಏಕೆಂದರೆ ಆಟಗಾರನ ಪ್ರದರ್ಶನ ಕಳಪೆಯಾಗಿದೆ. ಕಳೆದ 2 ವರ್ಷಗಳ ಭಾರತೀಯ ಬೌಲರ್‌ಗಳ ರಿಪೋರ್ಟ್ ಕಾರ್ಡ್ ಅನ್ನು ನೀವು ನೋಡಿದರೆ, ಅವರು ಪವರ್‌ಪ್ಲೇಯಲ್ಲಿ ಅಂದರೆ ಮೊದಲ 10 ಓವರ್‌ಗಳಲ್ಲಿ ಸಂಪೂರ್ಣವಾಗಿ ವಿಫಲರಾಗಿದ್ದಾರೆ. 2020 ರ ನಂತರ, ಪವರ್‌ಪ್ಲೇನಲ್ಲಿ ಭಾರತೀಯ ಬೌಲರ್‌ಗಳ ಸರಾಸರಿ 123 ಆಗಿದೆ ಮತ್ತು ಅವರು ಕೇವಲ 6 ವಿಕೆಟ್‌ಗಳನ್ನು ಪಡೆದಿದ್ದಾರೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿ ಸೋಲಿಗೆ ಪ್ರಮುಖ ಕಾರಣವೆಂದರೆ ಪವರ್‌ಪ್ಲೇಯಲ್ಲಿ ಭಾರತೀಯ ಬೌಲರ್‌ಗಳು ವಿಕೆಟ್‌ಗಳನ್ನು ಪಡೆಯಲು ಅಸಮರ್ಥರಾಗಿದ್ದಾರೆ. ನ್ಯೂಜಿಲೆಂಡ್ ಕ್ಲೀನ್ ಸ್ವೀಪ್​ಗೆ ಟೀಂ ಇಂಡಿಯಾದ ಈ ರೋಗವೂ ಕಾರಣವಾಯಿತು. ಆಗ ಜಸ್ಪ್ರೀತ್ ಬುಮ್ರಾ ಸಂಪೂರ್ಣವಾಗಿ ಫಾರ್ಮ್‌ನಿಂದ ಹೊರಗುಳಿದಿದ್ದರು.

ಮಧ್ಯಮ ಕ್ರಮಾಂಕದ ಕೋಪದಿಂದ ಭಾರತ ಚೇತರಿಸಿಕೊಳ್ಳುವುದು ಯಾವಾಗ?
ಮಧ್ಯಮ ಕ್ರಮಾಂಕದ ಸಮಸ್ಯೆ, ದೀರ್ಘಕಾಲದ ಕಾಯಿಲೆಯಂತೆ, ತಂಡದಲ್ಲಿ ಇನ್ನೂ ಮುಂದುವರೆದಿದೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಯಲ್ಲಿ ಭಾರತದ ಮಧ್ಯಮ ಕ್ರಮಾಂಕವು ಕೆಟ್ಟದಾಗಿ ಸೋತಿತು, ಇದು ಸರಣಿ ಸೋಲು ಮತ್ತು ಗೆಲುವಿನ ನಡುವೆ ದೊಡ್ಡ ವ್ಯತ್ಯಾಸವನ್ನು ಮಾಡಿದೆ. ಕೆಳ ಕ್ರಮಾಂಕದಲ್ಲಿ ಆಡಿದ ಶಾರ್ದೂಲ್ ಠಾಕೂರ್ ಭಾರತದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳಿಗಿಂತ ಹೆಚ್ಚು ರನ್ ಗಳಿಸಿದರು. ಆಸ್ಟ್ರೇಲಿಯಾದಲ್ಲಿ ನಡೆದ ಏಕದಿನ ಸರಣಿಯಲ್ಲೂ ಭಾರತ ಮಧ್ಯಮ ಕ್ರಮಾಂಕದ ಸಮಸ್ಯೆಯನ್ನು ಎದುರಿಸಬೇಕಾಯಿತು.

ಅಲ್ಲದೆ, ಆಸ್ಟ್ರೇಲಿಯಾದ ಕೊನೆಯ ಏಕದಿನ ಸರಣಿಯ ಗೆಲುವಿನಲ್ಲಿ ಭಾರತ ಕ್ಲೀನ್ ಸ್ವೀಪ್ ಅನ್ನು ಉಳಿಸಿಕೊಂಡಿದೆ. ಇದೀಗ ಕೇಪ್ ಟೌನ್ ನಲ್ಲಿ ಸೋಲನ್ನು ತಪ್ಪಿಸುವ ಮೂಲಕ ದಕ್ಷಿಣ ಆಫ್ರಿಕಾದಲ್ಲಿ ಕ್ಲೀನ್ ಸ್ವೀಪ್ ತಪ್ಪಿಸಿಕೊಳ್ಳಲು ಸಾಧ್ಯವಾಗುವುದೇ ಎಂಬುದನ್ನು ಕಾದು ನೋಡಬೇಕಿದೆ.