Vaibhav Suryavamshi: ಬ್ಯಾಟಿಂಗ್ ಆಯ್ತು ಈಗ ಬೌಲಿಂಗ್ನಲ್ಲೂ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ
Vaibhav Suryavanshi Bowling Record: ಇಂಗ್ಲೆಂಡ್ ಅಂಡರ್-19 ತಂಡದ ವಿರುದ್ಧದ ಯೂತ್ ಟೆಸ್ಟ್ ಪಂದ್ಯದಲ್ಲಿ, ವೈಭವ್ ಸೂರ್ಯವಂಶಿ 6 ಓವರ್ ಬೌಲಿಂಗ್ ಮಾಡಿ ಒಟ್ಟು 10 ರನ್ ಬಿಟ್ಟುಕೊಟ್ಟರು, ಅದರಲ್ಲಿ ಅವರು ಒಂದು ವಿಕೆಟ್ ಕೂಡ ಪಡೆದರು. ಈ ಮೂಲಕ, ಅವರು ಇತಿಹಾಸವನ್ನು ಸೃಷ್ಟಿಸಿದ್ದಾರೆ. ಯೂತ್ ಟೆಸ್ಟ್ ಪಂದ್ಯಗಳಲ್ಲಿ ವಿಕೆಟ್ ಪಡೆದ ಅತ್ಯಂತ ಕಿರಿಯ ಭಾರತೀಯ ಬೌಲರ್ ಆದರು.
Updated on:Jul 16, 2025 | 6:41 PM
ಬೆಂಗಳೂರು (ಜು. 14): ಇಂಗ್ಲೆಂಡ್ ಪ್ರವಾಸದಲ್ಲಿ ನಡೆದ ಯೂತ್ ಏಕದಿನ ಸರಣಿಯಲ್ಲಿ ವೈಭವ್ ಸೂರ್ಯವಂಶಿ (Vaibhav Suryavamshi) ಉತ್ತಮ ಪ್ರದರ್ಶನ ನೀಡಿದರು. ತಮ್ಮ ಅದ್ಭುತವಾದ ಬ್ಯಾಟಿಂಗ್ ಮೂಲಕ ಮತ್ತೊಮ್ಮೆ ಎಲ್ಲರ ಹುಬ್ಬೇರುವಂತೆ ಮಾಡಿದರು. ಅವರು ಈ ಏಕದಿನ ಸರಣಿಯಲ್ಲಿ ಒಂದು ಶತಕ ಸೇರಿದಂತೆ ಒಟ್ಟು 355 ರನ್ ಗಳಿಸಿದರು. ಯೂತ್ ಏಕದಿನ ಸರಣಿಯ ನಾಲ್ಕನೇ ಪಂದ್ಯದಲ್ಲಿ, ವೈಭವ್ ಕೇವಲ 52 ಎಸೆತಗಳಲ್ಲಿ ಶತಕ ಗಳಿಸಿದರು. ಈ ಮೂಲಕ ಯೂತ್ ಏಕದಿನದಲ್ಲಿ ಶತಕ ಗಳಿಸಿದ ಅತ್ಯಂತ ಕಿರಿಯ ಬ್ಯಾಟ್ಸ್ಮನ್ ಎಂಬ ಸಾಧನೆ ಮಾಡಿದರು. ಈಗ ಭಾರತೀಯ ಅಂಡರ್ -19 ತಂಡ ಮತ್ತು ಇಂಗ್ಲೆಂಡ್ ಅಂಡರ್ -19 ನಡುವೆ ಮೊದಲ ಯೂತ್ ಟೆಸ್ಟ್ ಪಂದ್ಯ ನಡೆಯುತ್ತಿದೆ, ಇದರಲ್ಲಿ ವೈಭವ್ ತಮ್ಮ ಬ್ಯಾಟಿಂಗ್ನಿಂದಲ್ಲ, ಬದಲಾಗಿ ತಮ್ಮ ಬೌಲಿಂಗ್ನಿಂದ ಅದ್ಭುತಗಳನ್ನು ಮಾಡಿದ್ದಾರೆ.
ಮೊದಲ ವಿಕೆಟ್ ಪಡೆದ ಕೂಡಲೇ ಇತಿಹಾಸ ಸೃಷ್ಟಿಸಿದರು
ಇಂಗ್ಲೆಂಡ್ ಅಂಡರ್-19 ತಂಡದ ವಿರುದ್ಧದ ಯೂತ್ ಟೆಸ್ಟ್ ಪಂದ್ಯದಲ್ಲಿ, ವೈಭವ್ ಸೂರ್ಯವಂಶಿ 6 ಓವರ್ ಬೌಲಿಂಗ್ ಮಾಡಿ ಒಟ್ಟು 10 ರನ್ ಬಿಟ್ಟುಕೊಟ್ಟರು, ಅದರಲ್ಲಿ ಅವರು ಒಂದು ವಿಕೆಟ್ ಕೂಡ ಪಡೆದರು. ಅವರು ಇಂಗ್ಲೆಂಡ್ ಅಂಡರ್-19 ತಂಡದ ನಾಯಕ ಹಮ್ಜಾ ಶೇಖ್ ಅವರ ವಿಕೆಟ್ ಕಿತ್ತರು. ಈ ವಿಕೆಟ್ ಪಡೆಯುವ ಮೂಲಕ, ಅವರು ಇತಿಹಾಸವನ್ನು ಸೃಷ್ಟಿಸಿದ್ದಾರೆ ಮತ್ತು ಯೂತ್ ಟೆಸ್ಟ್ ಪಂದ್ಯಗಳಲ್ಲಿ ವಿಕೆಟ್ ಪಡೆದ ಅತ್ಯಂತ ಕಿರಿಯ ಭಾರತೀಯ ಬೌಲರ್ ಆದರು. ಅವರು 14 ವರ್ಷ ಮತ್ತು 107 ದಿನಗಳಲ್ಲಿ ವಿಕೆಟ್ ಪಡೆದರು.
ಐಪಿಎಲ್ 2025 ರಲ್ಲಿ ಅದ್ಭುತ ಪ್ರದರ್ಶನ
ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ವೈಭವ್ ಸೂರ್ಯವಂಶಿ ಅವರನ್ನು ರಾಜಸ್ಥಾನ ರಾಯಲ್ಸ್ ತಂಡವು 1.1 ಕೋಟಿ ರೂ. ಗೆ ಖರೀದಿಸಿತು. ಇದಾದ ನಂತರ, ಅವರು ಐಪಿಎಲ್ 2025 ರಲ್ಲಿ ಅದ್ಭುತ ಪ್ರದರ್ಶನ ನೀಡಿದರು. ಕಳೆದ ಋತುವಿನ 7 ಪಂದ್ಯಗಳಲ್ಲಿ ಅವರು 252 ರನ್ ಗಳಿಸಿದರು, ಇದರಲ್ಲಿ ಒಂದು ಶತಕ ಮತ್ತು ಅರ್ಧಶತಕವೂ ಸೇರಿತ್ತು.
IND vs ENG: ರವೀಂದ್ರ ಜಡೇಜಾ ಮೇಲೆ ಒಮ್ಮೆಲೆ ಮುಗಿಬಿದ್ದ ಇಂಗ್ಲೆಂಡ್ ಆಟಗಾರರು; ವಿಡಿಯೋ ನೋಡಿ
ಭಾರತ ಅಂಡರ್-19 ತಂಡ ಭರ್ಜರಿ ಗೆಲುವು ಸಾಧಿಸಿತು
ಇಂಗ್ಲೆಂಡ್ ಅಂಡರ್-19 ತಂಡದ ವಿರುದ್ಧದ ಮೊದಲ ಯೂತ್ ಟೆಸ್ಟ್ ಪಂದ್ಯದಲ್ಲಿ, ಭಾರತ ಅಂಡರ್-19 ತಂಡ ಮೊದಲು ಬ್ಯಾಟ್ ಮಾಡಿ 540 ರನ್ ಗಳಿಸಿತು. ಆಯುಷ್ ಮಹಾತ್ರೆ ಭಾರತ ಪರ 102 ರನ್ ಗಳ ಶತಕ ಗಳಿಸಿದರು. ಅವರಲ್ಲದೆ, ಅಭಿಗ್ಯಾನ್ ಕುಂಡು 90 ರನ್ ಗಳಿಸಿದರು ಮತ್ತು ರಾಹುಲ್ ಕುಮಾರ್ 85 ರನ್ ಗಳಿಸಿದರು. ಈ ಆಟಗಾರರಿಂದಾಗಿಯೇ ಭಾರತೀಯ ಅಂಡರ್-19 ತಂಡವು ದೊಡ್ಡ ಸ್ಕೋರ್ ಗಳಿಸಲು ಸಾಧ್ಯವಾಯಿತು. ಇಂಗ್ಲೆಂಡ್ ಇಲ್ಲಿಯವರೆಗೆ 5 ವಿಕೆಟ್ ನಷ್ಟಕ್ಕೆ 251 ರನ್ ಗಳಿಸಿದೆ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 7:11 pm, Mon, 14 July 25
