T20 World Cup: ಆಂಗ್ಲರಿಗೆ ಮಣ್ಣು ಮುಕ್ಕಿಸಿದ ಭಾರತ; ವಿಶ್ವಕಪ್ ಆಡುವ ತಂಡಗಳಿಗೆ ಎಚ್ಚರಿಕೆ ನೀಡಿದ ಪಾಕ್ ಕ್ರಿಕೆಟಿಗ
T20 World Cup: ಇಂಗ್ಲೆಂಡ್ ವಿರುದ್ಧದ T20I ಸರಣಿಯಲ್ಲಿ 2-0 ಮುನ್ನಡೆ ಸಾಧಿಸಿದ ನಂತರ, ಭಾರತ ಈಗ ಕ್ಲೀನ್ ಸ್ವೀಪ್ ಮೇಲೆ ಕಣ್ಣಿಟ್ಟಿದೆ. ಇಂಗ್ಲೆಂಡ್ ವಿರುದ್ಧದ ಸರಣಿಯಲ್ಲಿ, ಭಾರತ ತಂಡವು ಇಂಗ್ಲೆಂಡ್ ವಿರುದ್ಧದ ಯುದ್ಧವನ್ನು ಎಲ್ಲಾ ರಂಗಗಳಲ್ಲಿ ಗೆದ್ದಿದೆ.
ಇಂಗ್ಲೆಂಡಿನಲ್ಲಿ ಭಾರತೀಯರದ್ದೇ ಪ್ರಾಬಲ್ಯ. ಚೆಂಡಿನ ಬಣ್ಣ ಹಾಗೂ ಫಾರ್ಮ್ಯಾಟ್ ಬದಲಾದ ತಕ್ಷಣ ಟೀಂ ಇಂಡಿಯಾದ ಬಣ್ಣ ಕೂಡ ಆಟಗಾರರ ಮೈಮೇಲಿನ ಜೆರ್ಸಿಯಂತೆಯೇ ಬದಲಾಗಿದೆ. ಎಡ್ಜ್‌ಬಾಸ್ಟನ್‌ನಲ್ಲಿ ಇಂಗ್ಲೆಂಡ್ ಟೆಸ್ಟ್ ಸರಣಿಯನ್ನು ಸಮಬಲಕ್ಕೆ ತೃಪ್ತಿಪಟ್ಟಿದ ಭಾರತ ತಂಡ ಇದೀಗ ಟಿ20 ಸರಣಿ ಗೆಲುವಿನ ನಗೆ ಬೀರಿದೆ. ಸೌತಾಂಪ್ಟನ್‌ನಲ್ಲಿ ನಡೆದ ಮೊದಲ ಟಿ20ಯನ್ನು 50 ರನ್‌ಗಳಿಂದ ಗೆದ್ದ ಟೀಮ್ ಇಂಡಿಯಾ (Team India) ಎಡ್ಜ್‌ಬಾಸ್ಟನ್‌ನಲ್ಲಿ ನಡೆದ ಎರಡನೇ ಟಿ20 ಪಂದ್ಯವನ್ನು 49 ರನ್‌ಗಳಿಂದ ಗೆದ್ದಿದ್ದು, ಇದರೊಂದಿಗೆ 3 ಟಿ20 ಪಂದ್ಯಗಳ ಸರಣಿಯನ್ನೂ ಗೆದ್ದುಕೊಂಡಿದೆ. ಟೀಂ ಇಂಡಿಯಾದ ಈ ಇಂಗ್ಲೆಂಡ್ ಗೆಲುವಿನಿಂದ ಭಾರತ ಸಂತಸಗೊಂಡಿದೆ. ಆದರೆ ಭಾರತದ ಆಟಗಾರರ ಪ್ರದರ್ಶನದ ಬಗ್ಗೆ ನೆರೆಯ ಪಾಕಿಸ್ತಾನಕ್ಕೂ ಈಗ ಅನುಮಾನಗಳು ನಿವಾರಣೆಯಾಗುತ್ತಿದೆಯಂತೆ. ಏಕೆಂದರೆ ಅದು ಆಗದೇ ಹೋಗಿದ್ದರೆ ಶಾಹಿದ್ ಅಫ್ರಿದಿ (Shahid Afridi) ಭಾರತ ತಂಡದ ಶಕ್ತಿಗೆ ಸೆಲ್ಯೂಟ್ ಹೊಡೆಯುತ್ತಿರಲಿಲ್ಲ.
ಇಂಗ್ಲೆಂಡ್ ವಿರುದ್ಧದ T20I ಸರಣಿಯಲ್ಲಿ 2-0 ಮುನ್ನಡೆ ಸಾಧಿಸಿದ ನಂತರ, ಭಾರತ ಈಗ ಕ್ಲೀನ್ ಸ್ವೀಪ್ ಮೇಲೆ ಕಣ್ಣಿಟ್ಟಿದೆ. ಇಂಗ್ಲೆಂಡ್ ವಿರುದ್ಧದ ಸರಣಿಯಲ್ಲಿ, ಭಾರತ ತಂಡವು ಇಂಗ್ಲೆಂಡ್ ವಿರುದ್ಧದ ಯುದ್ಧವನ್ನು ಎಲ್ಲಾ ರಂಗಗಳಲ್ಲಿ ಗೆದ್ದಿದೆ. ಟೀಂ ಇಂಡಿಯಾ ಆಟಗಾರರು ಪಂದ್ಯದ ಏರಿಳಿತದ ಕ್ಷಣಗಳನ್ನು ಚೆನ್ನಾಗಿ ನಿಭಾಯಿಸಿದ್ದಾರೆ. ಮತ್ತು ಇದರ ಪರಿಣಾಮವಾಗಿ, ಪಾಕಿಸ್ತಾನದಲ್ಲಿ ಕುಳಿತಿರುವ ಶಾಹಿದ್ ಅಫ್ರಿದಿ ಕೂಡ ಈಗ ಟೀಮ್ ಇಂಡಿಯಾವನ್ನು ಟಿ 20 ವಿಶ್ವಕಪ್ ಗೆಲ್ಲುವ ದೊಡ್ಡ ಸ್ಪರ್ಧಿ ಎಂದು ಪರಿಗಣಿಸುತ್ತಿದ್ದಾರೆ.
ಟಿ20 ವಿಶ್ವಕಪ್ ಗೆಲ್ಲಲು ಟೀಂ ಇಂಡಿಯಾ ದೊಡ್ಡ ಸ್ಪರ್ಧಿ – ಶಾಹಿದ್ ಅಫ್ರಿದಿ
ಇಂಗ್ಲೆಂಡ್ ವಿರುದ್ಧದ T20 ಸರಣಿಯಲ್ಲಿ ಭಾರತದ ಯಶಸ್ಸಿನ ಬಗ್ಗೆ ಮಾತನಾಡಿದ ಶಾಹಿದ್ ಅಫ್ರಿದಿ, “ಟೀಮ್ ಇಂಡಿಯಾ ಅದ್ಭುತ ಕ್ರಿಕೆಟ್ ಆಡಿದೆ, ಅವರು ಈ ಸರಣಿಯನ್ನು ಗೆಲ್ಲಲು ಅರ್ಹರು, ಅವರ ಬೌಲಿಂಗ್ ಕೂಡ ಅದ್ಭುತವಾಗಿದೆ. ಈ ತಂಡವು ಆಸ್ಟ್ರೇಲಿಯಾದಲ್ಲಿ T20 ವಿಶ್ವಕಪ್ ಗೆಲ್ಲಲು ದೊಡ್ಡ ಸ್ಪರ್ಧಿಯಾಗಿದೆ ಎಂದು ಹಾಡಿ ಹೊಗಳಿದ್ದಾರೆ.
ತಂಡದ ಪ್ರದರ್ಶನ ನೋಡಿ ಖುಷಿಯಾದ ರೋಹಿತ್
ಇಂಗ್ಲೆಂಡ್ ವಿರುದ್ಧದ ಸರಣಿಯನ್ನು ಗೆಲ್ಲುವ ಮೂಲಕ ರೋಹಿತ್ ಶರ್ಮಾ ಅವರು ತಮ್ಮ ನಾಯಕತ್ವದಲ್ಲಿ ಭಾರತಕ್ಕೆ ಸತತ ನಾಲ್ಕನೇ ಟಿ20 ಸರಣಿಯನ್ನು ನೀಡಿದ್ದಾರೆ. ಇದು ಅವರ ಮಿಷನ್ ವರ್ಲ್ಡ್ ಕಪ್ ಭರವಸೆಯನ್ನು ಹೆಚ್ಚಿಸಿದೆ. ಎಡ್ಜ್‌ಬಾಸ್ಟನ್‌ನಲ್ಲಿ ನಡೆದ ಎರಡನೇ ಟಿ 20 ನಂತರ ಅವರು ಹೇಳಿದಂತೆ, ನಾನು ನನ್ನ ತಂಡದ ಶಕ್ತಿಯನ್ನು ಮೌಲ್ಯಮಾಪನ ಮಾಡುತ್ತಿದ್ದೇನೆ. ಸದ್ಯಕ್ಕೆ ತಂಡದ ಸರಿಯಾದ ದಿಕ್ಕಿನಲ್ಲಿ ಸಾಗುತ್ತಿದೆ ಎಂದಿದ್ದಾರೆ. ಇಂಗ್ಲೆಂಡ್ ವಿರುದ್ಧ ಆಡಿದ ಮೊದಲ ಎರಡು ಟಿ 20 ಪಂದ್ಯಗಳಲ್ಲಿ ಭಾರತ ತಂಡದ ಬ್ಯಾಟಿಂಗ್, ಬೌಲಿಂಗ್ ಅಥವಾ ಫೀಲ್ಡಿಂಗ್ ಅದ್ಭುತವಾಗಿತ್ತು. ಟೀಮ್ ಇಂಡಿಯಾ ಎಲ್ಲಾ ಮೂರು ವಿಭಾಗಗಳಲ್ಲಿ ಇಂಗ್ಲೆಂಡ್ ಮೇಲೆ ಮುರಿದುಬಿದ್ದಿತ್ತು. ಇದರ ಪರಿಣಾಮ ಸರಣಿಯಲ್ಲಿ 2-0 ಮುನ್ನಡೆ ಸಾಧಿಸಲು ಸಾಧ್ಯವಾಗಿದೆ.