IPL 2022: ಬಂದಷ್ಟೇ ವೇಗವಾಗಿ ಪೆವಿಲಿಯನ್ ಸೇರುತ್ತಿರುವ ಕೊಹ್ಲಿ- ರೋಹಿತ್! ಹೀಗಾದರೆ ವಿಶ್ವಕಪ್ ಕತೆಯೇನು ಎಂದ ಫ್ಯಾನ್ಸ್

ಐಪಿಎಲ್ 2022 (IPL 2022) ತನ್ನ ಪ್ರಯಾಣದ ಅರ್ಧದಾರಿಯನ್ನು ಕ್ರಮಿಸಿದೆ. ಆದರೆ, ಈ ಬಾರಿ ಭಾರಿ ನಿರೀಕ್ಷೆ ಇಟ್ಟುಕೊಂಡಿದ್ದ ತಂಡಗಳು ಹಾಗೂ ಆಟಗಾರರು ಅಬ್ಬರಿಸಿಲ್ಲ. ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ (Virat Kohli and Rohit Sharma) ಈ ಋತುವಿನಲ್ಲಿ ರನ್ ಮಾಡದ ಸ್ಟಾರ್ ಆಟಗಾರರಲ್ಲಿ ಪ್ರಮುಖರಾಗಿದ್ದಾರೆ. ಉಭಯ ಸ್ಟಾರ್ ಆಟಗಾರರ ಆಟ ದುರ್ಬಲವಾಗಿದ್ದು, ಅದೇ ಸಮಯದಲ್ಲಿ ಇವರಿಂದಾಗಿ ಎರಡೂ ತಂಡಗಳ ಪ್ರದರ್ಶನದ ಮೇಲೆ ಪರಿಣಾಮ ಬೀರಿದೆ . ರೋಹಿತ್ ಶರ್ಮಾ ಪಡೆ ಈ ಋತುವಿನ ಒಂದೇ ಒಂದು ಪಂದ್ಯವನ್ನು ಗೆದ್ದಿಲ್ಲ. ಅಲ್ಲದೆ ಕೊಹ್ಲಿ ಕೂಡ ಈ ಪಂದ್ಯಾವಳಿಯಲ್ಲಿ ಕಳಪೆ ಫಾರ್ಮ್​ನಲ್ಲಿದ್ದಾರೆ. ಹೀಗಾಗಿ ಈ ಇಬ್ಬರು ಆಟಗಾರರ ಪ್ರದರ್ಶನದ ಬಗ್ಗೆ ಟೀಂ ಇಂಡಿಯಾ ಆತಂಕ ವ್ಯಕ್ತಪಡಿಸುವುದು ಸಹಜ.

ಉಭಯ ಆಟಗಾರರ ಕಳಪೆ ಪ್ರದರ್ಶನ ಇದೀಗ ಭಾರತೀಯ ಕ್ರಿಕೆಟ್ ಅಭಿಮಾನಿಗಳಲ್ಲಿ ಆತಂಕ ಮೂಡಿಸಿದೆ. ಏಕೆಂದರೆ ರೋಹಿತ್ ಸದ್ಯ ಟೀಂ ಇಂಡಿಯಾ ನಾಯಕ. ಹಾಗಾಗಿ ವಿರಾಟ್ ಕೊಹ್ಲಿ ಮಾಜಿ ನಾಯಕ. ಟೀಂ ಇಂಡಿಯಾ ಕೂಡ ಉಭಯ ಆಟಗಾರರಿಂದ ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದೆ. ಟಿ20 ವಿಶ್ವಕಪ್ ಕೂಡ ವರ್ಷದ ಕೊನೆಯ ಭಾಗದಲ್ಲಿ ನಡೆಯಲಿರುವುದರಿಂದ ಇಬ್ಬರ ಪ್ರದರ್ಶನ ತಂಡಕ್ಕೆ ಸಹಜವಾಗಿಯೇ ಆತಂಕ ತಂದಿದೆ.

ಕೊಹ್ಲಿಯ ಹೀನಾಯ ಫಾರ್ಮ್
ಕೊಹ್ಲಿ ಅವರ ಕೊನೆಯ ಎರಡು ಇನ್ನಿಂಗ್ಸ್‌ಗಳು ಶೂನ್ಯದಲ್ಲಿಯೇ ಉಳಿದಿವೆ. ಶನಿವಾರ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿ ಗೋಲ್ಡನ್ ಡಕ್ ವಿಕೆಟ್ ಕಳೆದುಕೊಂಡಿದ್ದರು. ಅಂದರೆ ಮೊದಲ ಎಸೆತದಲ್ಲಿ ಶೂನ್ಯಕ್ಕೆ ಔಟ್ ಆದರು. ಈ ಹಿಂದೆಯೂ ಈ ರೀತಿ ಹೊರ ಹೋಗಿದ್ದರು. ಶೂನ್ಯಕ್ಕೆ ವಿರಾಟ್ ಕೊಹ್ಲಿ ಸತತವಾಗಿ ಔಟಾದ ಕಾರಣ ಅಭಿಮಾನಿಗಳು ಕೂಡ ನಿರಾಸೆ ಅನುಭವಿಸಿದ್ದರು. ಅಭಿಮಾನಿಗಳು ಇದನ್ನು ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಟ್ರೆಂಡ್ ಮಾಡಲು ಪ್ರಾರಂಭಿಸಿದರು.

ವಿರಾಟ್ ಕೊಹ್ಲಿ ಮೊದಲ ಪಂದ್ಯದಲ್ಲಿ ಔಟಾಗದೆ 41, ಎರಡನೇ ಪಂದ್ಯದಲ್ಲಿ 12, ಮೂರನೇ ಪಂದ್ಯದಲ್ಲಿ 5, ನಾಲ್ಕನೇ ಪಂದ್ಯದಲ್ಲಿ 48, ಐದನೇ ಪಂದ್ಯದಲ್ಲಿ 1, ಆರನೇ ಪಂದ್ಯದಲ್ಲಿ 12 ಮತ್ತು ಏಳನೇ-ಎಂಟನೇ ಪಂದ್ಯದಲ್ಲಿ ಶೂನ್ಯ ಸುತ್ತಿದ್ದರು. ಈ ಋತುವಿನಲ್ಲಿ ಕೊಹ್ಲಿ 8 ಪಂದ್ಯಗಳಲ್ಲಿ 119 ರನ್ ಗಳಿಸಿದ್ದಾರೆ. ಅವರು 17 ರ ಸರಾಸರಿಯೊಂದಿಗೆ ಈ ರನ್ ಗಳಿಸಿದ್ದಾರೆ. ಅದರ ಸರಾಸರಿ ಸ್ಟ್ರೈಕ್ ರೇಟ್ 122.68 ಆಗಿದೆ.

ಮುಂಬೈ ನಾಯಕನ ಸ್ಥಿತಿ ಕಷ್ಟಕರವಾಗಿದೆ
ಹಿಟ್‌ಮ್ಯಾನ್ ರೋಹಿತ್ ಶರ್ಮಾ ಕೂಡ ಕಳಪೆ ಫಾರ್ಮ್‌ನಲ್ಲಿದ್ದಾರೆ. ಅವರ ತಂಡ ಮುಂಬೈ ಇಂಡಿಯನ್ಸ್ ಕೂಡ ಸತತ ಏಳು ಪಂದ್ಯಗಳಲ್ಲಿ ಸೋತಿದೆ. ಇದೀಗ ರೋಹಿತ್ ಶರ್ಮಾ ಕಳಪೆ ಫಾರ್ಮ್ ಕೂಡ ಆ ಸೋಲಿಗೆ ಒಂದು ಕಾರಣ ಎನ್ನಲಾಗುತ್ತಿದೆ. ಇದರೊಂದಿಗೆ ಅಭಿಮಾನಿಗಳ ನಿರೀಕ್ಷೆಯನ್ನು ಈಡೇರಿಸುತ್ತಿಲ್ಲ ಎಂದು ಅವರೇ ಒಪ್ಪಿಕೊಳ್ಳುತ್ತಿದ್ದಾರೆ.

ಐಪಿಎಲ್ 2022 ರ ಋತುವಿನಲ್ಲಿ, ರೋಹಿತ್ ಶರ್ಮಾ ಮೊದಲ ಪಂದ್ಯದಲ್ಲಿ 41, ಎರಡನೇ ಪಂದ್ಯದಲ್ಲಿ 10, ಮೂರನೇ ಪಂದ್ಯದಲ್ಲಿ 3, ನಾಲ್ಕನೇ ಪಂದ್ಯದಲ್ಲಿ 26, ಐದನೇ ಪಂದ್ಯದಲ್ಲಿ 28, ಆರನೇ ಪಂದ್ಯದಲ್ಲಿ 6 ಮತ್ತು ಏಳನೇ ಪಂದ್ಯದಲ್ಲಿ ಶೂನ್ಯ ಸುತ್ತಿದರು. ಈ ಋತುವಿನಲ್ಲಿ 41ನೇ ಶ್ರೇಯಾಂಕದಲ್ಲಿರುವ ರೋಹಿತ್ ಶರ್ಮಾ ಐಪಿಎಲ್ 2022 ರಲ್ಲಿ ಇದುವರೆಗೆ 114 ರನ್ ಗಳಿಸಿದ್ದಾರೆ. 16.29 ಸರಾಸರಿ ಹೊಂದಿರುವ ರೋಹಿತ್ ಸರಾಸರಿ ಸ್ಟ್ರೈಕ್ ರೇಟ್ 126.66.

ಇದನ್ನೂ ಓದಿ:PBKS vs CSK IPL 2022: ಕಳೆದ ಪಂದ್ಯದ ಸೋಲಿನ ಸೇಡನ್ನು ತೀರಿಸಿಕೊಳ್ಳುತ್ತಾ ಚೆನ್ನೈ? ಉಭಯ ತಂಡಗಳ ಬಲಾಬಲ ಹೀಗಿದೆ