Tristan Stubbs: ಇದುವೇ ಈ ವರ್ಷದ ಶ್ರೇಷ್ಠ ಕ್ಯಾಚ್?: ಒಂದೇ ಕೈಯಲ್ಲಿ ಆಫ್ರಿಕಾ ಆಟಗಾರ ಹಿಡಿದ ಕ್ಯಾಚ್ ನೋಡಿ

ಆಂಗ್ಲರ ನಾಡಿಗೆ ಪ್ರವಾಸ ಬೆಳೆಸಿರುವ ದಕ್ಷಿಣ ಆಫ್ರಿಕಾ ತಂಡ ಇಂಗ್ಲೆಂಡ್ (England vs South Africa) ವಿರುದ್ಧದ ಏಕದಿನ ಸರಣಿಯಲ್ಲಿ ಸಮಬಲ ಸಾಧಿಸಿದರೆ ಟಿ20 ಸರಣಿಯನ್ನು ವಶಪಡಿಸಿಕೊಂಡಿದೆ. ಮೊದಲ ಟಿ20 ಯಲ್ಲಿ ಇಂಗ್ಲೆಂಡ್ 41 ರನ್​ಗಳ ಜಯ ಸಾಧಿಸಿದರೆ, 2ನೇ ಕದನದಲ್ಲಿ ಆಫ್ರಿಕಾನ್ನರು 58 ರನ್​ಗಳಿಂದ ಗೆದ್ದರು. ಭಾನುವಾರ ರಾತ್ರಿ ನಡೆದ ಅಂತಿಮ ಮೂರನೇ ಟಿ20 ಪಂದ್ಯದಲ್ಲೂ (3rd T20I Match) ಆಫ್ರಿಕಾ 90 ರನ್​ಗಳ ಅಮೋಘ ಗೆಲುವು ಕಾಣುವ ಮೂಲಕ 2-1 ಅಂತರದಿಂದ ಸರಣಿಯನ್ನು ಬಾಜಿಕೊಂಡಿದೆ. ರೀಜಾ ಹೆಂಡ್ರಿಕ್ಸ್ (Reeza Hendricks) ಹಾಗೂ ಆ್ಯಡಂ ಮರ್ಕ್ರಮ್ ಅವರ ಆಕರ್ಷಕ ಅರ್ಧಶತಕದ ನೆರವಿನಿಂದ ಆಫ್ರಿಕಾ 191 ರನ್ ಬಾರಿಸಿತು. ಆದರೆ, ಇಂಗ್ಲೆಂಡ್ ಈ ಕಠಿಣ ಟಾರ್ಗೆಟ್ ಬೆನ್ನಟ್ಟಲು ಸಾಧ್ಯವಾಗದೆ ಕೇವಲ 101 ರನ್​ಗೆ ಸರ್ವಪತನ ಕಂಡಿತು. ಮೂರನೇ ಟಿ20 ಆಫ್ರಿಕಾ ಯಶಸ್ಸು ಕಾಣಲು ಫೀಲ್ಡಿಂಗ್ ಕೂಡ ಮುಖ್ಯ ಕಾರಣವಾಯಿತು. ಅದರಲ್ಲೂ ಒಂದು ಕ್ಯಾಚ್ ಮಾತ್ರ ಅದ್ಭುತವಾಗಿತ್ತು.

ಆಫ್ರಿಕಾ ನೀಡಿದ್ದ 192 ರನ್​ಗಳ ಟಾರ್ಗೆಟ್ ಬೆನ್ನಟ್ಟಲು ಬಂದ ಇಂಗ್ಲೆಂಡ್ ಆರಂಭದಿಂದಲೇ ವಿಕೆಟ್ ಕಳೆದುಕೊಂಡು ಸಾಗಿತು. ಜೇಸನ್ ರಾಯ್ (17), ನಾಯಕ ಜೋಸ್ ಬಟ್ಲರ್ (14), ಡೇವಿಡ್ ಮಲನ್ (7) ಬೇಗನೆ ವಿಕೆಟ್ ಒಪ್ಪಿಸಿದರು. ಜಾನಿ ಬೈರ್​ಸ್ಟೋ 27 ರನ್ ಸಿಡಿಸಿದರೂ ಅದು ಯಾವುದೇ ಪ್ರಯೋಜನಕ್ಕೆ ಬರಲಿಲ್ಲ. ನಂತರ ಬಂದ ಬ್ಯಾಟರ್​ಗಳ ಪೈಕಿ ಕ್ರಿಸ್ ಜಾರ್ಡನ್ 14 ರನ್ ಗಳಿಸಿದ್ದು ಬಿಟ್ಟರೆ ಉಳಿದ ಬ್ಯಾಟರ್​ಗಳ ಸ್ಕೋರ್ ಎರಡಂಕಿ ದಾಟಲಿಲ್ಲ. ಇಂಗ್ಲೆಂಡ್ 16.4 ಓವರ್​ನಲ್ಲಿ ಕೇವಲ 101 ರನ್​ಗೆ ಸರ್ವಪತನ ಕಂಡಿತು. ಆಫ್ರಿಕಾ ಪರ ತಬ್ರಿಜ್ ಶಂಸಿ 5 ವಿಕೆಟ್ ಕಿತ್ತು ಮಿಂಚಿದರು.

ಇದನ್ನೂ ಓದಿ

IND vs WI: ಇಂದು ಎರಡನೇ ಟಿ20 ಕದನ: ಭಾರತದ ಬ್ಯಾಟಿಂಗ್ ವಿಭಾಗದಲ್ಲಿ ಮಹತ್ವದ ಬದಲಾವಣೆ

CWG 2022: ಮೂರು ಚಿನ್ನ: ಆರಕ್ಕೇರಿದ ಭಾರತದ ಪದಕದ ಬೇಟೆ: ಯಾವ ಸ್ಥಾನದಲ್ಲಿದೆ?

CWG 2022 Day 4, Schedule: ಕಾಮನ್‌ವೆಲ್ತ್ ಗೇಮ್ಸ್ ನಾಲ್ಕನೇ ದಿನ ಭಾರತ ಸ್ಪರ್ಧಿಸಲ್ಲಿರುವ ಕ್ರೀಡೆಗಳ ಪಟ್ಟಿ ಹೀಗಿದೆ

CWG 2022: ಭಾರತಕ್ಕೆ ಮೂರನೇ ಚಿನ್ನ: ವೇಟ್​​ಲಿಫ್ಟಿಂಗ್​ನಲ್ಲಿ ಬಂಗಾರ ಗೆದ್ದ ಅಚಿಂತಾ ಶೆಯುಲಿ

ಮೊದಲ ಟಿ20 ಪಂದ್ಯದಲ್ಲಿ ಕೇವಲ 18 ಎಸೆತಗಳಲ್ಲಿ 52 ರನ್ ಚಚ್ಚಿ ಸ್ಫೋಟಕ ಬ್ಯಾಟಿಂಗ್ ನಡೆಸಿದ್ದ ಮೊಯಿನ್ ಅಲಿ ಕೂಡ ತಂಡಕ್ಕೆ ಆಸರೆಯಾಗಲಿಲ್ಲ. ಆದರೂ ಆಫ್ರಿಕನ್ನರಿಗೆ ಇವರ ಮೇಲೊಂದು ಕಣ್ಣಿತ್ತು. ಆದರೆ, ಮರ್ಕ್ರಮ್ ಬೌಲಿಂಗ್​ನಲ್ಲಿ ಟ್ರಿಸ್ಟನ್ ಸ್ಟಬ್ಸ್ ಹಿಡಿದ ರೋಚಕ ಕ್ಯಾಚ್​ಗೆ ಅಲಿ ಬಲಿಯಾಗಬೇಕಾಯಿತು. ಲೆಫ್ಟ್​ ಹ್ಯಾಂಡ್​ನಲ್ಲಿ ರೋಚಕ ಡೈವ್ ಬಿದ್ದು ಸ್ಟಬ್ಸ್ ಸೂಪರ್ ಮ್ಯಾನ್​ನಂತೆ ಕ್ಯಾಚ್ ಹಿಡಿದರು. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ. ಇದು ಈ ವರ್ಷದ ಶ್ರೇಷ್ಠ ಕ್ಯಾಚ್ ಎಂದು ಅನೇಕರು ಕಮೆಂಟ್ ಮಾಡುತ್ತಿದ್ದಾರೆ.

One of the best catches you’ll ever see ?

Scorecard/clips: https://t.co/kgIS4BWSbC

??????? #ENGvSA ?? pic.twitter.com/FBlAOf3HUM

— England Cricket (@englandcricket) July 31, 2022

ಇದಕ್ಕೂ ಮುನ್ನ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆಫ್ರಿಕಾ ಮೊದಲ ಓವರ್​ನಲ್ಲೇ ಶೂನ್ಯಕ್ಕೆ ಕ್ವಿಂಟನ್ ಡಿಕಾಕ್ ವಿಕೆಟ್ ಕಳೆದುಕೊಂಡಿತು. ಆದರೆ, ಎರಡನೇ ವಿಕೆಟ್​ಗೆ ರೀಜಾ ಹೆಂಡ್ರಿಕ್ಸ್ ಹಾಗೂ ರಿಲೀ ರೊಸ್ಸೊ 55 ರನ್​ಗಳ ಜೊತೆಯಾಟ ಆಡಿದರು. ರೊಸ್ಸೊ 31 ರನ್ ಗಳಿಸಿದರು. ನಂತರ ಮರ್ಕ್ರಮ್ ಜೊತೆಯಾದ ಹೆಂಡ್ರಿಕ್ಸ್ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. 87 ರನ್​ಗಳ ಕಾಣಿಕೆ ನೀಡಿದ ಈ ಜೋಡಿ ಪಂದ್ಯದ ಗತಿಯನ್ನೇ ಬದಲಾಯಿಸಿತು.

ಕೇವಲ 50 ಎಸೆತಗಳಲ್ಲಿ 9 ಫೋರ್ ಬಾರಿಸಿ 70 ರನ್ ಸಿಡಿಸಿ ಹೆಂಡ್ರಿಕ್ಸ್ ಔಟಾದರು. ಕೊನೆಯ ವರೆಗೂ ಭರ್ಜರಿ ಬ್ಯಾಟಿಂಗ್ ನಡೆಸಿದ ಮರ್ಕ್ರಮ್ 36 ಎಸೆತಗಳಲ್ಲಿ ಅಜೇಯ 51 ರನ್ ಬಾರಿಸಿದರು. ನಾಯಕ ಡೇವಿಡ್ ಮಿಲ್ಲರ್ 9 ಎಸೆತಗಳಲ್ಲಿ 22 ರನ್ ಸಿಡಿಸಿದರು. ಪರಿಣಾಮ ಆಫ್ರಿಕಾ 20 ಓವರ್​ನಲ್ಲಿ 5 ವಿಕೆಟ್ ನಷ್ಟಕ್ಕೆ 191 ರನ್ ಗಳಿಸಿತು. ಅಂತಿಮವಾಗಿ 90 ರನ್​ಗಳ ಜಯ ಸಾಧಿಸಿತು. ಆಗಸ್ಟ್​ 17 ರಿಂದ ಇಂಗ್ಲೆಂಡ್ – ಆಫ್ರಿಕಾ ನಡುವೆ ಮೊದಲ ಟೆಸ್ಟ್ ಪಂದ್ಯ ಆರಂಭವಾಗಲಿದೆ.

Published On - 10:40 am, Mon, 1 August 22