RCB vs CSK IPL 2021: ಅನುಮಾನ ಹುಟ್ಟುಹಾಕಿದ ವಿರಾಟ್ ಕೊಹ್ಲಿ ಹಿಡಿದ ಕ್ಯಾಚ್: ಅಂಪೈರ್ ಮಾಡಿದ್ದೇನು ನೋಡಿ
Virat Kohli Outstanding Catch vs CSK: ರುತುರಾಜ್ ಗಾಯಕ್ವಾಡ್ ಚೆಂಡನ್ನು ಸರಿಯಾಗಿ ಗ್ರಹಿಸದ ಕಾರಣ ಔಟ್ ಸೈಡ್ ಎಡ್ಜ್ ಆಗಿ ಚೆಂಡು ಗಾಳಿಯಲ್ಲಿ ಹೋಯಿತು. ಫೀಲ್ಡ್ನಲ್ಲಿದ್ದ ವಿರಾಟ್ ಕೊಹ್ಲಿ ಸೂಪರ್ ಮ್ಯಾನ್ನಂತೆ ಡೈವ್ ಬಿದ್ದು ಅದ್ಭುತ ಕ್ಯಾಚ್ ಹಿಡಿದರು.
ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ (RCB vs CSK) ನಡುವೆ ಶುಕ್ರವಾರ ನಡೆದ ಐಪಿಎಲ್ 2021ರ (IPL 2021) 35ನೇ ಪಂದ್ಯ ಸಾಕಷ್ಟು ರೋಚಕತೆಯಿಂದ ಕೂಡಿತ್ತು. ಆರ್ಸಿಬಿ ಓಪನರ್ಗಳಾದ ವಿರಾಟ್ ಕೊಹ್ಲಿ (Virat Kohli) ಹಾಗೂ ದೇವದತ್ ಪಡಿಕ್ಕಲ್ (Devdutt Padikkal) ಸ್ಫೋಟಕ ಬ್ಯಾಟಿಂಗ್ ನಡೆಸುತ್ತಿದ್ದರೆ, ತಂಡದ ಮೊತ್ತ 200ರ ಗಡಿ ದಾಟಲಿದೆ ಎಂದೇ ನಂಬಲಾಗಿತ್ತು. ಇತ್ತ ಸಿಎಸ್ಕೆ ಕೊಹ್ಲಿ-ಪಡಿಕ್ಕಲ್ ವಿಕೆಟ್ ಕೀಳಲು ನಾನಾ ಪ್ರಯೋಗ ನಡೆಸಿದರೂ ಆರಂಭದಲ್ಲಿ ಅದು ಯಶಸ್ವಿಯಾಗಲಿಲ್ಲ. ಬಳಿಕ ಎಂ. ಎಸ್ ಧೋನಿ (MS Dhoni) ತಮ್ಮ ಮಾಸ್ಟರ್ ಮೈಂಡ್ ಉಪಯೋಗಿಸಿ ರಣತಂತ್ರ ಹೆಣೆದು ಆರ್ಸಿಬಿಯನ್ನು (RCB) ಕಡಿಮೆ ಮೊತ್ತಕ್ಕೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. ಇತ್ತ ಚೆನ್ನೈ (CSK) ಕೂಡ ಬೊಂಬಾಟ್ ಆರಂಭ ಪಡೆದುಕೊಂಡಿತು. ಈ ಓಪನಿಂಗ್ ಜೋಡಿಯ ಆಟಕ್ಕೆ ಬ್ರೇಕ್ ಹಾಕಿದ್ದು ವಿರಾಟ್ ಕೊಹ್ಲಿ ಹಿಡಿದ ಆ ಒಂದು ಅದ್ಭುತ ಕ್ಯಾಚ್.
ಹೌದು, ಆರ್ಸಿಬಿ ನೀಡಿದ್ದ 157 ರನ್ಗಳ ಸವಾಲಿನ ಟಾರ್ಗೆಟ್ ಬೆನ್ನಟ್ಟಿದ ಸಿಎಸ್ಕೆ ಭರ್ಜರಿ ಆರಂಭ ಪಡೆದುಕೊಂಡಿತು. ಪವರ್ ಪ್ಲೇ ನಲ್ಲಿ ರುತುರಾಜ್ ಗಾಯಕ್ವಾಡ್ ಹಾಗೂ ಫಾಪ್ ಡುಪ್ಲೆಸಿಸ್ ಅತ್ಯುತ್ತಮ ರನ್ ಕಲೆಹಾಕಿದರು. ಒಂದು ಬ್ರೇಕ್ಗಾಗಿ ಕಾಯುತ್ತಿದ್ದ ಆರ್ಸಿಬಿಗೆ ಕೊಂಚ ನಿರಾಳವಾಗಿದ್ದು 9ನೇ ಓವರ್ನಲ್ಲಿ. ಯುಜ್ವೇಂದ್ರ ಚಹಾಲ್ ಅವರ ಎರಡನೇ ಓವರ್ನ ಎರಡನೇ ಎಸೆತದಲ್ಲಿ ಆರ್ಸಿಬಿ ಚೆನ್ನೈಯ ಮೊದಲ ವಿಕೆಟ್ ಕಿತ್ತುಕೊಂಡಿತು. ಆದರೆ, ಅದು ಸುಲಭದ್ದಾಗಿರಲಿಲ್ಲ.
What a catch @imVkohli ? pic.twitter.com/04N6VS3LbH
— Gaurav Chavan (@ChavanGaurav18) September 24, 2021
ಗಾಯಕ್ವಾಡ್ ಚೆಂಡನ್ನು ಸರಿಯಾಗಿ ಗ್ರಹಿಸದ ಕಾರಣ ಔಟ್ ಸೈಡ್ ಎಡ್ಜ್ ಆಗಿ ಚೆಂಡು ಗಾಳಿಯಲ್ಲಿ ಹೋಯಿತು. ಇದೇ ಸಂದರ್ಭ ಫೀಲ್ಡ್ನಲ್ಲಿದ್ದ ಕೊಹ್ಲಿ ಸೂಪರ್ ಮ್ಯಾನ್ನಂತೆ ಡೈವ್ ಬಿದ್ದು ಅದ್ಭುತ ಕ್ಯಾಚ್ ಹಿಡಿದರು. ಆದರೆ, ಅಂಪೈರ್ಗೆ ಈ ಕ್ಯಾಚ್ ಅನುಮಾನ ಹುಟ್ಟುಹಾಕಿತು. ಚೆಂಡು ನೆಲಕ್ಕೆ ತಾಗಿರಬಹುದು ಎಂದು ಥರ್ಡ್ ಅಂಪೈರ್ ಮೊರೆ ಹೋದರು. ಇದರಿಂದ ಕೊಹ್ಲಿ ಕೂಡ ಒಂದು ಕ್ಷಣ ನಿರಾಸೆಗೊಂಡರು. ಬಳಿಕ ಥರ್ಡ್ ಅಂಪೈರ್ ಪರೀಕ್ಷಿಸಿ ಔಟ್ ಎಂಬ ತೀರ್ಮಾನ ತಿಳಿಸಿದರು.
Virat Kohli ?#rcb #viratkholi #RCBvCSK #IPL2021 #catch pic.twitter.com/QtAQ11jrDZ
— Jay Desai (@desaijay443) September 24, 2021
26 ಎಸೆತಗಳಲ್ಲಿ 4 ಬೌಂಡರಿ, 1 ಸಿಕ್ಸರ್ ಬಾರಿಸಿದ್ದ ಗಾಯಕ್ವಾಡ್ 38 ರನ್ಗೆ ಪೆವಿಲಿಯನ್ ಹಾದಿ ಹಿಡಿದರು. ಆದರೆ, ಇವರು ಔಟ್ ಆಗಿದ್ದು ಸಿಎಸ್ಕೆ ತಂಡಕ್ಕೆ ಯಾವುದೇ ಹಿನ್ನಡೆಯಾಗಲಿಲ್ಲ. ಆರ್ಸಿಬಿ ತಂಡಕ್ಕೆ ಯಾವುದೇ ಪ್ರಯೋಜನವಾಗಿಲ್ಲ. ಫಾಪ್ ಡುಪ್ಲೆಸಿಸ್ 31 ಹಾಗೂ ಅಂಬಟಿ ರಾಯುಡು 32 ರನ್ ಗಳಿಸಿ ತಂಡಕ್ಕೆ 18.1 ಓವರ್ನಲ್ಲೇ ಗೆಲುವು ತಂದುಕೊಟ್ಟರು.
ಈ ಮೂಲಕ ಚೆನ್ನೈ ಸೂಪರ್ ಕಿಂಗ್ಸ್ ಪಾಯಿಂಟ್ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. 9 ಪಂದ್ಯಗಳನ್ನು ಆಡಿರುವ ಧೋನಿ ಪಡೆ ಏಳರಲ್ಲಿ ಗೆದ್ದರೆ, ಎರಡು ಪಂದ್ಯಗಳಲ್ಲಷ್ಟೆ ಸೋತಿದೆ. ಹೀಗಾಗಿ 14 ಅಂಕ ಸಂಪಾದಿಸಿದೆ. ಇನ್ನೊಂದು ಪಂದ್ಯ ಗೆದ್ದರೆ ಪ್ಲೇ ಆಫ್ಗೆ ಲಗ್ಗೆ ಇಡಲಿದೆ. ಇತ್ತ ಆರ್ಸಿಬಿ ಒಟ್ಟು ಒಂಬತ್ತು ಪಂದ್ಯಗಳನ್ನು ಆಡಿದ್ದು ಈ ಪೈಕಿ ಐದರಲ್ಲಿ ಗೆಲುವು ಕಂಡರೆ ನಾಲ್ಕು ಪಂದ್ಯಗಳಲ್ಲಿ ಸೋಲು ಅನುಭವಿಸಿದೆ. 10 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ. ಕೊಹ್ಲಿ ತಂಡಕ್ಕೆ ಬಾಕಿ ಇರುವುದು ಕೇವಲ ಐದು ಪಂದ್ಯಗಳು ಮಾತ್ರ. ಪ್ಲೇ ಆಫ್ಗೇರಲು ಮೂರು ಪಂದ್ಯ ಗೆಲ್ಲಬೇಕಿದೆ.
IPL 2021 Playoffs: ಆರ್ಸಿಬಿಗೆ ಬಾಕಿ ಇರುವುದು ಕೇವಲ 5 ಪಂದ್ಯ: ಪ್ಲೇ ಆಫ್ಗೇರಲು ಇನ್ನೆಷ್ಟು ಪಂದ್ಯ ಗೆಲ್ಲಬೇಕು?
Virat Kohli: ತಂಡದ ಸೋಲಿಗೆ ವಿರಾಟ್ ಕೊಹ್ಲಿ ನೇರವಾಗಿ ದೂರಿದ್ದು ಯಾರನ್ನ ಗೊತ್ತಾ?
(Virat Kohli took a stunning diving catch to dismiss Ruturaj Gaikwad in RCB vs CSK IPL 2021 Match)